ကိုယ်ဝန်ဆောင် အမျိုးသမီးတွေ ဘယ်လောက်သောက်ရင် အန္တရာယ်ကင်းနိုင်သလဲ

ကိုယ်ဝန်ဆောင်အမျိုးသမီးတွေကို အမေရိကန်ကလေးသူငယ်ကျန်းမာရေးအဖွဲ့အစည်းက
အကြံဉာဏ်အသစ် တစ်ခု ထပ်ပေးလိုက်ပါပြီ။ အဲဒါကတော့ လုံးဝအရက် မသောက်ဖို့ပါပဲ။

နည်းနည်းလေးတောင် မသောက်ဖို့နဲ့ လုံးဝမသောက်ဖို့ပဲ ဖြစ်ပါတယ်။ အမေရိကန်
ဆေးမှူးချုပ်ရဲ့ ယခင်သတိပေးချက်ကို ထပ်မံဖြည့်စွက်ထားတာမို့ လူနာတွေနဲ့
တိုက်ရိုက်ထိတွေ့ နေရတဲ့ ဆရာဝန်တွေအတွက် စံထားရမယ့် စစ်တမ်းကောင်းတစ်ခု
ဖြစ်တဲ့အပြင် မိခင်လောင်းတွေအတွက် လည်း သတိပေးချက်တစ်ခုဖြစ်ပါတယ်လို့
စစ်တမ်းကို ဦးဆောင်ရေးသားသူက ပြောပါတယ်။

"ပမာဏတစ်ခုဟာ ဒီကလေးရဲ့ ကျန်းမာခြင်းသုခ အပေါ် ရှင်ဘယ်လောက်ထိ
အပေးအယူလုပ်ချင်သလဲဆိုတာပါပဲ"လို့ အောက်တိုဘာ ၁၉ ရက်နေ့က Pediatrics
ဂျာနယ်မှာ ဖော်ပြခဲ့တဲ့ စစ်တမ်းကို ဦးဆောင်ရေးသားသူ ဂျက်နက်ဝီလျံက ပြောခဲ့ပါတယ်။

အန္တရာယ်ကင်းတဲ့ အရက်သောက်ခြင်းအတိုင်းအတာ မရှိသေးဘူးလို့လည်း သူက
အလေးအနက်ပြောပါတယ်။ ၁၉၇၀ ပြည့်နှစ် ၀န်းကျင်ကစပြီး သုသေသီတွေဟာ
ကိုယ်ဝန်ဆောင်အရက်သောက်ခြင်းနဲ့ ဦးနှောက်ဖွံ့ဖြိုးမှု၊ အမူအကျင့် မူမမှန်တဲ့ပြဿနာတွေ
အပြင် မျက်နှာအင်္ဂါ ပုံပန်းမကျခြင်းတွေကို ဆက်စပ်ခဲ့ကြပါတယ်။ ဒီလိုရောဂါ
လက္ခဏာအုပ်စုကို ကိုယ်ဝန်ဆောင်ကာလအတွင်း အရက် သောက်ခြင်းက
သန္ဓေသားအတွက် ဆိုးကျိုးများဖြစ်ပေါ်စေတဲ့ fetal alcohol spectrum disorders
(FASD) လို့ သိရှိကြပါတယ်။ သို့ပေမဲ့ ဒီသတိပေးချက်ဟာ ရောဂါနဲ့ပတ်သက်ပြီး
ဗဟုသုတမရှိခြင်းနဲ့ နိုင်ငံတကာစံနှုန်းတွေမှာ မတူညီတာ တွေက အမျိုးသမီးတွေ
အတွက် ရှုပ်ထွေးမှုတွေဖြစ်စေပါတယ်။ အံ့ဩစရာအကောင်းဆုံးက ကိုယ်ဝန်ဆောင်
အမျိုးသမီးတွေကြားမှာ အရက်သောက်ခြင်းပျံ့နှံ့မှုအမြင့် မားဆုံးဟာ ကောလိပ်တက်နေ
သူတွေနဲ့ သက်လတ်ပိုင်းတွေအကြားမှာ ကျန်ရှိနေဆဲဖြစ်ပါတယ်။ "အမျိုးသမီးတစ်ယောက်က
ကိုယ်ဝန်ရှိနေတာကို မသိ ခင်မှာ ၀ိုင်တစ်ခွက် သောက်မယ်ဆိုရင် ဒီအတွက် စိုးရိမ်
စရာအကြောင်း ဘာမှရှိပါဘူး။ ဆေးပညာအရ မှန်ကန်တဲ့ လက်တွေ့အကြံပြုချက်တွေက
စိုးရိမ်ဖို့အတွက်မဟုတ် ဘဲ အရက်သောက်ခြင်းကို ရပ်ပစ်လိုက်ဖို့အတွက် ဖြစ်ပါတယ်"လို့
မီချီဂန်မှာရှိတဲ့ Wayne State University က သားဖွားပညာနှင့်စိတ်ပညာဌာန ပါမောက
္ခ ဂျွန်ဟန်နီဂန် က ပြောပါတယ်။

Centers for Disease Control and Prevention (CDC) ရဲ့ ထုတ်ပြန်ချက်အရ
ကိုယ်ဝန်ဆောင်စဉ်အတွင်း အရက်သောက်တဲ့ အမျိုးသမီး ၁၀ ဦးမှာ တစ်ဦးက
ရက်ပေါင်း ၃၀ မှာ တစ်ခွက်သောက်တယ်လို့ ဖော်ပြထား ပြီး ကိုယ်ဝန်ဆောင်အမျိုးသမီး
၃၃ ဦးမှာ တစ်ဦးက အလွန်အကျွံသောက်ကြတယ်လို့ ဖော်ပြထားပါတယ်။ ဖြစ်နိုင်တဲ့
ရောဂါလက္ခဏာတွေကတော့ မွေးလာတဲ့ကလေးတွေဟာ မျက်နှာပုံသဏ္ဌာန် ပုံပန်း
မကျတာမျိုး ကနေ စိတ်ခံစားမှုကို ကောင်းစွာမထိန်းချုပ်နိုင်တာမျိုး၊ မှတ်ဉာဏ်အားနည်း
တာမျိုး၊ ပြဿနာများကို ကောင်းမွန် စွာ ဖြေရှင်းနိုင်စွမ်းမရှိတာမျိုးနဲ့ ကိန်းဂဏန်းတွက်ချက်မှု
တွေကို ကောင်းမွန်စွာနားမလည်နိုင်ခြင်းစတဲ့ အမူအကျင့် နဲ့ ဖွံ့ဖြိုးမှုနှေးကွေးတဲ့ပြဿနာတွေ
ရှိနေတဲ့အထိ အမျိုးမျိုး ရှိပါတယ်။ နိုင်ငံတကာမှာတော့ စံနှုန်းတွေက အမျိုးမျိုးကွဲပြား
နေပါတယ်။

ကိုယ်ဝန် ဒုတိယသုံးလပတ်အတွင်းမှာ တစ်ခွက်သောက်ရင် အဆင်ပြေနိုင်လား။
ကိုယ်ဝန်အစောပိုင်းကာလမှာပဲ တစ်ပတ်ကို တစ်ခွက်သောက်လို့ ရတာလား။
ဗြိတိန်နိုင်ငံမှာရှိတဲ့ Royal College of Obstetricians and Gynecologists က
အမျိုးသမီးတွေကို ကိုယ်ဝန်ပထမ သုံးလပတ်အတွင်းမှာ အရက်လုံးဝမသောက်ဖို့
အကြံပြုထားပြီး တစ်ပတ်ကို နှစ်ကြိမ်မှာ တစ်ကြိမ်ကို နှစ်ခွက်ကျော် လောက်
သောက်တာကတော့ လက်ခံနိုင်တဲ့ပမာဏလို့ ဆိုပါတယ်။ ဒိန်းမတ်နိုင်ငံက
ဆောင်းပါးတွေမှာတော့ ကိုယ်ဝန်အစောပိုင်းကာလမှာ အရက်ကို အသင့်အတင့်
ပမာဏသောက်တဲ့ မိခင်တွေရဲ့ အသက်ငါးနှစ်အရွယ် ကလေးငယ်တွေနဲ့
ကိုယ်ဝန်ဆောင်စဉ်မှာ အရက်မသောက် တဲ့မိခင်တွေရဲ့ အသက်ငါးနှစ်အရွယ်
ကလေးငယ်တွေ အကြား သူတို့ရဲ့ ဦးနှောက်ဖွံ့ဖြိုးမှုအပိုင်းမှာ ခြားနားချက်
တွေမရှိဘူးလို့ နှိုင်းယှဉ်ဖော်ပြထားပါတယ်။

ဩစတြေးလျ အမျိုးသားကျန်းမာရေးနှင့်ဆေးပညာသုတေသနကောင်စီကလည်း
ကိုယ်ဝန်ဆောင်နေစဉ် (သို့) ကိုယ်ဝန်ရဖို့ ကြိုးစားနေတဲ့ အမျိုးသမီးတွေကို
အရက်မသောက်ဖို့ အကြံပြုထားပါတယ်။ "မကြာသေးမီက 'အရက်ကို အနည်း
အကျဉ်းသောက် ခြင်း'ဟာ ဦးနှောက်ဖွံ့ဖြိုးမှုအတွက် ပြဿနာကြီးကြီး မားမား
မရှိနိုင်ဘူးလို့ပြောတဲ့ လေ့လာမှုတချို့ ထွက်ပေါ် လာခဲ့ပါတယ်။ ဒီလိုလေ့လာ
မှုတွေကြောင့် မူမမှန်တာမျိုး တွေကို ရှာဖွေဖော်ထုတ်နိုင်စွမ်း ကျွန်မတို့မှာ
မရှိဘူးလို့ လည်း ဆိုကောင်းဆိုနိုင်ပါတယ်။ ကျွန်မတို့မှာ အသေးစိတ်
ဖော်ထုတ်ပြသနိုင်လောက်တဲ့ နည်းလမ်းမျိုး မရှိပါဘူး။

ဒါကြောင့် ဒါဟာ အန္တရာယ်ကင်းပါတယ်၊ လုံးဝအန္တရာယ်မရှိဘူးလို့ ပြောမယ်ဆိုလည်း
ပြောလို့ရမယ်လို့ ထင်ပါတယ်"လို့ ဂျက်နက်ဝီလျံက ပြောပါတယ်။ ၀ီလျံပြောတဲ့
လေ့လာမှုတွေထဲက အထင်ရှားဆုံးတစ်ခု ကတော့ ဒိန်းမတ်သုတေသီတွေပြုလုပ်တဲ့
လေ့လာမှုတစ်ခု ဖြစ်ပြီး ဒီလေ့လာမှုကို CDC က အဓိက ငွေကြေးထောက်ပံ့
ခဲ့တာဖြစ်ပါတယ်။ ဒီလေ့လာမှုကနေ အသင့်အတင့်ပမာဏကို တစ်ပတ်ကို
တစ်ခွက်ကနေ ရှစ်ခွက်ကြား သောက်ခြင်းဟာ ဦးနှောက်နဲ့ အာရုံကြောထိခိုက်
မှုကြောင့် အမူအကျင့်နဲ့ ဦးနှောက်ဖွံ့ဖြိုးမှုတို့အပေါ် ဆိုးကျိုးဖြစ်စေခြင်း
(neuropsychological) နဲ့ ဆက်စပ်မှု မရှိဘူးဆိုတာ ကို တွေ့ရှိခဲ့ပါတယ်။

ဒီလေ့လာမှုရလဒ်တွေဟာ အမေရိကန်ဆရာဝန်တွေ ရဲ့ အရင်ကတည်းက ခိုင်မာစွာ
အကြံပေးထားချက်တွေနဲ့ ဆန့်ကျင်နေပါတယ်။ ကိုယ်ဝန်ဆောင်ချိန်မှာ အရက်
သောက်တာနဲ့ပတ်သက်ပြီး အမေရိကန်ဆေးမှူးချုပ်ရဲ့ ပထမဆုံးသတိပေးမှုကို
၁၉၈၁ ခုနှစ်မှာ ထုတ်ပြန်ခဲ့ပြီး အဲဒီ နောက် ၁၉၈၉ ခုနှစ် လွှတ်တော်အတည်ပြုချက်
တစ်ခုက အရက်ပုလင်းတွေ အားလုံးမှာ မိခင်လောင်းတွေအတွက် အန္တရာယ်ရှိနိုင်
သည်လို့ စာတန်းတပ်ရမယ်လို့ ထုတ်ပြန်ခဲ့ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - လူမှုဘ၀ရသစုံလင်