မြို့ခြောက်မြို့အတွက် ဗိုလ်ချုပ်ကြေးရုပ် ခြောက်ရုပ် ထုလုပ်ပေးနေတဲ့ အနုပညာရှင် အောင်ကျော်ထွန်း

တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တု ထုလုပ်နေတဲ့ ကိုအောင်ကျော်ထွန်းကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တု ထုလုပ်နေတဲ့ ကိုအောင်ကျော်ထွန်းကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)

လာမယ့်နှစ် ဖေဖော်ဝါရီလမှာ အသက် ၁၀၂ နှစ်ပြည့်မယ့် ဗိုလ်ချုပ်အောင်ဆန်းမွေးနေ့ကို
ဂုဏ်ပြုတဲ့အနေနဲ့ မြို့ခြောက်မြို့မှာ ဗိုလ်ချုပ်ရဲ့ကြေးရုပ်တု တစ်ခုစီကို ထားရှိမှာဖြစ်ပါတယ်။

အဲဒီအတွက် ပန်းချီ၊ ပန်းပု၊ ရုပ်ရှင်မိတ်ကပ် စတဲ့အနုပညာအစုံကို ဖန်တီးနိုင်သူ ကိုအောင်ကျော်ထွန်းက
အမြင့်ကိုးပေရှိတဲ့ ဗိုလ်ချုပ်ကြေးရုပ် ခြောက်ရုပ်ကို ဖန်တီးထုလုပ်နေပါတယ်။

ငါးရုပ်ကို နေရူးကုတ်အင်္ကျီထဲ လက်ထည့်သွင်းထားတဲ့ ပုံသဏ္ဌာန်ထုလုပ်မှာဖြစ်ပြီး
ကျန်တစ်ရုပ်ကိုတော့ ရန်ကုန်၊ ဗိုလ်ချုပ်ပန်းခြံထဲမှာရှိနေတဲ့ ကြေးရုပ်ပုံသဏ္ဌာန်အတိုင်း
လက်တစ်ဖက်ကို ရှေ့ထုတ်ထားပြီး နောက်လက်တစ်ဖက်ထဲမှာ စာရွက်လိပ် ကိုင်ထားတဲ့
ပုံသဏ္ဌာန်မျိုး ထုလုပ်မှာဖြစ်ပါတယ်။

ဒီဗိုလ်ချုပ်ကြေးရုပ်တွေကို မြ၀တီ၊ ပတန်း၊ ကျုံပျော်၊ ပန်းတနော်၊ လယ်ဝေးနဲ့ ရန်ကုန် တောင်ဥက္ကလာပ
မြို့ခြောက်မြို့တို့က အပ်ထားတာ ဖြစ်ပြီး ၂၀၁၇ ခုနှစ်၊ ဖေဖော်ဝါရီ ၁၃ ရက်နေ့မှာ ကျရောက်မယ့်
ဗိုလ်ချုပ်မွေးနေ့အမီ အပြီးထုလုပ်သွားမှာဖြစ်ပါတယ်။

လတ်တလောမှာတော့ ကိုအောင်ကျော်ထွန်းက သုံးရုပ်မြောက် ဗိုလ်ချုပ်ကြေးရုပ်ကို
ထုလုပ်ဖန်တီးနေပြီး တစ်လကို တစ်ရုပ်နှုန်းနဲ့ ထုလုပ်ဖန်တီးသွားမယ်လို့ ဆိုပါတယ်။

အရုပ်တစ်ရုပ်ကို ဖန်တီးထုလုပ်တဲ့အခါမှာ အကြမ်းထည်ကနေ အချောထည်အထိ အဆင့်ဆင့်
စိတ်ကြိုက်ဖန်တီးပြီး ရရှိလာတဲ့သဲမိုကို ကြေးသွန်းပညာရှင်ထံပို့ပြီး ကြေးသွန်းဖန်တီးစေတယ်လို့လည်း
ကိုအောင်ကျော်ထွန်းက ပြောပါတယ်။

"နိုင်ငံရေးတွေ ဘာတွေနဲ့ ပတ်သက်ပြီး နားမလည်ခင် ကလေးဘ၀ကတည်းက ဗိုလ်ချုပ်ကိုချစ်တဲ့
စိတ်နဲ့ ငါးကျပ်တန်ပိုက်ဆံက ဗိုလ်ချုပ်ရုပ်ကို မကြာခဏကူးဆွဲခဲ့ပြီး နားလည်သိတတ်လာတဲ့အချိန်မှာ
ဗိုလ်ချုပ်ကို လေးစားချစ်ခင်တဲ့စိတ်၊ ပြည်သူတွေအတွက် ဗိုလ်ချုပ်ဟာ ဘယ်လောက်အထိ
ကျေးဇူးကြီးမားပြီး အရေးကြီးတယ်ဆိုတာ သိလာတာနဲ့အမျှ ပန်းပုတွေထုတဲ့အခါမှာ ဗိုလ်ချုပ်ရုပ်တွေ
အများကြီးဖန်တီးထုလုပ်ခဲ့တယ်။ အဲဒီအတွက် ဗိုလ်ချုပ်ရဲ့မျက်လုံး၊ ဗိုလ်ချုပ်ရဲ့နှုတ်ခမ်း၊ တိကျပြတ်သားတဲ့
ဗိုလ်ချုပ်ရဲ့ ၀ိသေသလက္ခဏာတွေကို ပီပြင်အောင် ဖန်တီးနိုင်ခဲ့တယ်"လို့ ကိုအောင်ကျော်ထွန်းက
ပြောပါတယ်။

တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တုကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တုကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)

အသက် ၄၇ နှစ်အရွယ် အနုပညာရှင် အောင်ကျော်ထွန်းဟာ ပန်းချီ၊ ပန်းပုပညာရှင်တစ်ဦးဖြစ်တဲ့အပြင်
ရုပ်ရှင်မိတ်ကပ်ပညာရှင်အဖြစ်ပါ ကျော်ကြားသူတစ်ယောက် ဖြစ်ပါတယ်။

ညောင်လေးပင်မြို့ ဇာတိဖြစ်ပြီး ၁၉၉၄ ခုနှစ်မှာ အနုပညာအလုပ်တွေလုပ်ဖို့ ရန်ကုန်ကို
ရောက်လာခဲ့သူပါ။

အုပ်စုပန်းချီပြပွဲတွေကို ပြည်တွင်းမှာရော ပြည်ပမှာပါ များစွာလုပ်ခဲ့ဖူးသလို ၂၀၀၅ ခုနှစ်မှာ
ဂျပန်နိုင်ငံကပေးတဲ့ The Beppu Asia Biennale of Contemporary Art ဆုကို ရရှိခဲ့ဖူးပါတယ်။

သူ့ပန်းချီကားတွေကို ပြည်တွင်းကသာမက နိုင်ငံတကာကလည်း ၀ယ်ယူစုဆောင်းကြပါတယ်။

ပုံတူပန်းပုပေါင်းများစွာကိုလည်း ထုလုပ်ခဲ့ပြီး သူ့ပန်းပုလက်ရာတွေကို နတ်မောက်မြို့က
ဗိုလ်ချုပ်အောင်ဆန်းနေအိမ်ပြတိုက်၊ ရန်ကုန်မြို့က ဗိုလ်ချုပ်အောင်ဆန်း နေအိမ်ပြတိုက်၊ နေပြည်တော်
အမျိုးသားပြတိုက်၊ စစ်သမိုင်းပြတိုက်၊ စစ်တက္ကသိုလ်၊ စစ်သူနာပြုတက္ကသိုလ်တွေမှာ တွေ့ရှိနိုင်ပါတယ်။

သူ့ရဲ့ အထင်ရှားဆုံး ပန်းပုရုပ်တုကတော့ ဗိုလ်ချုပ်နှစ် ၁၀၀ ပြည့်အတွက် ထုလုပ်ခဲ့တဲ့
ကုလားထိုင်ပေါ်မှာ ဗိုလ်ချုပ်စာဖတ်နေပုံ ထုလုပ်ထားတဲ့ ဆီလီကွန်ရုပ်တုပါပဲ။

ကိုအောင်ကျော်ထွန်းကို ဗိုလ်ချုပ်ကြေးရုပ်တွေ အပ်ထားတဲ့ ပန်းတနော်နယ်ကိုယ်စားပြု
ပန်းချီသိန်းရွှေကြည်ကတော့ "ဗိုလ်ချုပ်ကြေးရုပ် လုပ်ချင်လို့ဆိုပြီး ပန်းတနော်ဗိုလ်ချုပ်ကြေးရုပ်
ဖြစ်မြောက်ရေးအဖွဲ့က လာပြောတယ်။ သူတို့ကလည်း သူတို့ဘာသာ ဖေ့စ်ဘွတ်ခ်မှာ
လေ့လာရှာဖွေထားတဲ့ အချက်အလက်တွေကနေ ကိုအောင်ကျော်ထွန်းကို အပ်ချင်တယ် ပြောတယ်။
နောက် ကိုအောင်ကျော်ထွန်းရဲ့ အနုပညာဖန်တီးမှု လက်ရာကလည်း ကောင်းတယ်။ သူတို့တတ်နိုင်တဲ့
ဈေးနှုန်းကိုလည်း ညှိနှိုင်းဖန်တီးပေးတာမို့ ကိုအောင်ကျော်ထွန်းနဲ့ပဲ အပ်ဖြစ်သွားတာ"လို့ ပြောပါတယ်။

ဗိုလ်ချုပ်ကြေးရုပ်ကို ပန်းတနော်မြို့ရဲ့ ကျောက်တိုင်ကွင်းမှာ ထားရှိဖို့ လောလောဆယ်
နေရာရွေးချယ်ထားတယ်လို့လည်း သူက ဆိုပါတယ်။

ကျုံပျော်မြို့အတွက် ဗိုလ်ချုပ်ကြေးရုပ်အပ်ထားတဲ့ ကိုဇီးကျော်ကလည်း "ကျွန်တော်တို့မြို့မှာ
ဗိုလ်ချုပ်ရုပ်တုထားဖို့ ဗိုလ်ချုပ်ကြေးရုပ်အပ်မယ်ဆိုတော့ ကျွန်တော်တို့ ပန်းပုပညာရှင်တွေကို
လိုက်လေ့လာပါတယ်။ ဘာလို့ လဲဆို ဒီဗိုလ်ချုပ်ကြေးရုပ်အတွက် တစ်မြို့လုံးကလူတွေရဲ့ ချွေးနှဲစာနဲ့
လှူထားတဲ့ ပိုက်ဆံတွေကို စုဆောင်းပြီး အပ်မှာဖြစ်တဲ့အတွက် အင်မတန်အရေးကြီးပါတယ်။
အဲဒီအချိန်မှာ ကိုအောင်ကျော်ထွန်းရဲ့ ဗိုလ်ချုပ်အောင်ဆန်းပန်းပုလက်ရာတွေတွေ့တယ်။
နောက် ဗိုလ်ချုပ်အောင်ဆန်းနေအိမ်ပြတိုက်အတွက် ကိုအောင်ကျော်ထွန်း ထုထားတဲ့
ဆီလီကွန်ပန်းပုလက်ရာတွေလည်း တွေ့တယ်။ ကိုအောင်ကျော် ထွန်းနဲ့လည်း ဖေ့စ်ဘွတ်ခ်မှာ
မိတ်ဆွေတွေဆိုတော့ သူ့ကို ဆက်သွယ်စုံစမ်းရင်း သူ့ဘက်ကလည်း ကျွန်တော်တို့ဘက်က
တတ်နိုင်တဲ့ ငွေကြေးအနေအထားနဲ့ အဆင်ပြေအောင် ဖန်တီးပေးပါ့မယ်ဆိုတာကြောင့် ကျွန်တော်တို့
ကျုံပျော်မြို့အတွက် ပန်းပုရုပ်ကို ကိုအောင်ကျော်ထွန်းနဲ့ပဲ အပ်ဖြစ်သွားတာပါ"လို့ ဆိုပါတယ်။

တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တုကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)တောင်ဒဂုံမြို့နယ်ရှိ အလုပ်ရုံတွင် ဗိုလ်ချုပ်ရုပ်တုကို ပြီးခဲ့တဲ့ ရက်သတ္တပတ်က တွေ့ရစဉ်။ ဉာဏ်ဇေထက်/မြန်မာတိုင်း(မ်)

ကိုအောင်ကျော်ထွန်းကတော့ ဗိုလ်ချုပ်ကြေးရုပ်တွေ ဖန်တီးထုလုပ်နေတဲ့အချိန်မှာ
ဖန်တီးသူအနုပညာရှင် တစ်ယောက်အနေနဲ့ ဂုဏ်ယူကျေနပ်နေမိတယ်လို့ ဆိုပါတယ်။

ကြေးရုပ်တွေမှာ ဗိုလ်ချုပ်ရဲ့ ၀ိသေသလက္ခဏာတွေမိအောင် ကြိုးစားထားတဲ့အပြင် ဗိုလ်ချုပ်ရဲ့ရင်ထဲမှာ
သူ့ပြည်သူတွေအတွက် ကိန်းအောင်းနေတဲ့ စိတ်ကိုပါ အတတ်နိုင်ဆုံး ပေါ်လွင်အောင် ကြိုးစားပြီး
ဖန်တီးထုလုပ်ထားတယ်လို့လည်း ဆိုပါတယ်။

"ကျွန်တော်တို့ ပန်းပုပညာမှာ အရုပ်တစ်ရုပ်ကို ထုပြီဆိုရင် ကြေးနဲ့ပဲထုထု၊ စကျင်ကျောက်နဲပဲထုထု
ပန်းပုတစ်ခုက ပျော့ပျောင်းသင့်တဲ့နေရာ ပျော့ပျောင်းပြီး မာကျောသင့်တဲ့နေရာမှာ မာကျောတဲ့
အရသာမျိုး ပေးစွမ်းနိုင်ဖို့လိုပါတယ်။ အခု ဗိုလ်ချုပ်ရုပ်မှာဆိုလည်း ဗိုလ်ချုပ်ဝတ်ထားတဲ့ ကုတ်အင်္ကျီဆို
သက္ကလတ်သားဖြစ်တဲ့အတွက် သက္ကလတ်အရသာပေါ်လွင်အောင် ထုရတယ်။ လူတစ်ယောက်ကို
ထုတယ်ဆိုလည်း အဲဒီလူရဲ့ character မိဖို့ လိုတယ်။ ဒါ ပန်းပုထုတဲ့နေရာမှာ အရေးအကြီးဆုံးပဲ"လို့
ဆိုပါတယ်။

အခု သူထုလုပ်ဖန်တီးနေတဲ့ ဗိုလ်ချုပ်ကြေးရုပ် ခြောက်ရုပ်ဟာ မြို့တစ်မြို့စီက ပြည်သူတွေ သူတို့မြို့မှာ
သူတို့လေးစားချစ်ခင်ရတဲ့ ဗိုလ်ချုပ်ကြေးရုပ်ကို ရှိစေချင်တာကြောင့် ချွေးနှဲစာတွေ စုဆောင်းပြီး သူ့ဆီကို
ယုံကြည်လို့ လာအပ်ထားတာဖြစ်တဲ့အတွက် အရုပ်တစ်ရုပ်ချင်းစီတိုင်းမှာ သူ့ရဲ့ ဖန်တီးမှုအနုပညာ
တစ်ချက်မှ လျော့မသွားစေရအောင် ဂရုတစိုက်နဲ့ သေသေချာချာစိတ်နှစ်ပြီး ဖန်တီးရတယ်လို့လည်း
ကိုအောင်ကျော်ထွန်းက ပြောပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - လူမှုဘ၀ရသစုံလင်