ရိုက်ကူးထားတဲ့ 'သွေး'ဇာတ်ကား ရုံမတင်နိုင်သရွေ့ မသေသေးဘူးလို့ဆိုတဲ့ ၈၂ နှစ်အရွယ် ဂျပန်ဒါရိုက်တာ

ပြီးခဲ့တဲ့သီတင်းပတ်က ရန်ကုန်မှာရှိနေစဉ် တွေ့ရတဲ့ Mr Koji Chino၊။ မို့မို့သော်/မြန်မာတိုင်း(မ်)ပြီးခဲ့တဲ့သီတင်းပတ်က ရန်ကုန်မှာရှိနေစဉ် တွေ့ရတဲ့ Mr Koji Chino၊။ မို့မို့သော်/မြန်မာတိုင်း(မ်)

နာမည်ကျော် မြန်မာစာရေးဆရာရဲ့ ၀တ္ထုဇာတ်လမ်းကို ပိတ်ကားပေါ်မှာ တင်ပြနိုင်ဖို့ ကြိုးစားနေတဲ့
ဂျပန်ဒါရိုက်တာတစ်ဦးရဲ့ ပြင်းပြတဲ့ဆန္ဒဟာ နှစ် ပေါင်း ၂၀ ကျော်အကြာမှာ ပြည့်ဝဖို့ရာ နီးစပ်လာ
ပါပြီ။

မစ္စတာ Koji Chino ဟာ စာရေး ဆရာမ ဂျာနယ်ကျော် မမလေးရဲ့ 'သွေး' ၀တ္ထုကို ရုပ်ရှင်အဖြစ်
ရိုက်ကူးဖို့ ၁၉၉၀ ပြည့်နှစ်မှာ စတင်ပြင်ဆင်ခဲ့ပြီး ၁၉၉၇ ခုနှစ်မှာ ဂျပန်၊ မြန်မာသရုပ်ဆောင်များနဲ့
စတင်ရိုက်ကူးခဲ့ပါတယ်။

၂၀၀၃ ခုနှစ် ကုန်ပိုင်းလောက်မှာ ပြီးစီးခဲ့ပေမယ့် ငွေ ကြေးအခက်အခဲကြောင့် ဂျပန်နိုင်ငံမှာ ရော၊
မြန်မာနိုင်ငံမှာပါ ဒီနေ့အထိ တရားဝင် ရုံတင်ပြသနိုင်ခြင်း မရှိသေးပါဘူး။

ဒါပေမဲ့ ၂၀၁၃ ခုနှစ်ဟာ မစ္စတာ ဃ့ငညသ အတွက် ကံကောင်းတဲ့နှစ် ဖြစ်ပုံ ရပါတယ်။

ဒီလိုကံကောင်းမှုတွေ ရရှိလာဖို့အတွက်ကိုလည်း စိတ်ရှည်ရှည်နဲ့ နှစ်ပေါင်းများစွာ စောင့်စားရတာ
ဖြစ်ပါတယ်။

'သွေး'ဇာတ်ကားကို ဇန်န၀ါရီလကုန် ပိုင်းက လွှတ်တော်ထဲမှာ ပြသခွင့်ရခဲ့သလို အစိုးရထံမှ
သက်ညှာခွင့်များ ရရှိခဲ့တာကြောင့် ဒီနှစ်အတွင်း ရုံတင်သွားနိုင်ဖို့ အခွင့်အလမ်းရရှိခဲ့တယ်လို့
မစ္စတာ Chino က ပြီးခဲ့တဲ့ သီတင်းပတ်က မြန်မာပြည်မှာ ရောက်ရှိနေစဉ် မြန်မာတိုင်း(မ်)ကို
ပြောပြသွားပါတယ်။

"ဒီဇာတ်ကား မပြသနိုင်တဲ့ အဓိကအကြောင်းရင်းက ငွေရေးကြေးရေး ကြောင့်ပဲ။ ရိုက်ကူးခွင့်လည်း
ရခဲ့တယ်။ ပြသခွင့်လည်းရတယ်။ ဒါပေမဲ့ အစိုးရနဲ့ ချုပ်ဆိုထားတဲ့ သဘောတူစာချုပ်မှာ ဇာတ်ကား
ပြသမယ်ဆိုရင် ငွေကြေး ဘယ်လောက်ပေးသွင်းရမယ်ဆိုတာ ပါတယ်။ အဲဒါကို မပေးသွင်းနိုင်လို့
ခုထိမပြနိုင်သေးတာပါ"လို့ အသက် ၈၂ ရှိပြီဖြစ်တဲ့ ဒါရိုက်တာက ပြောပါတယ်။

"ခုတော့ အစိုးရနဲ့ ညှိလို့အဆင်ပြေတယ်။ သူတို့ဘက်ကနေ စာချုပ်ထဲက အချက်အလက်တွေကို
လျှော့ပေါ့ပေးတယ်။ ဒါကြောင့်မို့ ဒီဘက်က ကုမ္ပဏီ တစ်ခုနဲ့ချိတ်ဆက်ပြီး ပြသွားမယ်။ ဒီနှစ်
ဩဂုတ်လလောက်မှာ ပြနိုင်ဖို့များတယ်" လို့လည်း ဆိုပါတယ်။

ဘယ်လိုအခက်အခဲမဆို စိတ်ရှည် သည်းခံမှုနဲ့အတူ ကြိုးစားအားထုတ် သွားမယ်ဆိုရင် နောက်ဆုံး
မှာ ကျော်လွှား သွားနိုင်တယ်ဆိုတာကို အဘိုးအို ဂျပန် ဒါရိုက်တာက သက်သေပြလိုက်တာပဲ 
ဖြစ်ပါတယ်။

မြန်မာနိုင်ငံမှာ ဒီလိုအခက်အခဲတွေ ကြုံတွေ့ရသလို ဂျပန်နိုင်ငံမှာလည်း တရားဝင်ဇာတ်ကားပြသ
ခွင့်ရဖို့ ကြိုးပမ်း ရာမှာ အဆင်မချောလှပါဘူး။ တရားဝင် ရုံတင်ပြသချင်တယ်ဆိုရင် ကြိုတင်ငွေ
သွင်းရတဲ့ ဂျပန်ရုပ်ရှင်ရုံတွေရဲ့ စနစ် ကြောင့် သူ့မှာ ငွေကြေးပြဿနာကြုံရ ပြန်ပါတယ်။

"ဂျပန်မှာက ရုပ်ရှင်ကားရုံတင်ချင်ရင် သူတို့ သတ်မှတ်ထားတဲ့ငွေကို အရင် သွင်းထားရတာ။

တစ်ပတ်ပြလို့ လူမ၀င် ဘူးဆိုရင် ကိုယ့်ကားကို ဖြုတ်ချလိုက် တာ။ သွင်းထားတဲ့ပိုက်ဆံကိုလည်း
ဖြတ်ယူလိုက်တာ။ ဒါကြောင့် အဲဒီမှာ လည်း ရုံမတင်နိုင်ပြန်ဘူး"လို့ မစ္စတာ ဃ့ငညသ က ပြောပါ
တယ်။

ဂျပန်နိုင်ငံရဲ့ဥပဒေအရ ရုပ်ရှင်ကား တစ်ကားဟာ ရုံတင်ပြသခြင်းမရှိသေးဘဲ ဒီဗီဒီအဖြစ်ထုတ်ဝေ
ဖြန့်ချိခွင့် မရတာ ကြောင့် ဒီဗီဒီအဖြစ်လည်း မထုတ်နိုင် ဘူးလို့ ဆိုပါတယ်။ ဒါပေမဲ့ မြန်မာစစ်ပြန်
တွေရဲ့တောင်းဆိုချက်အရ ဂျပန်နိုင်ငံတစ်ဝန်းက မြို့ ၃၀ လောက်မှာ ဂျပန်စာတန်းထိုးပြီး သွား
ရောက်ပြသနိုင်ခဲ့တယ်လို့ ဆိုပါ တယ်။

"စစ်ပြန်တွေ လာကြည့်ကြတယ်။ အတိတ်ကို ပြန်သတိရကြပြီး ငိုကြတယ်" လို့ ဂျပန်မှာ
ဇာတ်ကား ပြသစဉ် ကြုံခဲ့ ရတာတွေကို ပြောပြပါတယ်။

'သွေး' ၀တ္ထုကို အခြေခံရေးဖွဲ့ထားတဲ့ အကြောင်းကတော့ တက္ကသိုလ်ကျောင်း သူ ဂျပန်မလေးဟာ
ဒုတိယကမ္ဘာစစ် အတွင်းက မြန်မာပြည်ရောက်ခဲ့တဲ့ သူ့ အဖေ ဂျပန်စစ်သားကြီးတစ်ယောက်
မြန်မာမလေးနဲ့ မေတ္တာဖွဲ့နှောင်မိရာက သားလေးတစ်ဦးမွေးဖွားခဲ့တယ်လို့ သိရှိခဲ့ရာက သွေးသား
သံယောဇဉ်ကြောင့် အဖေတူ၊ အမေကွဲ မောင်လေး ကို ရှာရအောင်မြန်မာပြည်ထိ အရောက် လာခဲ့
တဲ့ ၅၂၈ မေတ္တာဖွဲ့ဇာတ်လမ်းပဲ ဖြစ်ပါတယ်။

ဂျပန်သရုပ်ဆောင်တွေဖြစ်တဲ့ Akari Asou (ယုမိ)၊ Toshiyuki Nagashima တို့နဲ့အတူ မြန်မာ
သရုပ်ဆောင်တွေဖြစ် တဲ့ ကျော်သူ၊ မင်းမော်ကွန်း၊ မျိုးသန္တာထွန်း၊ ခင်စိုးပိုင်တို့ အဓိကပါဝင်
သရုပ်ဆောင်ထားကြပြီးမြန်မာနိုင်ငံမှာ အဓိက ရိုက်ကွင်းတည်ပြီး ရိုက်ကူးခဲ့တာ ဖြစ်ပါတယ်။

ခုလိုမျိုး မြန်မာအစိုးရနဲ့ ညှိနှိုင်းခွင့် ရရှိဖို့ လမ်းစပေါ်လာတာကတော့ ဂျပန် နိုင်ငံ၊ ကျိုတိုမြို့မှာ
ကျင်းပတဲ့ အခမ်း အနားတစ်ခုမှာ ပြည်ထောင်စုလွှတ်တော် ဥက္ကဋ္ဌ ဦးခင်အောင်မြင့်နဲ့တွေ့ဆုံ မိပြီး
သူ့ဆီမှာ အကူအညီတောင်းခံခဲ့တာ ကြောင့်လို့ တိုကျိုမြို့မှာ ဖွင့်လှစ်ထားတဲ့ 'ဂျပန်-မြန်မာချစ်
ကြည်ရေးအသင်းရဲ့ ဥက္ကဋ္ဌ တာဝန်ယူထားတဲ့ မစ္စတာ Chino က ပြောပါတယ်။

"သူနဲ့တွေ့တော့ဒီဇာတ်ကားအကြောင်းပြောပြဖြစ်တယ်။ အဲတော့ လွှတ် တော်မှာ ပြသနိုင်ဖို့ စီစဉ်
ပေးမယ်လို့ ပြောတယ်။ ဒါပေမဲ့ ဒီလောက်ကြီးကြီး ကျယ်ကျယ်ဖြစ်လိမ့်လို့ မထင်မိဘူးပေါ့။
လွှတ်တော်မှာ ကြည့်ကြတော့အရမ်း ကြိုက်ကြတယ်။ အရမ်းကို ၀မ်းသာရပါ တယ်"လို့ ပြောပါ
တယ်။

ရိုက်ကူးပြီးစီးခဲ့တာ ၁၀ နှစ်ကျော်ကြာပြီဖြစ်ပေမယ့် ရုံတင်ပြသတဲ့အခါ ပရိသတ် ကြိုက်နှစ်သက်
မယ်ဆိုတာ ယုံကြည်မှုရှိသလို ခေတ်ကာလနဲ့လိုက်လျောညီထွေ မရှိတော့မှာမျိုးအတွက်လည်း
လုံးဝစိတ်မပူဘူးလို့ ဆိုပါတယ်။

"ဒီကားက ဖန်စီကားမဟုတ်ဘူး။ ဒီ တော့ ခေတ်ကာလ ကွာဟမှုမရှိနိုင်ဘူး" လို့ ပြောပါတယ်။

မစ္စတာ Chino ဟာ ဇန်န၀ါရီလ ၂၇ ရက်နေ့မှ ဖေဖော်ဝါရီလ ၃ ရက်နေ့ အထိ သူ့ရဲ့မြန်မာပြည်ခရီး
စဉ်အတွင်း ဇာတ်ကားထဲက မြန်မာသရုပ်ဆောင် တွေနဲ့ တွေ့ဆုံခဲ့ပါတယ်။

"ဇာတ်ကားရိုက်ကူးစဉ်က အကြံပေးကူညီခဲ့ကြတဲ့ တချို့မြန်မာအနုပညာရှင် တွေဆို ရုပ်ရှင်ရုံမတင်
ခင်မှာပဲ ဆုံးသွား ကုန်ကြပြီ"လို့ ၀မ်းနည်းဟန်နဲ့ ဆိုပါ တယ်။ ပူးပေါင်းဆောင်ရွက်လိုတဲ့ ပြည်တွင်း
ကုမ္ပဏီတွေနဲ့ ချိတ်ဆက်မယ့်အပိုင်း အတွက် ဇာတ်ကားရိုက်ကူးစဉ် တစ် လျှောက်လုံးကူညီ
ဆောက်ရွက်ပေးခဲ့ တဲ့မိတ်ဆွေကို အကူအညီတောင်းခဲ့ တယ်လို့ပြောပါတယ်။

ဒါရိုက်တာဟာ ဂျပန်ဘာသာနဲ့ ထုတ် ဝေခဲ့တဲ့ ဂျာနယ်ကျော်မမလေးရဲ့ 'သွေး' ၀တ္ထုကို လွန်ခဲ့တဲ့
၂၃ နှစ်ကျော်လောက် ကတည်းက ဖတ်ရှုခဲ့ဖူးသူဖြစ်ပြီး အရမ်း ကို နှစ်သက်ခဲ့ရတယ်လို့ ပြောပါ
တယ်။

အဲဒီအချိန်မှာပဲ ဂျပန်နိုင်ငံရှိ မြန်မာ သံရုံးပိုင်မြေကွက်ကို ဂျပန်ကုမ္ပဏီတစ်ခုက ၀ယ်ယူပြီး တိုက်ခန်း
ဆောက်ခဲ့တာ ကြောင့် အထိမ်းအမှတ်အနေနဲ့ ဂျပန်နဲ့ မြန်မာဆက်စပ်တဲ့ဇာတ်ကားတစ်ကား
ရိုက်ကူးချင်နေတယ်လို့ သတင်းကြားရ ချိန်မှာ သူ့လက်ထဲမှာ'သွေး'၀တ္ထု ရှိနေပြီး ဆက်သွယ်ဖြစ်ခဲ့
တယ်လို့ဇာတ်ကား ရိုက်ကူးဖြစ်ပုံကို ပြန်ပြောင်းပြောပြပါ တယ်။ ဇာတ်ကားပြသဖို့ အဆင်မချော
သလို ရိုက်ကူးဖို့ ပြင်ဆင်ခဲ့ချိန်တုန်းကလည်း အခက်အခဲပေါင်းများစွာကို ကြုံတွေ့ခဲ့ရ တာဖြစ်ပါ
တယ်။

"သူတို့နဲ့ ညှိနှိုင်းပြီး ငွေထုတ်ပေးမယ် ဆိုတော့ ဇာတ်ညွှန်းတွေ၊ ဘာတွေပြင် တာပေါ့။ အဲဒီအချိန်
မှာပဲအဲဒီကုမ္ပဏီက စီးပွားရေးကျတာကြောင့် ဇာတ်ကား အတွက် ငွေမထုတ်နိုင်တော့ဘူးဆိုတာ နဲ့
တန်းလန်းကြီးဖြစ်သွားရော"လို့ ဇာတ် ကားဖန်တီးစဉ် ပထမဆုံးကြုံရတဲ့ အခက် အခဲကို ပြောပြပါ
တယ်။

"ဒီလိုနဲ့ မြန်မာ-ဗုဒ္ဓဘာသာအကြောင်း စိတ်ဝင်စားပြီး ဂျပန်ဘာသာပြန်နေတဲ့ စီးပွားရေးသမား
တစ်ဦးက သူ ဆက်ပြီး ထုတ်ပေးမယ်လို့ပြောတယ်။ ဆက်လုပ် ဖြစ်တယ်ပေါ့။ ဒါပေမဲ့ စီးပွားရေး
အဆင်မပြေလို့ သူ့ကုမ္ပဏီလည်း ပိတ် လိုက်ရတော့ ဇာတ်ကားအတွက် ဆက်ပြီးမထောက်ပံ့
ပေးနိုင်တော့ပြန်ဘူး" လို့ ဒုတိယအကြိမ် ကြုံခဲ့ရတဲ့ အခက်အခဲ ကို ပြောပြပါတယ်။

ဒါပေမဲ့ ကံကောင်းထောက်မစွာနဲ့ပဲ မစ္စတာ Chino ရဲ့ဇာတ်ကားအတွက် ပြင်ဆင်နေမှုဟာ ရပ်မ
သွားခဲ့ရပါဘူး။

Mitsubishi၊ Wacom စတဲ့ ဂျပန်ကုမ္ပဏီ ကြီးတွေနဲ့ သွားရောက်ဆွေးနွေးပြီး ငွေကြေးပူးပေါင်း ပါဝင်
ဖို့ ဖိတ်ခေါ်ခဲ့ရာ အောင်မြင်မှုရရှိတာကြောင့် ၁၉၉၇ နဲ့ ၉၈ ခုနှစ်တွေမှာ မြန်မာပြည်မှာ လာရောက်
ရိုက်ကူးတဲ့အဆင့်အထိ ရှေ့ခရီး ဆက်နိုင်ခဲ့ပါတယ်။ ဒါပေမဲ့ ၂၀၀၈ ခုနှစ် မှာ ဖြစ်ပျက်ခဲ့တဲ့ စီးပွား
ပျက်ကြောင့် ကုမ္ပဏီတွေဆီကနေ ထောက်ပံ့မှုမရှိတော့တဲ့ အချိန်မှာတော့ မစ္စတာ Chino အတွက်
ရှေ့ဆက်သွားဖို့ဆိုတာ မဖြစ် နိုင်ပါဘူး။ ဒါပေမဲ့ သူလက်မလျှော့ခဲ့ပါဘူး။

ငါးနှစ်အကြာ ၂၀၀၃ ခုနှစ်မှာ ဇာတ် ကားပြန်ရိုက်နိုင်တဲ့အချိန်အထိ ပူးပေါင်း ပါဝင်သူတွေ ရရှိဖို့
ကြိုးပမ်းခဲ့ရာ ကုမ္ပဏီ ပေါင်း ၉၉ ခုနဲ့ စစ်ပြန်ပေါင်း ၁,၁၅၀ ဦးထံကနေ ထောက်ပံ့မှုတွေကို ရရှိခဲ့ပါ
တယ်။

၂၀၀၃ ခုနှစ်၊ နှစ်ကုန်ပိုင်းမှာ ဇာတ် ကားပြီးစီးခဲ့ပေမယ့် ရုံတင်ပြသနိုင်ဖို့ အတွက် လိုအပ်တဲ့ငွေကြေး
က သူ့ အတွက် အခက်အခဲတစ်ခု ဖြစ်လာပါ တယ်။

သူပိုင်ဆိုင်သမျှကိုလည်း ဇာတ် ကားအတွက် အသုံးပြုခဲ့တာကြောင့် ထပ်ထုတ်စရာ မရှိတော့တဲ့
အခြေအနေ ကြုံခဲ့ရပါတယ်။ အဲဒီအချိန်မှာ ဇာတ် ကားအတွက် ရင်းနှီးမြှုပ်နှံခဲ့ရတဲ့အချိန် တွေဟာ
၁၅ နှစ် ကြာခဲ့ပါပြီ။

တီဗီဇာတ်ကားပေါင်း ၁၀၀ ကျော်နဲ့ ရုပ်ရှင်ကား ခြောက်ကား ရိုက်ကူးခဲ့တဲ့ ဒါရိုက်တာကြီးဟာ
သူနောက်ဆုံးရိုက် ကူးခဲ့တဲ့ရုပ်ရှင်ကားကို ရုံတင်ပြီး မပြသ နိုင်သေးတဲ့အတွက် တခြားဘယ်ဇာတ်
ကားကိုမှ ထပ်မရိုက်ဘူးလို့ဆိုပါတယ်။

"ဒီတစ်ကားကိုတောင်မှ ရုံမတင်နိုင် သေးဘဲနဲ့ နောက်တစ်ကားထပ်ရိုက် တယ်ဆိုတာမျိုး
ကျွန်တော် အပြောမခံ နိုင်ဘူး"လို့သူ့ခံယူချက်ကိုပြောပါတယ်။

ဂျပန်နိုင်ငံမှာ တောင်းဆိုမှုကြောင့် အထူးပွဲတွေပြသခဲ့ရသလိုမျိုး 'သွေး' ဇာတ်ကားကို မြန်မာနိုင်ငံ
မှာလည်း ၂၀၀၆ ခုနှစ်က သမ္မတရုပ်ရှင်ရုံမှာ အထူး ပွဲအဖြစ် ပြသခဲ့ဖူးပြီး ပရိသတ်ရုံပြည့် ရုံလျှံအား
ပေးမှုကို လက်ခံရရှိတယ်လို့ မစ္စတာ ဃ့ငညသ ကပြောပါတယ်။

ဒါပေမဲ့ အနှစ်နှစ်အလလ သူ တောင့်တခဲ့ရတဲ့ဆန္ဒကတော့ ပြသချိန် ၃ နာရီနဲ့ ၂၁ မိနစ်ကြာမြင့်တဲ့
သူ့ဇာတ် ကားကို မဖြတ်မတောက်ဘဲ ရုပ်ရှင်ရုံ တွေမှာ တရားဝင် ပြသသွားနိုင်ဖို့ပဲ ဖြစ်ပါတယ်။

"ဒီဇာတ်ကား ရုံမတင်သရွေ့ ကျွန်တော် သေလို့မဖြစ်သေးဘူး" လို့ ဂျပန်လူမျိုးတွေရဲ့စိတ်ဓာတ်
ပြင်းထန်တဲ့ ဟန်ပန်အပြည့်နဲ့ ဇရာအို ဒါရိုက်တာကြီး က ပြောပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - လူမှုဘ၀ရသစုံလင်