လက်ဖက်ရည်ဆိုင်ယဉ်ကျေးမှုကို စာပေ၊ ပန်းချီနဲ့ ကာတွန်းဆရာများ အစပြု ထူထောင်ခဲ့ကြလေသလား

၃၃ လမ်းထဲက 'လေထန်ကုန်း' လက်ဖက်ရည်ဆိုင်မြင်ကွင်း။ အောင်ဌေးလှိုင်/မြန်မာတိုင်း(မ်)၃၃ လမ်းထဲက 'လေထန်ကုန်း' လက်ဖက်ရည်ဆိုင်မြင်ကွင်း။ အောင်ဌေးလှိုင်/မြန်မာတိုင်း(မ်)

နိုင်ငံတကာမှာ စာပေအနုပညာရှင်များနဲ့ ပန်ချီ၊ ကာတွန်းစတဲ့ အနုပညာရှင်များ ဆုံရပ်ဖြစ်တဲ့
ကလပ်တွေ ရှိကြသလို မြန်မာနိုင်ငံမှာလည်း အများအပြား ရှိပါတယ်။

သူတို့ဆီက ကလပ် တွေကတော့ အဖျော်ယမကာတွေ ရရှိနိုင်တဲ့ နေရာတစ်ခု ဖြစ်ပေမယ့် ဒီမှာ
ကတော့ မြို့လယ်ကောင်က လက်ဖက်ရည်ဆိုင်တွေဟာ အနုပညာရှင်တွေ စုစည်းကြရာ မြန်မာ
ကလပ်တွေပဲ ဖြစ်ပါတယ်။

အနုပညာရှင်တွေအတွက် လက်ဖက်ရည်ဆိုင်တွေဟာ စိတ်အပန်းဖြေကြရာ နေရာတစ်ခုဖြစ်သလို
အလုပ်ခန်းအဖြစ်လည်း အသုံးဝင်ပါတယ်။

ပြောဆိုဆွေးနွေးချင်တဲ့ အကြောင်းအရာ၊ ကိစ္စတွေကို ဆွေးနွေးဖလှယ်ကြရာ နေရာတွေလည်း
ဖြစ်ကြပါတယ်။

ဒီအစဉ်အလာဟာ စာပေနဲ့ ပန်းချီ ကာတွန်းအနုပညာရှင်တွေကြားမှာ လက်ဖက်ရည်ဆိုင်
ယဉ်ကျေးမှု အစပျိုးစဉ်ကာလကတည်းက စတင်ခဲ့တယ်လို့ ၀ါရင့်ကာတွန်းသရုပ်ဖော်ရေးဆွဲသူ
တစ်ဦးဖြစ်တဲ့ ဦးရွှေမင်းသားက ပြောပြပါတယ်။

"ဆုံမှတ်တွေပေါ့။ တကယ်လို့ ရှုမ၀မဂ္ဂဇင်းလို ထိုင်စရာနေရာရှိတဲ့ တိုက်ဆိုရင်တော့ အဲဒီမှာဆုံတာ
ပေါ့။ ထိုင်စရာနေရာမရှိတဲ့ အခါကျတော့ ဆုံမှတ်ချိန်းလိုက်တာပေါ့။ လက်ဖက်ရည်ဆိုင် ဖြစ်မယ်။
တစ်နေရာရာဖြစ်မယ်။ ဒါပေမဲ့ အဲဒီတစ်နေရာရာကလည်း များသောအားဖြင့် အအေးတို့၊
လက်ဖက်ရည်တို့၊ ကော်ဖီတို့ရတဲ့နေရာမျိုးပဲ။ အဲဒီလိုနေရာမျိုးမှာ ဆုံတယ်"လို့ အသက် ၅၀ ကျော်
ကာတွန်းဆရာကြီးက တစ်ချိန်က သူတို့ဆုံမှတ် ဖန်တီးဖြစ်ပုံကို ပြန်ပြောင်းပြောပြပါတယ်။

"ဦးတို့ငယ်ငယ်ကတည်းက အစဉ်အလာ ဖြစ်တာပေါ့။ ကာတွန် ၀င်းမောင် ရှိတယ်။ ကာတွန်း
မောင်မောင် ရှိတယ်။ ကာတွန်း ကိုသော်က ရှိတယ်။ ဆုံမယ်ဆိုရင် "ဘယ်မှာဆုံမလဲ။"
"ရွှေကြည်အေးမှာ ဆုံမယ်ဆိုရင်" အဲဒီမှာက ကဗျာဆရာ၊ ကာတွန်းဆရာ၊ ပန်းချီဆရာတွေ
ထိုင်ကြတယ်"လို့ အတိတ်က ပုံရိပ်တွေကို သတိရဟန်နဲ့ ကာတွန်းဆရာကြီးက ဆက်ပြောပြ
ပါတယ်။

"လမ်းဘေးဆိုင်ဆိုတော့ သွားရ လာရ လွယ်ကူတယ်။ ဆိုင်ကြီးကနားကြီးကျတော့ ၀င်ရထွက်
ရတာ ပင်ပန်းတာပေါ့။ ဒီလိုဆိုင်ကျတော့ ဖျတ်ခနဲ ထသွားလို့ရတယ်။ အဲဒီဆုံမှတ်မှာ အလုပ်လာ
အပ်တယ်။ အလုပ်လက်ခံတယ်။ သတ်မှတ်ထားတဲ့နေကိုရောက်ရင် အလုပ်ကို ပြန်ပေးတယ်။
အဲဒီမှာပဲ ငွေပေးငွေယူလည်း လုပ်တယ်။ အခန်းငှားပြီး လုပ်တာမဟုတ်ဘဲ လက်ဖက်ရည်ဆိုင်
ထိုင်ဖြစ်တယ်။ ထိုင်ရင်းနဲ့ အလုပ်လုပ်ဖြစ်ကြတာပေါ့"လို့လည်း ဆက်ပြောပြပါတယ်။

သူတို့ နုပျိုစဉ်အချိန်အခါက ထိုင်ခဲ့ကြတဲ့ 'ရွှေကြည်အေး' လက်ဖက်ရည်ဆိုင်ဟာ မြို့လယ်ကောင်
၃၃ လမ်းထိပ်မှာ ရှိခဲ့ဖူးတဲ့ ဆိုင်ဖြစ်ပြီး ပိတ်သွားခဲ့တာ တော်တော်လေးကြာသွားခဲ့ပြီလို့လည်း
ပြောပြပါတယ်။

အချိန်ကာလတွေ ပြောင်းလဲလာတာနဲ့အမျှ သူတို့တစ်ချိန်က ထိုင်ခဲ့ဖူးတဲ့ ဆိုင်တွေတော်တော်
များများဟာ မရှိကြတော့ပေမယ့် ဆုံမှတ်တွေထဲက တစ်နေရာဖြစ်တဲ့ မြို့ထဲ ၃၃ လမ်း၊ အပေါ်
ဘလောက်က 'လေထန်ကုန်း' လက်ဖက်ရည်ဆိုင်လေးကတော့ ဒီနေ့ထိ ဖွင့်နေဆဲ ဖြစ်ပြီး
သူလည်းပဲ သွားနေဆဲလို့ ဦးရွှေမင်းသားက ပြောပါတယ်။

နောင်မှာ 'လေထန်ကုန်း' လို့ အမည်တွင်လာမယ့် လက်ဖက်ရည်ဆိုင်လေးကို ၃၃ လမ်းထိပ်၊
အပေါ်ဘလောက်က တိုက်နှစ်လုံးရဲ့ နံရံနှစ်ဖက်ကြားမှာ ၁၉၈၈ ခုနှစ်မှာ စတင်ဖွင့်လှစ်ခဲ့တာပါလို့
ဆိုင်ရှင်ဖြစ်တဲ့ ကိုငယ်လေး (ကိုသန်းသိန်း) က ပြောပြပါတယ်။

သူ့ဆိုင်လေးဟာ နာမည်ကျော် စာပေပညာရှင်၊ ပန်းချီ၊ ကာတွန်းပညာရှင် တွေနဲ့ စည်ကားပြီး
သူတို့ရဲ့အနုပညာ ဖန်တီးမှုတွေထဲမှာ တစ်စိတ်တစ်ဒေသအဖြစ် ပါဝင်လာလိမ့်မယ်လို့လည်း
ဆိုင်ဖွင့်စအချိန်တုန်းက ယောင်လို့တောင် မစဉ်းစားမိခဲ့ဘူးလို့ ပြောတဲ့ သူ့ဟန်ပန်က ကိုင်းအနက်
ရောင် ပါဝါမျက်မှန်ကို ၀တ်ဆင်ထားပြီး စွပ်ကြယ်အဖြူ လက်တိုအင်္ကျီကို ဘောင်းဘီတို နဲ့ ပေါ့ပေါ့
ပါးပါး တွဲဝတ်ထားပြီး နှစ်လိုဖွယ်ရာ ကောင်းလှပါတယ်။

"မူလပထမက ၃၃ လမ်းထိပ်မှာ ၁၉၈၈ အရေးအခင်းကာလအပြီးထိ ရွှေကြည်အေး လက်ဖက်ရည်
ဆိုင်ရှိတယ်။ ကျွန်တော့ဆိုင် မဖွင့်ခင်ကတည်းက စာရေးဆရာတွေက အဲဒီမှာ ထိုင်ကြတယ်။
ပိုင်ရှင်က နိုင်ငံခြားပြန်ဖို့ ပိတ်လိုက်တဲ့အချိန်မှာ ကျွန်တော်က အဲဒီအချိန်မှာ လေထန်ကုန်း မဖြစ်
သေးပါဘူး။ ဒီအတိုင်းပဲ ဖွင့်နေတဲ့အချိန်။ အဲဒီဘက်က စာရေးဆရာတွေက "ဪ...ဒီကြားထဲမှာ
သွားထိုင်မယ်"ဆိုပြီး ရွှေ့လာတာ"လို့ ပြောပြပါတယ်။

ဒီလိုနဲ့ သူ့ဆိုင်လေးဟာ အနုပညာရှင်တွေရဲ့ ဆုံစည်းရာ နေရာတစ်ခု ဖြစ်လာပြီး တစ်ခါတလေမှာ
လူစုံကြပြီဆိုရင် အကြောင်းအရာ တစ်ခုခုကို ဆွေးနွေးကြရင်းကနေ ငြင်းခုံကြတာမျိုး တွေလည်း
ဖြစ်လေ့ရှိတယ်လို့ သူ့ဆိုင်လေးရဲ့ပုံရိပ်တစ်ခုကို ပြောပြပါတယ်။

"အငြင်းအခုံတွေလည်း ဖြစ်တယ်။ အယူအဆပေါ့။ ထပြီးလည်ပင်းညစ်တာတောင် ရှိတယ်။
တစ်ချိန်လုံးတော့ ဖြစ်တာမဟုတ်ဘူးနော်။ တစ်ခါတလေ topic တစ်ခုတည်ပြီးရင် သွားဖြစ်ကြ
တယ်။ အဲလိုမျိုးလည်း ကြုံရပါတယ်"လို့ ကိုငယ်လေးက ပြောပြပါတယ်။

သူ့ဆိုင်လေးဟာ စီးပွားရေးလုပ်ငန်းတစ်ခုအဖြစ် ဖွင့်လှစ်ထားတယ်ဆိုပေမယ့် အချိန်ကာလကြာတဲ့
အခါမှာ အနုပညာရှင်တွေနဲ့ သူ့ဆိုင်လေးဟာ အပြန်အလှန် သံယောဇဉ်ကြီးလာခဲ့တယ်လို့လည်း
အားပါးတရပြုံးရင်း ပြောလိုက်ပြန်ပါတယ်။

ဒါကြောင့် စာရေးဆရာတွေ တစ်ယောက်နဲ့ တစ်ယောက် သတင်းစကားပါးချင်တာကို မှတ်ထားပြီး
ပြန်ပြောပေးရတာမျိုး၊ ကာတွန်းဆရာတွေဆီက သတင်းစာတိုက်တွေအတွက် ပေးရမယ့် ကာတွန်း
ပုံတွေကို ယူထားပေးပြီး တစ်ဆင့်ပြန် ပေးတာမျိုး စတဲ့အလုပ်တွေကိုလည်း အခမဲ့ အကျိုးဆောင်
ပေးရပါတယ်လို့လည်း ဆိုပါတယ်။

"လေထန်ကုန်းလက်ဖက်ရည်ဆိုင်မှာ စာရေးဆရာတွေက လက်ဖက်ရည်ဆိုင်ထိုင်ရုံ သက်သက်ပဲ
မဟုတ်ဘူး။ ဘယ်လိုလဲဆိုတော့ ဥပမာ - ဘယ်မဂ္ဂဇင်းတိုက်နဲ့ ချိန်းထားလို့ "အငယ်လေးရေ ဆရာ
ကတော့ မအားဘူးကွာ။ ဒီစာမူကို ဘယ်မဂ္ဂဇင်းတိုက်က လာယူရင် မင်းပေးပေးပါ" ကျွန်တော်က
အဲလိုတွေလည်း အကျိုးဆောင်ရပါတယ်။ ကျွန်တော်ကိုယ်တိုင်က အကျိုးဆောင်ချင်တာပါ။
ကျွန်တော့် ၀ါသနာပေါ့နော်"လို့ သူ့ဆိုင်လေးမှာ ခင်းထားတဲ့ ပလတ်စတစ်ခုံပုလေးတစ်လုံးမှာ
ထိုင်ရင်း ကိုငယ်လေးက ဆက်ပြော ပြန်ပါတယ်။

သူ့ဆိုင်လေးကို 'လေထန်ကုန်း'လို့ ဘယ်သူ နာမည်ပေးလိုက်တာ သေချာမသိပေမယ့် ဒီနာမည်ကို
သူသိအောင် ပြောပြခဲ့သူကတော့ ကဗျာဆရာ မောင်ခိုင်မာပဲ ဖြစ်တယ်လို့ ဆိုပါတယ်။

"ဒီနာမည်ကို ဘယ်သူပေးလိုက်တယ်။ ဥပမာ - စာရေးဆရာ ကိုဖြူက ပေးလိုက်တယ်။ ကိုနီက
ပေးလိုက်တယ်မရှိဘူး။ ခုထိလည်း သေသေချာချာ မသိဘူး။ သို့သော် ကျွန်တော့်နားထဲ
ရောက်လာတာက ကဗျာဆရာမောင်ခိုင်မာ ခုတော့ ဆုံးသွားပါပြီ၊ သူက တစ်ရက်မှာ ၁၉၉၀
စွန်းစွန်းမှာ ကျွန်တော့်လမ်းကြားလေးထဲ ၀င်လာပြီး

"ဟေ့ကောင် အငယ်လေးတဲ့ မင်းဆိုင်ကို ဉာဏ်ပေါ်က လေထန်ကုန်းလို့ ပြောလိုက်တယ်ကွ။
အဲဒီနာမည်လေး တော်တော်သဘောကျတယ်ကွာ"တဲ့။

"ကိုဉာဏ်ပေါ်ဆိုတာ စာရေးဆရာ မင်းလူ။ အဲဒီအချိန်မှာ စာရေးဆရာမင်းလူတို့က ဘယ်မှာ
ထိုင်လဲဆိုတော့ ဘားလမ်းအလယ်လမ်း (မြန်မာမွတ် စလင်ဆေးရုံဘေး)မှာ 'ကိုထွန်းရီ' ဆိုတဲ့
လက်ဖက်ရည်ဆိုင်ရှိတယ်။ သူတို့ အုပ်စုတွေက အဲဒီဘက်မှာ ထိုင်ကြတယ်။ ထိုင်ပြီးတော့

"ဆရာမောင် ခိုင်မာ ဘယ်သွားမလို့လဲ" "လက်ဖက် ရည်ဆိုင်သွားမလို့" "ဘယ်ဆိုင်လဲ"
"၃၃ လမ်းကွာ တိုက်ကြားလေးထဲက" "ဪ...လေထန်ကုန်းကို သွားမလားဆိုပြီးတော့"
ဖြစ်လာတာ။

"အဲဒီနာမည်လေးကို ကြားလိုက်ရတော့ စိတ်ထဲမှာ တစ်မျိုးလေးပဲ။ အရမ်းကို သဘောကျသွား
တာ"လို့ သူ့ဆိုင်လေး နာမည်ရလာပုံကို ပြောပြပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - လူမှုဘ၀ရသစုံလင်