ကျော်စွာထက် ၀တ္ထုတိုများ ၁+၂+၃

စာရေးဆရာ ကျော်စွာထက်ရဲ့ ထွက်ရှိခဲ့ပြီးဖြစ်တဲ့ ၀တ္ထုတို သုံးအုပ်ကို တစ်ပေါင်းတစ်စည်းတည်း
စုစည်းပြီး ကျော်စွာထက် ၀တ္ထုတိုများ ၁+၂+၃ အဖြစ် ငါတို့စာပေက ၂၀၁၆ ခုနှစ်၊ ဒီဇင်ဘာလမှာ
ထုတ်ဝေပါတယ်။

ဝတ္ထုတိုပေါင်း ၄၃ ပုဒ်ပါရှိပြီး ၁၉၈၃-၉၀ ပြည့်နှစ် ကာလတွေက ရေးသားခဲ့တဲ့ ၀တ္ထုတိုတွေ ဖြစ်ပါတယ်။

ဝတ္ထုတို ၄၃ ပုဒ်ထဲမှာ အတွေးဒဿန၊ တစ်သီးပုဂ္ဂလခံစားမှု၊ သင်္ကေတ၀ါဒအဖွဲ့ကို တွေ့ရမှာဖြစ်ပြီး
လူ့အကြောင်းကို ဦးတည်ထားတဲ့ ၀တ္ထုတွေဖြစ်ပါတယ်။

၁၉၈၀ ပြည့်နှစ် နောက်ပိုင်းကာလတွေဟာ မော်ဒန်စာပေအားကောင်းတဲ့ ကာလမို့ ကျော်စွာထက်ရဲ့
ဝတ္ထုတိုတွေကို မော်ဒန်ဝတ္ထုတိုတွေအဖြစ် သမားရိုးကျကနေ ခွဲထွက်နေတဲ့ ခံစားမှု၊ အတွေး၊
ရသတွေနဲ့အတူ ဖတ်ရှုရမှာဖြစ်ပါတယ်။

အထူးသဖြင့် ဘ၀နဲ့ ဘ၀ဒဿနကို သရုပ်ဖော်ရာမှာ သရုပ်မှန်နည်းမဟုတ်ဘဲ စာဖတ်သူ
ထိလွယ်ငြိလွယ်စေတဲ့ အရေးအသားသစ်ပုံစံကို ခံစားရမှာဖြစ်ပါတယ်။

ဝတ္ထုတိုတွေကို ရေးသားခဲ့တဲ့ ခုနှစ်အလိုက် စီထားတာမျိုးမဟုတ်ဘဲ ၀တ္ထုသွားအလိုက်
စိတ်ကြိုက်စီထားတာမို့ ၀တ္ထုက ပေးတဲ့ တစ်ပုဒ်ချင်း ရသခံစားမှုကို အနိမ့် အမြင့် ခံစားရရှိမှာဖြစ်သလို
ဝတ္ထုတိုင်းမှာ ရေးသားပြီးစီးခဲ့တဲ့ ခုနှစ်ကို ဖော်ပြပေးထားတာမို့ ဖတ်ပြီးတဲ့အချိန်မှာ စာရေးသူရဲ့
ပြောင်းလဲလာတဲ့ စာရေးဟန်နဲ့ တွေးခေါ်မှု ပုံစံကို မှန်းဆကြည့်နိုင်ပါတယ်။

စာဖတ်ဓာတ်ခံ နည်းသူတွေအတွက်တော့ ကျော်စွာထက်ရဲ့ ၀တ္ထုတိုတချို့ကို နားလည်နိုင်ဖို့
အားထုတ်ရမယ့်သဘော ရှိပါတယ်။

'အချစ် (သို့မဟုတ်) မျက်စိကန်းနေသော လိပ်ပြာလှလှတစ်ကောင်၊ 'အင်းဆက်တစ်ကောင်ရဲ့ နာရေး'၊
'ရထားတစ်စင်းနှင့် စီးနင်းလိုက်ပါခြင်း'၊ 'ပင်လယ်' စတဲ့ ၀တ္ထုတွေက ၁၉ ရာစုကာလ မြန်မာစာပေမှာ
ခေတ်စားတဲ့ အရေးအသားလို့ ဆိုလို့ရနိုင်တဲ့ သင်္ကေတ၀ါဒီ အရေးအသားဝတ္ထုတိုတွေလို့ ဆိုရမှာ
ဖြစ်ပါတယ်။

ပေးချင်တဲ့ မက်ဆေ့ခ်ျကို ဇာတ်ကောင်၊ ဇာတ်လမ်း၊ ဇာတ်ကွက်နဲ့ ချခင်းပြထားတာမျိုး မဟုတ်ဘဲ၊
စာဖတ်သူကိုယ်တိုင် အကြောင်းအရာတွေကတစ်ဆင့် ဆင့်ပွားတွေးနိုင်မယ့်၊ ပုံသေသတ်မှတ်ထားတဲ့
အယူအဆမဟုတ်ဘဲ ကိုယ်ပိုင်ယူဆ ခံစားနိုင်တဲ့ အတွေးဖြစ်အောင် စကားလုံးတွေ၊ မေးခွန်းတွေ၊
ဆက်တိုက်ရေးသွား၊ ချခင်းသွားတာမျိုး ဖြစ်ပါတယ်။ ရုတ်တရက် နားလည်ဖို့ ခက်ခဲနိုင်ပေမဲ့ ၀တ္ထုကို
ဖတ်နေရင်း စာရေးသူနဲ့အတူ သဘောတူတဲ့အရာတွေ၊ ငြင်းခုန်ချင်တာတွေ၊ အတွေးပွားစရာတွေ၊
ဆင့်ပွားတွေးတောရတာတွေ၊ မေးခွန်းထုတ်ချင်တာတွေကိုပါ ခံစားရနိုင်မှာဖြစ်ပါတယ်။

စာရေးဆရာ ကျော်စွာထက်က ကိုယ်တိုင် ဆရာဝန်တစ်ယောက်ဖြစ်တာမို့ သူ့ဝတ္ထုတိုတွေထဲမှာ
သူရဲ့ ဆရာဝန်ဘ၀အတွေ့အကြုံ တချို့ကိုလည်း တွေ့ရမှာ ဖြစ်ပါတယ်။

'တရားရုံး'၊ 'နစ်မြှုပ်သွားသောလှေများ'၊ 'ငါ့ကို ရွှေရောင်ညနေခင်းတွေ ပြန်ပေး' စတဲ့ ၀တ္ထုတွေမှာ
သူ့ရဲ့ ဆရာဝန်ဘ၀နဲ့ ဆေးရုံ၊ ဆေးခန်းတွေကတစ်ဆင့် စာရေးသူပေးတဲ့ ခံစားမှုအတွေးကို မြင်ရမှာ
ဖြစ်ပါတယ်။

'တရားရုံး' ကတော့ ဆေးရုံထဲမှာ တွေ့ကြုံခဲ့ရတဲ့ လူနာတွေအကြောင်းကို ရေးဖွဲ့ထားတာဖြစ်ပေမဲ့
လူနာတွေအကြောင်းကို သေခြင်းတရား၊ ကံကြမ္မာဆိုတဲ့ ခံစားမှု အတွေးတစ်ခုကို ထည့်သွင်း
ရေးဖွဲ့ထားတာမို့ ဝေဒနာသဘောအပြင် ဖြစ်ခြင်း ပျက်ခြင်း သဘောကိုပါ ဆင်ခြင်ခံစားရနိုင်မှာ
ဖြစ်ပါတယ်။

'နစ်မြှုပ်သွားတဲ့လှေများ' ကတော့ မွေးဖွားခြင်း သေဆုံးခြင်းဆိုတာ လူတိုင်းတွေ့ကြုံ ရမယ့်အရာ
ဖြစ်ပေမဲ့ မမွေးဖွားသေးတဲ့ လူတစ်ယောက်ကို သေဆုံးစေခြင်းဟာ လက်ခံနိုင်စရာမဟုတ်ဘူးဆိုတဲ့
အတွေးကို ရစေဖို့ ကလေး ဖျက်ချတဲ့ လူနာ၊ မွေးလူနာ၊ ကိုယ်ဝန်သည်တွေအပေါ် အခြေခံရေးထားတဲ့
ဝတ္ထုပဲ ဖြစ်ပါတယ်။

ကိုယ်ဝန်ဖျက် ချမှုနဲ့ မွေးကင်းစကလေးငယ် စွန့်ပစ်မှု များပြားလာတဲ့ ခုလို ခေတ်မှာ ကျော်စွာထက် ရဲ့
'နစ်မြှုပ်သွားတဲ့ လှေများ' ၀တ္ထုက အတွေးတစ်ခုအပြင် မကောင်းမှုတစ်ခုကို ဆင်ခြင်နိုင်ဖို့အတွက်ပါ
ခံစားမှုရသကို ရရှိစေမှာ ဖြစ်ပါတယ်။

'ငါ့ကို ရွှေရောင်ညနေခင်းတွေပြန်ပေး' ၀တ္ထုကတော့ ဆရာဝန်တစ်ယောက်ရဲ့ တာဝန်၊ ဘ၀ရုန်းကန်ရမှု
အမောတွေကို ထင်ဟပ်ပြထားတာဖြစ်ပါတယ်။

ဒါ့ပြင် 'မြို့ပတ်ရထား'၊ 'အသည်းနှလုံး မရှိတဲ့သူ'၊ 'မိန်းမ'၊ 'အမှောင်'၊ 'ချော်ရည်မဲ့ မီးတောင်'၊
'ကလဲ့စား' စတဲ့ ၀တ္ထုတွေကလည်း ၀တ္ထုတို တစ်ပုဒ်ချင်းဆီတိုင်းက အတွေးတစ်ခုချင်းဆီကို
ဆင့်ပွားတွေးတောမှုဖြစ်စေတဲ့ ရသကို ရရှိစေပါတယ်။

အထူးသဖြင့် 'မြို့ပတ်ရထား' ၀တ္ထုပါပဲ။ လူ့ဘ၀ရဲ့ အဓိပ္ပာယ်မဲ့မှု၊ အနှစ်သာရကင်းမဲ့မှု၊ နိစ္စဓူဝ
ဝဲဩဃထဲ ဖြတ်သန်းရှင်သန်ရမှုကို တစ်သီးပုဂ္ဂလခံစားမှုအဖွဲ့ဟန် ရေးသားထားတာဖြစ်ပါတယ်။

ဝတ္ထုဖတ်ပြီးချိန်မှာ ရုပ်ရှင်အနှေးပြကွက်တစ်ခုလို ဖြတ်သန်းခဲ့တဲ့ဘ၀ ဖြတ်သန်းမှုကို ပြန်တွေးကြည့်ရင်း
ရောက်နေတဲ့နေရာကို ရုတ်တရက် ပြန်မြင်ရတဲ့ နိုးထမှုကို ခံစားရစေနိုင်တာပါပဲ။

အတွေးကို ဆန့်နိုင်သလောက် ဆန့်တွေးရင်း ကိုယ့်ကိုယ်ကိုယ်ရော၊ အခြားသက်ဆိုင်ရာ
အခင်းအကျင်းတွေကိုပါ ပူးတုံခွာတုံ၊ ဝေးလိုက်နီးလိုက် ခံစားမှုကို ကျော်စွာထက်ရဲ့ ၀တ္ထုတို ၁+၂+၃
ကနေ ရနိုင်မယ် ထင်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။