မနောစင်ရဲ့ အမှားကို ဆန်ခါတိုက်ခြင်း

စာရေးဆရာ မနောစင်ရဲ့ "အမှားကို ဆန်ခါတိုက်ခြင်း" စာအုပ်ကို ကွမ်းခြံလမ်းစာပေက
ဖေဖော်ဝါရီလမှာ ပထမဦးဆုံးအကြိမ် ထုတ်ဝေပါတယ်။

မူရင်းစာရေးသူ Rolf Dobelli ရဲ့ The Art of Thinking Clearly ကို ဘာသာပြန်ဆိုထားတာ
ဖြစ်ပါတယ်။

တက်ကျမ်းစာပေ အမျိုးအစားဖြစ်ပေမဲ့ စာရေးသူ မနောစင်ကတော့ သူ့အမှာစာမှာ ဒါကို ငြင်းဆိုထား
ပါတယ်။

"အမှားကို ဆန်ခါတိုက်ခြင်း" စာအုပ်က ကောင်းကောင်း တည်းဖြတ်ပေးနိုင်တဲ့ အယ်ဒီတာ ဒါမှမဟုတ်
ထုတ်ဝေသူရဲ့ အဆုံးသတ် တည်းဖြတ်မှုကနေ ထွက်လာခဲ့မယ်ဆိုရင် ဒီစာအုပ်က ပိုပြီး ကျစ်လျစ်
ကောင်းမွန်မယ့်ပုံစံပါပဲ။

တည်းဖြတ်မှု အားနည်းချက်ကြောင့်ထင်ရဲ့ စာအုပ်ခေါင်းစဉ် ရွေးချယ်မှုကအစ အနည်းငယ်
လွဲချော်နေတယ်လို့ ခံစားရမိတယ်။

စာအုပ်တစ်အုပ်လုံးကို ခြုံပြီးဖတ်မိတဲ့အခါ လွဲချော်မှုကို ပိုပြီးခံစားရတယ်။

မူရင်း စာအုပ်ရဲ့ အဓိကပေးချင်တဲ့ အကြောင်းအရာက အရိုးစွဲနေတယ်လို့ဆိုတဲ့ တွေးခေါ်မှုပုံစံတစ်ခုကို
တခြားတွေးခေါ်မှု ပုံစံတစ်ခုနဲ့ ချဉ်းကပ်နိုင်ဖို့ဖြစ်ပါတယ်။

'အရိုးစွဲနေတဲ့ အတွေးမှား' ဆိုတဲ့ စာရေးသူ ရဲ့အသုံးအနှုန်းက အနည်းငယ် အငြင်းပွားဖွယ်ပင်။

"အမှားကို ဆန်ခါတိုက်ခြင်း" လို့ဆိုပြီး၊ တွေးခေါ်မှုပုံစံဟောင်းတွေကို 'အမှား' တစ်ခုအဖြစ်
ညွှန်းဆိုမယ့်အစား 'အတွေးကို သန့်စင်ခြင်း' ၊ 'မှန်ကန်တဲ့ တွေးခေါ်မှုအနုပညာ' စတဲ့ ခေါင်းစဉ်မျိုးဆိုရင်
စာအုပ်နဲ့ပိုပြီး အံဝင်ခွင်ကျဖြစ်မယ်ထင်၏။

စာရေးသူက ဒီစာအုပ်ကို ဘာသာပြန်ထားတာလို့ဆိုပေမဲ့ ဘာသာပြန်မှုအပိုင်းမှာ၊ ဘာသာပြန်ဆိုမှု
အပိုင်းမှာ မကွဲပြားမှုတွေ တွေ့ရပါတယ်။

တချို့စာ အကြောင်းအရာတွေမှာ မူရင်းစာရေးသူရဲ့ အာဘော်ကနေ ဘာသာပြန်သူရဲ့ မြန်မာမှုပြု
အာဘော်ဆီကို ချက်ချင်းပြောင်းလဲသွားတာတွေ၊ ဘာသာပြန်ခြင်းနဲ့ မြန်မာမှုပြုခြင်းကြား ချိတ်ဆက်မှု
အားနည်းချက်တွေက စာဖတ်သူကို အနည်းငယ် စိတ်အနှောင့်အယှက်ဖြစ်စေတယ်လို့
ယူဆမိပါတယ်။

'တကယ်သဘောကျလို့ပါ' ဆိုတဲ့ စာပိုဒ်မှာ ဖော်ပြထားတာကို ဥပမာအနေနဲ့ ပြချင်ပါတယ်။

"ကိုမိုးဟာ အိမ်ကို ခေါက်ဆွဲခြောက် နှစ်ပါကင် ၀ယ်ချလာတယ်။ တကယ်ဆို သူက ခေါက်ဆွဲခြောက်
သိပ်ကြိုက်တဲ့လူမျိုး မဟုတ်ဘူး။ တစ်လနေလို့ တစ်ထုပ်တောင် မစားဖြစ်ဘူး။ ဒါပေမဲ့ ခေါက်ဆွဲခြောက်
ရောင်းတဲ့ ဈေးသည်ကလေးက သိပ်ရည်မွန်တယ်။ အတင်းထိုးရောင်းတာလည်း မဟုတ်ဘူး။
ကြည့်ရတာ သဘောကျစရာလေး။ ဒါကြောင့် သူခေါက်ဆွဲခြောက်တွေ ဒီလောက် အများကြီး
ဝယ်လာခဲ့တာ။ ဂျိုးဂီရတ်ဒ်ဟာ ကမ္ဘာ့ကားအရောင်းသမားတွေထဲမှာ အအောင်မြင်ဆုံးလို့
သတ်မှတ်ခံရတယ်။"

ဒါက "တကယ်သဘောကျလို့ပါ" ဆိုတဲ့ အကြောင်းအရာထဲက စာပိုဒ်ပါ။ ကိုမိုး ခေါက်ဆွဲခြောက်
ဝယ်ရာကနေ ဂျိုးဂီရတ်ဒ်ဆီ ဆိုတဲ့ နာမည်အကူးအပြောင်းက "အမှားကို ဆန်ခါတိုက်ခြင်း"
စာအုပ်ထဲက ဘာသာပြန် ကွဲပြားတစ်ခုပါပဲ။ စာအုပ်ရဲ့ ခေါင်းစဉ်ခွဲစာ တွေရဲ့ အကြောင်းအရာတွေမှာ
ခုလို ရောထွေးမှုတွေ တော်တော်များများကို တွေ့ရပါတယ်။

တစ်ပုဒ်လုံး တစ်အုပ်လုံး ခြုံပြီးဖတ်ကြည့် မယ်ဆိုရင်ဖြင့် မဆိုးလှဘူးလို့ ပြောလို့ ရနိုင်ပေမဲ့ တစ်ပုဒ်ခြင်း
အကြောင်းအရာမှာတော့ ယူဆမှု အလွဲလေးတွေကို တွေ့ရပါတယ်။

"ဘောနပ်စ်က စိတ်အားကို လျော့စေတယ်" ဆိုတဲ့ အတွေးအကြောင်းအရာမျိုးမှာ ယူဆမှုအလွဲကို
ပိုပြီးခံစားရပါတယ်။

တကယ်တမ်း မူရင်းစာရေးသူရဲ့ အာဘော်က အလုပ်တစ်ခုကို ခိုင်းစေရာမှာ ငွေကို အပေးအယူ
သဘောလုပ်ပြီး ခိုင်းစေတာမျိုး၊ ငွေကို မျှော်လင့်ချက်တစ်ခုအဖြစ်ထားပြီး ခိုင်းစေတာမျိုး၊
အပေးအယူသဘော မလုပ်ဆောင်ဖို့ ညွှန်းဆိုခြင်းဖြစ်ပါတယ်။

"ဘောက်ဆူးက စိတ်အားကို လျော့စေတယ်' ဆိုတာမျိုးက စာပိုဒ်နဲ့ ပိုပြီး သင့်တော်မယ့်ခေါင်းစဉ်မျိူး
ဖြစ်မယ်လို့ ခံစားရပါတယ်။

နောက်တစ်ချက်က ခေါင်းစဉ်ခွဲလေးတွေကို ဘာသာပြန်ရာမှာ မြန်မာမှု ပြုလွန်းအားကြီးတာပါပဲ။

တချို့စာပိုဒ်တွေမှာ ခေါင်းစဉ်ကို မြန်မာမှုပြုခြင်းနောက်မှာ အသေးစိတ်အကြောင်းအရာကို
ရှင်းလင်းတဲ့အခါ တိုက်ရိုက် ဘာသာပြန်ခြင်းနောက်ကို တစ်ခါလိုက်မိပြန်တော့ အပေါ်မှာ
ရိုးရာတိုက်ပုံ၊ အောက်မှာ အနောက်တိုင်းဘောင်းဘီကို ၀တ်ထားတဲ့ စာတစ်ပုဒ်ကို ဖတ်ရသလို
ခံစားရပါတယ်။

"င၀က်ကိုရှာခဲ့တာ ကျောက်ခေတ်ကတည်းက" ဆိုတဲ့ စာမျိုးမှာ ဒီလိုခံစားမှုကို တွေ့စေတာပါပဲ။

အားနည်းချက်တွေနည်းတူ ကောင်းလွန်းတဲ့ စာပိုဒ်တွေလည်း ဒီစာအုပ်မှာ ပါဝင်နေပါတယ်။

ဥပမာ "တောက်ပတဲ့အရာတွေကြောင့် အမြင်အာရုံကန်းတတ်တယ်"၊ "သန်းတွယ်မှ ကျန်းမာမည်" ၊
"အဖြူအမည်း အပြင် ရွေးစရာရှိသေးတယ်" ၊ " ကိုယ့်ရဲတိုက် ကိုယ်တည်ဆောက်ပါ" စတဲ့
အကြောင်းအရာတွေကတော့ စာဖတ်သူအတွက် စိတ်အတွေးပုံစံသစ်တစ်ခုကို ရစေနိုင်မယ့်
အရာတွေလို့ ဆိုရမှာပါ။

စာရေးဆရာ မနောစင်ရဲ့ "အမှားကို ဆန်ခါတိုက်ခြင်း" စာအုပ်ကို တန်ဖိုး ကျပ် ၅,၀၀၀ နဲ့
စာအုပ်ဆိုင်တိုင်းမှာ ရနိုင်မှာပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။