ထက်မြက်ရဲ့ အမှောင်ထုကို ဖြတ်သန်းခြင်း

"သမိုင်းဆိုတာ အင်အားကြီးသူတွေ ဖန်တီးတာ" ဆိုတဲ့ ပြောစကားက မြန်မာနိုင်ငံအတွက်
ရာနှုန်းပြည့်နီးပါး မှန်ကန်တယ်လို့ ဆိုရမယ်။

မြန်မာနိုင်ငံရဲ့ ဒီမိုကရေစီလှုပ်ရှားမှု တိုက်ပွဲတွေ၊ ဒီမိုကရေစီ လှုပ်ရှားမှုတိုက်ပွဲတွေမှာ ပါဝင်ခဲ့သူတွေ၊
စစ်အာဏာရှင်စနစ်ရဲ့ ဆိုးရွားရက်စက်ကြမ်းကြုတ်မှုကို ကြုံတွေ့ခံစားခဲ့ရသူတွေ၊ ဖိနှိပ်ခံပြည်သူတွေရဲ့
ဖြတ်သန်းမှု သမိုင်းကြောင်းတွေဟာ အင်အားကြီးသူတွေရဲ့ ဖန်တီးမှုအောက်မှာ များစွာ
အသွင်ပြောင်းခံခဲ့ရပါတယ်။

ဒီလိုဖျောက်ဖျက်ခံရမှုတွေက ရာစုနှစ် ငါးခုနီးပါး၊ လူ့သက်တမ်းနဲ့ တွက်မယ်ဆို မျိုးဆက်နှစ်ဆက်နီးပါး
ရှိခဲ့ပါတယ်။

၂၀၁၀ ပြည့်နှစ်နောက်ပိုင်း နိုင်ငံရဲ့ ဒီမိုကရေစီ အသွင်ကူးပြောင်းမှုကာလ အလွန်တွေမှာတော့
ဖျောက်ဖျက်ခံထားရတဲ့ သမိုင်းအဖြစ်အပျက်တွေထဲမှာ ပါဝင်ပတ်သက်ခဲ့သူတွေရဲ့ ဖြတ်သန်းမှု
အစိတ်အပိုင်းတွေဟာ စာအုပ်စာတမ်း၊ မှတ်တမ်းမှတ်ရာ အချက်အလက် အတွေ့အကြုံတွေအဖြစ်
ပြန်လည်အသက်ဝင်လာခဲ့ပါတယ်။

ဒီလို အသက်ဝင်လာခဲ့တဲ့ စာအုပ်တွေအနက် စာရေးဆရာထက်မြက် ရဲ့ "အမှောင်ထုကို
ဖြတ်သန်းခြင်း" စာအုပ်လည်း ပါဝင်ပါတယ်။

ဆရာထက်မြက်ရဲ့ "အမှောင်ထုကို ဖြတ်သန်းခြင်း" စာအုပ်ကို စိတ်ကူးချိုချို စာအုပ်တိုက်က
၂၀၁၆ ခုနှစ် ဩဂုတ်လက ထပ်မံဖြည့်စွက်ချက်တွေနဲ့အတူ ဒုတိယအကြိမ် ထုတ်ဝေခဲ့ပါတယ်။

မြန်မာနိုင်ငံရဲ့ အကျဉ်းထောင်သမိုင်းမှာ အဆိုးရွားဆုံး ဖြတ်သန်းခဲ့ရတဲ့ ၁၉၆၂ ခုနှစ်
နောက်ပိုင်းကာလတွေရဲ့ စစ်အာဏာရှင် စနစ်ဆိုးလက်အောက်က အကျဉ်းသားဘ၀ကို
ဆရာထက်မြက်က သူ့ရဲ့ "အမှောင်ထုကို ဖြတ်သန်းခြင်း" စာအုပ်မှာ ရေးသားဖော်ပြထားပါတယ်။

ကိုယ်တိုင်ဖြတ်သန်းခဲ့ရတဲ့ ဖြတ်သန်းမှုကို အတ္ထုပ္ပတ္တိပုံစံမဟုတ်ဘဲ အတိတ်ပုံရိပ်ဆိုးပုံစံ
ရေးသားထားတာမို့ စာဖတ်သူကိုယ်တိုင် စာရေးသူနဲ့အတူ အာဏာရှင် စနစ်ဆိုး၊ ညှဉ်းပန်းနှိပ်စက်မှု၊
ထောင်တွင်း တိုက်ပွဲတွေအပြင် ခေတ်ရဲ့ ဖျောက်ဖျက် ခံထားရတဲ့ သမိုင်းတချို့ထဲက ဆိုးရွားတဲ့
ရက်စက်မှုတွေကို လိုက်ပါလေ့လာ မှတ်သားခွင့်ရမှာ ဖြစ်ပါတယ်။

"အမှောင်ထုကို ဖြတ်သန်းခြင်း"စာအုပ်မှာ အခန်း တစ်ကနေ အခန်း ခုနစ်ထိ အခန်း ခုနစ်ခန်းခွဲပြီး
စာရေးသူကိုယ်တိုင် ဖြတ်သန်းခဲ့တဲ့ နိုင်ငံရေးအတွေ့အကြုံကို ရေးသားထားပါတယ်။

အခန်းတစ်ကတော့ ပုဒ်မ ၅ ဖြင့် စာရေးသူ ဖမ်းဆီးထိန်းသိမ်းခံခဲ့ရပြီးနောက် ထောင်တွင်းဖြတ်သန်းမှု
ဖြစ်ပါတယ်။

အခန်း နှစ်ကစပြီး အခန်း ခုနစ်ထိကတော့ ထောင်မှတစ်ဆင့် ကိုကိုးကျွန်း ပို့ဆောင်ခံရပြီးနောက်
ကျွန်းပေါ် ဖြတ်သန်းခဲ့ရတဲ့ ဘ၀အတွေ့အကြုံပဲဖြစ်ပါတယ်။

စစ်အာဏာရှင်အစိုးရလက်ထက် ၁၉၅၉ ခုနှစ်နဲ့ ၁၉၆၉ ခုနှစ်ကာလတွေမှာ နိုင်ငံရေး
အကျဉ်းသားတွေဟာ ကိုကိုးကျွန်း အကျဉ်းစခန်းကို ပို့ဆောင်ခြင်းခံခဲ့ရပါတယ်။

ပထမဦးဆုံးအကြိမ် ၁၉၅၉ ခုနှစ်မှာ နိုင်ငံရေးအကျဉ်းသား ၁၅၀ ကျော်၊ ဒုတိယအကြိမ် ၁၉၆၉ ခုနှစ်မှာ
အကျဉ်းသား ၁၃၀ ကျော်ကို ကိုကိုးကျွန်း အကျဉ်းစခန်းကို ပို့ဆောင်ခဲ့ပါတယ်။

ဒီလိုပို့ဆောင်ခံခဲ့ရတဲ့ အကျဉ်းသားတွေထဲမှာ ထိုခေတ်ထိုကာလက နာမည်ကြီး ထင်ရှားတဲ့
စာရေးဆရာ၊ သတင်းထောက်၊ တိုင်းရင်းသားခေါင်းဆောင်၊ ကျောင်းသား ခေါင်းဆောင်၊
နိုင်ငံရေးသမား အားလုံးနီးပါး ပါဝင်ခဲ့ပါတယ်။

ဆရာထက်မြက်ရဲ့စာအုပ်ထဲမှာ သူနဲ့အတူ အင်းစိန်အကျဉ်းထောင်ထဲ၊ ကိုကိုးကျွန်းအကျဉ်းစခန်းထဲ
အတူတူဖြတ် သန်းခဲ့ရတဲ့ အထက်ကပြောခဲ့တဲ့ သူတွေရဲ့ ပုံရိပ်တချို့ကို တွေ့ရမှာဖြစ်ပြီး ဆိုးရွားလှတဲ့
အကျဉ်းစခန်းထဲက နေ့ရက်တွေကို ခံစားမြင်တွေ့ရမှာ ဖြစ်ပါတယ်။

စာရေးသူ ဖော်ပြထားတဲ့ ကိုကိုးကျွန်း အကျဉ်းစခန်းက နေ့ရက်တွေကို ဖတ်ရတဲ့အခါ ခါးသီးတဲ့
အကျဉ်းစံဘ၀တွေနဲ့ စစ်အာဏာရှင်စနစ်ရဲ့ ရက်စက်ကြမ်းကြုတ်မှုတွေဟာ ဖျောက်ဖျက်ထားတဲ့
သမိုင်းတွေထဲက ငေါငေါကြီးထိုးထွက်လာတဲ့ သရုပ်သကန်တစ်ခုသဖွယ် ခံစားမြင်တွေ့ရပါတယ်။

လုံလောက်တဲ့ ဆေးဝါးမရှိလို့ မသေဆုံးသင့်ဘဲ သေဆုံးခဲ့ရတဲ့ ဘ၀တွေ၊ မတရားမှုကို အန်တုဖို့
လုပ်ဆောင်ခဲ့တဲ့ အစာငတ်ခံ တောင်းဆိုမှုတွေမှာ ကျဆုံးသွားခဲ့ရတဲ့ ဘ၀တွေဟာ စာအုပ်ထဲက
အန်ထွက်ပြီး ခြောက်လှန့်နေသလို၊ ဆိုးရွားတဲ့ အခြေအနေပေါ်မှာ ဘ၀ကို နေပျော်အောင် အတူတကွ
ဖြတ်သန်းကြရတဲ့ ညီညွတ်မှု အခိုက်အတန့်တွေရဲ့ ရွှင်ပြုံးမှုကို "အမှောင်ထုကို ဖြတ်သန်းခြင်း"မှာ
ခံစားရပါတယ်။

တကယ်တော့ မြန်မာနိုင်ငံရဲ့ နိုင်ငံရေး ဖြတ်သန်းမှုနဲ့ အကျဉ်းစခန်းသမိုင်းမှာ ကိုကိုးကျွန်း
အကျဉ်းစခန်းရဲ့ အခန်းကဏ္ဍဟာ အမှန်တကယ် ဖြစ်တည်ခဲ့တာပါ။

ဒါပေမဲ့ မျိုးဆက်နှစ်ခုကျော် ဖျောက်ဖျက်ခံခဲ့ရတဲ့အခါ မှိန်နေခဲ့တဲ့ သမိုင်းအဖြစ် အပျက်တချို့နဲ့
အဲဒီသမိုင်းထဲ ဖြတ်သန်း ပါဝင်ခဲ့သူတချို့ရဲ့ အကြမ်းထည်ပုံရိပ်တချို့ကို "အမှောင်ထုကို ဖြတ်သန်းခြင်း"
ထဲက တစ်ဆင့် ကျော်ကြည့်နိုင်မှာဖြစ်ပါတယ်။

ထို့အတူ ကိုကိုးကျွန်းအကျဉ်းစခန်းကနေ ထွက်ပြေး ထွက်မြောက်သွားကြသူတွေ အကြောင်းကိုလည်း
မြင်တွေ့ရမှာ ဖြစ်ပါတယ်။

သမိုင်းပုံရိပ်ဆိုးအဖြစ် ရှိခဲ့တဲ့ ကိုကိုးကျွန်း အကျဉ်းစခန်း ပေါ်ပေါက်လာမှု၊ အာဏာရှင်စစ်အစိုးရရဲ့
နိုင်ငံရေး အကျဉ်းသားတွေအပေါ် ညှဉ်းပန်းနှိပ်စက်မှု၊ ရက်စက်ကြမ်းကြုတ်မှု၊ ကိုကိုးကျွန်း
အကျဉ်းစခန်းနဲ့ ကိုယ်ထူကိုယ်ထစနစ် ဖျက်သိမ်းရေးအတွက် အကျဉ်းသားတွေရဲ့ အစာငတ်ခံ
တိုက်ပွဲဝင်မှုတွေကို လေ့လာဖတ်ရှုရင်း မှောင်ထားတဲ့ သမိုင်းအခန်းထဲက အဖြစ်မှန်အလင်းတစ်စကို
ဆရာထက်မြက်ရဲ့ "အမှောင်ထုကို ဖြတ်သန်းခြင်း" စာအုပ်ကတစ်ဆင့် တွေ့မြင်ရမှာပါ။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။