မိုပါဆွန်း၏ တောဟေ၀န်လယ်နှင့် အခြားဝတ္ထုတိုများ

ကမ္ဘာကျော် ပြင်သစ်စာရေးဆရာ မိုပါဆွန်းရဲ့ ၀တ္ထုတိုငါးပုဒ်ကို ဇေယျာမိုး စာအုပ်တိုက်က
ယခုနှစ် ဩဂုတ်လထဲမှာ ထုတ်ဝေပါတယ်။

ကမ္ဘာကျော်စာရေးဆရာ တွေရဲ့ ၀တ္ထုတိုတွေကို စုစည်းပြီး ဇေယျာမိုးစာအုပ်တိုက်က ဘာသာပြန်
စာစဉ်အဖြစ် မကြာခဏထုတ်ဝေလေ့ ရှိပါတယ်။

အခု မိုပါဆွန်းရဲ့ ၀တ္ထုတို ငါးပုဒ်ကိုလည်း ဘာသာပြန်စာစဉ် အမှတ်(၅)အဖြစ် မောင်ဇေယျာက စီစဉ်ပြီး
ထုတ်ဝေထားပါတယ်။

မိုပါဆွန်းရဲ့ ၀တ္ထုတိုတွေကို ဘာသာ ပြန်ခဲ့ကြသူတွေအနက်က စာရေးဆရာကြီး မောင်ထင်၊
မြသန်းတင့်နဲ့ မောင်မောင်လှမြင့်တို့ ဘာသာပြန်ခဲ့တဲ့ ၀တ္ထုတိုလက်ရာတွေကို စုစည်းပြီး
အင်္ဂလိပ်-မြန်မာ နှစ်ဘာသာဖြင့် ထုတ်ဝေထားတာပါ။

ဝတ္ထုတိုစာအုပ်မှာ ဆရာမောင်ထင် ဘာသာပြန် 'တောဟေ၀န်လယ်'၊ 'ယာတောသူ'နဲ့
'ကုတင်နံပါတ် ၂၉' စတဲ့ ၀တ္ထုတိုသုံးပုဒ်နဲ့အတူ ဆရာမြသန်းတင့် ဘာသာပြန် 'လရောင်စိမ်းမြ
ညတစ်ည၌ သံဝေဂရခြင်း'၊ ဆရာမောင်မောင်လှမြင့် ဘာသာပြန်တဲ့ 'ရွှံ့တုံးတွေတဲ့' ၀တ္ထုတိုတွေကို
စုစည်းဖော်ပြထားပါတယ်။

ဆရာမောင်ထင်ရဲ့ ဘာသာပြန် မိုပါဆွန်းဝတ္ထုတို သုံးပုဒ်အနက် နှစ်ပုဒ်မှာ ၀တ္ထုပါ
မူရင်းနာမည်တွေအစား မြန်မာပြု နာမည်တွေကို အသုံးပြု ဘာသာပြန်ဆိုထားပါတယ်။

စာအုပ်ရဲ့ အဖွင့်ဝတ္ထုဖြစ်တဲ့ 'တောဟေ၀န်လယ်'မှာ ဆရာကြီးမောင်ထင်ရဲ့ မြန်မာပြုအသုံးတွေကြောင့်
ဝတ္ထုက ခပ်သွက်သွက်နဲ့ ထိထိမိမိကောင်းလှပါတယ်။

မူရင်းအင်္ဂလိပ်အတိုင်းဖတ်မယ်ဆိုရင် ပြင်သစ်နာမည်တချို့ကြောင့် ဖတ်ရတာ ခပ်တောင့်တောင့်
ဖြစ်နေနိုင်တာမို့ ဆရာမောင်ထင်ရဲ့ မြန်မာပြုမှုက စာဖတ်သူအတွက် ၀တ္ထုကို မူရင်းမပျက် အရသာရှိရှိ
ခံစားရစေပါတယ်။

လူ့သဘော လူ့စိတ်ကို ခပ်ထေ့ထေ့လေး ရေးတာမို့လည်း သွက်သွက်လေးဖတ်ရတဲ့အခါ မပျင်းမရိစေဘဲ
ဇာတ်ကောင်တွေနဲ့အတူ စီးပါရင်း ၀တ္ထုပြီးသွားတဲ့အခါ ယောင်ယောင်လေး ပြုံးမိစေတာပါပဲ။

မိုပါဆွန်းရဲ့ မူရင်း "The Story of a Farm Girl" ကို ဆရာမောင်ထင်က 'ယာတောသူ' ဆိုပြီး
ယခုစာအုပ်မှာ ဘာသာပြန်ဆိုထားပါတယ်။

ယာတောသူလေး မနှင်းဆီရဲ့ ယာခင်းထဲက တစ်နေ့တာဘ၀၊ ယာတော အလုပ်သမားချင်း ချစ်ကြိုက်ပြီး
ကိုယ်ဝန်ရှိလာတဲ့အခါ ချစ်သူက ပစ်သွားလို့ မွေးရပ်ပြန်ကာ ကလေးကို မွေးဖွားရ၊ တစ်ခါယာတောထဲ
ပြန်လာအလုပ်လုပ်ရင်း ယာရှင်က ချစ်ရေးဆိုတာခံရ။ ကလေးရှိလို့ ငြင်းပယ်ပေမဲ့ ယာရှင်ရဲ့
ချစ်ခြင်းဇောမှာ အလိုပါခဲ့ရင်း ယာရှင်ရဲ့ ဇနီးမယားဖြစ်ခဲ့ရ။ ယာရှင်က ကလေးလိုချင်ပေမဲ့ နှစ်တွေ
ကြာသော်လည်း သားသမီးမရတဲ့အခါ ယာရှင်ရဲ့ ငြိုငြင်နှိပ်စက်မှုခံလာရ။ သားသမီးမရတဲ့
အကြောင်းရင်းက သူ့ကြောင့် မဟုတ်ဘဲ ယာရှင်ရဲ့အားနည်းချက်ဆိုတာကို ကလေးရှိမှန်း
သိသွားမှာစိုးလို့ ထုတ်မပြောရဲတဲ့ဘ၀။ နောက်ဆုံး လင်မယား နှစ်ယောက် အကြီးအကျယ်
စကားများရာကတစ်ဆင့် မထင်မှတ်ဘဲ ပေါက်ကွဲ ထုတ်ပြောမိတဲ့အခါ၊ ထင်မှတ်မထားတဲ့ရလဒ်ကို
ရလိုက်တဲ့အခါ ဖြစ်ပေါ်လာတဲ့ အကျိုးဆက်အပြောင်းအလဲ စတာတွေကို 'ယာတောသူ'ကတစ်ဆင့်
ခံစားရမှာပါ။

တစ်ခါတစ်ရံ ထင်မြင်ယူဆပုံချင်း မတူတဲ့အခါ မျိုးတွေမှာ ပြဿနာကို ရင်ဆိုင်ဖို့ တွန့်ဆုတ်နေတာထက်
မတူတဲ့အမြင် ကြားမှာ အဖြေတစ်ခုခုရှိနိုင်တယ်ဆိုတာ 'ယာတောသူ'ကို ခံစားကြည့်ရင် ရနိုင်ပါတယ်။

ယခုစာအုပ်မှာ ဆရာမောင်ထင်ပဲ ဘာသာပြန်တဲ့ 'ကုတင်နံပါတ် ၂၉' နဲ့ ဆရာမောင်မောင်လှမြင့်
ဘာသာပြန်တဲ့ 'ရွှံ့တုံးတွေတဲ့' ၀တ္ထုတို နှစ်ပုဒ်ကတော့ သံချေးလို ခဲနေတဲ့အတွေးကို ဖျပ်ခနဲလင်းပွင့်
ကွာကျသွားစေတဲ့ ရသကို ခံစားရမှာပါ။ ထို့အတူ ၀တ္ထုကတစ်ဆင့် မေးခွန်းများစွာကိုလည်း
ဆင့်ပွားဖြစ်ပေါ်စေမှာပါ။

အထူးသဖြင့် အမှန်တရားဆိုတဲ့ အရာဟာ ယူဆသူရဲ့ အတိမ်အနက်မှာ အရောင်ပြောင်းသွားနိုင်တဲ့
သဘောကို 'ကုတင်နံပါတ် ၂၉' နဲ့ 'ရွှံ့တုံးတွေတဲ့' ၀တ္ထုတွေမှာ မြင်ရမှာပါ။ ဆရာမြသန်းတင့်
ဘာသာပြန် 'လရောင်စိမ်းမြ ညတစ်ည၌ သံဝေဂရခြင်း' ၀တ္ထုကတော့ ခံစားနားလည်နိုင်ခြင်း
သဘောကို ခံစားရပါတယ်။

တားမြစ်ထားမှုနဲ့ ဖန်ဆင်းထားမှုကြားမှာ နားလည်ခံစားမှုကို တွဲစပ်ဆင်ခြင်တဲ့အခါ တစ်ခါတစ်ရံ
ကိုယ်ရောက်ရှိ ရပ်တည်နေတဲ့ နေရာဟာ တရားသေ ဆန်လွန်းတယ်ဆိုတာကို 'လရောင်စိမ်းမြ
ညတစ်ည၌ သံဝေဂရခြင်း'မှာ ခံစားရမှာပါ။

တန်ဖိုးကျပ် ၂,၀၀၀ နဲ့ ဖြန့်ချိထားပြီး စာအုပ်ဆိုင်တွေမှာ ၀ယ်ယူရရှိနိုင် ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။