အိမ်အကြောင်း အက်ဆေးများ

လင်းသစ်ရောင်စဉ် စာအုပ်တိုက်က "အိမ်အကြောင်း အက်ဆေးများ" စာအုပ်ကို ယခုနှစ် မေလမှာ
ပထမအကြိမ် ထုတ်ဝေပါတယ်။

Home & Services ဂျာနယ်မှာ တစ်နှစ်ကျော်ကြာဖော်ပြခဲ့တဲ့ 'အိမ်' အကြောင်း ခံစားမှု
အက်ဆေးတွေကို စုစည်းထုတ်ဝေထားတာပါ။

စုစုပေါင်း စာရေးသူ ၅၉ ဦးရဲ့ 'အိမ်' အကြောင်း အက်ဆေး ၆၅ ပုဒ်ကို ဖော်ပြထားပါတယ်။

စကားလုံးတစ်လုံးတည်းပေမဲ့ အဓိပ္ပာယ်များစွာ ကျယ်ဝန်းလှပခံ့ထည်ပြီး လူအသီးသီးတိုင်းအတွက်
တခုတ်တရ အမြဲရှိနေစေတဲ့အရာကို ရှင်းလင်းဖော်ပြပါလို့ ဆိုလာခဲ့ရင် တစ်ခုတည်းသောအဖြေက
'အိမ်'လို့ ချရေးရမှာပဲဖြစ်ပါတယ်။

အိမ်ဟာ လူတိုင်းနဲ့ ပတ်သက်နေတဲ့ အရာမို့ အိမ်မရှိသူကလည်း အိမ်အကြောင်း၊ အိမ်ရှိသူကလည်း
အိမ်အကြောင်း၊ အိမ်ဝေးသူကလည်း အိမ်လွမ်းစိတ်အကြောင်း၊ မိသားစုအိမ်အကြောင်း၊
ကျေးလက်အိမ်အကြောင်း၊ မြို့ပြအိမ်အကြောင်း၊ အမေ့အိမ်အကြောင်း၊ စသဖြင့် ဖြတ်သန်းခဲ့ဖူးရာ၊
ခံစားခဲ့ဖူးရာ၊ တည်ဆောက်ခဲ့ဖူးရာ၊ ရင်ခုန်ခဲ့ဖူးရာ၊ ပျော်မွေ့ခဲ့ဖူးရာ 'အိမ်' အကြောင်းများစွာကို
'အိမ်အကြောင်း အက်ဆေးများ'မှာ ခံစားရမှာဖြစ်ပါတယ်။

'အိမ်အကြောင်း အက်ဆေးများ'စာအုပ် မှာ စာရေးသူအားလုံးက သူတို့ရင်ထဲက 'အိမ်'ကို
ခံစားဖန်တီးထားပါတယ်။

အဖွင့်စာဖြစ်တဲ့ ကဗျာဆရာ မိုဃ်းဇော် ရဲ့ 'ယုဇနရုပ်ပုံလွှာ' အိမ်အက်ဆေးက စာရေးသူဖြတ်သန်းခဲ့တဲ့
အိမ်ကလေး အကြောင်းကို ခံစားရသလို ပြောင်းလဲလာ တဲ့ မြို့ပြရဲ့ အခင်းအကျင်းကိုလည်း
မြင်တွေ့ရမှာဖြစ်ပါတယ်။

ရုပ်ပုံလွှာလို့ ဆိုထားတဲ့အတိုင်း ထိတွေ့ဖြတ်သန်းခဲ့တဲ့ ယုဇနဥယျာဉ်မြို့တော်ကို စုတ်ချက်ကြမ်းကြမ်း
ပန်းချီကားတစ်ချပ်လို စာရေးသူက တို့ထိထားပါတယ်။

'ယုဇန ရုပ်ပုံလွှာ' အိမ်အက်ဆေးအဖွင့်က စာအုပ်မှာပါတဲ့ အိမ်အကြောင်း အက်ဆေးတွေကို
တစ်ပုဒ်ပြီးတစ်ပုဒ် ဆက်တိုက် ဖတ်ပစ်လိုက်ချင်စိတ် ဖြစ်မိစေပါတယ်။

တစ်ခါတစ်ရံ ကြည်ကြည်နူးနူး ခံစားရင်း၊ တစ်ခါတစ်ရံ မွန်းကျပ် ပိတ်လှောင်ရင်း၊ တစ်ခါတစ်ရံ လေးလံ
ငြီးငွေ့ရင်း၊ တစ်ခါတစ်ရံ မျှော်လင့်အိပ်မက်ရင်း ဖတ်ပြီးတဲ့ အိမ်အကြောင်း အက်ဆေးတွေကို
တစ်ပုဒ်ချင်း သက်ဝင်ခံစားချင်စိတ်ကိုလည်း ဖြစ်စေပါတယ်။

စာရေးသူ ၆၅ ဦးရဲ့ မတူညီတဲ့ အိမ်အကြောင်း ခံစားချက် အက်ဆေးတွေ ဆိုပေမဲ့ လူတိုင်းနဲ့
အနီးဆုံးမှာရှိနေခဲ့တဲ့ အကြွင်းမဲ့ဖြစ်မှုအကြောင်းအရာမို့ အက်ဆေးတစ်ပုဒ်ချင်းစီတိုင်းဟာ
ကိုယ်တိုင် ဖြတ်သန်းခဲ့ဖူးတဲ့ အတိတ်၊ ပုံရိပ်လွှာ၊ အမှတ်တရ၊ မှတ်ဉာဏ်သိစိတ်၊ ဘ၀အမောတွေ
အဖြစ်လည်း ခံစားရမှာဖြစ်ပါတယ်။

ရုပ်ဝတ္ထုအိမ်တွေအကြောင်းကနေ ခွဲထွက်လာတဲ့ အိမ်အက်ဆေးကိုတော့ ခိုင်မျိုးရဲ့ 'အိမ်'မှာ
ခံစားရပါတယ်။

ဖြတ်သန်းခဲ့ဖူးတဲ့ အိမ်နဲ့ အိမ်အကြောင်း အက်ဆေးတွေကို သက်ဝင်ခံစား ဖတ်ရှုနေရာကနေ ခိုင်မျိုးရဲ့
'အိမ်'က ခံစားမှု အရှိန်ကို ရုတ်တရက်ကြီး ချိုးကွေ့ဆွဲချ လိုက်ပြီး အသစ်ခံစားမှုတစ်ခုကို အတွေးထဲ
ထိုးထည့်ပေးတာပါ။

"၉၆ ပါးသော ရောဂါဝေဒနာတို့ ကပ်ငြိစုဝေး ပေါက်ပွားရှင်သန်နေထိုင်ရာ ခန္ဓာအိမ်ကြီးတစ်ခုကို
မိတ်ဆွေ ပိုင်ဆိုင်ရရှိပြီးခဲ့ပါပြီ။ ..... ဤကမ္ဘာမြေပေါ် မှီတွယ်နေထိုင်းရင်း ဤရေကို သောက်သုံးရင်း၊
ဤလောက၏ လေကို ရှူရှိုက်ရင်း၊ ဤလောကကြီးမှ ထွက်ရှိသမျှ အာဟာရကို စားသုံး ရှင်သန်ရင်း
ခန္ဓာအိမ်တို့ကား ရွေ့လျားဖြစ်ပျက်လျက်ရှိပါသည်။"

ခိုင်မျိုးရဲ့'အိမ်' မှာ ရုပ်ဝတ္ထု အိမ်တွေကို ကျော်လွန်ပြီး တုန်လှုပ်ချောက်ချားဖွယ် မေးခွန်းတွေနဲ့အတူ
ကျန်ရစ်စေတဲ့ ခုလို အဖွဲ့အနွဲ့ကို ခံစားရမှာပါ။

ဒါ့ပြင် နေထိုင်စရာ အိမ်လေးတစ်လုံး အကြောင်း၊ လွမ်းမောဖွယ် ကျေးလက်က အိမ်လေးအကြောင်း၊
ဖြတ်သန်းခဲ့ဖူးတဲ့ အိမ်လေးအကြောင်းတွေကို ခံစားနေရာ တစ်ဆင့် ကိုယ်နေထိုင်တဲ့ အိမ်လေးကို
အကြောင်းအမျိုးမျိုးကြောင့် ရောင်းချဖို့ ဖြစ်လာတဲ့ ရောင်းချလိုက်ရတဲ့ မိသားစုဝင် တစ်ဦးရဲ့ ခံစားချက်
အဖွဲ့အနွဲ့ကို လင်းဆက်ငြိမ်းချမ်းရဲ့ 'ကျွန်တော်၏အနာ၊ ကျွန်တော်၏ အိမ်နှင့် ကျွန်တော်၏ ပျော်ရွှင်မှု'
အက်ဆေးမှာ ခံစားရမှာပါ။

လူတွေဟာ နေထိုင်စရာ အိမ်လေး တစ်လုံးအကြောင်း၊ နေထိုင်ခဲ့ဖူးတဲ့ အိမ်တွေအကြောင်း
လွမ်းမောတသ ခံစားကြသလို ကိုယ်နေထိုင်ရာ အိမ်လေးကို ရောင်းချ စွန့်ခွာလိုက်ရသူရဲ့
ခံစားမှုကလည်း နာကျင်စရာပါပဲ။

အတိတ်အနာတစ်ခုလို ပြောချင်စရာမကောင်းပေမဲ့ နွားတစ်ကောင် ၀ယ်သလို ကိုယ့်အိမ်ကို
လူတွေတစ်ယောက် ပြီးတစ်ယောက် ရောက်လာပြီး စေ့ငုစုံစမ်း ကြည့်ရှုတာကို နာကျင်ခံစားနေရပေမဲ့
အခြေအနေကြောင့် အမြန်ရောင်းထွက်အောင် ရှင်းလင်းပြသရတဲ့ အခြေအနေက နင့်နင့်သီးသီး
ခံစားရမှာပါ။

မြေပေါ်က၊ စိတ်ကူးထဲက၊ တိမ်တွေ ထဲက၊ အိပ်မက်ထဲက အိမ်တွေလိုပဲ နိုင်ဦးကိုက 'ရေပေါ်ရွေ့လျား
အိမ်ကလေး' နဲ့ သူ့ရဲ့အိမ်အကြောင်းကို ဖွဲ့နွဲ့ထားပါတယ်။

သင်္ဘောသားတစ်ဦးရဲ့ ပင်လယ်ပြင်ထဲ ရွက်လွှင့်နေထိုင်ရင်း တစ်သားတည်းဖြစ်လာတဲ့ ရွေ့လျား
အိမ်ကလေးအကြောင်းက အခြားတစ်ဖက်က မြင်ရတဲ့ အလှတစ်ခုပါပဲ။

အိမ်အကြောင်း အက်ဆေးတွေထဲမှာ အနှစ်သက်ဆုံးဖြစ်မိတဲ့ အက်ဆေးကတော့ ဓမ္မဂင်္ဂါရဲ့
'ရဟန်းနှင့် အိမ်' အက်ဆေးပဲ ဖြစ်ပါတယ်။

အတွေးသစ်၊ ရှုထောင့်အသစ်နဲ့ မမြင်ရတဲ့ထောင့်က ထွက်လာတဲ့ ၀ိုက်လက်သီးလို အင့်ခနဲ
ပွဲသိမ်းသွားအောင် လှပလွန်းတဲ့ အက်ဆေးပါ။

တန်ဖိုး ကျပ် ၅,၀၀၀ ဆိုပေမဲ့ 'အိမ်အကြောင်း အက်ဆေးများ' စာအုပ်က ရရှိတဲ့ ရသက
ထို့ထက်သာပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။