လင်းယုန်မောင်မောင်ရဲ့ 'သတင်းစာဆရာမ'

စာရေးဆရာ လင်းယုန်မောင်မောင်ရဲ့ တိမ်မြှုပ်နေတဲ့ အစောပိုင်း ဘာသာပြန် လက်ရာဟောင်း
တစ်ခုဖြစ်တဲ့ 'သတင်းစာဆရာမ' စာအုပ်ကို စိတ်ကူးချိုချိုစာအုပ်တိုက်က ယခုလထဲမှာ
ဒုတိယအကြိမ် ပြန်လည်ထုတ်ဝေပါတယ်။

ဆိုဗီယက် စာရေးဆရာ ဗစ်တာအယ်ဖ်ဒေးယက်ဖ်ရဲ့ The New Proof Reader ကို
မူရင်းအတိုင်း ဘာသာပြန်ဆိုထားတဲ့ စာအုပ်ဖြစ်ပြီး သတင်းစာတစ်စောင်နဲ့ ထိုသတင်းစာမှာ
အလုပ်လုပ်ကိုင်ကြသူတွေအကြောင်းကို ဇာတ်လမ်းဖွဲ့ ရေးသားထားတဲ့ စာအုပ်ဖြစ်ပါတယ်။

ကွဲပြားခြားနားတဲ့ လူ့သဘာဝ စိတ်နေသဘောထားတွေကို ရိပ်စားမိနိုင်ရုံသာမက
ဆိုဗီယက်ပြည်သူတွေအနေနဲ့ အမှန်တရားအတွက် ဆင်နွှဲနေကြရတဲ့ ဘ၀တိုက်ပွဲ တစ်ပိုင်းတစ်စကို
ခံစားတွေ့မြင်ရမှာဖြစ်ပါတယ်။

ဒါ့ပြင် ဆိုဗီယက်သတင်းစာလောက တစ်စိတ်တစ်ပိုင်းကိုလည်း မြင်တွေ့ရမှာဖြစ်ပြီး တားမြစ်မှုတွေ၊
စံနှုန်းတွေ၊ ဖိနှိပ်မှုတွေကြားက သတင်းစာတစ်စောင် ရှင်သန်မှုအတွက် ရုန်းကန်ရမှုတွေကို
ခံစားရမှာဖြစ်ပါတယ်။

စာအုပ်ရဲ့ အဓိကဇာတ်ကောင်ဖြစ်တဲ့ 'သမာဓိသတင်းစာ' တိုက်ရဲ့ စာပြင်ဆရာမလေး
နာတာလ်ယာကို အခြေပြုပြီး သတင်းစာတိုက် တစ်တိုက်ရှင်သန်ဖို့ ပါဝင်ပတ်သက်သူတွေ
အားလုံးအကြောင်းကို ဆိုဗီယက်ခေတ်ကို ထင်ဟပ်ရင်း ဖတ်ရှုရမှာဖြစ်ပါတယ်။

ယခုခေတ်လို ကွန်ပျူတာခေတ်၊ နည်းပညာခေတ်မဟုတ်ဘဲ ခဲစာလုံးခေတ်က အခြေအနေမို့
မြန်မာစာပေလောကမှာ ဖြတ်သန်းခဲ့ရတဲ့ ခဲစာလုံးခေတ်ကိုလည်း ယှဉ်တွဲခံစားနိုင်မှာဖြစ်ပါတယ်။

သတင်းစာတစ်စောင်အတွက် သတင်းထောက်၊ အယ်ဒီတာ တွေတင် အရေးပါတာမဟုတ်ဘဲ၊
စာပြင်သူ၊ ခဲဘလောက်တုံးစီသူ၊ ပုံနှိပ်သူတွေရဲ့ ကဏ္ဍအလိုက် အရေးပါပုံကို
ဆရာလင်းယုန်မောင်မောင်ရဲ့ 'သတင်းစာဆရာမ' စာအုပ်မှာ မြင်တွေ့ရမှာဖြစ်ပါတယ်။
တန်ဖိုး ကျပ် ၂,၀၀၀ ဖြစ်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။