စိတ်ကူးတွေနဲ့ အသိပညာပေါင်းရင် စိတ်ကူးကောင်းတစ်ခု ရနိုင်တယ်

ကမ္ဘာမှာ ပြောင်မြောက်တဲ့ဖန်တီးမှုတွေ၊ ထူးကဲတဲ့ အောင်မြင်မှုတွေနောက်မှာ အပြစ်ပြောစရာ
နဲလောက်အောင် ကောင်းမွန်တဲ့ စိတ်ကူးအကြံဥာဏ်တွေ ရှိတတ်ပါတယ်။

ဒါကြောင့်လည်း တိုးတက်တဲ့တိုင်းပြည်တိုင်းမှာ အကြံပေးပုဂ္ဂိုလ်တွေနဲ့ အကြံပေးလုပ်ငန်းတွေ
အလုပ်ဖြစ်ကြတာပါ။

အကြံဥာဏ်ကို တစ်ခြားသူတွေ၊ အဖွဲ့အစည်းတွေထံက ရယူတာဟာ အဲဒီသူတွေ စုဆောင်းထားတဲ့
အတွေ့အကြုံနဲ့ ကျွမ်းကျင်မှုကို ၀ယ်ယူလိုက်တာ ဖြစ်ပါတယ်။

ဒါပေမယ့် လက်ရှိ ခေတ်ရေစီးကြောင်းမှာ လုံးဝဆန်းသစ်တဲ့အရာ တစ်ခုကိုလုပ်ဖို့ဆိုရင်တော့
သူတစ်ပါးဆီက အတွေ့အကြုံ နဲ့ ကျွမ်းကျင်မှုထက် ကိုယ်ပိုင်စိတ်ကူးအကြံဟာ ထူးထူးကဲကဲ
ပိုမိုကောင်းမွန်တယ်ဆိုတာကို စွန့်ဦးတီထွင်ပြီး လုပ်ငန်းရှင် ဖြစ်လာသူတွေရဲ့ ဘ၀ပုံရိပ်တွေက
သက်သေခံနေပါတယ်။

ကိုယ်ပိုင်စိတ်ကူးကောင်းတစ်ခု ရဖို့ဆိုတာကတော့ ကိုယ်ကျွမ်းကျင်ရာ နယ်ပယ်ကို အခြေခံပြီး
အကြိမ်ကြိမ် လက်တွေ့ကျကျ စိတ်ကူးရမှာ ဖြစ်သလို ကိုယ်နဲ့ စိမ်းနေသေးတဲ့ နယ်ပယ်တွေနဲ့
ပတ်သက်တဲ့ အချက်အလက်တွေကိုလည်း စုဆောင်းဖို့ လိုပါတယ်။

တကယ်တော့ လက်တွေ့ကျတဲ့ စိတ်ကူးကောင်းတစ်ခုဆိုတာ အကြိမ်ကြိမ်စိတ်ကူးမိတာတွေနဲ့၊
အချိန်ယူ စုဆောင်းထားတဲ့အကြား၊ အမြင်နဲ့ ဗဟုသုတတွေမှာ မြစ်ဖျားခံပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။