ဆန်းသစ်တီထွင်မှုအသစ်နဲ့ တွတ်ပီ 'မြေအိုးတုတ်ထိုး'

ချဉ်ချဉ်စပ်စပ်နဲ့ ခံတွင်းလိုက်စေမယ့် မြေအိုးတုတ်ထိုး။ မောင်ဇော် / မြန်မာတိုင်း(မ်)ချဉ်ချဉ်စပ်စပ်နဲ့ ခံတွင်းလိုက်စေမယ့် မြေအိုးတုတ်ထိုး။ မောင်ဇော် / မြန်မာတိုင်း(မ်)

မန္တလေးမြို့မှာ ရောင်းချနေတဲ့ နာမည်ကြီးတုတ်ထိုးဆိုင်တွေထဲမှာ 'တွတ်ပီ' ဆိုတာ
လူတိုင်းသိနေပြီးသားပါ။ ကျန်တဲ့ တုတ်ထိုးဆိုင်တွေနဲ့ မတူတဲ့ အချက်ကတော့
'မြေအိုးတုတ်ထိုး' ပါပဲ။ ကျန်တဲ့ဆိုင်တွေက တုတ်ထိုးကို အကင် (သို့မဟုတ်)
ပွဲအလိုက်ပဲ ရောင်းချတတ်ကြပါတယ်။ တွတ်ပီကတော့ ကျန်တဲ့ဆိုင်တွေနဲ့မတူပဲ 
'မြေအိုးတုတ်ထိုး' ကို ထပ်မံတီထွင်ပြီး ရောင်းချတာပါ။

သူတို့ရောင်းချတဲ့ 'မြေအိုးတုတ်ထိုး' ပုံစံလေးက ကြည့်ရုံနဲ့တင် စားချင်စဖွယ်
ကောင်းလှပါတယ်။ မြေအိုးအဖုံးကို ဖွင့်မကြည့်ခင်မှာပင် အနံ့လေးက
မွှေးနေတာပါ။ မြေအိုးအဖုံးကို ဖွင့်ကြည့်တဲ့အခါမှာတော့ စားချင်စိတ်တွေပိုတိုး
လာပါတယ်။ မြေအိုးတုတ်ထိုးထဲမှာ အသားနဲ့ အသီးအရွက်တွေ အစုံပါပါတယ်။
အဲဒါတွေကို ဟင်းရည်နဲ့ ရောထားပါတယ်။သူ့ပုံစံလေးက မြေအိုးမြီးရှည်ပုံစံ အတိုင်းပါပဲ။

မြေအိုးတုတ်ထိုးကို မှာယူတဲ့အချိန်မှာပဲကိုယ်ကြိုက်နှစ်သက်တဲ့ ဝက်သားရဲ့
အသားအစိတ်အပိုင်းတွေကို ရွေးချယ် မှာလိုက်လို့ရပါတယ်။ မှာပြီးရင်တော့ ငါးမိနစ်
ခန့်စောင့်ရပါတယ်။ ငါးမိနစ်ခန့်ကြာပြီးရင်တော့ အငွေ့တွေထောင်းထောင်းထနေတဲ့
'မြေအိုးတုတ်ထိုး' ရရှိမှာဖြစ်ပါတယ်။ ကိုယ်မှာလိုက်တဲ့အသားတွေအပြင် ငုံးဥတွေပါ
ထည့်ပေးထားပါတယ်။ မြေအိုးတုတ်ထိုးရဲ့ အရသာရှိတဲ့အပိုင်းကတော့ ဟင်းရည်လို့ပဲ
ထင်ပါတယ်။ဟင်းရည်ရဲ့ အရသာက မွှေးနေပါတယ်။ သောက်လိုက်ရင်လည်း
အရသာက ချဉ်ချဉ်စပ်စပ် အရသာရှိလှပါတယ်။ နှမ်းစေ့လေးတွေပါတော့ ပိုပြီး
မွှေးနေတယ်လို့ ထင်ပါတယ်။

နေမကောင်းတဲ့လူတွေ (သို့မဟုတ်) ခံတွင်းပျက်နေတဲ့ လူတွေနဲ့ဆိုရင် ပိုပြီး
လိုက်ဖက်တယ်လို့တောင် ထင်မိပါတယ်။ နောက်တစ်ခုက မြေအိုးတုတ်ထိုးကို
ဆောင်းတွင်းလို အချိန်မှာ သောက်ရင် ပိုပြီး အရသာရှိမှာပါ။ အေးတဲ့ရာသီဥတုနဲ့
မြေအိုးတုတ်ထိုးရဲ့ ဟင်းရည်က ပူပူလေးဆိုတော့ စားချင်စိတ်တွေ ပိုတိုးလာစေနိုင်
ပါတယ်။ အခုလို နွေရာသီအချိန်ဆိုရင်တော့ ချွေးဒီးဒီးကျနိုင်ပါတယ်။ မြေအိုးတုတ်
ထိုးကို စားချင်စိတ်ဖြစ်ပေါ်လာအောင်လုပ်တဲ့အထဲမှာ ဟင်းရည်ကပိုပြီး အဓိက
ကျပါတယ်။

ကြိုက်နှစ်သက်လို့ စားချင်ရင်တော့ မန္တလေးဆေးတက္ကသိုလ်ရဲ့ နောက်ကျော
ဘက်ဖြစ်တဲ့ ၇၄ လမ်း၊ ၃၁ နဲ့ ၃၂ လမ်းကြားက တွတ်ပီတုတ်ထိုးဆိုင်မှာ
စားလို့ရပါတယ်။ တစ်ပွဲမှ ကျပ် ၂,ဝဝဝ ဆိုတော့ စားရတာတန်တဲ့အတွက်
အစားအသောက် ကြိုက်နှစ်သက်တဲ့ လူတွေအနေနဲ့ တွတ်ပီတုတ်ထိုးဆိုင်က
'မြေအိုးတုတ်ထိုး'ကို သွားစားကြည့်ဖို့ အကြံပေးလိုပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။