သတိထားရမည့် ကလေးများကို ပစ်မှတ်ထားသော ခရီးသွားလုပ်ငန်းများ

ဟိုတယ်နှင့်ခရီးသွားလာရေးလုပ်ငန်း ဖွံ့ဖြိုး လာနေချိန်မျိုးတွင် ကြုံတွေ့ရလေ့ရှိသော
ကလေးသူငယ်များကို ပစ်မှတ်ထားဦးတည် သည့် ခရီးသွားလုပ်ငန်းပြဿနာကို
သတိထားရန် ခရီးသွားလုပ်ငန်းဆိုင်ရာ အစီရင်ခံစာတစ်ခုက ထောက်ပြထားသည်။

ကလေးသူငယ်များကို ဦးတည်သော ခရီးသွားလုပ်ငန်းများဆိုသည်မှာ ခရီးသွားများကို
ကလေးသူငယ်များဖြင့် လိင်ပိုင်း ဆိုင်ရာဖျော်ဖြေပေးသည့် လုပ်ငန်းများအပြင်
ကမ္ဘောဒီးယားနိုင်ငံတွင် ကျယ်ကျယ်ပြန့်ပြန့် ဖြစ်ပွားနေသည့် မိဘမဲ့ကလေး၊ မွေးစားခံ
ကလေးများကိုဗန်းပြ၍ ခရီးသွားဆွဲဆောင်သည့်၊ အလှူငွေများလက်ခံသည့် လုပ်ငန်းများ
စသည်တို့ကို ဆိုလိုခြင်းဖြစ်သည်ဟု ဇူလိုင်လက ထုတ်ပြန်ခဲ့သည့် အဆိုပါ အစီရင်ခံစာတွင်
ဖော်ပြထားသည်။

အဆိုပါအစီရင်ခံစာကို မြန်မာ့စီးပွားရေး ကဏ္ဍတာဝန်ယူမှုရှိရေး အထောက်အကူပြုဌာန
( MCRB)၊ဒိန်းမတ်အခြေစိုက် ဒန်းနစ်ရှ် လူ့အခွင့်အရေး အင်စတီကျု (DIHR)၊ ဗြိတိန်
အခြေစိုက် လူ့အခွင့်အရေးနှင့် စီးပွားရေး လုပ်ငန်းဆိုင်ရာ အင်စတီကျု (IHRB) တို့က
ပူးပေါင်း သုတေသန ပြုလုပ်ထုတ်ဝေခြင်းဖြစ် ပြီး ဟိုတယ်နှင့် ခရီးသွားလုပ်ငန်းဝန်ကြီးဌာန
၏ တရားဝင်ဝက်ဘ်ဆိုက်တွင် ဇူလိုင်လ ၁၉ ရက်နေ့က တရားဝင် ထုတ်ပြန်ခဲ့သည်။
"ကလေးတွေဆိုတာ အထူးသဖြင့် ခရီးသွားလုပ်ငန်းရဲ့ သက်ရောက်မှုတွေ ခံရနိုင်ခြေ
များကြပါတယ်။ အိမ်နီးချင်းနိုင်ငံတွေဖြစ်တဲ့ ထိုင်းနဲ့ ကမ္ဘောဒီးယားတို့ထံကနေ သင်ခန်းစာ
တွေကိုယူရမှာပါ။

ဧည့်လမ်းညွှန်တွေကော၊ လာရောက် လည်ပတ်သူတွေကိုပါ ခရီးသွား လုပ်ငန်းတွေကြောင့်
ဖြစ်လာနိုင်တဲ့ ကလေးတွေ အတွက် ဆိုးကျိုးတွေကို ပညာပေးလှုံ့ဆော်မှု တွေအရှိန်မြှင့်ဖို့
အဓိကထောက်ပြလိုပါ တယ်" ဟု အစီရင်ခံစာတွင် ဖော်ပြထားသည်။ "ပြည်ပခရီးသွားတွေ
ပမာဏ အများကြီး လာဖို့နဲ့ ပြည်တွင်းဘုရားဖူးနဲ့ခရီးသွားတွေအများကြီးလာဖို့ (မြန်မာနိုင်ငံတွင်)
အခြေခံ အဆောက်အအုံကော၊ လူမှုအသိုင်းအ၀ိုင်း ကပါ ပြင်ဆင်ထားမှုက အလွန်
အားနည်းနေပါတယ်" ဟုလည်း ဖော်ပြထားသည်။

မြန်မာ့ခရီးသွားလုပ်ငန်းရှင်များအဖွဲ့ချုပ် ၏ အမှုဆောင် ဦးနောင်းနောင်းဟန်က ကလေးများကို
လိင်ဖျော်ဖြေမှုတွင် သုံးသည့် ပြဿနာကို အချိန်မီ ထိန်းသိမ်းရန် လိုအပ်သည်ဟု ပြောသည်။
"ကလေးတွေကို လိင်ဖျော်ဖြေမှုမှာသုံးတဲ့ခရီးသွားဆွဲဆောင်မှုလုပ်ငန်းက မြန်မာပြည်မှာ
ရှိနေပြီလို့ ဆိုနိုင်တယ်ဗျ။ ဒါပေမဲ့ ကျယ် ကျယ်ပြန့်ပြန့်မဖြစ်သေးဘူး။ အဲဒါကို ပြဿနာ ကြီးဖြစ်
မလာခင်မှာ ကျွန်တော်တို့ ထိန်းသိမ်းဖို့လိုတယ်"ဟု ၎င်းက ပြောသည်။ "ကျွန်တော်သိသလောက်
ဂေါက်ရိုက်ပြိုင် ပွဲခရီးစဉ်တစ်ခုက အရှေ့တိုင်းသားတချို့က ညဘက် ကေတီဗီသွားရင်း
ငယ်ငယ်ရွယ်ရွယ်အမျိုးသမီးလေးတွေကို ရှာခိုင်းတယ်။ ပိုင်ရှင်ကလည်း ၁၄ ငါးခြောက်နှစ်
အရွယ် အမျိုးသမီး လေးတွေ ရှာပေးခဲ့တယ်လို့ သိရတယ်။ ဒါမျိုး တွေကဖြစ်နေပါပြီ။ ဒါတွေက
တရားမ၀င်ဘူး။ ဒီလိုကိစ္စတွေအများစုက အခုလို ကေတီဗီတွေ ကပဲ အစပြုကြတယ်"ဟု
၎င်းကပြောသည်။ သို့သော် ကမ္ဘောဒီးယားတွင်ဖြစ်ပွားသကဲ့သို့ မွေးစားခံကလေးများကိုဗန်းပြ၍
ခရီးသွား ဆွဲဆောင်သည့်၊ အလှူငွေများလက်ခံသည့် လုပ်ငန်းများကိုမူ မြန်မာနိုင်ငံ၌
မတွေ့ရသေးကြောင်း ၎င်းကပြောသည်။

ကလေးသူငယ်အရေး ကာကွယ်စောင့် ရှောက်သည့် ကျွမ်းကျင်သူများကမူ ထိုကိစ္စမျိုး
မြန်မာနိုင်ငံ၌ ဖြစ်ပွားနေပြီဟု ဆိုကြသည်။ ကုလသမဂ္ဂကလေးများရန်ပုံငွေအဖွဲ့ (ယူနီဆက်ဖ်)
၏ အဆိုအရ မိဘမဲ့နှင့် မွေးစားခံကလေးကိုဗန်းပြ၍ ခရီးသွားဆွဲဆောင်သည့်လုပ်ငန်းမှာ
ကမ္ဘာတွင်ကျယ်ပြန့်လာနေပြီး အလှူငွေကောက်ခံရရှိရန် အလွန်လွယ်ကူ သည့် နည်းလမ်းဖြစ်
သဖြင့် နောက်ထပ် မိဘမဲ့ နှင့် မွေးစားခံကလေးများ တိုးပွားလာစေရန် ပင် မက်လုံးဖြစ်
လာနေသည်ဟု ဆိုထားသည်။

ယူနီဆက်ဖ်၏ ၂၀၁၁ ခုနှစ်လေ့လာချက် အရ မြန်မာနိုင်ငံတွင် မိဘမဲ့ကလေးအဖြစ်
မှတ်ပုံတင်ထားပြီး စောင့်ရှောက်မှုနှင့် အထောက်အပံ့ရယူနေသူ၏ ၇၃ ရာနှုန်းသည်
မိဘနှစ်ဦးစလုံး၊ သို့မဟုတ် တစ်ဦးမှာ သက်ရှိထင်ရှားရှိကြသည်ဟု ဆိုသည်။ ထိုကဲ့သို့
ကလေးသူငယ်ပြဿနာအပြင် မြန်မာနိုင်ငံတွင် ခရီးသွား အများအပြား သွား ရောက်သည့်
ဒေသများတွင် သဘာ၀၀န်းကျင် နှင့် လူမှုဝန်းကျင်တို့အပေါ် ခရီးသွားလုပ်ငန်း ၏ ၀န်ထုပ်ဝန်ပိုးများ
သက်ရောက်နေပြီဖြစ် ကြောင်း ခရီးသွားလုပ်ငန်း အစီရင်ခံစာတွင် ဖော်ပြထားသည်။
"မြန်မာနိုင်ငံရဲ့ အထင်ကရနေရာတွေဖြစ် တဲ့ ပုဂံ၊ အင်းလေးနဲ့ ကျိုက်ထီးရိုးစတဲ့ဒေသ တွေဟာ
ခရီးသွားလုပ်ငန်းကနေ ပတ်ဝန်းကျင်နဲ့ လူမှုအသိုင်းအ၀ိုင်းအပေါ် ဖိအားတွေဖြစ်နေစေပါပြီ။
အဲဒါက အသက်မွေးဝမ်းကျောင်းမှု တွေနဲ့ အဲဒီဒေသတွေဟာ ရေရှည်မှာ ခရီး သွားလည်ပတ်
စရာနေရာအဖြစ် ဆက်လက်ရပ်တည်ရေးအတွက် သက်ရောက်လာနေပါတယ်"ဟု ဖော်ပြထား
သည်။ ထိုကိစ္စပြေလည်စေရန် ခရီးစဉ်ဒေသစီမံ ခန့်ခွဲရေးအစီအမံများ၊ အသင်းအဖွဲ့များကို
အစိုးရကဦးဆောင် ရေးဆွဲဖွဲ့စည်းပေးပြီး၊ လုပ်ငန်းရှင်များ၊ အရပ်ဘက်အဖွဲ့များလည်း
ပါဝင်စေသင့်ကြောင်း အကြံပြုထားသည်။ "ဆိုးကျိုးတွေကိုဖြစ်စေတဲ့ ဈေးကွက်ဆိုင်ရာ
မဟာဗျူဟာတွေကြောင့် မြန်မာနိုင်ငံရဲ့ သဘာ၀၀န်းကျင်နဲ့ ယဉ်ကျေးမှုတွေကို ပြုန်းတီး
စေမယ်ဆိုရင် တစ်နေ့ ရွှေဥတစ်လုံး ပုံမှန်ဥ ပေးနေတဲ့ ငန်းကြီးကို သတ်လိုက်သလိုဖြစ်စေ
လိမ့်မယ်"ဟု အစီရင်ခံစာကဆိုသည်။

ဦးနောင်းနောင်းဟန်ကလည်း ခရီးသွား အများအပြား ၀င်လာရန်နှင့် ထိုသို့ဝင်လာချိန်တွင်
စီမံခန့်ခွဲရန် အစီအမံများချမှတ်ရန် အချိန်မမီမည်ကို စိုးရိမ်သည်ဟုဆိုသည်။ "ကျွန်တော်တို့
အတွက် အချိန် အများကြီးမရှိဘူး။ နောက်အစိုးရတက်လာရင်လည်း လေးငါးဆလောက်
တွန်းလုပ်မှရမယ်" ဟု ၎င်းကပြောသည်။ ၂၀၁၃ဈ၂၀ ခုနှစ် မြန်မာ့ရီးသွားလုပ်ငန်း ပင်မစီမံချက်
အရ ထိုကာလအတွင်း ပြည်ပခရီးသည် ၂၀ ဒသမ ၄ သန်းနှင့် ပြည်တွင်းခရီး သွား သန်း ၃၀
ခန့်ရှိလာစေရန် ရည်မှန်း ထားသလို၊ ၂၀၁၆ ခုနှစ်ကိုလည်း မြန်မာ့ခရီး သွားနှစ်အဖြစ်
သတ်မှတ်မည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား