ခရီးသွားလုပ်ငန်းဖွံ့ဖြိုးတိုးတက်ရေးအတွက် ဧည့်သည်အ၀င်စာရင်း တိကျရန် လိုအပ်နေ

၂၀၁၅ ခုနှစ်တွင် မြန်မာနိုင်ငံသို့ နိုင်ငံတကာ ခရီးသွားဧည့်သည် ၄ ဒသမ ၅ သန်းမှ
ငါးသန်း အထိဝင်ရောက်ရန် ဟိုတယ်နှင့်ခရီးသွားလာရေးလုပ်ငန်းဝန်ကြီးဌာနက
မျှော်မှန်းထားရာ ဩဂုတ် လလယ်အထိ နှစ်သန်းခွဲခန့် ၀င်ရောက် ပြီးဖြစ်ကြောင်း
ဝန်ကြီးဌာန၏ စာရင်းများအရ သိရသည်။

သို့သော် အဆိုပါစာရင်းမှာ မြန်မာနိုင်ငံသို့ လာရောက်သည့် နိုင်ငံခြားခရီးသည်အားလုံးကို
ထည့်သွင်းတွက်ချက်ထားခြင်းဖြစ်ရာ ခရီး သွားလုပ်ငန်းမြှင့်တင်ရေးအတွက်မူ တိကျ
သည့်စာရင်းများကောက်ယူရန် လိုအပ်နေပြီဟု ခရီးသွားလုပ်ငန်းရှင်များက ပြောသည်။
"ခရီးသွား လုပ်ငန်းလုပ်ကိုင်နေသူအတွက် အချက်အလက်တွေက အရမ်းကိုအရေးကြီးပါတယ်။
အခြေခံအချက်အလက်တွေကို အခြေခံပြီး ဈေးကွက်တစ်ခုချင်းစီ အလိုက် စာရင်းလုပ်ထားတာ
မရှိသေးပါဘူး။ အခုလောလောဆယ် နိုင်ငံခြားသားဧည့်သည်ဝင်ရောက်မှုစာရင်းကို
လူဝင်မှုကြီးကြပ် ရေးကထုတ်ပြန်တာပါ။ တိကျမှန်ကန်တဲ့ ဧည့်ဝင်စာရင်းဖြစ်ဖို့
ဘယ်လိုကောက်ယူမယ်၊ သုတေသနလုပ်မယ်ဆိုတာကို ပထမ၊ ဒုတိယ အဆင့်ခွဲပြီး
ပညာရှင်တွေနဲ့လုပ်ဖို့လိုနေပါပြီ" ဟု မြန်မာ့ခရီးသွားလုပ်ငန်းဈေးကွက် အရောင်းမြှင့်တင်ရေး
ကော်မတီ (Myanmar Tourism Marketing Committee) ဥက္ကဋ္ဌ ဦးဖြိုးဝေရာဇာက
ပြောသည်။

ခရီးသွားလုပ်ငန်းများဖွံ့ဖြိုးတိုးတက်ရန်ဆောင်ရွက်ရာတွင် စာရင်းဇယားအချက်အလက်များသည်
အခရာကျသည့်အတွက် မှန်ကန်သည့် စာရင်းများပေါ်ထွက်လာရန် အစိုးရပိုင်းက ဦးစီးဆောင်ရွက်
ရန် လိုနေ ပြီဟုလည်း ၎င်းကပြောသည်။ "ခရီးသွားဈေးကွက်တစ်ခုချင်းစီအလိုက် ဘယ်လောက်
အလားအလာရှိတယ်ဆိုတာသိပြီး လိုအပ်သလောက်ပဲလုပ်မှ အောင်မြင် ဖို့နီးစပ်မှာပါ။
ဥပမာ-ဒေါ်လာငါးသောင်းတန် တဲ့ ဈေးကွက်ကို ဒေါ်လာ သုံးသောင်းပဲ ရင်းနှီးမယ်ဆို
မဖြစ်နိုင်ပါဘူး။ အဲဒါကြောင့် တိကျ မှန် ကန်တဲ့ စာရင်းအချက်အလက်တွေလိုအပ်ပါတယ်။
အဲဒီလို တိတိကျကျမသိဘဲ လုပ်နေမယ်ဆိုရင် ဆင်ကန်းတောတိုးသလိုဖြစ်နေမှာပါ"ဟု
၎င်းကပြောသည်။

စုစုပေါင်း ဧည့်သည်ဝင်ရောက်မှုတိုးလာ သည်ဟု စာရင်းများက ဖော်ပြနေသော်လည်း
ဈေးကွက်အနေအထား သိသာထင်ရှားစွာ တိုးတက်လာခြင်းမရှိဟု Nature Dream ခရီး
သွားလုပ်ငန်းက အုပ်ချုပ်မှုဒါရိုက်တာ ဒေါ်စပယ်အောင်က မြန်မာတိုင်း(မ်) ကို ပြောသည်။
"ကျွန်မတစ်ဦးတည်းက ပြောရမယ်ဆိုရင် ရုရှားခရီးသွားဈေးကွက်က အရင်နှစ်ထက်
၄၀ ရာခိုင်နှုန်းကျသွားပါတယ်။ တကယ်လာတဲ့ ခရီးသွားတွေကို ၀န်ဆောင်မှုပေးတာက
လုပ် ငန်းရှင်တွေပါ။ စာရင်း ထုတ်ပြန်တာက ၀န်ကြီး ဌာနကဆိုတော့ အချက်အလက်မှန်မမှန်
ဘယ်လိုစာရင်းကောက်ပြီး ထုတ်ပြန်တယ် ဆိုတာ မသိရပါဘူး။ အဲဒါကြောင့် ခရီးသွား
လုပ်ငန်းရှင်တွေက ဘယ်လိုအကျိုးရှိပါတယ် လို့ ပြောလို့မရပါဘူး"ဟု ၎င်းက ပြောသည်။
ကမ္ဘာလှည့်ခရီးသွားဧည့်သည်များတွင် ဥရောပခရီးသွားများသည် အာရှခရီးသွား များထက်
ပိုက်ဆံ သုံးအားကောင်းသော ခရီး သွားများဖြစ်ပြီး ၁၀ ဆ တစ်ဆ သုံးစွဲမှုကွာသည်
ဟုဆိုသည်။

ထိုကဲ့သို့ သုံးအားကောင်းသော ခရီးသွားဦးရေတိုးတက်လာရန် အခြေခံလိုအပ်ချက်များပြုပြင်
ပြောင်းလဲရန် လိုသည်ဟု ဒေါ်စပယ်အောင်က ပြောသည်။ "အဓိက ၀န်ဆောင်မှုပေါ့။ ဥရောပနိုင်ငံ
သား ခရီးသွားတွေက ပတ်ဝန်းကျင်သန့်ရှင်းဖို့၊ ကျန်းမာရေးနဲ့ ညီညွတ်တဲ့အစားအစာဖြစ်ဖို့နဲ့
သုံးစွဲရတဲ့ပိုက်ဆံနဲ့ညီတဲ့ ၀န်ဆောင်မှုဖြစ်ဖို့ လိုပါတယ်။ လက်ရှိတိုင်းပြည်အနေအထား အရ
ပိုက်ဆံသုံးနိုင်တဲ့ ဧည့်သည်ဆွဲဆောင်ဖို့ လိုသလို ခရီးသွားဦးရေတိုးတက်လာအောင် လုပ်ဖို့လည်း
အရေးကြီးပါတယ်။ အဲဒါကြောင့် အစိုးရရော ပုဂ္ဂလိက ခရီးသွားလုပ်ငန်းရှင်တွေပါ ပြုပြင်ပြောင်းလဲ
ဖို့လိုပါတယ်"ဟု ၎င်းက ပြောသည်။

ခရီးသွားလုပ်ငန်းများ တိုးတက်ရန် တိုင်းပြည်၏ နိုင်ငံရေးအခြေအနေတည်ငြိမ် ရန်လိုပြီး
ယခုအခြေအနေသည် အနည်းငယ် ထိတ်လန့်စိတ်ပူနေရသော အနေအထားကြောင့်
ဥရောပနိုင်ငံများမှအချို့ ခရီးသွားများသည် ရွေးကောက်ပွဲအလွန်ထိ စောင့်ကြည့်နေသည်ဟု
ဆိုသည်။ ယခုနှစ် ဩဂုတ်လအထိ လာရောက်ခဲ့ သည့် ခရီးသည်နှစ်သန်းခွဲ အရေအတွက်သည် ကမ္ဘာလှည့်ခရီးသွားဧည့်သည်များသာမက မြန်မာနိုင်ငံသို့ ၀င်ပေါက်အသီးသီးမှ ၀င်
ရောက်လာသော နိုင်ငံခြားသားဧည့်သည်အားလုံး၏ အရေအတွက်ဖြစ်သည်ဟု ဟိုတယ်
ခရီးဝန်ကြီးဌာန ညွှန်ကြားရေးမှူး ဦးမျိုးဝင်းညွန့်က ပြောသည်။ ဧည့်သည်နှစ်သန်းခွဲအနက်
၁ ဒသမ ၇ သန်းခန့်သည် နယ်စပ်ဂိတ်များက ၀င်ရောက် ခဲ့ပြီး ရှစ်သိန်းခန့်သည် နိုင်ငံတကာ
လေဆိပ်သုံးခုနှင့် ကမ္ဘာလှည့်အပျော်စီးသင်္ဘောများ ဖြင့် လာရောက်ခဲ့ခြင်း ဖြစ်သည်ဟုဆိုသည်။
"နိုင်ငံခြားသားဧည့်သည်အားလုံးကို ဆိုလိုတာပါ။ ဧည့်သည်အရေအတွက်တိုးလာတော့
နိုင်ငံ့ဝင်ငွေတိုးလာပြီး ပုံရိပ်ပိုကောင်း လာပါတယ်။ ကဏ္ဍပေါင်းစုံကလည်း အကျိုးအမြတ်
ရပါတယ်။ တည်းခိုဖို့၊ စားသောက်ဖို့နဲ့ သွားလာရေးအတွက် ယာဉ်စတာတွေ အနည်းဆုံး
လိုအပ်တာကြောင့် ၀င်လာပြီဆိုကတည်း က အကျိုးရှိပါတယ်။ တိုးတက်လာတဲ့ ခရီးသွား
လုပ်ငန်းကနေ ဘေးထွက်ဆိုးကျိုး မရှိအောင် ထိန်းသိမ်းရမှာပါ"ဟု ဦးမျိုးဝင်းညွန့်က ပြော
သည်။ "နယ်စပ်ဂိတ်တွေမှာ ပုံမှန်အားဖြင့် ခုနစ်ရက်အထိ ခွင့်ပြုပေးပါတယ်။ နိုင်ငံတကာ
နယ်စပ်ဝင်ပေါက်ကနေ နိုင်ငံကူးလက်မှတ်နဲ့ ၀င်ရောက်နိုင်ပြီး နိုင်ငံတကာနယ်စပ်ဂိတ်
မဖြစ်သေးတဲ့ ၀င်ပေါက်ကနေ လာရောက်မယ် ဆိုရင် ကြိုတင်ခွင့်ပြုချက်တောင်းခံရပါတယ်။
အနည်းဆုံး တစ်ပတ်လောက်အချိန်ယူ စစ် ဆေးပြီး ခွင့်ပြုပေးတာများပါတယ်"ဟု ဦးမျိုးဝင်းညွန့်က
ပြောသည်။

၂၀၁၂၁၃ ခုနှစ်အတွင်း ဧည့်သည်လာရောက်မှု တစ်သန်းကျော်တိုးတက်လာသောကြောင့်
ယခုနှစ်တွင်လည်း ၅၀ ရာခိုင်နှုန်း အထိ တိုးလာရန် မျှော်မှန်းခြင်း ဖြစ်သည်။ မြန်မာနိုင်ငံသို့
ပြီးခဲ့သည့်ဇွန်လကုန်အထိ ကမ္ဘာလှည့်ခရီးသွားဗီဇာဖြင့် ၀င်ရောက်ခဲ့ သော ကမ္ဘာလှည့်ခရီး
သွားအရေအတွက်မှာ သုံးသိန်းနီးပါးခန့်သာရှိသေးသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား