Monday, April 24, 2017

သံတောင်ကြီးတွင် အသေးစား ဟိုတယ်လုပ်ငန်းများ စတင်

ပြီးခဲ့သည့်နှစ်ပိုင်းအတွင်း ခရီးသွားဧည့်သည်အများအပြား လာရောက်လည်ပတ်လျက်ရှိ
သော ကရင်ပြည်နယ်၊ သံတောင်ကြီး တောင်စခန်းမြို့သည် ယခင်က ညအိပ်တည်းခိုရန်
အခက်အခဲရှိသော်လည်း ယခုအခါ ပြည်နယ် အစိုးရနှင့် ဟိုတယ်နှင့်ခရီးသွားလာရေးလုပ်ငန်း
ဝန်ကြီးဌာနတို့က မနက်စာနှင့် ညအိပ်ရန် သီးသန့် ၀န်ဆောင်မှုပေးသော အသေးစား
ဟိုတယ်လုပ်ငန်းကို ဒေသခံများအား လုပ်ကိုင် ခွင့်ပေးလိုက်ခြင်းကြောင့် ခရီးသွားများဈေးနှုန်း
သက်သာစွာဖြင့် တည်းခိုနိုင်ပြီဖြစ်သည်။

၎င်းအထဲတွင်သက်တမ်း ၁၀၀ ကျော်ရှိ ဗြိတိသျှခေတ် ရှေးဟောင်းအိမ်ကိုလည်း Bed and
Breakfast ဟိုတယ်အဖြစ် ဖွင့်လှစ် ထားသည်။ ဒေသခံ ကရင်တိုင်းရင်းသားပိုင် ၎င်းအိမ်ကို
မိသားစုအဆက်ဆက် ရှေး မူမပျက် ထိန်းသိမ်းခဲ့ပြီး ယခုအခါ အခန်း ခြောက်ခန်းပါ I Wish
အမည်ဖြင့်ခရီးသွားများ တည်းခိုနိုင် ရန် ၀န်ဆောင်မှုပေးလျက် ရှိသည်။ "အရင်ကနေ့ချင်းပြန်ခရီး
ပဲလာပြီး တောင်ငူမှာ ညပြန်အိပ်ရပါတယ်။ အဲဒါကြောင့် သံတောင် ကြီးကိုလာလည်တဲ့ နိုင်ငံခြားခရီးသွားတွေနဲ့ ပြည်တွင်းခရီးသွားဧည့်သည်တွေ အဆင်ပြေပြေ
တည်းခိုနိုင်ဖို့ ရည်ရွယ်ချက်နဲ့ အင်္ဂလိပ် ခေတ်တည်းက နှစ် ၁၀၀ ကျော် သက်တမ်းရှိ အိမ်ကို
ပြန်လည်ပြုပြင်ဖွင့်လှစ်ခဲ့တာပါ"ဟု ပိုင်ရှင်ဒေါ်နော်စဲဂေက ပြောသည်။

စနေ၊ တနင်္ဂနွေ ရုံးပိတ်ရက်များတွင် ခရီးသွားဧည့်သည်များလေ့ရှိပြီး အထူးသဖြင့် ပြည်တွင်းခရီး
သွားများဖြင့် အခန်းပြည့်နေ တတ်သည်။ သို့သော်လည်း ကြားရက်များတွင် လာရောက်သူနည်း
သည်ဟု သိရသည်။ နိုင်ငံခြား သားဧည့်သည်တစ်ဦးလျှင် အမေရိကန်ဒေါ်လာ ၃၀ သတ်မှတ်ထားပြီး
ပြည်တွင်းခရီးသွားများ အတွက် မိသားစုအခန်းကို ၂၅,၀၀၀ နှင့်ပုံမှန် အခန်းကို ၁၅,၀၀၀
သတ်မှတ်ထားသည်ဟု ၎င်းက ပြောသည်။

"အခုမှစတဲ့လုပ်ငန်းဖြစ်တဲ့အတွက် အခက်အခဲအနေနဲ့ အခန်းမလုံလောက်သေးတာ၊ လိုအပ်တဲ့
အသုံးဆောင်ပစ္စည်းတွေ ဖြည့်ပေး ရတာနဲ့ ၀န်ဆောင်မှုကောင်းကောင်း မပေး တတ်တာမျိုး ကြုံ
ရပါတယ်။ ဒါပေမဲ့ ဧည့်သည် တွေဘက်က နားလည်မှုပေးပါတယ်" ဟု ဒေါ်နော်စဲဂေက ပြောသည်။
သံတောင်ကြီးတွင် ခရီးသွားများ ညအိပ်တည်းခိုနိုင်ရန် ဒေသလိုအပ်ချက်အရ လက်ရှိ နေထိုင်သည့်
အိမ်များကို အခန်းဖွဲ့ပြုပြင်ထား ခြင်းဖြစ်ပြီး စိတ်ပါဝင်စားသည့် ဒေသခံတိုင်း လုပ်ကိုင်နိုင်ကြောင်း
Star from the East ပိုင်ရှင်ဦးစောဘိုတာက ပြောသည်။ "ဒီမှာက လျှပ်စစ်မီးမှန်တယ်။ လမ်းပန်း
ဆက်သွယ်ရေးကောင်းတယ်။ အင်တာနက်နဲ့ ဖုန်းလိုင်းပဲ အခက်အခဲဖြစ်နေတာပါ။ အခု သုံးနေတာက
စစ်တပ်ရဲ့ တာဝါတိုင်ကို မျှပြီး သုံးနေရတာဖြစ်တဲ့အတွက် တစ်ခါတလေ ပိတ်ထားတတ်ပါတယ်။
အဲဒီအချိန်မျိုးဆို ဖုန်းလိုင်းပါ ပြတ်တောက်သွားပါတယ်"ဟု ၎င်းက ပြောသည်။

အခန်းငါးခန်းပါရှိသည့်ှ Star from the East ဟိုတယ်ခြံဝင်းထဲတွင် အော်ဂဲနစ်ဟင်း သီးဟင်းရွက်များ
စိုက်ပျိုးထားပြီး ခရီးသွား ဧည့်သည်များတောင်းဆိုပါက နေ့လယ်စာ ချက်ပြုတ်ဝန်ဆောင်မှုပေး
သည်။ အခန်းခမှာ မြန်မာငွေ ကျပ် ၈,၀၀၀ မှ ၂၀,၀၀၀ ကြားရှိပြီး နိုင်ငံခြားသားများနှင့်
ပြည်တွင်းခရီးသွားများ ဟူ၍ ဈေးနှုန်းခွဲခြားထား ခြင်းမရှိဟု ဦးစောဘိုတာက ပြောသည်။
"ဖွင့်ထားတာ တစ်လပဲရှိပါသေးတယ်။ ဖွင့် ခါစဆိုတော့ လုပ်ငန်းလည်ပတ်ဖို့ ရင်းနှီးစိုက်
ထုတ်ရတဲ့ ငွေကြေးအခက်အခဲနဲ့ နိုင်ငံခြား ဧည့်သည်တွေနဲ့ ဆက်ဆံရတဲ့အခါ ဘာသာ
စကားအခက်အခဲရှိပေမဲ့ နောက်ပိုင်း စိတ်တက် ကြွလာပြီး သူတို့ကို ၀န်ဆောင်မှုပေးရတာပျော်
တယ်" ဟု Peace House, B&Bs ပိုင်ရှင် ဒေါ်နော်မာမူက ပြောသည်။ နိုင်ငံခြားသားခရီးသွား
ဧည့်သည်များ တည်း ခိုနိုင်ရန် ဟိုတယ်၊ မိုတယ်နှင့် အင်း မရှိသည့် မြို့ကြီးများနှင့် ဝေးလံခေါင်း
ဖျားသော အရပ် ဒေသများကို ဟိုတယ်နှင့်ခရီးသွားလာရေး လုပ်ငန်း ၀န်ကြီးဌာန၊ သက်ဆိုင်ရာဒေသ အစိုးရခွင့်ပြုချက်ဖြင့် ဒေသခံတိုင်းရင်းသားများ ၏ စီးပွားရေး၊ ပညာရေး၊ ကျန်းမာရေးလုပ်ငန်း များ
ဖွံ့ဖြိုးတိုးတက်ရန်နှင့် တစ်ဖက်တလမ်းက ၀င်ငွေရရှိရေးတို့အတွက် B&Bs လုပ်ငန်း
ကိုခွင့်ပြုဆောင်ရွက်စေခြင်း ဖြစ်သည်။ "သံတောင်ကြီးမှာ B&Bs ခုနစ်လုံးတင်ပြ
ထားတဲ့အနက် ခြောက်လုံးကို ခွင့်ပြုထားပြီး ဖြစ်ပါတယ်။ တစ်လုံးက ဆောက်လက်စ
မပြီး သေးတဲ့အတွက် ခွင့်မပြုသေးတာပါ။ ကရင် ပြည်နယ်မှာ သံတောင်ကြီးအပြင်
တခြားဒေသ က B&Bs လုပ်ငန်းလုပ်ကိုင်ဖို့ ခွင့်ပြုချက်တောင်း ထားတာ အခုလောလော
ဆယ်ထိတော့ မရှိသေးပါဘူး။ ရှိလာခဲ့ရင် လုပ်ထုံးလုပ်နည်းအတိုင်း ဆောင်ရွက်ခွင့်ပေး
မှာပါ"ဟု ကရင် ပြည်နယ် ဟိုတယ်နှင့်ခရီးလာရေးသွား လုပ်ငန်းဝန်ကြီးဌာနမှ
လက်ထောက်ညွှန်ကြား ရေးမှူး ဦးဝင်းကျော်က ပြောသည်။

ယင်းဝန်ကြီးဌာန သတ်မှတ်ချက်စံနှုန်း များအရ B&Bs ဟိုတယ်တစ်လုံးတွင် သန့်ရှင်း သပ်ရပ်သော
ရေချိုးခန်း၊ အိမ်သာနှင့် အခန်း အနည်းဆုံး လေးခန်းမှ ရှစ်ခန်းထိပါရှိရမည်။ ၎င်းအရာများသည်
အိမ်ရှင်နှင့်သီးခြားဖြစ်ရ မည့်အပြင် အိပ်ခန်းအပြင်အဆင်သည် ဒေသ ၏ ရာသီဥတုနှင့်
ကိုက်ညီမှုရှိရမည်ဟု ၎င်းက ပြောသည်။

သံတောင်ကြီးတွင်ခွင့်ပြုထား သည့် B&Bs ခြောက်လုံးမှာI Wish၊ Star from the East၊
Peace House၊ Grace for Grace၊ Home Sweet Home နှင့် Khaing's Villa တို့ ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား