ခရီးသွားလုပ်ငန်းဘဏ်ခွဲ သုံးခုကို လာမည့်နိုဝင်ဘာတွင် တစ်ပြိုင်တည်း ဖွင့်လှစ်နိုင်ရန် ဆောင်ရွက်

မြန်မာနိုင်ငံ ခရီးသွားလုပ်ငန်းအဖွဲ့ချူပ်သည် အသေးစားနှင့် အလတ်စားခရီးသွား လုပ်ငန်းရှင်များ
အပါအ၀င် ခရီးသွားလုပ်ငန်းဖွံ့ဖြိုးတိုးတက်ရေးကို အထောက်အကူပြုစေရန် ရန်ကုန်၊ နေပြည်တော်နှင့်
မန္တလေးမြို့ကြီးများတွင် ခရီးသွားလုပ်ငန်းဘဏ်ခွဲ သုံးခုကို လာမည့်နိုဝင်ဘာလတွင် တစ်ပြိုင်တည်း
ဖွင့်လှစ်နိုင်ရန်ဆောင်ရွက်နေကြောင်း အဖွဲ့ချုပ်ဥက္ကဋ္ဌ ဦးရန်ဝင်းက မြန်မာတိုင်း(မ်)ကိုပြောသည်။

"အရင်အစိုးရ လက်ထက်ကတည်းက ဘဏ်ဖွင့်ဖို့ ခွင့်ပြုချက်ပေးထားပြီးသားပါ။ အဓိကတော့
ခရီးသွားလုပ်ငန်းဖွံ့ဖြိုး တိုးတက်ရေးအတွက် အထောက်အကူဖြစ်စေရန် ဖွင့်ခိုင်းတာပါ။ ကျွန်တော်တို့က
ခွင့်ပြုချက်တောင်းခဲ့တာ မဟုတ်ဘူး။ ဒါပေမဲ့ ဘဏ်လုပ်ငန်း လိုအပ်ချက်တွေပြည့်မီအောင်
ဆောင်ရွက်ရပါတယ်။ ဥပမာအားဖြင့် အစုရှယ်ယာ ထည့်မယ့်သူတွေရဲ့ ငွေတွေက ငွေဖြူဖြစ်ရမယ်။
မူးယစ်ဆေးဝါးကရတဲ့ငွေ၊ မတရားတဲ့ နည်းလမ်းနဲ့ ရထားတဲ့ ငွေမည်းတွေ မဖြစ်ဖို့
ပြည်ထဲရေးဝန်ကြီးဌာနက စစ်ဆေးရတယ်။ နောက် ဘဏ္ဍာအခွန်မဆောင်ထားတဲ့ ငွေမဖြစ်ရအောင်
ဘဏ္ဍာရေးနှင့် အခွန်ဝန်ကြီးဌာနက စစ်ဆေးရပါတယ်။ အဲဒါတွေ အားလုံးစစ်ဆေးပြီးမှ ခွင့်ပြုချက်ရမှာ
ဖြစ်ပါတယ်" ဟု ဦးရန်ဝင်းက ပြောသည်။

မြန်မာနိုင်ငံ ခရီးသွားလုပ်ငန်းအဖွဲ့ချုပ်နှင့် ညီနောင်အသင်း ၁၁ သင်းရှိ အဖွဲ့ဝင် ၁၆ ဦးတို့က
တည်ထောင်သူအဖြစ် နိုင်ငံတော် ဗဟိုဘဏ်သတ်မှတ်ချက်အရ ကနဦးရင်းနှီးမြှုပ်နှံမှု
မြန်မာကျပ်ငွေ ၂၀ ဘီလျံ ထည့်သွင်းထားပြီးဖြစ်ပြီး ခွင့်ပြုချက်ရရှိရန် စောင့်ဆိုင်းနေခြင်းဖြစ်သည်ဟု
၎င်းက ပြောသည်။

"ပြည်ထဲရေးကတော့ အားလုံး ပြီးသွားပြီလို့သိရတယ်။ ဒါပေမဲ့ ဘဏ္ဍာရေးနှင့် အခွန်ဝန်ကြီးဌာနက
စစ်ဆေးဖို့ နှစ်ဦးကျန်ရှိနေပါသေးတယ်။ တကယ်လို့ စစ်ဆေးတာ ပြီးပြည့်စုံရင် ဘဏ်လုပ်ငန်း
စတင်နိုင်ပြီး စစ်ဆေး တွေ့ရှိချက်အရ လိုအပ်ချက် ရှိနေသေးတယ်ဆိုရင် ဆက်ကြိုးစားဖို့ပဲရှိပါတယ်။
ခွင့်ပြုချက်ကျပြီးရင်တော့ လူတိုင်းရှယ်ယာတစ်ခုကို မြန်မာငွေ ကျပ်တစ်သောင်းနှုန်းနဲ့ ၀ယ်ယူနိုင်ပါတယ်။
အခုတော့ အသင်း ၁၁ သင်းက တည်ထောင်သူ ၁၆ ဦးပဲ ပါဝင်ရသေးတယ်"ဟုသူက ပြောသည်။

ခရီးသွားလုပ်ငန်းသည် နိုင်ငံတကာနှင့် ငွေပေးငွေလွှဲအများကြီး ဆက်သွယ်လုပ်ကိုင်ရသော
လုပ်ငန်းဖြစ်သည့်အတွက် ခရီးသွားလုပ်ငန်း ဘဏ်ပေါ်ပေါက်လာပါက ခရီးသွားလုပ်ငန်းရှင်များအတွက်
များစွာအကျိုးဖြစ်ထွန်းနိုင်ပြီး လုံခြုံ စိတ်ချမှု ပိုမိုအာမခံပေးနိုင်မည်ဟု ဦးရန်ဝင်းက ဆိုသည်။

"ခရီးသွားလုပ်ငန်းရှင် အချင်းချင်းအနေနဲ့ တစ်ဦးလိုအပ်ချက်၊ ချေးငွေပြန်လည်ပေးသွင်းနိုင်မှု အခြေအနေ
စတာတွေ သိရှိနေတာဖြစ်တဲ့အတွက် အသေးစား၊ အလတ်စားလုပ်ငန်းရှင်များအတွက် အများကြီး
အထောက်အကူပြုနိုင်ပါတယ်။ အသင်း ၁၁ သင်းမှာ ပါဝင်တဲ့ ခရီးသွားလုပ်ငန်းနဲ့ ဆက်စပ်နေတဲ့
လုပ်ငန်း မှန်သမျှ ချေးငွေထောက်ပံ့ပေးနိုင်မှာပါ"ဟု သူက ပြောသည်။

ရန်ကုန်မြို့တွင် ဟိုတယ်နှင့် ခရီးသွား လုပ်ငန်းဝန်ကြီးဌာနမှ ခွင့်ပြုပေးထားသည့် မြေနေရာ နှစ်ခုရှိပြီး
စန္ဒာကူးလမ်းရှိ မြေနေရာတွင် ခရီးသွားလုပ်ငန်းဘဏ် ရုံးချုပ်အဖြစ် အသုံးပြုမည်ဖြစ်ပြီး
ဗိုလ်ဆွန်ပက်လမ်းရှိ မြေနေရာတွင် ရန်ကုန်မြို့ဘဏ်ခွဲအဖြစ် ဖွင့်လှစ်မည်ဟု သိရသည်။

ရန်ကုန်၊ နေပြည်တော်၊ မန္တလေးရှိဘဏ်ခွဲ အားလုံးရဲ့ အဆောက်အအုံပိုင်း ပြီးစီးနေပြီဖြစ်ကြောင်း
ဦးရန်ဝင်းက ပြောသည်။

"ခရီးသွားလုပ်ငန်း ဘဏ်ကနေ အသင်းသားတွေအတွက် အတိုးနှုန်းသက်သက်သာသာနဲ့
ချေးငွေပေးမယ်၊ ခရီးသွားလုပ်ငန်း အာမခံနဲ့ ပတ်သက်တာတွေ ပေးနိုင်မယ်ဆိုရင် ပိုကောင်းပါတယ်။

"မြန်မာတစ်နိုင်ငံလုံးမှာ လက်ရှိ အချိန်ထိ ခရီးသွားကုမ္ပဏီပေါင်း ၂,၀၀၀ ခန့်နဲ့ ဟိုတယ်ပေါင်း
၁,၄၀၀ ခန့် ရှိပါတယ်။ နိုင်ငံတကာနဲ့ ဖက်စပ်ခရီးသွား လုပ်ငန်းကုမ္ပဏီတွေ၊ ကမ္ဘာအနှံ့က ခရီးသွား
လုပ်ငန်းရှင်ကြီးတွေ ၀င်လာခဲ့ရင် ယှဉ်နိုင်ဖို့ သူတို့ရဲ့ ချေးငွေအတိုးနှုန်းထားထက် သက်သာဖို့
လိုပါတယ်"ဟု မြန်မာနိုင်ငံ ခရီးသွားလုပ်ငန်းရှင်များအသင်းဥက္ကဋ္ဌ ဦးသက်လွင်တိုးက
မြန်မာတိုင်း(မ်)ကိုပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား