ပဋိပက္ခမဖြစ်ရန် ဟိုတယ်ခရီးလုပ်ငန်းရှင်များကို ပြောကြား

ရန်ကုန်လေဆိပ်သို့ ရောက်ရှိလာသည့် နိုင်ငံခြားခရီးသည်များအား တွေ့ရစဉ်။ (သီရိလူ / မြန်မာတိုင်း(မ်))ရန်ကုန်လေဆိပ်သို့ ရောက်ရှိလာသည့် နိုင်ငံခြားခရီးသည်များအား တွေ့ရစဉ်။ (သီရိလူ / မြန်မာတိုင်း(မ်))

အချိန်တိုအတွင်း တစ်မုဟုတ်ချင်းတိုး တက်လာနေသည့် မြန်မာနိုင်ငံခရီးသွား လုပ်ငန်း
တွင်ပါဝင်ကြသော ဟိုတယ်၊ ခရီးသွားလုပ်ငန်းနှင့် ဆက်စပ်လုပ်ငန်း များမှာ အချင်းချင်း
စည်းလုံးညီညွတ်မှု ရှိရန် လိုလားကြောင်း ဟိုတယ်နှင့် ခရီးသွားလာရေးလုပ်ငန်းဝန်ကြီး
ဌာန ပြည်ထောင်စုဝန်ကြီး ဦးဌေးအောင်က နိုဝင်ဘာလ ၁၅ ရက်နေ့က ကျင်းပသည့်
Eco tourism သင်တန်းဆင်းပွဲတွင် ပြောကြားခဲ့သည်။

"ခရီးသွားလုပ်ငန်းဆိုတာက အကြီး ကြီးပဲ။ ဆက်စပ်လုပ်ငန်းတွေ အများကြီး ပါဝင်တယ်။
အဲဒီလုပ်ငန်းကဏ္ဍတွေက အချင်းချင်းပူးပေါင်းပြီး စည်းစည်းလုံးလုံး လေးနဲ့ ရှေ့ကိုဆက်
သွားနိုင်ဖို့ လိုတယ်။ ကျွန်တော်တို့ စည်းလုံးမှုကိုပဲ လိုတယ်။ ပဋိပက္ခတွေ မလိုချင်ဘူး။
ဒီလိုသင်တန်း မှာလည်း နယ်ပယ်စုံက လူတွေပါမယ်။ အဲဒီသူတွေကို အားလုံးသိစေချင်
တာက ဒီလိုအချိန်မှာ အကုန်ပေါင်းစည်းပြီးလုပ် ရမယ်။ အကုန်လုံးကတော့ အမျိုးမျိုး
တွေ့ကြုံ နေရမှာပဲ။ ဘယ်အသင်းအဖွဲ့ က ဘာဖြစ်လို့ဆိုပြီး ပြောနေတာထက် အကုန်လုံး
စည်းလုံးပြီး ရှေ့ဆက်သွားဖို့ အရေးအကြီးဆုံးပဲ။ အခွင့်အရေးတွေ တိုင်းမှာလည်း စိန်ခေါ်
မှုတွေ ရှိတယ်။ စိန်ခေါ်မှုတွေနဲ့ ယှဉ်တွဲပြီး အခွင့်အရေး တွေလည်း ရှိနေတာပဲ" ဟု
ဦးဌေးအောင်က ပြောကြားသည်။

မြန်မာနိုင်ငံ၏ ပြုပြင်ပြောင်းလဲရေး ကာလတွင် နိုင်ငံတကာမှ စီးပွားရေး လုပ်ငန်းရှင်များ၊
အကြီးအကဲများ စိတ်ဝင်စားမှုကိုခံရပြီး နိုင်ငံ၏ ခရီးသွား လုပ်ငန်းမှာလည်း အရှိန်အဟုန်
မြင့်တိုး တက် ပြောင်းလဲလာခဲ့သည်။

ထိုကဲ့သို့ တစ်မုဟုတ်ချင်းပြောင်းလဲမှုအပေါ်တွင် ၀န်ကြီးဌာနမှလည်း ခရီးသွားလုပ်ငန်း၏
လိုအပ်ချက်များ ပြုပြင်ဆောင်ရွက်ရမည် များကို အချိန်နှင့် တစ်ပြေးညီဖော်ဆောင် သွားနိုင်
ရန်ကြိုးစားလျက် ရှိသည်။

ထို့ပြင် ၀န်ကြီးဌာနအပါအ၀င် လုပ်ငန်း နယ်ပယ်မှ ဆက်စပ်လုပ်ငန်းများမှာ လည်း ပူးပေါင်း
လုပ်ဆောင်သွားကြ ရမည်ဖြစ်သည်ဟု ဆိုသည်။

"မြန်မာနိုင်ငံခရီးသွားလုပ်ငန်းအဖွဲ့ ချုပ်လက်အောက်မှာ အသင်း ၁၁ သင်းရှိ တယ်။ အဲဒီ
အသင်းတွေထဲကမှ ခရီးသွား လုပ်ငန်းရှင်များအသင်းနဲ့ ဟိုတယ် လုပ်ငန်းရှင်များအသင်း
တို့က အရင်ဆုံး စတင် ဖွဲ့စည်းခဲ့တဲ့ အသင်းတွေ။ ဒီအသင်း တွေဟာ တကယ့်ကို ဆိုးတူ
ကောင်းဖက် သွားနေရမှာ။ အားလုံးဝိုင်းထိန်းမှ ရမယ်။ သူ့အပြစ်၊ ကိုယ့်အပြစ်တင်နေရင်
ရှေ့ကို ရောက်မှာ မဟုတ်ဘူး။ အားလုံးရှေ့ကို သွားနေရမှာ။ နိုင်ငံတကာက မြန်မာနိုင်ငံ
ကို စိတ်ဝင်စားနေကြတယ်။ နိုင်ငံတကာ က ကျွမ်းကျင်ပညာရှင်တွေ၊ အကြီးအကဲတွေ
လာလည်နေကြတယ်။ ကျွန်တော် တို့ရဲ့ ကောင်းမွန်တဲ့အနာဂတ်ကို မြင်နေ ရပြီ။ ဒါကို
အတူသွားကြရမယ်။ ဆိုးတဲ့ အခြေအနေမျိုးမှာတောင် အတူတူ လုပ်ကိုင်ခဲ့ကြတာ၊
ကောင်းလာတဲ့ အချိန်ကျတော့မှ ဘာလို့ ရန်ဖြစ်နေမှာ လဲ"ဟု ဦးဌေးအောင်က ပြော
သည်။

"အခုအချိန်မှာ အောက်ခြေကနေ အစပြုပြီတော့ အပေါ်အထိရောက် အောင် တစ်ဆင့်ချင်း
သွားလို့ မရဘူး။ ခရီးသွားလုပ်ငန်းက အရှိန်အဟုန်မြင့် တိုးတက်နေတဲ့အချိန်မှာ တစ်ဖက်
က ၀န်ကြီးဌာနက လုပ်ကိုင်မှု နှေးကွေးနေလို့ မရဘူး။ ခရီးသွားလုပ်ငန်းကလည်း ဒီထက်
မက တိုးတက်လာနေဦးမှာပဲ။ ပြေးနေဦးမှာပဲ။ ဒါကို facilitate လုပ်ရ မှာက ၀န်ကြီးဌာန
ဆိုတော့ ဒီဝန်ကြီးဌာန က လုပ်ကိုင်တာ နှေးကွေးနေရင် ကိုးရိုး ကားရားတွေ ဖြစ်မယ်။
ဒါကြောင့်မို့လို့ ၀န်ကြီးဌာနဘက်က မနှေးအောင် အရေးကြီးတာက အဓိကကျတာတွေ
ကို လုပ်ဖို့ပဲ" ဟု ၎င်းက ပြောသည်။

ခရီးသွားလုပ်ငန်းတွင် အထောက် အကူဖြစ်စေရန်အတွက် မြန်မာနိုင်ငံ၏ တက္ကသိုလ်
ပညာရေးတွင် ခရီးသွားလုပ် ငန်းဆိုင်ရာဘွဲ B.A Tourismကို ထည့် သွင်းသွားမည်ဖြစ်
သဖြင့် လူငယ်များမှာ ခရီးသွား လုပ်ငန်းကို ဘာသာရပ်တစ်ခု အနေဖြင့် သင်ကြား
လာနိုင်ပြီး လူ့စွမ်း အား အရင်းအမြစ်ပိုမိုဖွံ့ဖြိုးလာနိုင်မည် ဖြစ်သည်။

"၀န်ကြီးဌာနမတူတဲ့ ပညာရေးပိုင်း ကိုဝင်ပြီး တတ်နိုင်သမျှ ဆွေးနွေးတိုင်ပင် ရတယ်။
ဒါကလည်း ၀န်ကြီးဌာနရဲ့ လှုပ်ရှားမှု တစ်ခုပဲ။ အဲဒီအပြင် ကိုယ့် နိုင်ငံသားတွေလည်း
တတ်နိုင်မယ့် ဈေး သင့်တင့်တဲ့ ဟိုတယ်သင်တန်း ကျောင်း ဖွင့်ဖို့လည်း အမြန်ဆုံး
အကောင်အထည် ဖော်နေတယ်" ဟု ဦးဌေးအောင်က ဆက်လက် ပြောကြားသည်။

"အားနည်းချက်ကတော့ ကိုယ့်ပေါင် ကိုယ်လှန်ထောင်းနေကြတာပဲ။ ဟိုတယ် တွေ
ဈေးကြီးတယ်၊ ဟိုတယ်အခန်းတွေ မရဘူးစတာတွေ ဒီအထဲမှာလည်း ပြော၊ အပြင်မှာလည်း
ပြောတယ်။ ဟိုတယ်တွေ ခရီးသွားလုပ်ငန်းရှင်တွေ အချင်းချင်း ညှိနှိုင်း ဖြေရှင်းကြရတယ်။
တကယ်လို့ သာ အချင်းချင်းစည်းလုံးညီညွတ်မှုရှိ ကြမယ်ဆိုရင် ဒါတွေက သိပ်ခဲယဉ်းတဲ့
ကိစ္စတွေ မဟုတ်ဘူး။ အားလုံးညီညီ ညွတ်ညွတ်နဲ့သွားရင် ဒီအချိန်က ပျော်စရာအကောင်းဆုံး
အချိန်တစ်ခုလို့ ပြောလို့ရတယ်"ဟု ၎င်းက ပြောသည်။

မြန်မာနိုင်ငံသို့ ခရီးသည်ဝင်ရောက်မှု မှာ နယ်စပ်ဒေသမှ ၀င်ရောက်လာသည့် ခရီးသည်များ
ကိုပါ ထပ်ပေါင်းထည့်ပါက တစ်သန်းနီးပါး ၀င်ရောက်သည်ဟု ပြောနိုင်ကြောင်း ၎င်းက ဆို
သည်။

"နယ်စပ်က၀င်လာတဲ့ ခရီးသည်တွေ လည်းရှိတယ်။ ဒါပေမယ့် စီးပွားရေးအရ ဆို သိပ်အား
ကိုးလို့မရဘူး။ အခုပြောနေ ကြတဲ့ သုံးသိန်း၊ လေးသိန်းဆိုတာက လေဆိပ်အ၀င်ကိုပါ။
ဒါပေမယ့် လေဆိပ် ကအ၀င်ကော နယ်စပ်က ခရီးသည် အ၀င်ပါ ပေါင်းလိုက်ရင် မြန်မာနိုင်ငံ
ကို ခရီးသည်ဝင်ရောက်မှုနှုန်းက တစ်သန်း လို့ ပြောလို့ရတယ်။ တခြားနိုင်ငံတွေ သန်း
ဂဏန်းပြောတယ်ဆိုတာ ဒါတွေနဲ့ပဲ ပြောနေတာပါပဲ"ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား