ကလော တောင်တက်ခရီးကြမ်း

ကလောတောင်တက်ခရီးကြမ်း တစ်နေရာတွင် တွေ့မြင်ရသည့် စိုက်ခင်များ။ ကြည်ကြည်ဆွေ / မြန်မာတိုင်း(မ်)ကလောတောင်တက်ခရီးကြမ်း တစ်နေရာတွင် တွေ့မြင်ရသည့် စိုက်ခင်များ။ ကြည်ကြည်ဆွေ / မြန်မာတိုင်း(မ်)

တောင်ပေါ်ဒေသကို လေ့လာချင်ပြီး တောင်တက်ခြင်း၏အရသာကိုခံစားလိုပါက ကလောမြို့သည်
ရွေးချယ်စရာဖြစ်သည်။ ဝိုက်ပြီးတက်ရသော တောင်ပေါ်ကားလမ်းမကြီးကို တစ်ဆင့်ပြီးတစ်ဆင့်
ကျော်ဖြတ်ပြီးနောက်တွင် သန့်ရှင်းလှပသော ကလောမြို့လေးသို့ ရောက်ပါသည်။

တောင်ပေါ်မှနေ၍ သန့်ရှင်းသပ်ရပ်စွာတည်ရှိနေသော ကလောမြို့ပေါ်မှ အိမ်များကိုတွေ့နိုင်သည်။
ယခုနောက်ပိုင်း ခေတ်စားလာသော ခရီးကြမ်းလမ်းလျှောက်ခြင်းအတွက် ကလောသည်
သင့်လျော်သော တောင်ပေါ်ဒေသများမှတစ်ခုဖြစ်သည်။ ကလောဗျူးပွိုင့်မှ အင်းလေးသို့ ပလောင်
ရွာများကိုဖြတ်ပြီး နှစ်ညအိပ်သုံးရက် သွားရသောခရီးစဉ်သည် လတ်တလောတွင်ခေတ်စားလာ
သည်။

ကလောတွင် တောင်ပေါ်ခရီးကြမ်းလမ်းလျှောက်ခြင်း ခေါ် ထရက်ကင်းအတွက်လမ်းပြငှားနိုင်ပြီး
ဒေသခံလမ်းပြများမှာ ဖော်ရွေမှုရှိလှသည်။ ကလောမှာ ခရီးကြမ်းလမ်းလျှောက်သွားမည်ဆိုပါက
လမ်းပြကို ကြိုတင်ငှားရမ်းထားသင့်သည်။ ကလောမြို့သည် စည်ကားသပ်ရပ်ပြီး ခေတ်မီသော်
လည်း ယင်းအနီးဝန်းကျင်ရှိ တောင်တန်းများပေါ်မှ ရွာများကိုဖြတ်သွားရန်မူ ကြိုတင်ပြင်ဆင်ထား
ရန်လိုအပ်သည်။ ထမင်းစားရန်၊ တည်းခိုရန်အစီအစဉ်များအတွက် လမ်းပြက လမ်းတစ်လျှောက်ရှိ
ကျေးရွာများကို ၁ဝ ခန့် ကြိုတင်သွားရောက်ပြင်ဆင်ထားရန် လိုအပ်သည်။

ကလောမြို့ဝန်းကျင်ရှိ တောင်တန်းများကြားတွင် ပလောင်နှင့်ပအိုဝ်းလူမျိုးများကျေးရွာများရှိသည်။
အများစုမှာ တောင်ယာအလုပ်ကိုလုပ်ကိုင်ကြပြီး၊ လမ်းတစ်လျှောက်တွင် လက်ဖက်၊ လိမ္မော်၊
သစ်ခွ၊ စတော်ဘယ်ရီနှင့် ထင်းရှူးစိုက်ခင်းများကို အများဆုံးတွေ့ရသည်။ ကလောမြို့တွင် ထင်းရှူး
စိုက်ခင်းအများအပြားရှိသည်။ တောင်တက်လမ်းများတစ်လျှောက်တွင် စိုက်ခင်းများ၊ တောင်ယာ
များနှင့် မြတ်ရိုင်းများကိုသာတွေ့ရသည်။ တောရိုင်းပင်နှင့်ပန်းများကိုမူ လုံးဝမတွေ့ရသလောက်ပင်။

တောင်တစ်တောင်တက်ပြီးပါက ပတ်ဝန်းကျင်ရှိအခြားတောင်များကို တွေ့မြင်ရသည့် ရှုခင်းသည်
တောင်တက်ရသည့်အမောကို ပြေသွားစေမည်ဖြစ်သည်။ ကလော၏တောင်တန်းများသည်
မနက်မိုးလင်းမိုးချုပ်သာမက မွန်းတည့် ၁၂ နာရီတွင်ပင် မြူများဆိုင်းနေတတ်သည်။

တောင်တန်းများပေါ်ရောက်လျှင် ရှမ်း ပြည်နယ် ကလောမြို့၏ ပတ်ဝန်းကျင်ရှိတောင်တန်းများကို
တွေ့နိုင်ပြီး သစ်ပင်ကြီးများ သစ်တောကြီးများနေရာတွင် တောင်ယာစိုက်ခင်းများက နေရာယူထား
သည်ကို တွေ့ရသည်။

ကလောမြို့၏အပူချိန်သည် ရန်ကုန်နှင့်သိပ်မကွာခြားလှပေ။ မြူပါသော လေတွေတော့တိုက်တတ်
သည်။ သို့သော် အနွေးထည်အထူကြီးတွေအထိ ယူဆောင်သွားရန်မလို။ ခရီးကြမ်းသွားမည့်
သူများဆိုလျှင် မအေးရုံမျှမက ပူသလိုပင်ခံစားရလိမ့်မည်။ နေပူမည်ဖြစ်သောကြောင့် အင်္ကျီလက်
ရှည်အပါးလောက်တော့ ယူဆောင်သွားသင့်သည်။ လှုပ်လှုပ်ရှားရှားမရှိသည့်အချိန် ပိုအေးသည်
ကိုခံစားရသည်။

ကလောတောင်တက်ခရီးကြမ်းအတွက် ဘက်ထရီအပို (ပါဝါဘင့်) နှင့် လက်နှိပ်ဓာတ်မီး မဖြစ်
မနေဆောင်သွားသင့်သည်။ တောင်ပေါ်ရွာများတွင် တည်းခိုခန်းများမရှိသေးသည့်အပြင် ဈေးဆိုင်
များလည်းရှားပါးသည်။ တောင်ပေါ်ခရီးကြမ်းသွားမည်ဆိုလျှင် အစားနှင့် နေထိုင်ရန်ကို ကိုယ့်အစီ
အစဉ်နှင့်ကိုယ် စီစဉ်ဆောင်ရွက်ရသည်။ တောင်တက်ခရီးကြမ်း လမ်းကြောင်းများရှိသည့်တောင်
ပေါ်ရွာများတွင် တောင်တက်ခရီးကြမ်းသမားများအတွက် တည်းခိုစရာမရှိသလောက်ဖြစ်ပြီး၊
အစားအသောက်ဝယ်ယူရရှိနိုင်သည့်ဆိုင်လည်း ရှားပါးသည်။

ကလောမြို့ပေါ်တွင် သွားရောက်လည်ပတ်စရာတော်တော်များများရှိသည်။ လာသမျှဘုရားဖူး
တိုင်းကို လက်ဖက်သုပ်နှင့် ရေနွေးကြမ်းဖြင့်ဧည့်ခံတတ်သည်။ ဘုရားပေါ်တွင် ထိုင်လိုက်သည်နှင့်
လက်ဖက်နှင့် ရေနွေးကြမ်းအိုးတို့သည် အဆင်သင့်ပြင်ပြီးသားပင်။ လွန်ခဲ့သည့် ၁ဝ နှစ်ဝန်းကျင်ခန့်
ကတည်းက ထိုသို့ကျွေးမွေးဖြစ်ခဲ့ကြောင်း ဘုရားဖူးများအတွက် လက်ဖက်ပွဲပြင်နေသည့် သီလရှင်
ဆရာလေးများက ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား