အန်ကောဝပ်နှင့် ပုဂံ မောင်နှစ်မမြို့တော်အဖြစ် ခရီးသွားလုပ်ငန်းပူးပေါင်းဆောင်ရွက်မည်

ကမ္ဘောဒီးယားနိုင်ငံ ဆီရမ်ရိဒေသရှိ အန်ကောဝပ်ဘုရားကျောင်းနှင့် မြန်မာနိုင်ငံ ပုဂံ
ဒေသတွင် ခရီးသွားလုပ်ငန်း ပိုမိုဖွံ့ဖြိုးတိုးတက်ရေးအတွက် အပြန်အလှန်သဘောတူညီမှု 
စာချွန်လွှာကို အာဆီယံခရီးသွားလုပ်ငန်းဖိုရမ် ၂ဝ၁၈ တွင် လက်မှတ်ရေးထိုးနိုင်ရန် 
ရည်ရွယ်ထားကြောင်း ကမ္ဘောဒီးယား - မြန်မာခရီးသွားလုပ်ငန်း ပူးပေါင်းဆောင်ရွက်ရေး
လုပ်ငန်းအဖွဲ့ကော်မတီအဖွဲ့ဝင် ဦးကျော်စွာမင်းက ဇွန်လကုန်ပိုင်းတွင် ပြောသည်။

''ကျွန်တော်တို့ လုပ်ငန်းကော်မတီအဖွဲ့ (Working Group Gommittee) အနေနဲ့ အပြန်
အလှန် သဘောတူညီမှု စာချွန်လွှာ မရေးထိုးခင်အချိန်ထိ သဘောတူညီချက်ရအောင်
ဆွေးနွေးညှိနှိုင်းသွားမှာဖြစ်ပါတယ်'' ဟု ၄င်းက ပြောသည်။

နှစ်နိုင်ငံခရီးသွားလုပ်ငန်းဝန်ကြီးဌာနများမှ ဒုတိယညွှန်ကြားရေးမှုးချုပ်နှစ်ဦး ဦးဆောင်
သည့် အဆိုပါလုပ်ငန်းကော်မတီအဖွဲ့သည် နှစ်နိုင်ငံခရီးသွားလုပ်ငန်းဖွံ့ဖြိုးတိုးတက်ရေး
အတွက် မောင်နှစ်မမြို့တော် ခရီးသွားလုပ်ငန်း အခြေအနေ တိုးတက်ရန် လမ်းကြောင်း
တစ်ခုပေါ်ပေါက်လာနိုင်ရေး အောက်ခြေအဆင့်ထိ ညှိနှိုင်းဆောင်ရွက်လျက်ရှိကြောင်း
ဦးကျော်စွာမင်းက ပြောသည်။

''နိုင်ငံတကာခရီးသွားဧည့်သည် ငါးသန်းကျော်ဝင်ရောက်နေတဲ့ ကမ္ဘောဒီးယားက
အန်ကောဝပ်နဲ့ ပုဂံက သဘာဝချင်းလည်းတူတယ်။ တည်ဆောက်တဲ့ရာစုနှစ်နဲ့ ဖွဲ့စည်းမှု
ပုံစံ၊ တစ်စုတစ်ဝေးတည်း ရှိတာရောတူတယ်။ အဲဒါကြောင့် မြန်မာနိုင်ငံနဲ့ နှစ်နိုင်ငံ
ခရီးစဉ်တစ်ခု ဖော်ဆောင်ဖို့ ကမ္ဘောဒီးယားနိုင်ငံကို အရင်ဆုံး ရွေးချယ်လိုက်ရခြင်း ဖြစ်ပါ
တယ်။ နောက်ပိုင်း ယဉ်ကျေးမှု၊ စီးပွားရေးအရ ဆက်စပ်မှုရှိတဲ့ အခြားခရီးသွားမြို့တော်
တွေနဲ့လည်း ခရီးသွားလုပ်ငန်းပူးပေါင်းဆောင်ရွက်သွားဖို့ရှိတယ်'' ဟု ၄င်းက ပြောသည်။

လက်ရှိညောင်ဦးလေဆိပ်တည်ဆောက်ပုံအရ နိုင်ငံခြားသားဧည့်သည်များကို ဝန်ဆောင်မှု
ပေးနိုင်သည့်ဌာနများ၊ လေယာဉ်များအတွက် လိုအပ်သည့်အထောက်အပံ့ ပေးနိုင်ခြင်း
မရှိသောကြောင့် ဒေသတွင်းနိုင်ငံများမှ လေကြောင်းလိုင်းများ တိုက်ရိုက်ပျံသန်းရန်
အခြေအနေ မရှိသေးပေ။

''ပုဂံလေဆိပ် အဆင့်မမြှင့်ရင် အန်ကောဝပ်ကနေ ဒေသတွင်းလေကြောင်းလိုင်းတောင်
ပျံလို့မရသေးဘူး။ တကယ့်ကို အထောက်အပံ့ကောင်းကောင်းလုပ်ထားမယ်၊ မြေပေါ်မြေ
အောက် ရှေးဟောင်းအမွေအနှစ်တွေ မထိခိုက်ရအောင် သိပံ္ပနည်းကျကျ (Heritage
Impact Assessment - HIA) စမ်းသပ်ပြီး ညောင်ဦးလေဆိပ်ကို တိုးချဲ့ဆောင်ရွက်မယ်
ဆိုရင် ဒေသအတွက်ရော နိုင်ငံခြားသားခရီးသွားဧည့်သည်တွေအတွက်ပါ အသုံးဝင်မှာပါ''
ဟု ဦးကျော်စွာမင်းက ပြောသည်။

ရှေးဟောင်းယဉ်ကျေးမှုအမွေအနှစ်ဇုန်အတွင်းပါဝင်သည့် ညောင်ဦးလေဆိပ်၏ အဆင့်မြှင့်
တင်ခြင်းလုပ်ငန်းများ မဆောင်ရွက်မီ HIA စမ်းသပ်စစ်ဆေးခြင်းကို အရင်းဆုံးဆောင်ရွက်
ရမည်ဖြစ်သည်ဟု ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက်ဦးစီးဌာန
ပုဂံဌာနခွဲ ညွှန်ကြားရေးမှုး ဦးအောင်အောင်ကျော်က ပြောသည်။

"HIA စစ်မှရမယ်။ ဒါက လေကြောင်းလိုင်းနဲ့ဆက်စပ်တဲ့အတွက် လေကြောင်းလိုင်းက
ပညာရှင်တွေပါမှရမှာပေါ့။ ဘယ်လိုလေယာဉ်အမျိုးအစားတွေ ပျံသန်းဆင်းသက်မှာလဲ၊
မြေအောက်မှာ ဘာတွေရှိနိုင်လဲ စတဲ့အရာတွေ အများကြီးလုပ်ဖို့လိုအပ်ပါတယ်'' ဟု
၎င်းက ပြောသည်။

ပြည်တွင်းလေကြောင်းညွှန်ကြားမှုဦးစီးဌာန၏ အဆိုအရ နိုင်ငံခြားလေကြောင်းလိုင်းများ
သည် သတ်မှတ်ထားသည့် လေယာဉ်အရွယ်အစားတိုင်း ညောင်ဦးလေဆိပ်တွင်
တိုက်ရိုက်ဆင်းသက်ရန် ခွင့်ပြုပေးနိုင်သော်လည်း ကမ္ဘာလှည့်ခရီးသွားများ၏ ပြည်ဝင်ခွင့်
ဗီစာအတွက်လူဝင်မှုကြီးကြပ်ရေးဌာနမှ ခွင့်ပြုချက်လိုအပ်သည်ဟု ဆိုသည်။

နှစ်စဉ်နိုင်ငံခြားခရီးသွားဧည့်သည် သုံးသိန်းနီးပါးခန့်ဝင်ရောက်လျက်ရှိသော ပုဂံရှေးဟောင်း
ယဉ်ကျေးမှုနယ်မြေသို့ လေကြောင်းလိုင်း၊ ကားလမ်းခရီးများအပြင် ရေလမ်းကြောင်းမှ
ဧရာဝတီမြစ်တွင်း အပျော်စီးသင်္ဘောများဖြင့်လည်း သွားရောက်နိုင်ပြီး၊ နိုင်ငံခြားသား
ဧည့်သည်တစ်ဦးလျှင် ဇုန်ဝင်ကြေး မြန်မာကျပ်ငွေ ၂၅,ဝဝဝ သတ်မှတ်ထားသည်။

''ကိုယ့်ဒေသဖွံ့ဖြိုးတိုးတက်ဖို့ဆိုရင် ဘာပဲလုပ်လုပ်ကြိုဆိုရမှာပါ။ ဒါပေမဲ့ အကောင်အထည်
ဖော်မဆောင်ရွက်ခင် ဒေသအတွက်သာမက ခရီးသွားတွေရဲ့ လုံခြုံရေးကိုပါ အဓိကထား
စဉ်းစားပေးချင်တယ်။ ဘာလို့ဆို ကိုယ့်မြို့ကိုလာ လည်တဲ့ဧည့်သည်တိုင်း ပျော်စေချင်
တယ်'' ဟု ပုဂံမြို့သစ်ဒေသခံတစ်ဦးဖြစ်သည့် ဒေါ်ခင်မို့မို့အောင်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။