ခရီးသွားလုပ်ငန်း သုံးခု ဖော်ဆောင်ရန် ကြိုးပမ်းနေ

မြန်မာ့ခရီးသွားလုပ်ငန်း မြှင့်တင်ရန် လက်ရှိ ဘဏ္ဍာနှစ်မှစ၍ လူထုအခြေပြု၊
အဏ္ဏ၀ါ ခရီးသွားလုပ်ငန်းနှင့် ဂေဟအခြေပြုခရီးသွား လုပ်ငန်းများကို အကောင်အထည်ဖော်ရန်
မူဝါဒ ချမှတ်ဆောင်ရွက်လျက်ရှိကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီးဌာန
ပြည်တွင်းပြည်ပ ဆက်ဆံရေးနှင့် သတင်းပြန်ကြားရေးဌာနခွဲ ညွှန်ကြားရေးမှူး ဦးမြင့်ထွေးက
ယခုလ ၂၄ ရက်က ရန်ကုန်မြို့၌ ကျင်းပခဲ့သည့် သတင်းစာရှင်းလင်းပွဲတွင် ပြောသည်။

"လူထုအခြေပြု ခရီးသွားလုပ်ငန်း (community based tourism - CBT)၊ အဏ္ဏ၀ါ ခရီးသွားလုပ်ငန်း
(marine tourism)၊ ဂေဟအခြေပြုခရီးသွားလုပ်ငန်း (eco-tourism)တွေနဲ့ ခရီးသွားလုပ်ငန်းကို
မြှင့်တင်ဆောင်ရွက်သွားမယ်လို့ မူဝါဒချမှတ်ထားတယ်။ ၂၀၁၇ - ၁၈ ဘဏ္ဍာနှစ်မှာ ဂေဟအခြေပြု
ခရီးသွားလုပ်ငန်းကို စတင်အကောင်အထည်ဖော်ဖို့ ရည်ရွယ်ထားတယ်" ဟု ၎င်းက ပြောသည်။

အဆိုပါ ခရီးသွားလုပ်ငန်း သုံးခုကို အကောင်အထည်ဖော်ရန် ဆောင်ရွက်နေဆဲဖြစ်ပြီး
ဂေဟအခြေပြုလုပ်ငန်း ၂၁ နေရာ၊ ရက် ၁၀၀ စီမံကိန်းအတွင်း အဓိက အခန်းကဏ္ဍအဖြစ်
အကောင်အထည်ဖော် ဆောင်ရွက်ခဲ့သည့် လူထုအခြေပြုခရီးသွားလုပ်ငန်း စီမံကိန်း ၁၄ ခုနှင့်
အဏ္ဏ၀ါခရီးသွားလုပ်ငန်းအတွက် ကနဦးစီမံကိန်းများ ချမှတ်ဆောင်ရွက်လျက်ရှိသည်ဟု ဆိုသည်။

သံယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနက သတ်မှတ်ထားသည့်
ဂေဟအခြေပြုခရီးသွားလုပ်ငန်းနေရာ ၂၁ ခု အပြင် ပဲခူးရိုးမအတွင်း ၁၂၅ မိုင် ရှည်လျားပြီး
တောင်တက် တောင်ဆင်းနှင့် သစ်တောထူထပ်သော ဂေဟအခြေပြုခရီး သွားလုပ်ငန်းနေရာတစ်ခု
ဖော်ဆောင်လျက်ရှိကြောင်း၊ ဟိုတယ်နှင့် ခရီးသွားလာရေး လုပ်ငန်းဝန်ကြီးဌာနက
ထုတ်ပြန်ထားသည်။

"ဒီခရီးသွားလုပ်ငန်းတွေက ပြည်သူလူထုကို တိုက်ရိုက်အကျိုးပြုတဲ့ ခရီးသွားလုပ်ငန်း ဖြစ်တယ်။
မြန်မာနိုင်ငံမှာ သစ်တောအရင်းအမြစ်တွေ အများကြီးရှိတယ်။ ဒီဟာကို အကျိုးရှိရှိ အသုံးချတတ်ဖို့
လိုအပ်တယ်" ဟု ဦးမြင့်ထွေးက ပြောသည်။

ဝန်ကြီးဌာနက အကောင်အထည် ဖော်ပြီးခဲ့သည့် လူထုအခြေပြုခရီးသွားလုပ်ငန်းများသည်
လူထုအတွက် ထိရောက်မှုရှိ မရှိ လေ့လာဆန်းစစ်မှု ပြုလုပ်သင့်ကြောင်း ကမ္ဘာ့လှည့်
ခရီးသွားဧည့်သည်များ စိတ်ဝင်စားမှု ရှိ မရှိနှင့် ခရီးသွားလုပ်ငန်းအတွက် အကျိုးရှိ မရှိ
ဆန်းစစ်သင့်ကြောင်း မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဋ္ဌ ဦးသက်လွင်တိုးက
ပြောသည်။

"မြန်မာ့စီးပွားရေး ပြန်လည်ဦးမော့လာဖို့အတွက် ခရီးသွားလုပ်ငန်းက ဖြတ်လမ်းက သွားနိုင်တဲ့
လက်နက်တစ်ခုပဲ။ အဲဒီလက်နက်ကို သေသေချာချာပြင်ဆင်ရမယ်။ အဲဒီလို မဟုတ်ဘဲ
ပေါ့ပေါ့တန်တန်ပဲ လုပ်နေမယ်ဆိုရင် ခရီးသွားလုပ်ငန်းက ဒီတိုင်းသွားမှာပဲ" ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား