ခါကာဘိုရာဇီတွင် နှင်းလျှောစီး အပန်းဖြေစခန်းတည်ဆောက်မည်

ပဲခူးရိုးမ ဂေဟအခြေခံ ခရီးသွားအပန်းဖြေစခန်းကို ပြင်ဆင်နေစဉ်။ အိအိသူ / မြန်မာတိုင်း(မ်)ပဲခူးရိုးမ ဂေဟအခြေခံ ခရီးသွားအပန်းဖြေစခန်းကို ပြင်ဆင်နေစဉ်။ အိအိသူ / မြန်မာတိုင်း(မ်)

မြန်မာနိုင်ငံမြောက်ဘက်စွန်းပိုင်း ကချင်ပြည်နယ် နောင်မန်း (Naungmung) မြို့နယ်အတွင်းရှိ
ခါကာဘိုရာဇီ အမျိုးသားဥယျာဉ်တွင် နှင်းလျှောစီး အပန်းဖြေစခန်းတည်ဆောက်ရန် ရည်ရွယ်
ထားကြောင်း ဟိုတယ်နှင့်ခရီးသွား လာရေးလုပ်ငန်းဝန်ကြီးဌာနဝန်ကြီးဦးအုန်းမောင်က ပြောသည်။

''ဒီအစီအစဉ်က ဟိုးအရင်ကတည်းက ရှိပြီးသား။ ဒါကို ဝန်ကြီးဌာနအနေနဲ့ဆက်လက်
အကောင်အထည်ဖော်ခြင်းဖြစ်တယ်'' ဟု ဝန်ကြီးက ပြောသည်။

ခါကာဘိုရာဇီ အမျိုးသားဥယျာဉ်တွင် နှင်းလျှောစီး အပန်းဖြေစခန်းတည်ဆောက်ရန် လာရောက်
ဆွေးနွေးထားသည့် သြစတြေးလျနိုင်ငံသားရင်းနှီးမြှုပ်နှံသူတစ်ဦးရှိသော်လည်း ရေရှည်စီမံကိန်းဖြစ်
သဖြင့် လေ့လာမှုများစွာ လုပ်ဆောင်ရဦးမည်ဖြစ်ကြောင်း ဝန်ကြီးဦးအုန်းမောင်က ပြောသည်။

ဟိုတယ်နှင့်ခရီးဝန်ကြီးဌာန၏ မူဝါဒများအရ ၂ဝ၁၇၁၈ ဘဏ္ဍာနှစ်အတွင်း ဂေဟအခြေပြုခရီးသွား
လုပ်ငန်းများကို ဦးစားပေး အခန်းကဏ္ဍအဖြစ် အကောင်အထည်ဖော်ဆောင်ရွက်လျက်ရှိရာ
ကချင်ပြည်နယ် ခါကာဘိုရာဇီဒေသကိုလည်း ဂေဟအခြေပြုခရီးသွားနေရာတစ်ခုဖြစ်လာရန်
ရည်ရွယ်ထားကြောင်း ဝန်ကြီးဌာနက ထုတ်ပြန်ထားသည်။

ခါကာဘိုရာဇီတောင်ထိပ်သည် အမြင့် ၁၉,၂၉၅ ပေ (၅,၈၈၁ မီတာ) မြင့်မားပြီး အရှေ့တောင်
အာရှတွင် အမြင့်ဆုံး ရေခဲတောင်ဟု သတ်မှတ်ထားသည့်တောင်ဖြစ်ကာ ကိုယ်ခံအားနှင့်
ကျန်းမာရေးကောင်းသည့်သူဖြစ်ပါကကြိုတင်တောင်တက်လေ့ကျင့်ထားခြင်းမရှိလည်း
ခါကာဘိုရာဇီတောင်၏ အမြင့်ပေ ၄,ဝဝဝ ခန့်အထိ တက်ရောက်နိုင်ကြောင်း ဝန်ကြီးဌာနက
ထုတ်ပြန်ထားသည်။

''အဲဒီလိုနေရာတွေကို ခရီးသွားလုပ်ငန်းမြှင့်တင်ပေးခြင်းအားဖြင့် အခုဖော်ဆောင်နေတဲ့
ဂျပန်ခရီးသွားဈေးကွက်မြှင့်တင်ရေး ပိုမိုဝင်ရောက်လာနိုင်သလို ဥရောပဈေးကွက်လည်း
ထိုနည်းလည်းကောင်းပါပဲ'' ဟု ဦးအုန်းမောင်က ပြောသည်။

ဟိုတယ်နှင့်ခရီးဝန်ကြီးဌာန၊ အပြည်ပြည်ဆိုင်ရာတောင်တန်းဒေသဖွံ့ဖြိုးရေးဗဟိုအဖွဲ့
(International Centre for Integrated Mountain DevelopmentICIMOD) နှင့် သယံဇာတနှင့်
သဘာဝပတ်ဝန်းကျင် ထိန်းသိမ်းရေးဝန်ကြီးဌာနတို့ပူးပေါင်းပြီး မြန်မာ့ဂေဟ အခြေခံခရီးသွားလုပ်ငန်း
ဆိုင်ရာမူဝါဒနှင့် အုပ်ချုပ်လုပ်ကိုင်မှု မဟာဗျူဟာ (Myanmar Ecotourism Policy and Management
Strategy)ကို ရေးဆွဲထားခြင်းဖြစ်သည်။

ဂေဟအခြေပြုခရီးသွားလုပ်ငန်းဖွံ့ဖြိုးတိုတက်ရေးအတွက် အထောက်အကူပြုရန် ICIMOD နှင့်
ပူးပေါင်းပြီး ecolodgeguidelines ကိုလည်း ရေးဆွဲလျက်ရှိခြင်းဖြစ်သည်။

သစ်တော ဧရိယာ ၄၉ သန်းတွင် သစ်တောကြိုးဝိုင်းကြိုးပြင်ပ သဘာဝနယ်မြေ၌ ဂေဟအခြေပြု
ခရီးသွားလုပ်ငန်း နေရာအဖြစ်သတ်မှတ်ထားသည့် နေရာ ၄ဝ ရှိကြောင်း၊ ထိုနေရာများအပြင်
သစ်တောဦးစီးဌာနက ဂေဟအခြေပြု ခရီးသွားနေရာ ထပ်မံတိုးချဲ့ ဆောင်ရွက်ရန်
လျာထားကြောင်း သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တော
ဦးစီးဌာန ဒုတိယညွှန်ကြားရေးမှူးချုပ် ဦးကျော်ကျော်လွင်က ပြောသည်။

ပဲခူးရိုးမအတွင်း ပဲခူးရိုးမအမည်ရှိ ဂေဟအခြေခံအပန်းဖြေစခန်းကို ယခုနှစ်အစောပိုင်းက
ဖွင့်လှစ်ခဲ့ပြီး ၄င်းအပန်းဖြေစခန်းသည် ဟိုတယ်နှင့်ခရီးဝန်ကြီးဌာနနှင့် သယံဇာတနှင့်သဘာဝ
ပတ်ဝန်းကျင်ထိန်းသိမ်းရေးဝန်ကြီးဌာနတို့ ပူးပေါင်းဆောင်ရွက်မှုဖြင့် ပထမဆုံးဖွင့်လှစ်ခဲ့သည့်
ပုဂ္ဂလိကအပန်းဖြေစခန်းတစ်ခုဖြစ်သည်။

''ဟိုတယ်ခရီးဝန်ကြီးဌာနကို လာပြီးဆွေးနွေးထားတဲ့ စီးပွားရေးလုပ်ငန်းရှင် သုံးဦးရှိတယ်။
သူတို့ကလည်း ပဲခူးရိုးမ ဂေဟအခြေခံ အပန်းဖြေစခန်းလို ဂေဟအခြေပြုခရီးသွားလုပ်ငန်း
အကောင်အထည်ဖော် ဆောင်ရွက်လိုသူတွေ ဖြစ်တယ်'' ဟု ဝန်ကြီး ဦးအုန်းမောင်က
ပြောသည်။

ခရီးသွားလုပ်ငန်းကဏ္ဍဖွံ့ဖြိုးတိုးတက်ခြင်းနှင့် ဂေဟအခြေခံခရီးသွားလုပ်ငန်းမှတစ်ဆင့်
သဘာဝနယ်မြေများ၊ ဇီဝမျိုးစုံမျိုးကွဲ ထိန်းသိမ်းရေးလုပ်ငန်းများတွင် အထောက်အကူပြုခြင်း၊
ဒေသခံပြည်သူများ၏ အလုပ်အကိုင်နှင့်ဝင်ငွေတိုးတက်ရရှိစေခြင်း၊ သဘာဝပတ်ဝန်းကျင်
ထိန်းသိမ်းရေး၊ ဇီဝမျိုးစုံမျိုးကွဲ ထိန်းသိမ်းရေးလုပ်ငန်းများတွင် ဒေသခံများ ပူးပေါင်းပါဝင်လာခြင်း
စသည့် အကျိုးရလဒ်များရရှိနိုင်ကြောင်း ပဲခူးရိုးမ ဂေဟအခြေခံ အပန်းဖြေစခန်းဖွင့်ပွဲတွင်
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးအုန်းဝင်းက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား