Monday, April 24, 2017

နိုင်ငံသားများ၏ ပြည်ပခရီးစဉ်များအတွက် လိုင်စင်ထုတ်ပေးရန် တင်ပြထား

မြန်မာနိုင်ငံမှ ပြည်ပနိုင်ငံများသို့ သွားရောက် လည်ပတ်မည့် ခရီးစဉ်များအတွက် ဟိုတယ်နှင့်
ခရီးသွားလာရေး လုပ်ငန်းဝန်ကြီးဌာနက တရားဝင် လိုင်စင်ထုတ်ပေးရန် မြန်မာ့ခရီးသွားအသင်းမှ
ဦးဆောင်ကာ ယင်းဝန်ကြီး ဌာနသို့ တင်ပြထားသည်ဟု အသင်းမှတာဝန်ရှိသူက ပြောသည်။

"ပြည်ပခရီးစဉ် သွားရောက် လည်ပတ်ဖို့အတွက် တရားဝင်လိုင်စင် ထုတ်ပေးထားမယ်ဆိုရင်
ဖြစ်ပေါ်လာတဲ့ မြန်မာနိုင်ငံသား ခရီးသွားဧည့်သည်တွေရဲ့ ပြဿနာတွေကို တရားဝင်ဖြေ ရှင်းပေး
နိုင်တာပေါ့။ တရားဝင်မဟုတ်သေးတဲ့အခါကျတော့ ကျွန်တော်တို့ အနေနဲ့ ဖြေရှင်းပေးလို့ မရနိုင်
တာတွေရှိပါတယ်" ဟု မြန်မာ့ခရီးသွားအသင်း (Union of Myanmar Travel Association) မှ
အတွင်းရေးမှူး ဦးနောင်းနောင်းဟန်က ပြောသည်။

မြန်မာနိုင်ငံ၏ နိုင်ငံခြားသုံးငွေ ဒေါ်လာဆုံးရှံးမှု မဖြစ်စေရန်နှင့် နိုင်ငံခြားငွေကို သာမန် ခရီးသွား
ပြည်သူများအား တရားဝင်ကိုင်ဆောင်ခွင့် မပြုထားသောကြောင့် ယခင်က ပြည်ပခရီးသွားလိုင်စင်
ကို ဟိုတယ်နှင့် ခရီးသွား လာရေးလုပ်ငန်းဝန်ကြီးဌာနက တရားဝင် ထုတ်မပေးရခြင်းဖြစ်သည်ဟု
ဦးနောင်းနောင်းဟန်က ပြောသည်။

ပြည်ပခရီးအတွက် ခရီးသွားလုပ်ငန်း ကုမ္ပဏီများကို တရားဝင် လိုင်စင်ထုတ်ပေးခဲ့ပါက ခရီးသွား
များအနေဖြင့် ယခင်ကထက် ပိုမိုလုံခြုံမှုရှိပြီး တစ်စုံတစ်ရာ လွဲချော်မှုရှိခဲ့ပါက သက်ဆိုင်ရာ ကုမ္ပဏီ
များကို တရားဝင် တရားစွဲဆို နိုင်သည်ဟု ၎င်းကပြောသည်။

"တရားဝင် လိုင်စင်ထုတ်ပေးတာနဲ့ ပတ်သက်ပြီး ၀န်ကြီးဌာနအနေနဲ့ သူတို့ သတ်မှတ်ချက်နဲ့
ကိုက်ညီတဲ့ ခရီးသွား ကုမ္ပဏီတိုင်းကို လိုင်စင်ထုတ်ပေးမှာပါ။ လိုင်စင်ကြေး၊ အစိုးရဆီမှာ အာမခံ
ထားရမယ့် အာမခံကြေး၊ လိုင်စင် သက်တမ်းကာလတို့ကို ၀န်ကြီးဌာနကပဲ သတ်မှတ်ပေးမှာပါ။
ကျွန်တော်တို့အနေနဲ့ အလုပ်ရုံဆွေးနွေးပွဲက ရရှိလာတဲ့ ရလဒ်ကိုပဲ တင်ပြရတာပါ။ ၀န်ကြီးဌာန
အနေနဲ့ကလည်း ဒီနှစ်အတွင်း လိုင်စင်ထုတ်ပေးနိုင်မယ်လို့ မျှော်လင့်ထားပါတယ်"ဟု ၎င်းက
ပြောသည်။

"တရားဝင်ဖြစ်လာတော့မယ်ဆိုတော့ ပိုကောင်းသွားတာပေါ့။ ကိုယ်သွားမယ့်နိုင်ငံနဲ့ တရားဝင်
ပွင့်ပွင့်လင်းလင်း ဆက်ဆံလို့ရပြီး အဲဒီဘက်က အဖွဲ့ အစည်းတွေနဲ့ တရားဝင်လုပ်ထားတဲ့အတွက်
ပိုပြီးလုံခြုံမှုရှိနိုင်မယ်လို့ထင်ပါတယ်" ဟု Gracious Vacation ခရီးသွားကုမ္ပဏီမှ
ဒေါ်ပွင့်နွယ်အောင်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဟိုတယ်နှင့် ခရီးသွား