ငြိမ်းချမ်းရေးမြတ်နိုးသည့် ဆွီဒင် စစ်ရေးပို့ကုန် တိုးမြင့်၍ လက်နက်ဩဇာလွှမ်းမိုး နိုင်ငံဖြစ်လာ

ဆာ့ဘ်ကုမ္ပဏီ၏ လေယာဉ်စက်ရုံတွင် ဂရစ်ပင် အီး တိုက်လေယာဉ်သစ်များ ထုတ်လုပ်နေစဉ်။ ဓာတ်ပုံ - အေအက်ဖ်ပီဆာ့ဘ်ကုမ္ပဏီ၏ လေယာဉ်စက်ရုံတွင် ဂရစ်ပင် အီး တိုက်လေယာဉ်သစ်များ ထုတ်လုပ်နေစဉ်။ ဓာတ်ပုံ - အေအက်ဖ်ပီ

လင်ကိုပင်း (ဆွီဒင်) - ဥရောပတိုက် အနောက် မြောက်ပိုင်းဒေသ
စကင်ဒီနေးဗီးယားကျွန်း ဆွယ်ရှိ ဆွီဒင်နိုင်ငံသည် ငြိမ်းချမ်းရေးဖော်ဆောင်မှုနျင့် နိုင်ငံခြားကူညီ
ထောက်ပံ့မှုများကို ရက်ရက်ရောရော ပေးကမ်းကူညီခြင်းတို့တွင် ကမ္ဘာတစ်ဝန်းလုံး၌ ထင်ပေါ်
ကျော်ကြားမှုများ ရရှိနေသည့် တစ်ချိန်တည်းမှာပင် ကမ္ဘာ့အစိုးရ အဖွဲ့အတော်များများထံ
လက်နက်များရောင်းချဖြည့်ဆည်းပေးလျက်ရှိသည့် ကမ္ဘာ့အဓိက လက်နက်ရောင်း နိုင်ငံကြီး
တစ်နိုင်ငံဖြစ်လာခဲ့သည်။

ယင်းနိုင်ငံ၏ လက်နက်ဝယ်ယူနေကျ ဖောက်သည်နိုင်ငံများတွင် လူ့အခွင့်အရေး ချိုးဖောက်
သည့် နိုင်ငံများလည်း ပါဝင်ကြောင်း ဝေဖန်ခံခဲ့ရသည်။ တစ်ဦးကျတန်ဖိုးအရဆိုလျှင် အစ္စရေးနှင့်
ရုရှားနိုင်ငံတို့ပြီးနောက် ဆွီဒင်နိုင်ငံသည် ကမ္ဘာ ပေါ်တွင် တတိယအများဆုံး လက်နက်တင်ပို့
သည့်နိုင်ငံဖြစ်သည်။

ယင်းနိုင်ငံ၏ ဖွံ့ဖြိုးတိုး တက်လျက်ရှိသော လက်နက်ထုတ်လုပ်ရေး စက်မှုလုပ်ငန်းသည်
၎င်းနိုင်ငံနှင့် စီးပွားရေး လုပ်ငန်း ဆက်စပ်လုပ်ကိုင်သည့် နိုင်ငံများ အလယ်တွင် ဆွီဒင်နိုင်ငံသူ
နိုင်ငံသားတို့အဖို့ လူ့ကျင့်ဝတ်ပိုင်းဆိုင်ရာအရ ရတက်မအေးစရာ လှုံ့ဆော်ဖန်တီးပေးခဲ့သည်။

ဆွီဒင်နိုင်ငံ၏ စစ်အခြေခံ စက်မှုလုပ်ငန်းမျိုးစုံ ဆောင်ရွက်သည့် စက်မှုဇုန်ဗဟိုအချက် အချာဒေသ
တွင်ရှိသော လေယာဉ်စက်ရုံကြီး တစ်ရုံတွင် ဆာ့ဘ် (Saab) ကုမ္ပဏီ၏ စက်မှုပညာရှင်များသည်
ပုံစံအဆင့်ဆင့် ပြောင်းလဲထုတ်လုပ်သော ဂရစ်ပင် တိုက်လေယာဉ်များ၏ မျိုးဆက်သစ် (Next
Generation) များ ထုတ်လုပ် ရန် တပ်ဆင်မှုလိုင်းကို တည်ဆောက်လျက်ရှိသည်။

ထိုတိုက်လေယာဉ်သစ်များအနက် အနည်းဆုံး အစင်း ၆၀ ကို ဆွီဒင်လေတပ်တွင်အသုံးပြုရန်
ကြံရွယ်ထားသည်။ အဆိုပါ ဂရစ်ပင် နောက်ဆုံးမျိုးဆက် တိုက်လေယာဉ်တွင် နောက်ဆုံးပေါ်
စစ်ဆေးရေးစနစ်များနျင့် ပိုမိုကျယ်ဝန်းသည့် လက်နက်ခန်းများပါဝင်သည်။

ဆွီဒင်ထုတ် ဂရစ်ပင်အီး (Gripen E) တိုက် လေယာဉ်သစ်သည် ရုရှားတို့၏ အကောင်းဆုံး
တိုက်လေယာဉ်များကို ရဲရဲဝံ့ဝံ့ ရင်ဆိုင်တိုက်ခိုက် နိုင်ရန်ရည်ရွယ်၍ ထုတ်လုပ်ခဲ့ပြီး စူးစမ်းရှာဖွေ
ခြင်း၊ အီလက်ထရွန်းနစ်နည်းအရ လုပ်ငန်းများ ဆောင်ရွက်နိုင်အောင် ဆောင်ရွက်ခြင်းနှင့်
ပစ်ခတ်တိုက်ခိုက်သကဲ့သို့ ဆက်သွယ်ရေးနျင့် ဖြိုခွင်းရေးလုပ်ငန်းများကို ဆောင်ရွက်နိုင်စွမ်း
ရှိသည်ဟု ဆာ့ဘ်ကုမ္ပဏီ၏ လုပ်ငန်းအမှုဆောင် အရာရှိချုပ် လာ့စ်ယဒရက်စ်ကော့ဒ်က
လင်ကိုပင်း စက်ရုံသို့ များမကြာသေးခင်က ကိုယ်တိုင်ကွင်းဆင်းလေ့လာခဲ့သည့် အေအက်ဖ်ပီ
သတင်းထောက်ကို ပြောကြားခဲ့သည်။

အဆိုပါ ဆာ့ဘ်ကုမ္ပဏီနှင့် ဘီအေအီးစစ္စတန် (BAE System) နျင့် ဘိုဖာ (Bofors) အပါအ၀င်
ဆွီဒင်အခြေစိုက် အခြားသောကုမ္ပဏီများသည် ယမန်နှစ်တစ်နှစ်တည်းတွင် နိုင်ငံပေါင်း ၅၅ နိုင်ငံ
သို့ လက်နက်များနျင့် ကာကွယ်ရေးဆိုင်ရာ ပစ္စည်းများရောင်းချရမှုမှာ ဒေါ်လာ ၁ ဒသမ ၈ ဘီလျံ
(ယူရိုငွေ ၁ ဒသမ ၃ ဘီလျံ) ဖိုးအထိ ရှိခဲ့သည်။

ဆွီဒင်နိုင်ငံသည် စစ်အေးတိုက်ပွဲခေတ်ကာလ ကုန်ဆုံးခဲ့ပြီးနောက်ပိုင်း အနောက်အုပ်စု နိုင်ငံများ
က လက်နက်ဝယ်လိုအား ကျဆင်းလာ ခဲ့သည့်အလျောက် ဆော်ဒီအာရေဗျ၊ွှာရပ် စော်ဘွားများ
ပြည်ထောင်စုနှင့် ပါကစ္စတန်အပါအ၀င် လူ့အခွင့်အရေးချိုးဖောက်မှုများ ရှိသည်ဟု စွပ်စွဲခံထားရ
သော နိုင်ငံအစိုးရ များကို လက်နက်ဖြည့်ဆည်းပေးရန် ပို၍ စိတ်တိမ်းညွတ်လာခဲ့သည်ဟု
ဝေဖန်သူအချို့က စွပ်စွဲထားသည်။

"ဆွိဒ်လူမျိုးတွေဟာ လူ့အခွင့်အရေးချိုးဖောက် သူတွေ၊ ဒါမှမဟုတ် အာဏာရှင်တွေကို သူတို့
အာဏာ တည်မြဲရေးအတွက် ပေးဖို့ကမ်းဖို့ ကူညီဖို့ကြုံတဲ့အခါမှာ သူတို့ကိုယ်သူတို့တော့ အင်
မတန်ကို လူ့ကျင့်ဝတ် ကိုယ်ကျင့်တရား စောင့်စည်းတယ်၊ ကန့်သတ်ချုပ်ချယ်မှုထားတယ်
လို့မြင်ကြတယ်။ ဒါပေမဲ့ တကယ်တမ်းကျတော့ ကူညီတာပါပဲဗျာ"ဟု စတော့ဟုမ်း အပြည်ပြည်
ဆိုင်ရာ ငြိမ်းချမ်းရေးသုတေသနဌာန (SIPRI) လက်နက်ပါရဂူတစ်ဦးဖြစ်သည့် ဆီမွန် ၀ီဇီမန်းက
ပြောကြားခဲ့သည်။

"အရင်တုန်းကတော့ လူ့အခွင့်အရေးကိစ္စနဲ့ စပ်လျဉ်းပြီး စိုးရိမ်မကင်းလို့ ဆော်ဒီအာရေဗျနဲ့
စီးပွားရေးလုပ်ငန်းမလုပ်ခဲ့ဘူး။ ဒီနိုင်ငံက လူ့အခွင့် အရေး ပြဿနာမျိုးစုံရှိတာ အထင်အရှားပဲ။
ဒါပေမဲ့ အခြေအနေပြောင်းခဲ့တယ်။ သူတို့က ဆော်ဒီနိုင်ငံကို အီရိယိ (ရေဒါခြေရာခံစနစ်) နဲ့
တင့်ကားပစ် ဒုံးကျည်တွေရောင်းခဲ့တယ်။ အဲဒီ မှာ တခြားလက်နက်တွေလည်း အရောင်းအ၀ယ်
လုပ်ခဲ့တယ်"ဟု ၎င်းကဆိုသည်။

၂၀၁၂ ခုနှစ်တွင် ဆွီဒင်အစိုးရအသံလွှင့်ဌာန က အမျိုးသားကာကွယ်ရေး သုတေသန အေဂျင်စီ
သည် ဆော်ဒီအာရေဗျနိုင်ငံ၏ ဒုံးကျည် ထုတ်လုပ်ရေး စက်ရုံတစ်ရုံကို ရုပ်ဖျက်ထား သော
နည်းပညာဆိုင်ရာ အထောက်အပံ့များ ဖြည့်ဆည်းပေးခဲ့ကြောင်း ထုတ်ဖော်ကြေညာခဲ့သဖြင့်
ကာကွယ်ရေးဝန်ကြီးတစ်ဦး နုတ်ထွက် ရကာ လက်နက်ရောင်းချရေးဆိုင်ရာ ကျင့်ဝတ် စံနှုန်းသစ်
ပြဋ္ဌာန်းရေး စုံစမ်းရေးမူတစ်ရပ် ဆောင်ရွက်ခဲ့ရသည်။

ဆွီဒင်တို့၏ လက်နက်တင်ပို့ရောင်းချမှုများ အနက် ဒွိဟအပွားရဆုံး ပြဿနာတစ်ရပ်မှာ အမေရိ
ကန်တပ်ဖွဲ့များနျင့် ကမ္ဘာတစ်ဝန်းရှိ အခြားစစ်တပ်များတွင် အသုံးပြုသော ဆာ့ဘ် ကုမ္ပဏီထုတ်
ကားလ်ဂုစတတ်ဗ် ဒုံးပစ်လောင်ချာ ပင်ဖြစ်သည်။

ထိုလောင်ချာများသည် မြန်မာ စစ်တပ်နှင့် ဆိုမာလီယာနိုင်ငံမှ အယ်လ်ရှာဘတ် အစ္စလမ္မစ်ဝါဒီ
များအပါအ၀င် ဆွီဒင်နိုင်ငံက ပုံမှန်အားဖြင့် ကုန်သွယ်ရောင်းဝယ် ခြင်းမပြုသည့် အုပ်စုများလက်
တွင်းသို့ ရောက်ရှိ ခဲ့သည်ဟု သိရသည်။

ဆွီဒင်နိုင်ငံ အမျိုးသားကာကွယ်ရေးတက္ကသိုလ် စစ်ရေးလေ့လာရေးဌာန ဒုတိယအကြီးအကဲ
ဂါနာဟော့ဒ်က ပြောကြားရာတွင် ဆွီဒင်နိုင်ငံ အစိုးရသည် အခြားအစိုးရများကဲ့သို့ပင် အဆင့်
မြင့်တိုးတက်သော ကာကွယ်ရေးနည်းပညာများ သည် အခြားသောဒေသများသို့ပါ ပျံ့နှံသွား
မည်ဟု ဆိုသည်။

ဆွီဒင်နိုင်ငံ၏ လက်ရှိအာဏာရ ဗဟိုလက်ယာ ညွန့်ပေါင်းအဖွဲ့က ထင်ရှားသည့် အဖွဲ့ဝင်ဖြစ်သူ
အလန်ဝိဒ်မင်းက ပြောကြားရာတွင် ဆွီဒင် နိုင်ငံ၏ အောင်မြင်သောအစိုးရများသည် စက်မှု လုပ်
ငန်းအတွက် အရေးပါသော အစိတ်အပိုင်း နှစ်ရပ်ဖြစ်သည့် ဂျက်တိုက်လေယာဉ်များနျင့် ရေငုပ်
သင်္ဘောများ ထုတ်လုပ်သည့် လုပ်ငန်း များကို နိုင်ငံတော်က ကူညီထောက်ပံ့ပေးရေးကို အာရုံ
စိုက်ရန် အကြောင်းပြချက်ကောင်းရှိသည်ဆို၏။

"ဒီ လက်နက်နှစ်မျိုးဟာ ကျွန်တော်တို့နိုင်ငံ အမျိုးသားလုံခြုံရေး အကျိုးစီးပွားတွေကို ကိုယ်စားပြု
တယ်ဆိုတဲ့ မဟာဗျူဟာ သဘော တရား ဆွီဒင်မှာရှိတယ်လို့ ကျွန်တော်ယူဆ တယ်။ ဒါတင်
မကဘူး၊ ကာကွယ်ရေး၊ စက်မှုနည်းပညာနဲ့ စက်မှုလုပ်ငန်းဟာ ဆွီဒင် စီးပွား ရေးရဲ့ အလိုအပ်ဆုံး
အစိတ်အပိုင်းဆိုတဲ့ အမြင်မျိုး နိုင်ငံရေးသမားတွေမှာ ရှိပါတယ်" ဟု ပြောကြားခဲ့သည်။

ကာကွယ်ရေးဘက်ဆိုင်ရာ လေ့လာဆန်းစစ် သူနျင့် ငြိမ်းချမ်းရေး စည်းရုံးလှုပ်ရှားသူ အတော်များ
များက သူ့အမြင်ကို လက်မခံပေ။ လက်နက်ထုတ်လုပ်ရေးသည် ဆွီဒင်နိုင်ငံ စုစု ပေါင်း ပို့ကုန်၏
တစ်ရာခိုင်နှုန်းမျှသာရှိပြီး အစိုးရပံ့ပိုးမှုမှာ အမျိုးသားရေးဂုဏ်သိက္ခာအတွက်သာဖြစ်သည်။

အထူးသဖြင့် ဆာ့ဘ် ဂျက်တိုက်လေယာဉ်များ ရောင်းချရန်ကိစ္စ ပေါ်လာသည့်အချိန်တွင်
ဖြစ်သည်။ "ဆာ့ဘ်တိုက်လေယာဉ်တွေက ဆွီဒင်ဘုရင့် သရဖူက ကျောက်မျက်ရတနာတစ်လုံးနဲ့
တူတယ်။ နိုင်ငံရဲ့ဂုဏ်သိက္ခာ၊ အမျိုးသားရေးဝါဒ နဲ့စပ်လျဉ်းလို့ ပြင်းပြတဲ့ ခံစားချက်တစ်ရပ်
ရှိတယ်။ အဲဒါကတော့ ဒီလေယာဉ်တွေဟာ ဆွီဒင်ရဲ့ အင်မတန်ကောင်းတဲ့ ထုတ်ကုန်တစ်မျိုး
ဆိုတာပါပဲ။ သူတို့တွေက အဲဒါကိုဂုဏ်ယူတယ်။ ဒါကြောင့် ဒီလေယာဉ်တွေဟာ အဓိက အခန်း
ကဏ္ဍကနေ ပါဝင်နေကြပါတယ်"ဟု SIPRI မှ ၀ီဇီမန်းက ပြောကြားခဲ့သည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း