တရုတ်နိုင်ငံ၌ ကျားမျိုးထိန်းသိမ်းရေးဥယျာဉ်များ တိုးပွားလာ

တရုတ်နိုင်ငံ အရှေ့မြောက်ပိုင်း ဟာဘင်မြို့ရှိ ဆိုက်ဘေးရီးယန်း ကျားဥယျာဉ်။ ဓာတ်ပုံ - အေအက်ဖ်ပီတရုတ်နိုင်ငံ အရှေ့မြောက်ပိုင်း ဟာဘင်မြို့ရှိ ဆိုက်ဘေးရီးယန်း ကျားဥယျာဉ်။ ဓာတ်ပုံ - အေအက်ဖ်ပီ

ဟာဘင် - (တရုတ်) တရုတ်နိုင်ငံ ဆိုက်ဘေးရီး ယန်း ကျားဥယျာဉ်၌
ကျားတစ်ကောင်က ၎င်းကို အစာအဖြစ် ချကျွေးထားသော ကြက် အရှင်ကလေးတစ်ကောင်
ကို ကျွတ်ကျွတ်မြည် အောင် ၀ါးစားရင်း ကြောက်မက်ဖွယ် မာန်ဖီ ဟိန်းဟောက်လိုက်သည်
ကို လူအများကြည့်ရှု နိုင်အောင် တင်ဆက်ပြသလျက်ရှိသော်လည်း ထိုကဲ့သို့ ဖျော်ဖြေတင်ဆက်
ပေးနေသည့် ကျား မျိုးထိန်းသိမ်းရေး ဥယျာဉ်များက ကျားများ မျိုးသုဉ်းပျောက်ကွယ်သွားစေရန်
တွန်းအား ပေးနေသည့်အရာများဖြစ်ကြောင်း သဘာဝ တောရိုင်းတိရစ္ဆာန်များကာကွယ်ရေး
လှုပ်ရှား ဆောင်ရွက်သူများက ပြောသည်။

"ရက်စက်လိုက်တာ ကြည့်ပါဦး။ သူ့အနားရောက်လာတဲ့ ဘယ်လိုသတ္တ၀ါပဲ ဖြစ်ဖြစ် ချမ်းသာ
မပေးပါလား" ဟု လာရောက် ကြည့်ရှုသူ အမျိုးသမီးတစ်ဦးကဆိုကာ ကြောက်ရွံ့ထိတ်လန့်စရာ
ထိုမြင်ကွင်းကို ၎င်း၏စမတ်ဖုန်းဖြင့် မှတ်တမ်းတင်ရိုက်ကူးနေသည်ကို တွေ့ရသည်။

တရုတ်နိုင်ငံ အရှေကမြောက်ပိုင်း ဟာဘင်မြို့ရှိ ဆိုက်ဘေးရီးယန်း ကျားဥယျာဉ်တွင် ကျားများကို
အစာကျွေးလိုသူများအတွက် ကြက်တစ်ကောင်လျှင် ယွမ် ၆၀ (၁၀ ဒေါ်လာ) ကျသင့်ပြီး အခြား
တိရစ္ဆာန်များကိုလည်း အစာအဖြစ် ရွေးချယ်ကျွေးနိုင်ရာ အဆိုပါကျားစာစာရင်းတွင် နွားများပင်
ပါဝင်သည်။

ယင်းကျားများ သေဆုံးလျှင် ၎င်းတို့ခန္ဓာကိုယ် အစိတ်အပိုင်းများကို ရောင်းချရာမှ ၀င်ငွေအမြောက်
အမြား ရရှိစေသော်လည်း နိုင်ငံအနှံ့အပြား၌ ပေါ်ပေါက်လာနေသော ယင်းကဲ့သို့ ကျားမျိုးထိန်းသိမ်း
ရေး ဥယျာဉ် များက မျိုးသုဉ်းမည့်အန္တရာယ်နှင့် ရင်ဆိုင်နေရသည့် မျိုးစိတ်များအတွက် နောက်ထပ်
အန္တရာယ်တစ်ခု ဖြစ်လာနိုင်ဖွယ်ရှိကြောင်း သဘာဝ တောရိုင်းတိရစ္ဆာန်များ ကာကွယ်ရေး လှုပ်ရှား
ဆောင်ရွက်သူများက ပြောဆိုသည်။

တစ်ကမ္ဘာလုံးရှိ ကျားကောင်ရေမှာ လွန်ခဲ့ သည့်ရာစုနှစ်က ၁၀၀,၀၀၀ ရှိခဲ့ရာမှ ယနေ့ အချိန်တွင်
ကျားကောင်ရေ ၃,၀၀၀ အထိထိုးကျ သွားခဲ့ကြောင်း သဘာဝပတ်ဝန်းကျင်ထိန်း သိမ်းစောင့်ရှောက်
ရေး နိုင်ငံတကာအဖွဲ့၏ ပြောကြားချက်အရသိရသည်။ ကျားများကို တရားမ၀င် ဖမ်းဆီးခြင်းနှင့်
၎င်းတို့နေထိုင်ရာ စားကျက်များ ဆုံးရှုံးရခြင်းတို့က ကျားများ မျိုးသုဉ်းပျောက်ကွယ်သွားစေမည့်
အဓိက အကြောင်းများဖြစ်သည်ဟု ပြောဆိုထားသည့် ယင်းအဖွဲ့က ကျားများကို မျိုးသုဉ်းမည့်
အန္တရာယ်နှင့် ရင်ဆိုင်နေရသည့် တိရစ္ဆာန် မျိုးစိတ်များစာရင်းတွင် ထည့်သွင်းထားသည်။

မွေးမြူထားသောကျားများ၏ ကိုယ်ခန္ဓာအစိတ်အပိုင်းများကို ထိုသို့ ရောင်းဝယ်ခြင်း များက ၀ယ်လို
အားကို ပိုမိုကောင်းလာစေပြီး တရားမ၀င်ရောင်းဝယ်မှုများ ပေါ်ပေါက်လာစေရန်အားပေး
အားမြှောက် လုပ်နေခြင်းဖြစ်ကြောင်း သဘာဝပတ်ဝန်းကျင် သုတေသနပြု လေ့လာရေးအေဂျင်စီ
ခေါ် လန်ဒန်အခြေစိုက် အင်န်ဂျီအိုအဖွဲ့၏ အကြီးအကဲ ဒက်ဘီဘန့်က ပြောကြားခဲ့သည်။

"ကျားတွေကို တရားမ၀င် ဖမ်းဆီးတာထက် ဒီလို ထိန်းသိမ်းမွေးမြူမှုမျိုးတွေက သူတို့ကို ပိုပြီး
ထိခိုက်စေပါတယ်" ဟု ၎င်းက ပြောကြား ခဲ့သည်။ "ထိန်းသိမ်းမွေးမြူခြင်းခံရတဲ့ ကျားတွေရဲ့
ကျားသားရေတွေက ဈေးကြီးတဲ့အတွက် အဲဒီ အစား ပိုပြီးဈေးသက်သာတာကို ရှာလာကြတဲ့
အခါ တောတွင်းကျက်စားတဲ့ ကျားတွေ၊ ကျားသစ်တွေနဲ့ နှင်းကျားသစ်တွေကို ပစ်မှတ် ထားဖမ်းဆီး
လာကြတယ်" ဟု ဒက်ဘီဘန့်က ပြောသည်။

ကျားမျိုးထိန်းသိမ်းရေး ဥယျာဉ် များမရှိသည့် အိန္ဒိယနှင့် နီပေါနိုင်ငံတို့တွင် ကျားကောင်ရေ တိုးလာ
သော်လည်း စီးပွားဖြစ် ကျားမွေးမြူရေးကို တရားဝင်ခွင့်ပြုပေးထားသည့် လာအို၊ ဗီယက်နမ်၊
ထိုင်းနှင့် တရုတ်နိုင်ငံတို့တွင် တောတွင်းကျက်စား သည့် ကျားအရေအတွက် ထိခိုက်လျက်
ရှိကြောင်း ဘန့်ကပြောသည်။

တစ်ချိန်တည်း မှာပင် ကျားမျိုးထိန်းသိမ်းရေးဥယျာဉ် ၂၀၀ ခန့် ရှိသော တရုတ်နိုင်ငံ၌ မွေးမြူထား
သည့်ကျားအရေအတွက်မြင့်တက်လာပြီး ကမ္ဘာ ပေါ်ရှိ တောတွင်းနေ ကျားကောင်ရေ၏နှစ်ဆ
ဖြစ်သော ကောင်ရေ ၆,၀၀၀ အထိ ရှိလာ ကြောင်းသိရသည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း