ဗြိတိန်ဘုရင်မကြီး အဲလိဇဘက်နှင့်နန်းသက်ရှည်ဘုရင်များ

၁၉၅၃ ခုနှစ်၊ ဇွန် ၂ ရက်က ရာဇဘိသိက်ခံယူပြီးနောက် ဗြိတိန်ဘုရင်မကြီးနှင့် ကြင်ရာတော် ဖိလစ်မင်းသားကြီးတို့ကို တွေ့ရစဉ်။ ဓာတ်ပုံ-အေအက်ပီ၁၉၅၃ ခုနှစ်၊ ဇွန် ၂ ရက်က ရာဇဘိသိက်ခံယူပြီးနောက် ဗြိတိန်ဘုရင်မကြီးနှင့် ကြင်ရာတော် ဖိလစ်မင်းသားကြီးတို့ကို တွေ့ရစဉ်။ ဓာတ်ပုံ-အေအက်ပီလန်ဒန် - ဒုတိယမြောက် အဲလိဇဘက် ဘုရင်မ သည် ယခုနှစ် စက်တင်ဘာ ၉ ရက်တွင်
နန်းသက် ၆၉ နှစ်၊ ၂၁၆ ရက် ပြည့်မည် ဖြစ်ရာ ဗြိတိန်နိုင်ငံ၏ နန်းသက်အရှည်ဆုံး ဘုရင်မ
တစ်ပါးဖြစ်လာမည်။ အဲလိဇဘက် (၈၉ နှစ်) သည် စံချိန်တင် ထားသော ၀ိတိုရိယဘုရင်မ၏
နန်းသက်ကို ချိုးမည်ဖြစ်သည်။ ကမ္ဘာပေါ်တွင် နန်းသက် အရှည်ဆုံးဘုရင်မှာ ယခုနှစ် ဇွန်လက
နန်းသက် ၆၉ နှစ်ပြည့်ခဲ့သော ထိုင်းနိုင်ငံ ဘုရင်ဖြစ်သည်။ ယခုနှစ် ဇန်န၀ါရီလတွင် ဆော်ဒီနိုင်ငံ
ဘုရင် အဗ္ဗဒူလာ (၉၀ နှစ်) ကွယ်လွန်ပြီး နောက် ဗြိတိန်ဘုရင်မသည် ကမ္ဘာ့အသက် အကြီးဆုံး
ဘုရင်ဖြစ်လာသည်။

နန်းသက်အရှည်ဆုံး လက်ရှိ နိုင်ငံ့ခေါင်းဆောင် ဘုရင်နှင့် ဘုရင်မများ
ထိုင်းနိုင်ငံ - ဘုရင် ဘူမိဘော အဒူယာ ဒက်ဂ်ျ (၈၇ နှစ်)သည် အစ်ကိုဖြစ်သူ ထူးဆန်းစွာ
သေဆုံးပြီးနောက် ၁၉၄၈ ခုနှစ်၊ ဇွန်လ ၉ ရက်တွင် နန်းဆက်ခံသည်။ သို့သော်
ဆွစ်ဇာလန်နိုင်ငံတွင် ဘွဲ့သင်တန်းတစ်ခုကို တက်ရောက်သင်ယူပြီးမှ ၁၉၅၀ ပြည့်နှစ်တွင်
နန်းတက်သည်။ ဘူမိဘောသည် နိုင်ငံရေး မတည်ငြိမ်သော ထိုင်းနိုင်ငံ၏ စာရိတ္တဆိုင်ရာ
လေးစားဖွယ် ဦးဆောင်လမ်းပြ ဘုရင်တစ်ပါး လည်းဖြစ်သည်။ ဦးနှောက်အတွင်း ရေ၀င်မှုနှင့်
ရင်ခေါင်းရောဂါတစ်ခုကြောင့် မကြာမီက ဆေးကုသခံခဲ့ရကြောင်း ဩဂုတ်လ အစောပိုင်းက
နန်းတော်က သတင်းထုတ်ပြန်သည်။

ဗြိတိန် - ၁၉၂၆ ခုနှစ်၊ ဧပြီ ၂၁ ရက်တွင် မွေးဖွားသည့် ဖခင် ဆဋ္ဌမမြောက် ဂျော့ဘုရင်ကွယ်လွန်၍
၁၉၅၂ ခုနှစ်၊ ဖေဖော်ဝါရီ ၈ ရက်တွင် နန်းတက်သည်။ ယခုနှစ် စက်တင် ဘာ ၉ ရက်တွင်
ဘွားတော် ၀ိတိုရိယ ဘုရင်မ ကြီး (နန်းစံနှစ် ၁၈၃၇ မှ ၁၉၀၁ အထိ) ၏ နန်းသက်ကို
ကျော်လွန်တော့မည်ဖြစ်သည်။ အဲလိဇဘက်ဘုရင်မသည် ဗြိတိန် အစောင့် အရှောက်ခံ
အခြား ဓနသဟာယနိုင်ငံ (၁၅ နိုင်ငံ) တို့၏ ဘုရင်မလည်းဖြစ်သည်။

ဘရူနိုင်း - ဘုရင် ဆူလ်တန် ဟာဆနယ် ဘိုကီယာ (၆၉ နှစ်) သည်ကမ္ဘာ့အကြွယ်ဝအချမ်း
သာဆုံး ပုဂ္ဂိုလ်တစ်ဦးဖြစ်သည်။ ၁၉၆၇ ခုနှစ်၊ အောက်တိုဘာလတွင် ဖခင်ထံမှ ထီးနန်း
အရိုက်အရာ လွှဲယူပြီးချိန်မှစ၍ ဘော်နီယိုကျွန်း မြောက်ဘက်ကမ်းရိုးတမ်း ပေါ်ရှိ ဒေသကလေးသို့
ပြောင်းရွှေ့နေထိုင်သည်။ ဘရူနိုင်းတွင် အတော်အတန်ကြီးမား သော ရေနံသိုက်များရှိသည်။

အိုမန် - ဘုရင် ဆူလ်တန် ကာဘော့စ် (၇၄ နှစ်) သည်ရှေးရိုးဆန်လွန်းသည်ဟုဆိုကာ ဖခင်ကို
၁၉၇၀ ပြည့်နှစ်၊ ဇူလိုင် ၂၃ ရက်တွင် နန်းချပြီး နိုင်ငံကို ဆက်လက် အုပ်စိုးသည်။ အချက်အချာ
ကျသည့် ဟော်မုဇ် ရေလက်ကြား နှင့် အီရန်နိုင်ငံကို ထိန်းကိုင်ထားသည်။ မိမိ၏ အိုမန်နိုင်ငံ
ကလေးကို ကာဘော့စ်က ပြန်လည် ပြုပြင်ရေး လုပ်ငန်းများ စတင်ဆောင်ရွက်နေသော်လည်း
ကျန်းမာရေးချို့တဲ့လျက်ရှိ သည်။ တရားဝင် အမွေဆက်ခံမည့် သွေးသား တော်စပ်သူများလည်း
မရှိပေ။

ဒိန်းမတ် - ဒုတိယမြောက် မာဂရက်သ် (၇၅ နှစ်) သည် ဖခင်ဖြစ်သူ န၀မမြောက် ဖရက်ဒရစ်
ဘုရင် ကွယ်လွန်ပြီးနောက် ၁၉၇၂ ခုနှစ်၊ ဇန်န၀ါရီ ၁၄ ရက်တွင် ဥရောပတိုက်တွင်
သက်တမ်းအရှည်ဆုံး နိုင်ငံ့ဦးဆောင် အကြီးအကဲဖြစ်လာသည်။ ဆွီဒင် - ဘုရင် ကားလ် ၁၆
ဆက်မြောက် ဂပ်စတပ် (၆၉ နှစ်) သည် ၁၉၇၃ ခုနှစ်၊ စက်တင်ဘာတွင် အဘိုးဖြစ်သူ ဘုရင်
ဂပ်စတပ်- ခြောက်ဆက်မြောက် အဒေါ့ဖ်ထံမှ ထီးနန်းအရိုက်အရာကို ဆက်ခံသည်။ ၎င်းနှင့်
ဘုရင်မ မာဂရက်မှာ တစ်ဝမ်းကွဲ မောင်နှမ များဖြစ်သည်။ ဘုရင် ဘူမိဘော မတိုင်မီက
ယနေ့ခေတ် နန်းသက်အရှည်ဆုံး စံချိန်တင်ထားသူမှာ ဂျပန်ဘုရင် ဟီရိုဟီတိုဖြစ်သည်။ ၎င်းသည်
၆၂ နှစ်ကြာ နန်းစံပြီးနောက် အသက် ၈၇ နှစ်အရွယ် ၁၉၈၉ ခုနှစ်၊ ဇန်န၀ါရီလတွင် ကွယ်လွန်
ခဲ့သည်။ ဥရောပတွင် (၁၆၄၃ မှ ၁၇၁၅ အတွင်း) ၇၂ နှစ်ကြာ အုပ်စိုးခဲ့သော ပြင်သစ်ဘုရင် ၁၄
ဆက်မြောက် လူဝီဖြစ်သည်။ ဩစတြီးယန်း နိုင်ငံဘုရင် ပထမမြောက် ဖရန်ဂျိုးဇက်မှာ (၁၈၄၈ မှ
၁၉၁၆) အတွင်း ၆၈ နှစ်ကြာ မင်းလုပ်ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း