တောင်အာဖရိကသမ္မတ ဇူးမားက ကိုယ်ပိုင်အိမ်အတွက်သုံးခဲ့သော ပြည်သူ့ဘဏ္ဍာ ပြန်ပေးမည်

ဂျိုဟန်နက်စ်ဘာ့ဂ် - တောင်အာဖရိကသမ္မတဂျက်ကော့ဘ် ဇူးမားသည် ၄င်း၏အစိုးရကို နှစ်နှစ်ကြာ
ဖိစီးနှိပ်စက်နေခဲ့သော မကောင်းသတင်းတစ်ရပ် အဆုံးသတ်သွားစေရန်အတွက် ၄င်း၏ကိုယ်ပိုင်အိမ်ကို
ပြုပြင်မွမ်းမံရာတွင်အသုံးပြုခဲ့သော ပြည်သူ့ဘဏ္ဍာအချို့ကို ပြန်လည်ပေးဆောင်တော့မည် ဖြစ်ကြောင်း
တောင်အာဖရိက သမ္မတရုံးက ဖေဖော်ဝါရီ ၃ ရက်တွင် ပြောကြားခဲ့သည်။

အစိုးရဌာနများအပေါ် မကျေနပ်ချက်များကို စုံစမ်းတင်ပြရန် အစိုးရကခန့်ထားသော ပြည်သူလူထု
ကာကွယ်ပေးရေး အရာရှိအမျိုးသမီး သူလီမာဒွန်ဆီလာက ဇူးမားနှင့် ၄င်းမိသားစုသည် ၄င်းတို့ပိုင်
Nkandla ကျေးလက်နေအိမ်ကို မွမ်းမံသည့်လုပ်ငန်းတွင် လွန်လွန်ကဲကဲ အခွင့်ထူးရယူခဲ့ကြောင်း ၂ဝ၁၄
ခုနှစ်က အမိန့်ချမှတ်ခဲ့သည်။

လုံခြုံရေးအဆင့် မြှင့်တင်ဆောင်ရွက်သည်ဟုဆိုသော လုပ်ငန်းများထဲတွင် မီးငြှိမ်းသတ်ရေး အဆောက်
အအုံတစ်ခုအဖြစ် စာရင်းပြခဲ့သော ရေကူးကန်တစ်ကန်၊ ကြက်ခြံတစ်ခြံ၊ ကျွဲ၊ နွား ခြံတစ်ခြံ၊
ဟောပြောခန်းမတစ်ခုနှင့် ဧည့်စင်တာတစ်ခုတို့ ပါဝင်သည်။

ကြာရှည်နေသည့် အငြင်းပွားမှုများကိုအဆုံးသတ်ရန်အတွက် ၄င်းပေးရမည့်ငွေကြေးကို သတ်မှတ်မှုတွင်
ဘက်လိုက်မှုမရှိဘဲ သမာသမတ်ကျသင့်သည်ဟု သမ္မတက အဆိုပြုပြောကြားခဲ့ကြောင်း သမ္မတရုံး
ကြေညာချက်တစ်စောင်တွင် ဖော်ပြထားသည်။

ငွေကြေးပမာဏ အတိအကျကို ဘဏ္ဍာရေးနှင့် ရဲတပ်ဖွဲ့ဝန်ကြီးဌာနက ဆုံးဖြတ်မည်ဟု ကြေညာချက်၌
ပါရှိသည်။

ပါလီမန်၌ မိန့်ခွန်းပြောကြားရာတွင် အတိုက်အခံ လွှတ်တော်အမတ်များ၏ ''ငွေတွေပြန်ပေးပါ'' ဟူ၍
ကြွေးကြော်နှောင့်ယှက်မှုများနှင့် မကြာခဏ ကြုံတွေ့ခဲ့ရသော ဇူးမားသည် နေအိမ်မွမ်းမံမှုနှင့်
ပတ်သက်ပြီး အမှားတစ်စုံတစ်ရာ မလုပ်ခဲ့ကြောင်းကို ယခင်က ပြောကြားခဲ့သူဖြစ်သည်။

တိုးချဲ့မွမ်းမံသည့်တန်ဖိုးမှာ ၂ဝ၁၄ ခုနှစ်ကသတ်မှတ်ချက်အရ တောင်အာဖရိကနိုင်ငံသုံး ရန်းငွေ
၂၁၆ သန်း (ဒေါ်လာ ၂၄ သန်း) ရှိကြောင်းသိရသည်။


ဝင်းသော်တာ ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း