အိုင်ဗရီကို့စ် ကိုကိုးခြံ ကလေးအလုပ်သမားများ

အိုင်ဗရီကို့စ် ဂိုဘောင်အီရွာတွင် နက်စ်လေကုမ္ပဏီက ဖွင့်ထားသော မူလတန်းကျောင်း၌ ပညာသင်ကြားနေကြသော ကလေးများ။ ဓာတ်ပုံ - အေအက်ဖ်ပီအိုင်ဗရီကို့စ် ဂိုဘောင်အီရွာတွင် နက်စ်လေကုမ္ပဏီက ဖွင့်ထားသော မူလတန်းကျောင်း၌ ပညာသင်ကြားနေကြသော ကလေးများ။ ဓာတ်ပုံ - အေအက်ဖ်ပီ

အဇာဘိုင်ဂျန် - ''ကျွန်တော် ငါးနှစ်အရွယ်မှာ ကျွန်တော့်အမေနဲ့ အတူတူ အလုပ်လုပ်ဖို့ စိုက်ခင်းခြံတွေ
ဆီ လိုက်သွားရတယ်။ အခုတော့ ကျွန်တော့်ကလေးတွေ ကျောင်းသွားနေကြ ပါပြီ''လို့ အိုင်ဗရီကို့စ်
နိုင်ငံအလယ်ပိုင်း ဘွန်နီခရိုက ကိုကိုးခြံအလုပ်သမား ပီတာက ပြောပြပါတယ်။

ပီတာဟာ နိုင်ငံတစ်ဝန်း ကိုကိုးခြံတွေထဲ ရောက်နေတဲ့ ကလေးတွေ စာသင်ကျောင်းသို့ ရောက်ရှိရေး
လှုပ်ရှားမှုကြီးတစ်ခု အရှိန်ယူနေချိန်မှာ ခြံအလုပ်သမား မျိုးဆက်တွေထဲက အလုပ်သမားတစ်ယောက်
ပါပဲ။

ကမ္ဘာ့ ကိုကိုး အများဆုံးထုတ်လုပ်တဲ့ နိုင်ငံဖြစ်တဲ့ အိုင်ဗရီကို့စ် အစိုးရဟာ ကျေးလက်ဒေသတွေမှာ
ကလေးအလုပ်သမားတွေခိုင်း စေတာကို ကျင့်သုံးခဲ့ပြီး ကိုကိုးထုတ်လုပ်ရေးလုပ်ငန်းမှာ အလုပ်လုပ်ကြ
တဲ့ ကလေးတွေကိုလည်း အကာအကွယ်ပေးရန် ကြိုးပမ်းခဲ့တယ်။

ကိုကိုးလုပ်ငန်းဟာ အိုင်ဗရီကို့စ် စုစုပေါင်း ပြည်တွင်းထုတ်ကုန်တန်ဖိုး (GDP) ရဲ့ ၁၅ ရာခိုင်နှုန်းနဲ့ ပြည်ပ
ပို့ကုန်ကရတဲ့ ဝင်ငွေရဲ့ ၅ဝ ရာခိုင်နှုန်းကျော် ရှိနေတဲ့အပြင် တစ်နိုင်ငံလုံးရဲ့ အလုပ်နေရာ သုံးပုံနှစ်ပုံကို
ပေးထားတာကြောင့် နိုင်ငံစီးပွားရေးမှာ အဓိကအကျဆုံး ဟာလည်း ကိုကိုးထုတ်လုပ်ရေး လုပ်ငန်းပဲလို့
ကမ္ဘာ့ဘဏ်က ဆိုပါတယ်။

၂ဝ၁၁ ခုနှစ် ကတည်းက စတင်ခဲ့တဲ့ ခြံလုပ်ငန်းထဲက ကလေးတွေ လုပ်ငန်းခွင်မှ ထွက်ပြီး စာသင်ကျောင်း
များသို့ ဝင်ရောက်ရေးဆိုတဲ့ အိုင်ဗရီကို့စ်အစိုးရရဲ့ စီမံကိန်းဟာ နိုင်ငံပြင်ပမှာ နိုင်ငံပုံရိပ်ကို ပိုမိုတောက်
ပြောင် စေသလို နိုင်ငံရဲ့ လူငယ်တွေကို ကာကွယ်ပေး လိုက်တာလည်း ဖြစ်ပါတယ်။

ပညာရေးဟာ ကိုကိုး စိုက်ပျိုးထုတ်လုပ် ရေးလုပ်ငန်းရပ်ဝန်းက ကလေးတွေအပေါ် ခေါင်းပုံဖြတ်
အမြတ်ထုတ်မှုကို အရှိန်သတ် အမြစ်ဖြတ်တော့မှာ ဖြစ်တယ်လို့ စီမံကိန်း လှုပ်ရှားမှုခေါင်းဆောင်
ဆေဗီပက်ထရီရှာ ယောင်း (အိုင်ဗရီကို့စ် သမ္မတကတော်၏ လုံခြုံရေးတာဝန်ခံ) က ဆိုတယ်။

ဒါဟာ အစိုးရက ရွေးချယ်ထားတဲ့ နည်းလမ်း ဖြစ်တဲ့အပြင် ကလေးအလုပ်သမားပပျောက် ရေး ရေရှည်
စီမံချက်မှာ အထိရောက်ဆုံး လုပ်ငန်းဖြစ်နေတယ်လို့ သူကဆိုပါတယ်။ နိုင်ငံအတွင်း ကိုကိုးခြံများက
ကလေး အလုပ်သမား ၃ဝ ရာခိုင်နှုန်းကို ၂ဝ၁၇ ခုနှစ် မတိုင်မီ လျှော့ချရန် ၂ဝ၁၅ ခုနှစ်မှ ၂ဝ၁၇ ခုနှစ်
အတွင်း ယူရိုသန်း ၂ဝ (ဒေါ်လာ ၂၂ ဒသမ ၄ သန်း) နီးပါး သုံးစွဲရေးနဲ့ ကလေး အလုပ်သမား ၇ဝ
ရာခိုင်နှုန်းကို ၂ဝ၂ဝ ပြည့်နှစ် မတိုင်မီ လျှော့ချရေးစီမံကိန်းကို အိုင်ဗရီကို့စ် အစိုးရက ၂ဝ၁၁ ခုနှစ်
ကတည်းက ထုတ်ပြန်ထားပြီးဖြစ်ပါတယ်။

စာသင်ခန်းပေါင်း ၁၇,၈၂၉ ခန်းကိုလည်း ၂ဝ၁၁ ခုနှစ်ကစပြီး အသစ်ဆောက်လုပ်ခြင်း ပြန်လည်ပြင်
ဆင်ခြင်းတွေ ပြုလုပ်ခဲ့တယ်လို့ အစိုးရလုပ်ငန်းများ စောင့်ကြည့်လေ့လာရေး ကော်မတီ (CNS) က
ဆိုတယ်။

ဒါပေမဲ့ နိုင်ငံတကာ ကိုကိုးလုပ်ငန်းရှင်များ အဖွဲ့ (ICI) က မကြာမီက ထုတ်ပြန်တဲ့ အစီရင် ခံစာတစ်ခု
အရ ကိုကိုးလုပ်ငန်းမှာ အလုပ်လုပ်ဆဲ ကလေးပေါင်း ခန့်မှန်းခြေ ၃ဝဝ,ဝဝဝ နဲ့ တစ်သန်းကြားမှာ
ရှိနေကြပါသေးတယ်။ နိုင်ငံတွင်း ကိုကိုးလုပ်ငန်းခွင်ထဲမှာ မတရားကျွန်ပြု သွေးစုပ်အမြတ်ထုတ်ခံနေ
ရတဲ့ ကလေးပေါင်း ၄,ဝဝဝ ခန့်ကို ကိုကိုး စိုက်ခင်းများအတွင်းမှ ၂ဝ၁၂ ခုနှစ်မှ ၂ဝ၁၄ ခုနှစ်အတွင်းက
ကယ်ထုတ်ခဲ့ပြီးဖြစ်တယ်လို့ အာဏာပိုင်တွေက ဆိုပါတယ်။

အိုင်ဗရီကို့စ်အနီးဝန်းကျင် Burkina Faso က မကြာခဏပြန်ရောက်လာတဲ့ ကလေးတွေဟာ ရသည်
ဖြစ်စေ၊ မရသည်ဖြစ်စေ လေးလံပစ္စည်းတွေ သယ်မရာမှာ၊ သစ်ပင်တွေ ခုတ်လှဲရာမှာ၊ စိုက်ခင်းတွေ
ကို ပိုးသတ်ဆေးနဲ့ ပက်ဖျန်းရာမှာ ပုံမှန်ဖြစ်နေကြပါပြီ။

ကမ္ဘာ့အကြီးဆုံး အစားအသောက် ကုမ္ပဏီနဲ့ အိုင်ဗရီကို့စ် ကိုကိုးဖောက်သည်ကြီးလည်း ဖြစ်တဲ့
'နက်စ်လေ'ကုမ္ပဏီဟာ ကလေးတွေဆီက အမြတ်ထုတ်တယ်ဆိုပြီး ကလေး အလုပ်သမားဆန့်ကျင်
ရေး အဖွဲ့တွေရဲ့ ဝေဖန်မှုကို ခံခဲ့ရပေမယ့် ၂ဝ၁၂ ခုနှစ်မှာတော့ ဒီအဖွဲ့တွေနဲ့ ပူးပေါင်းပြီး စာသင်
ကျောင်း ဆောက်လုပ်ရေး အစီအစဉ်မှာ ပါဝင် ဆောင်ရွက်လာခဲ့ပါတယ်။

လေးနှစ်အတွင်းမှာ စာသင်ကျောင်းပေါင်း ၄ဝ ကို ကုမ္ပဏီက ဆောက်လုပ်ပေးခဲ့ပြီးဖြစ်တယ်။
နက်စ်လေကုမ္ပဏီဟာ ဆောက်လုပ် လ·ဒါန်းပေးထားတဲ့ ဂိုဘောင်အီရွာက စာသင် ကျောင်းက
လေးကြောင့် ကိုကိုးထုတ်လုပ်မှု အပေါ်မှီခိုခဲ့ကြရတဲ့ မြို့လူထုရဲ့ ဘဝတွေလည်း အခုတော့
ပြောင်းလဲလာနေကြပါပြီ။

''ကျွန်တော်တို့က ကလေးတွေကို အရင် ကထက်ပိုပြီး ကျောင်းကို ပို့နေကြပါပြီ''လို့ ကိုကိုးခြံစိုက်သူ
ဂျောင်ဟာ နီပရိုး (Djougha Gneprou) က ဆိုပါတယ်။ ၂ဝ၁၃ ခုနှစ် မတိုင်မီက မြို့ပေါ်က ကလေး
တွေ အနီးအနားရွာက ကျောင်းကို တက်ဖို့ နေ့စဉ် ရှစ်ကီလိုမီတာ (ငါးမိုင်) လမ်းလျှောက်ခဲ့ကြရပါတယ်။

''အဲဒီတုန်းက မိသားစုထဲမှာ အငယ်ဆုံး ကလေးတွေ ကျောင်းမတက်နိုင်ကြရှာပြန်ဘူး။ ကျောင်း
ရောက်ဖို့ လျှောက်ရတဲ့ခရီးက အလွန်ဝေးနေလို့ပါ။'' ကလေးခြောက်ယောက် ဖခင် အသက် ၆ဝ ကျော်
အရွယ် ကိုကိုးခြံ စိုက်သူ ဂျင်းအိုလိုင်းက ပြောပါတယ်။

အောင်သာလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း