ဖိလစ်ပိုင်သမ္မတရွေးကောက်ပွဲ၌ ဒါဗာအို မြို့တော်ဝန် ရိုဒရီဂို ဒူတာတေး မဲအသာစီးဖြင့် ဦးဆောင်နေ

မနီလာ - ရာဇဝတ်ကောင်များကို သုတ်သင်ပစ်မည်ဟူ၍ မာထန်ပြတ်သားစွာ ကတိပြုပြောဆိုမှုများဖြင့်
လူထုထောက်ခံမှုရရန် မဲဆွယ်စည်းရုံးခဲ့သော ဖိလစ်ပိုင်တောင်ပိုင်း ဒါဗာအို မြို့တော်ဝန် ရိုဒရီဂို
ဒူတာတေးသည် ဖိလစ်ပိုင် သမ္မတရွေးကောက်ပွဲ၌ အနိုင်ရလျက်ရှိကြောင်း မဲရလဒ်စောင့်ကြည့်ရေး
အဖွဲ့က မေ ၁ဝ ရက်တွင် ထုတ်ပြန်လိုက်သည်။

တာဝန်ထမ်းဆောင်သည့် သက်တမ်း အကြာရှည်ဆုံး မြို့တော်ဝန်များထဲမှ တစ်ဦးဖြစ်သူ ဒူတာတေး
သည် ခက်ခက်ထန်ထန်ပြောဆိုသော ¤င်း၏ ကတိကဝတ်မြောက်မြားစွာဖြင့် ဖိလစ်ပိုင်နိုင်ငံ၏
ရာဇဝတ်မှုထူပြောမှုနှင့် ဆင်းရဲမွဲတေမှု ပြဿနာနှစ်ရပ်စလုံးကို အမြန်ဆုံး ဖြေရှင်းပေးမည်ဟုဆိုကာ
လူထုထောက်ခံမှုရရန် ဆွဲဆောင်ခဲ့သည်။

ဖိလစ်ပိုင်နိုင်ငံတွင် မကြာသေးမီ နှစ်များအတွင်း စီးပွားရေးဖွံ့ဖြိုးမှု အားကောင်းလာခဲ့သော်လည်း
ဆင်းရဲမွဲတေမှုနှင့် ရာဇဝတ်မှုများမှာ ဆိုးသထက်ဆိုးလာသည်ဟု လူအများက ယူဆထားကြသည်။

မေ ၉ ရက် ရွေးကောက်ပွဲတွင် မဲပေးသူအရေအတွက် စံချိန်တင် များပြားခဲ့ပြီး ဒူတာတေးမှာလည်း
အသာစီးရသော အခြေအနေဖြင့် အောင်ပွဲခံနေကြောင်းကို မဲရေတွက်ရန် အစိုးရက အသိအမှတ်ပြု
ထားသော အဖွဲ့ဖြစ်သည့် PPCRV အဖွဲ့က ထုတ်ပြန်သည့် အချက်အလက်အရ သိရှိရသည်။

မေ ၁ဝ ရက် နံနက်စောစောပိုင်းက မဲအရေအတွက် ၈၉ ရာခိုင်နှုန်း ရေတွက်အပြီးတွင် ဒူတာတေး
က ၄င်း၏ အနီးကပ်ဆုံး ပြိုင်ဘက်သမ္မတလောင်း ပြည်ထဲရေးဝန်ကြီးမား ရိုဆက်စ်ထက်  မဲအရေ
အတွက်  ၅  ဒသမ  ၉၂ သန်း ပိုမိုရရှိကာ အပြတ်အသတ် အသာစီးရဦးဆောင်နေကြောင်း
အဆိုပါ အချက်အလက်များအရ သိရသည်။

''ကျွန်တော် ကတိပေးနိုင်တာကတော့ ကျွန်တော့်ရဲ့ အလုပ်ချိန်အတွင်းသာမကဘဲ ကျွန်တော့်ရဲ့
ကိုယ်ပိုင်အချိန် အိပ်ချိန်မှာတောင် တာဝန်ကို အကောင်းဆုံး ထမ်းရွက်သွားမှာဖြစ်ပါတယ်'' ဟု
ဒူတာတေးက အေအက်ဖ်ပီသို့ ပြောကြားခဲ့သည်။

၎င်း၏ တရားဥပဒေစိုးမိုးရေး မူဝါဒလမ်းစဉ်မှာ ၄င်း၏အောင်မြင်မှုအတွက် အဓိကကျသည့်
အရာဖြစ်ကြောင်း ဒူတာတေးက ဆိုသည်။

ဒူတာတေးက မဲအရေအတွက် ၃၈ ဒသမ ၆၅ ရာခိုင်နှုန်းဖြင့် ထိပ်ဆုံး၌ရှိနေပြီး ရိုဆက်စ်က
၂၃ ဒသမ ၁၆ ရာခိုင်နှုန်းဖြင့် ဒုတိယနေရာ၌ရှိကာ အထက်လွှတ်တော်အမတ် ဂရေ့စ်ပိုးက
မဲအရေအတွက် ၂၁ ဒသမ ၇၁ ရာခိုင်နှုန်းဖြင့် တတိယနေရာ၌ ရှိနေသည်။

ဖိလစ်ပိုင် ရွေးကောက်ပွဲစနစ်အရ မဲအများဆုံးရရှိသူ မည်သူမဆို အနိုင်ရသူဖြစ်သည်။

ပြိုင်ဘက် သမ္မတလောင်းတစ်ဦးဖြစ်သူ ပိုးသည်ပင် မေ ၁ဝ ရက် အစောပိုင်းက ဒူတာတေး
အနိုင်ရရှိကြောင်း ပြောဆိုခဲ့ပြီးဖြစ်သည်။

ပိုး၏ မွေးစားမိဘများမှာ နာမည်ကြီး ရုပ်ရှင်သရုပ်ဆောင်များ ဖြစ်ကြသည်။

''ရွေးကောက်ပွဲဆိုင်ရာ ပြုပြင်ပြောင်းလဲရေးကို မဆုတ်မနစ် ထောက်ခံသူတစ်ယောက်အနေနဲ့
ပြည်သူတွေရဲ့ သဘောထားနဲ့ အသံတွေကို ကျွန်မ ကောင်းကောင်းကြီး ယုံကြည်မှုရှိပါတယ်။
ရွေးကောက်ပွဲရဲ့ ရလဒ်ကိုလည်း လေးစားပါတယ်'' ဟု ပိုးက မနီလာမြို့၌ သတင်းထောက်များကို
ပြောကြားခဲ့သည်။

''မြို့တော်ဝန် ရိုဒရီဂို ဒူတာတေးကို ကျွန်မဝမ်းမြောက်ကြောင်း ပြောချင်ပါတယ်။ နောက်ပြီး
ကျွန်မတို့နိုင်ငံအတွက် အလုပ်တွေဆက်လုပ်ရင်း အထောက်အကူပြုသွားမယ်လို့လည်း
ကတိပြုပါတယ်။ ကျွန်မတို့နိုင်ငံ ဆက်လက် ဖွံ့ဖြိုးတိုးတက်ဖို့ ပြည်သူတွေကို စုစည်းသွားမှာဖြစ်ပါ
တယ်'' ဟု ၄င်းက ပြောကြားခဲ့သည်။

စကားကို ခပ်ကြမ်းကြမ်းပြောသည့် အသက် ၇၁ နှစ်အရွယ်ရှိ မြို့တော်ဝန် ဒူတာတေးသည်
ရာဇဝတ်သမား ထောင်ပေါင်းများစွာကို သတ်ဖြတ်ပစ်မည်ဟု ကြုံးဝါးထားသည့်အပြင် အကယ်၍
ဥပဒေပြုလွှတ်တော်အမတ်များက ၄င်းပြောဆိုသည့်အတိုင်း မလိုက်နာလျှင် တစ်ဦးတည်း
အုပ်ချုပ်သည့်စနစ်ကို ထူထောင်မည်ဟု ခြိမ်းခြောက်ထားကာ ကွန်မြူနစ်သူပုန်များနှင့်လည်း
ဆက်ဆံရေးတည်ဆောက်မည်ဟု ကတိပြုထားသည်။

ဒူတာတေးက ¤င်း သမ္မတအဖြစ် တာဝန်ယူသည့်နေ့မှစ၍ ခြောက်လအတောအတွင်း မှုခင်းများ အဆုံးသတ်သွားစေရေး ဆောင်ရွက်သွားမည်ဟု မေ ၇ ရက်က ပြုလုပ်ခဲ့သော¤င်း၏ နောက်ဆုံး မဲဆွယ်စည်းရုံးမှုတွင် ထောင်ပေါင်းများစွာသော ထောက်ခံသူများကို ထပ်တလဲလဲ ပြောကြားခဲ့သည်။

ထို့ပြင် သမ္မတဖြစ်လာသည့်အခါ ၄င်း၏ ထိပ်တန်းဦးစားပေး အစီအစဉ်များထဲတွင် မူးယစ်ဆေးဝါးနှင့်
ပတ်သက်ပြီး အဓိကထားနှိမ်နင်းရန်လည်း ပါဝင်ကြောင်းနှင့် ¤င်းတို့ သုတ်သင်ရန် ပြင်ဆင်ထား
ကြောင်း ပြောကြားခဲ့သည်။

''ကျွန်တော့်ကို လက်မရွံ့ အာဏာသားလို့ပြောမယ်ဆိုရင်တောင် မူးယစ်ဆေးဝါးနဲ့ပတ်သက်ပြီး
နှိမ်နင်းသွားမှာ ဖြစ်ပါတယ်'' ဟု ဒူတာတေးကဆိုသည်။

ရွေးကောက်ခံသမ္မတ ဒူတာတေးသည် ၁ဝ စုနှစ်များကြာ ပြည်တွင်းစစ်ကို ရပ်စဲရန် ရည်ရွယ်သော ငြိမ်းချမ်းရေးဆွေးနွေးပွဲများကိုပြန်လည်စတင်ရန် ကြိုးပမ်းမှုအဖြစ် ထောင် ကျနေသော ကွန်မြူနစ်
သူပုန်များကို လွှတ်ပေးဖွယ် ရှိကြောင်း ၄င်း၏ လက်ထောက်တစ်ဦးကမေ ၁ဝ ရက်က ပြောကြားခဲ့
သည်။ 

 

ဝင်းသော်တာ ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း