ငါးခိုးဖမ်းမှုနှင့် အနောက်အာဖရိက စီးပွားရေး

ဒါကာ - အနောက်အာဖရိက ဒေသတွင် ကပ်ဘေးဆိုး ကြုံတွေ့ရတော့မည့် အခြေအနေ
ဆိုက်ရောက်လုချိန်အထိ ငါးများ ဥပဒေမဲ့ ဖမ်းဆီးနေမှုကြောင့် ဒေသ၏ ဝင်ငွေသန်း ပေါင်းများစွာ
နစ်နာဆုံးရှုံးသည့်အပြင် အလုပ်နေရာများလည်း သိန်းချီ၍လစ်ဟာ နေရကြောင်း စီးပွားရေးဖွံ့ဖြိုးမှု
အကြံပေး သုခမိန်အဖွဲ့တစ်ဖွဲ့က ဇွန် ၂၉ ရက်တွင် ထုတ်ပြန်ကြေညာသည်။

ဒေသတွင်းရှိ ဆီနီဂေါ၊ ဆီယာရာလီယွန်နှင့် မော်ရီတေးနီးယား စသော နိုင်ငံများ၏ အဓိကနိုင်ငံ့
ဝင်ငွေများမှာ ၄င်းတို့ပိုင် ရေပြင်ထဲက ငါးများကို တောင်ကိုရီးယားကဲ့သို့ ဝေးလံသောနိုင်ငံများက
ပိုက်ချ ငါးဖမ်းသင်္ဘောများဖြင့် အတောမသတ် ဖမ်းယူနေကြကြောင်း ဗြိတိန် နိုင်ငံ
ပင်လယ်ရပ်ခြားနိုင်ငံများ ဖွံ့ဖြိုးမှု သုတေသနဌာန (Britain's Overseas Development
Institute ODI) က ဆိုသည်။

ယင်းထုတ်ပြန်ချက်အရ ၂ဝ၁၄ ခုနှစ်တွင် ဆီနီဂေါနိုင်ငံသည် ဒေါ်လာသန်း ၃ဝဝ၊ သို့မဟုတ်
ပြည်တွင်းစုစုပေါင်းထုတ်လုပ်မှု (GDP) ၏ နှစ်ရာခိုင်နှုန်း ဆုံးရှုံးခဲ့ပြီး ဒေသတွင်း၌ အဆင်းရဲဆုံးနိုင်ငံ
တစ်နိုင်ငံဖြစ်သည့် ဆီယာရာလီယွန်နိုင်ငံမှာ ဒေါ်လာ ၂၉ သန်း ဆုံးရှုံးခဲ့သည်။

ဒေသတွင်းနိုင်ငံများ၏ အစိုးရများ ပွင့်လင်း မြင်သာမှုကင်းမဲ့ခြင်း၊ ရေပြင်လုံခြုံမှုစွမ်းရည်
မထိရောက်ခြင်းနှင့် အနောက်အာဖရိက၏ အကြီးဆုံးဈေးကွက်ဖြစ်သည့် ဥရောပသို့ ငါးများ
ရောက်ရှိချိန်တွင် မလွယ်ပေါက်များ ရှိနေခြင်းတို့ကြောင့် အခြေအနေမှာ ယခု လောက်
အလွန်ဆိုးရွားသည့် အဆင့်သို့ ရောက်ရှိလာခြင်းဖြစ်သည်ဟု အနောက်အာဖရိက၏
ပျောက်ဆုံးသွားသော ငါးများ (Western Africa's Missing Fish) ဟု ခေါင်းစည်း တပ်ထားသော
ယင်းအစီရင်ခံစာပြုစုသူ အယ်လ်ဖွန်ဆို ဒန်နီယယ်က အေအက်ဖ်ပီ သတင်းထောက်ကို
ပြောသည်။

အနောက်အာဖရိကမှ ပြည်ပသို့ တရား မဝင်တင်ပို့သော ငါးများကို ကြီးမားသည့်
ကုန်သေတ္တာများထဲတွင် အခြားကုန်ပစ္စည်း များနှင့် ရောနှော၍ သင်္ဘောဖြင့်ပို့ခြင်းဖြစ်သည်။
ယင်းမှာ ဆိပ်ကမ်းစစ်ဆေးမှုက လွတ်ရန်ဖြစ်သည်ဟုလည်း ၄င်းကပြောသည်။

ဤနည်းဖြင့် စစ်ဆေး၍ လက်ကျန်ငါး (ငါးပုံလေးပုံ) ကို EU ဆိပ်ကမ်းတွင် တရားမဝင်
ငါးဖမ်းဆီးမှုဥပဒေဖြင့် စစ်ဆေးခြင်းမပြုတော့ ဘဲ တင်သွင်းခွင့်ပြုနေသည်ဟုလည်း
ဆိုသည်။

EU သည် ကမ္ဘာပေါ်တွင် အကြီးဆုံး ငါးဈေးကွက်ဖြစ်နေပြီး အနောက်ဥရောပ၏ ပြည်ပပို့
ငါးအားလုံး၏ ၄၄ ရာခိုင်နှုန်းမှာ ဥရောပသို့ ရောက်လျက်ရှိသည်။

EU သည် ဤနည်းဖြင့် မလွယ်ပေါက်များ ရှိနေသော်လည်း ငါးများ တရားမဝင်ထုတ်လုပ်တင်ပို့သည့်
နိုင်ငံများနှင့် တရားဝင် သကဲ့သို့ ဦးဆောင်လုပ်ကိုင်လျက်ရှိသည်။

ထင်သာမြင်သာမရှိသော အနောက်အာဖရိကဒေသတွင်း နိုင်ငံများနှင့် ရုရှား၊ တရုတ်၊
တောင်ကိုရီးယားနိုင်ငံတို့၏ ငါးစာချုပ်များကိုပါ ထည့်တွက်ပါက အနောက်အာဖရိကဒေသမှ
'ပျောက်သွားသော ငါးများ'၏ ပမာဏမှာ များစွာပိုလာနိုင်ဖွယ်ရှိသည်။

ငါးဖမ်းသင်္ဘောများတွင် ကမ္ဘာ့ရေပြင် တစ်ဝန်း ငါးထောက်လှမ်းရှာဖွေရေး နည်းစနစ်များ
တပ်ဆင်ပေးခြင်း၊ မလွယ်ပေါက် များကို ပိတ်ပစ်ခြင်းနှင့် နာမည်ပျက်ငါးဖမ်း လှေစာရင်း ပြုစုခြင်းများကို
ဆောင်ရွက်ပါက အလုပ်နေရာသစ် ၃ဝဝ,ဝဝဝ ကျော် ပေါ်ပေါက်လာနိုင်သည်ဟုလည်း ODI 
ထုတ်ပြန်ချက်တွင် ဖော်ပြထားသည်။ အဏ္ဏဝါ သဘာဝဝန်းကျင် ရေရှည်ဖွံ့ဖြိုး ရှင်သန်ရေးကို
ထူထောင်ထားနိုင်မှသာ ထာဝရ မျိုးတုံးတော့မည့် ငါးမျိုးစိတ်များကို ကယ်တင်နိုင်မည့်အပြင်
နိုင်ငံ့ဝင်ငွေကိုလည်း ရေရှည် ပံ့ပိုးပေးနိုင်မည်ဟု ယင်း ထုတ်ပြန်ချက်က ဆိုသည်။

အောင်သာလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း