အရပ်သားများအနေဖြင့် အလက်ပိုတိုက်ခိုက်မှုက ထွက်ပြေးရန် ကုလသမဂ္ဂ နှိုးဆော်

 

အလက်ပို - ဆီးရီယားအစိုးရက အလက်ပိုမြို့၏ သူပုန်တို့ ထိန်းချုပ်ထားသောနယ်မြေများကို
ပြန်လည်သိမ်းယူရန် ထိုးစစ်ဆင်တိုက်ခိုက်မှုများက နိုဝင်ဘာ ၂၉ ရက်တွင် နိုင်ငံတကာ၏ အထိတ်
တလန့်ဖြစ်မှုများကို အစပျိုးပေးနိုင်ခဲ့ပြီး သုံးရက်အတွင်း အရပ်သား ၂ဝ,ဝဝဝ နီးပါး လွတ်ရာသို့
ထွက်ပြေးတိမ်းရှောင်ခဲ့ကြကြောင်း ကြက်ခြေနီ အဖွဲ့က ပြောကြားခဲ့သည်။

မကြာသေးမီရက်ပိုင်းအတွင်း ဆီးရီးယားစစ်တပ်က အတိုက်အခံသူပုန်များ ထိန်းချုပ်ထားသော
အလက်ပိုမြို့အရှေ့ဘက် သုံးပုံတစ်ပုံအား ပြန်လည်သိမ်းယူနိုင်ခဲ့ပြီးနောက်မြို့၌ ဖြစ်ပွားနေသော
လူသားချင်းစာနာထောက်ထားမှု အကူအညီများ ပေးပို့ရေးအကျပ်အတည်းနှင့် ပတ်သက်ပြီး
ကုလသမဂ္ဂလုံခြုံရေးကောင်စီက နိုဝင်ဘာ ၃ဝ ရက်တွင် အရေးပေါ်အစည်းအဝေး ပြုလုပ်လိမ့်မည်ဟု
သံတမန်များက ပြောသည်။

အဆိုပါ တိုက်ပွဲသည် ကြောက်လန့်နေသော အရပ်သားများအား အစုအပြုံလိုက် ထွက်ပြေးရန်
လှုံ့ဆော်စေခဲ့ပြီး အတိုက်အခံ သောင်းကျန်းသူများ ထိန်းချုပ်ထားသော လက်ကျန်နယ်မြေက
အရပ်သားများသည် အစိုးရထိန်းချုပ်နယ်မြေ အလက်ပိုအနောက်ဘက်၊ သို့မဟုတ် ကာဒစ်ရ်ှခရိုင်များသို့
ကိုယ်လွတ်ရုံး ထွက်ပြေးတိမ်းရှောင်နေရကြောင်း သိရသည်။

လွန်ခဲ့သည့် ၇၂ နာရီအတွင်း အစိုးရထိုးစစ်ဆင်တိုက်ခိုက်မှုက အရပ်သား ၂ဝ,ဝဝဝ ကျော်
ထွက်ပြေးတိမ်းရှောင်ခဲ့ကြသည်။ ယင်းအရေအတွက်မှာ ခန့်မှန်းခြေသာဖြစ်ပြီး အရပ်သားများသည်
မတူညီသော လမ်းကြောင်းများက ထွက်ပြေးနေကြ၍ အခြေအနေမှာ ပြောင်းလဲလျက်ရှိကြောင်း
နိုင်ငံတကာ ကြက်ခြေနီကော်မတီ ပြောရေးဆိုခွင့်ရပုဂ္ဂိုလ် အမ်းစတွန်းက ပြောသည်။

အလက်ပိုမြို့ အရှေ့ပိုင်းသည် လေးလကျော်အစိုးရက ပိတ်ဆို့ဝန်းရံထားခြင်းကိုခံထားရကာ
စားနပ်ရိက္ခာထောက်ပံ့ရေး နည်းပါးလာလျက်ရှိသည်။

အစိုးရတပ်ဖွဲ့များသည် ရက်သတ္တနှစ်ပတ်စစ်ဆင်ရေးကို အလျင်အမြန် ထိုးစစ်ဆင်တိုက်ခိုက်လျက်
ရှိပြီး အတိုက်အခံတပ်ဖွဲ့အား အဓိက ထိုးနှက်ချက်အဖြစ် အလက်ပိုမြို့ အရှေ့မြောက်ဘက်အား
သိမ်းယူခဲ့သည်။

ဆီးရီးယားတွင် လွန်ခဲ့သောငါးနှစ်အထက်က ပဋိပက္ခများ ပေါ်ပေါက်ခဲ့ပြီးနောက် အဆိုပါ
အလက်ပိုမြို့ အရှေ့ဘက်ခံတပ်အား ဆုံးရှုံးလိုက်ရခြင်းသည် အတိုက်အခံတပ်ဖွဲ့အတွက်
အဆိုးရွားဆုံး ရှုံးနိမ့်မှုတစ်ခုဖြစ်နိုင်သည်။

၂ဝ၁၅ ခုနှစ် စက်တင်ဘာလကစ၍ ရုရှားစစ်တပ်၏ ကြားဝင်ပြီး အစိုးရတပ်ဖွဲ့များအား
အထောက်အပံ့ ပေးအပ်ခဲ့သောကြောင့် မကြာသေးမီလများအတွင်း အဆိုပါအတိုက်အခံ
တပ်ဖွဲ့က နယ်မြေဆုံးရှုံးမှုများနှင့် ပုံမှန်ရင်ဆိုင်လာခဲ့ရသည်။

ရုရှားနိုင်ငံက အလက်ပိုမြို့ ထိုးစစ်ဆင်တိုက်ခိုက်မှုတွင် မပါဝင်ကြောင်းပြောကြားခဲ့သော်လည်း
မကြာသေးမီနှစ်များအတွင်း ဆီးရီးယားအစိုးရတပ်ဖွဲ့များက အလက်ပိုအရှေ့ဘက်ရှိ အတိုက်အခံ
တပ်ဖွဲ့များ ထိန်းချုပ်ထားသည့် နယ်မြေ တစ်ဝက်နီးပါးကို သိမ်းယူနိုင်ခဲ့ပြီးဖြစ်သည်ဟု
ရုရှားကာကွယ်ရေးဝန်ကြီးဌာန ပြောရေးဆိုခွင့်ရ ပုဂ္ဂိုလ်တစ်ဦးက ပြောကြားခဲ့သည်။

''ဆီးရီးယားတပ်ဖွဲ့ရဲ့ အချိန်ကြာမြင့်စွာ သတိထားပြင်ဆင်ထားတဲ့ စစ်ဆင်ရေးက လွန်ခဲ့တဲ့
၂၄ နာရီအတွင်း အခြေအနေတစ်ခုကို အခြေခံကျကျ အကြီးအကျယ်ပြောင်းလဲ ပစ်နိုင်ခဲ့တယ်'' ဟု
ဗိုလ်ချုပ် အီဂေါ ကိုနာရှန်ကော့ဗ်က ပြောသည်။

ရုရှားအစိုးရအား အလက်ပိမြို့ဝန်းကျင်တွင် ရွေ့လျားဆေးရုံများ ပြုလုပ်ပေးရန် ရုရှားသမ္မတ
ဗလာဒီမာပူတင်က ညွှန်ကြားခဲ့ကြောင်း ရုရှားနိုင်ငံက ထုတ်ပြန်ခဲ့သည်။

အဆိုပါ ဆေးရုံတွင် တစ်နေ့လျှင် လူနာ ၂၅ဝ နှင့်အထက် တက်ရောက်ကုသနိုင်ပြီး
နိုဝင်ဘာ ၃ဝ ရက်တွင် အလက်ပိုဒေသသို့ စတင် စေလွှတ်သွားမည်ဖြစ်သည်ဟု ရုရှားနိုင်ငံ၏
သတင်းထုတ်ပြန်ချက်များအရ သိရသည်။

နိုဝင်ဘာ ၁၅ ရက်ကတည်းက အလက်ပိုမြို့ကို အစိုးရက စတင်ထိုးစစ်ဆင်တိုက်ခိုက်မှုတွင်
ကလေးငယ်အယောက် ၃ဝ နီးပါး အပါအဝင် အရပ်သား ၂၅ဝ နှင့်အထက်သေဆုံးခဲ့သည်ဟု
ဆီးရီးယား လူ့အခွင့်အရေးဆိုင်ရာ စောင့်ကြည့်လေ့လာရေးအဖွဲ့က ထုတ်ပြန်ခဲ့သည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း