ဘရာဇီးလ် အကျဉ်းထောင်ဆူပူမှုမှာမူးယစ်ဆေးဝါးဂိုဏ်းများကြောင့် ဖြစ်

ကျွမ်းကျင် ပညာရှင်များက လွန်ခဲ့သော ရက်သတ္တပတ်တွင် ဘရာဇီးလ်အကျဉ်းထောင်၌
ဖြစ်ပွားခဲ့သည့် ဖြစ်ရပ်တွင် အဖြေကို ရှာဖွေတွေ့ရှိခဲ့ ...

ဇန်နဝါရီ ၈ ရက်က အကျဉ်းသား မိသားစုများ မာနာအပ်စ် အကျဉ်းထောင်ဗူးဝတွင် အခြေအနေ လာရောက်စောင့်ကြည့်ကြစဉ်။ ဓာတ်ပုံ- - အေအက်ဖ်ပီဇန်နဝါရီ ၈ ရက်က အကျဉ်းသား မိသားစုများ မာနာအပ်စ် အကျဉ်းထောင်ဗူးဝတွင် အခြေအနေ လာရောက်စောင့်ကြည့်ကြစဉ်။ ဓာတ်ပုံ- - အေအက်ဖ်ပီ

ဆာပေါ်လို - ဘရာဇီးလ်အကျဉ်းထောင်များတွင် အကျဉ်းသားများ ခေါင်းဖြတ်မီးရှို့အသတ်ခံရမှုသည်
အကျဉ်းထောင်တွင် လိုအပ်သည်ထက် ပို၍ အကျဉ်းသားများ ပြည့်သိပ်နေခြင်းကြောင့်
ပဋိပက္ခဖြစ်ပွားခဲ့ခြင်းဖြစ်ဖွယ်ရှိသည်။

သို့သော် ကျွမ်းကျင် ပညာရှင်များက ပြီးခဲ့သည့်သီတင်းပတ်တွင် ဘရာဇီးလ်အကျဉ်းထောင်၌
ဖြစ်ပွားခဲ့သည့် ဖြစ်ရပ်တွင် အဖြေကို ရှာဖွေတွေ့ရှိခဲ့သည်။ ၄င်းဖြစ်ရပ်သည် ကမ္ဘာပေါ်ရှိ
အရေးအပါဆုံး မူးယစ်ဆေးဝါးဈေးကွက်များနှင့် မူးယစ်ဆေးဝါး ကုန်သွယ်ရေးလမ်းကြောင်း
တစ်ခုက မူးယစ်ဂိုဏ်းများအချင်းချင်း တိုက်ခိုက်မှု၏ အစိတ်အပိုင်းတစ်ခုပင်ဖြစ်ကြောင်း
ကျွမ်းကျင်ပညာရှင်များက ပြောကြားခဲ့သည်။

ပြီးခဲ့သည့်ရက်သတ္တပတ်က ဖြစ်ပွားခဲ့သည့် အကျဉ်းသားများ အစုလိုက်အပြုံလိုက်
သတ်ဖြတ်ခံရမှုတွင် အကျဉ်းသား ၁ဝဝ သေဆုံးခဲ့ပြီး သတ်ဖြတ်ခံရသည့်အကျဉ်းသားအများစုမှာ
မူးယစ်ဂိုဏ်း အဖွဲ့ဝင်များဖြစ်သည်ဟု အာဏာပိုင်များက ပြောကြားခဲ့သည်။ ဘရာဇီးလ်အစိုးရက
အခင်းဖြစ်သည့် အကျဉ်းထောင်နှစ်ခုကို ပြန်လည် ထိန်းချုပ်ရန် အရေးပေါ်တပ်ဖွဲ့များ
စေလွှတ်ခဲ့ရကြောင်း သိရသည်။

ဘရာဇီးလ်နိုင်ငံ၏ အကြီးဆုံး မူးယစ်ဂိုဏ်းတစ်ခုဖြစ်သည့် ပီစီစီဂိုဏ်းက ဂိုဏ်းအဖွဲ့ဝင်များကို
ပစ်မှတ်ထား စနစ်တကျစီစဉ်၍သတ်ဖြတ်ခဲ့မှုသည် အကြီးမားဆုံး သွေးချောင်းစီး လူသတ်ပွဲအဖြစ်
ထင်ရှားခဲ့သည်။ ပီစီစီဂိုဏ်း၏ ပြိုင်ဘက်ဂိုဏ်းများက ၄င်းတို့၏ ပိုင်နက်တိုးချဲ့မှုအတွက် တုံ့ပြန်မှုတစ်ခုဟု
သုံးသပ်ခဲ့သည်။

ဆာပေါ်လိုအခြေစိုက် ပီစီစီဂိုဏ်းသည် ၂ဝ၁၆ ခုနှစ်တွင် အင်အားကြီး မူးယစ်ဆေးဝါးကုန်ကူးသူ
ဂျော့ ရာဖတ်ကို ပစ်သတ်ခဲ့ပြီးနောက် နိုင်ငံ၏တောင်ဘက် ကုန်သွယ်ရေးလမ်းကြောင်းများကို
ထိန်းချုပ်နိုင်ခဲ့သည်ဟု အာဏာပိုင်များက ပြောကြားခဲ့သည်။

ပီစီစီဂိုဏ်း၏ အဆိုပါ ပိုင်နက်တိုးချဲ့မှုကြောင့် ဘရာဇီးလ်နိုင်ငံ၏ ဒုတိယအကြီးဆုံး ဂိုဏ်းဖြစ်သည့်
ရီယိုဒီဂျနေရိုးအခြေစိုက် စီဗီဂိုဏ်းက ပီစီစီဂိုဏ်းကို ရန်သူအဖြစ် သတ်မှတ်ခဲ့သည်။

ရာဖတ်အသတ်ခံရမှုကြောင့် ပါရာဂွေးနယ်စပ်ကုန်သွယ်ရေး လမ်းကြောင်းကို ပီစီစီဂိုဏ်းက
ထိန်းချုပ်ခွင့်ရရှိခဲ့ပြီးနောက် ပီစီစီဂိုဏ်းက မြောက်ဘက်ကို ထိန်းချုပ်နိုင်ရန် ကြိုးပမ်းလျက်
ရှိကြောင်း သိရသည်။

''ပီစီစီဂိုဏ်းက ဘရာဇီးလ်နိုင်ငံတစ်ခုလုံးကို ချုပ်ကိုင်ထားချင်တယ်'' ဟု ရာဇဝတ်ဂိုဏ်းဆိုင်ရာ
အစိုးရရှေ့နေ မာဆီယို ဆာဂျီယို ခရစ္စတီနိုက ပြောကြားခဲ့သည်။

''စီဗီဂိုဏ်းက အခု ပီစီစီဂိုဏ်းထိန်းချုပ်ထားတဲ့ တောင်ဘက်ကုန်သွယ်ရေးလမ်းကြောင်းကို
အသုံးပြုနေကျဖြစ်တယ်'' ဟု ခရစ္စတီနိုက ဆိုသည်။

ရာဖတ် အသတ်ခံခဲ့ရပြီးနောက် စီဗီဂိုဏ်းက မြောက်ဘက်တွင် အခြား ရွေးချယ်စရာလမ်းကြောင်းကို
ရှာဖွေရခြင်းစဖြစ်ကြောင်း ခရစ္စတီနိုက ပြောသည်။

ထိုနေရာတွင် စီဗီဂိုဏ်းက ပီစီစီဂိုဏ်းအသုံးပြုခဲ့သည့် လမ်းကြောင်း၌ တခြားရွေးချယ်စရာလမ်းကြောင်း
တစ်ခုကို ဖောက်လုပ်ရန် ဘရာဇီးလ်နိုင်ငံ၏ တတိယ အင်အားအကြီးဆုံးဂိုဏ်းဖြစ်သည့်
အက်ဖ်ဒီအင်န်ဂိုဏ်းနှင့် ပူးပေါင်းခဲ့သည်။

အမေဇုန်နာပြည်နယ် မြောက်ပိုင်းရှိ အကျဉ်းထောင်တွင် ယခင်အပတ်၌ဖြစ်ပွားခဲ့သည့်
လူ ၆ဝ သေဆုံးခဲ့သော အစုလိုက်အပြုံလိုက် သတ်ဖြတ်မှုတွင် အက်ဖ်ဒီအင်န် ဂိုဏ်းဝင်များက
ပီစီစီဂိုဏ်းဝင်များကို မီးရှို့ခေါင်းဖြတ် သတ်ဖြတ်ခဲ့ကြောင်း သိရသည်။

ဘရာဇီးလ်နိုင်ငံသည် ကမ္ဘာပေါ်ရှိ ကိုကင်းထုတ်လုပ်မှု အများဆုံးနိုင်ငံ သုံးခုဖြစ်သော
ကိုလံဘီယာ၊ ဘိုလီဗီယားနှင့် ပီရူးနိုင်ငံများနှင့် နယ်စပ်လမ်းကြောင်းများ ဆက်စပ်လျက်ရှိသည်။

ကမ္ဘာပေါ်ရှိ အရေးအကြီးဆုံး နိုင်ငံတကာ မူးယစ်ဆေးဝါး လမ်းကြောင်းများအနက် လမ်းကြောင်း
တစ်ခုအတွင်းသို့ ဝင်ရောက်ရန် ကိုလံဘီယာနိုင်ငံရှိ ရာဇဝတ်ဂိုဏ်းများနှင့် ဆက်ဆံရေးတည်ဆောက်ရန်
ဘရာဇီးလ် မူးယစ်ဆေးဝါး မှောင်ခိုကူးသူများက ရည်မှန်းလျက်ရှိကြောင်း ကျွမ်းကျင်ပညာရှင်များ၏
ပြောကြားချက်အရ သိရသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း