ရုရှားနိုင်ငံ အရှုပ်တော်ပုံက ထရမ့်ကိုကာကွယ်ရန် အိမ်ဖြူတော် ကြိုးပမ်း

 

နုတ်ထွက်သွားသည့် အမျိုးသားလုံခြုံရေး အကြံပေးအရာရှိ မိုက်ကယ် ဖလင်း။ ဓာတ်ပုံ - အေအက်ဖ်ပီနုတ်ထွက်သွားသည့် အမျိုးသားလုံခြုံရေး အကြံပေးအရာရှိ မိုက်ကယ် ဖလင်း။ ဓာတ်ပုံ - အေအက်ဖ်ပီ

ဝါရှင်တန် - ရုရှားနှင့် ဒေါ်နယ်ထရမ့်၏ ထိပ်တန်း လက်ထောက်တို့ အဆက်အသွယ်ပြုလုပ်မှုနှင့်
စပ်လျဉ်း၍ သမ္မတတာဝန် မထမ်းဆောင်မီ ရက်သတ္တပတ်အတန်ကြာကတည်းက သတိပြုမိခဲ့သည်
ဆိုခြင်းကို အိမ်ဖြူတော်က ဖေဖော်ဝါရီ ၁၄ ရက်တွင် သမ္မတ ထရမ့်ဘက်က ကာကွယ်ပြော
ဆိုခဲ့ကြောင်းသိရသည်။

လွတ်လပ်သည့် စုံစမ်းစစ်ဆေးမှု အတားအဆီးမရှိ ပြုလုပ်ရန် တောင်းဆိုမှုများနှင့်အတူအမျိုးသား
လုံခြုံရေးအကြံပေး မိုက်ကယ်ဖလင်း၏ ရုရှားနိုင်ငံ အဆက်အသွယ်များနှင့်ပတ်သက်၍
လုပ်ဖော်ကိုင်ဖက်များက အထင်အမြင်လွဲမှားစေလိမ့်မည်ဟု ထရမ့်ကိုလွန်ခဲ့သည့်
ရက်သတ္တသုံးပတ်ခန့်က ပြောကြားခဲ့ကြောင်း အိမ်ဖြူတော်က ဝန်ခံခဲ့သည်။

အဆိုပါ အငြိမ်းစား ကြယ်သုံးပွင့် ဗိုလ်ချုပ်ကြီးနှင့် အမေရိကန်စစ်ထောက်လှမ်းရေး
အကြီးအကဲဟောင်း မိုက်ကယ်ဖလင်းက ထရမ့် သမ္မတမဖြစ်မီ ရုရှားသံအမတ်
ဆာဂျေကစ်လက်ရခ်နှင့် ပိတ်ဆို့အရေးယူမှု ဗျူဟာနှင့်ပတ်သက်ပြီး ဆွေးနွေးခဲ့မှုကို
ကနဦး ငြင်းဆန်ခဲ့သည်။ ထိုသို့ အခြားအင်အားကြီး နိုင်ငံတစ်နိုင်ငံနှင့် ဆွေးနွေးညှိနှိုင်းမှုနှင့်
ပတ်သက်ပြီး အမေရိကန် ဥပဒေကို ချိုးဖောက်ခဲ့ခြင်းဖြစ်သည်။

ရက်အတန်ကြာ ဌာနတွင်း စုံစမ်းစစ်ဆေးမှုများပြုလုပ်ခဲ့ပြီး မှားယွင်းပြုလုပ်မှု အထောက်အထား
တစ်စုံတစ်ရာမှ မတွေ့ရှိခဲ့သော်လည်း ယုံကြည်မှုလျော့ပါးခဲ့ပြီဟု အိမ်ဖြူတော်က
ပြောကြားခဲ့ပြီးနောက် ဖေဖော်ဝါရီ ၁၃ ရက်တွင် ဖလင်းကို ရာထူးက နုတ်ထွက်ရန်
တောင်းဆိုခဲ့သည်။

ထရမ့်၏ ၂ဝ၁၆ ခုနှစ် သမ္မတရွေးကောက်ပွဲစည်းရုံးလှုံဆော်ရေးအဖွဲ့ဝင်များနှင့် အခြား
လက်ထောက်များက ၂ဝ၁၆ ခုနှစ်၊ နိုဝင်ဘာလသမ္မတရွေးကောက်ပွဲ မတိုင်မီ ရုရှား
ထောက်လှမ်းရေး ထိပ်တန်းအရာရှိများနှင့် အဆက်အသွယ် အဖန်ဖန် ပြုလုပ်ခဲ့သည်ကို
သက်သေပြနေသည့် ဖုန်းခေါ်ဆိုမှု မှတ်တမ်းများကိုရရှိခဲ့ပြီး ဖုန်းပြောဆိုမှုများကို
ထောက်လှမ်းရေးဌာနက ကြားဖြတ် နားထောင်ခဲ့ကြောင်း နယူးယော့ခ်တိုင်း(မ်)သတင်းစာက
ရေးသားခဲ့သည်။

ရုရှားနိုင်ငံက အမေရိကန် ရွေးကောက်ပွဲကို နှောင့်ယှက်ရန် ကြိုးပမ်းမှု သက်သေအထောက်
အထားများကို ရှာဖွေတွေ့ရှိပြီးနောက် ထရမ့် ရွေးကောက်ပွဲစည်းရုံးလှုံ့ဆော်ရေးက
ရုရှားနိုင်ငံနှင့် ပူးပေါင်းပြီးသတင်းအချက်အလက် ခိုးယူမှုနှင့် အခြားဆက်စပ်သည့်အရာများ
အားထုတ်ကြိုးပမ်းမှုရှိမရှိ အမေရိကန်ထောက်လှမ်းရေးဌာနများက စစ်ဆေးထောက်လှမ်း
လျက်ရှိကြောင်းအဆိုပါ သတင်းဌာန၏ ထုတ်ပြန်ချက်အရသိရသည်။

သို့သော် လက်ရှိနှင့် ယခင် အမေရိကန်အာဏာပိုင်များ ပူးပေါင်းလိမ်လည်ကြံစည်မှု
သက်သေအထောက်အထား မတွေ့ရှိသေးကြောင်း အဆိုပါ သတင်းစာက
ကိုးကားဖော်ပြခဲ့သည်။

ထရမ့်၏ နောက်ဆုံးဆုံးဖြတ်ချက်က ဖလင်းက ဒုတိယသမ္မတ မိုက်ပင့်စ်ကို အထင်အမြင်
လွဲမှားအောင် ဆောင်ရွက်ခဲ့မှုကို အခြေခံကြောင်း အိမ်ဖြူတော်က ထုတ်ပြန်ခဲ့သည်။

ဖလင်းသည် ရုရှားနိုင်ငံနှင့်သူ၏ဆက်ဆံရေးနှင့်ပတ်သက်ပြီး မေးခွန်းများ အကြားတွင်
နုတ်ထွက်ခဲ့ရသော တတိယမြောက် ထရမ့်၏လက်ထောက်ဖြစ်သည်။

ထရမ့်မဲဆွယ်စည်းရုံးရေး မန်နေဂျာ မာနာဖော့ နှင့် ထရမ့်၏ နိုင်ငံခြားရေးမူဝါဒအကြံပေး
ကာတာပေ့ခ်ျတို့ နုတ်ထွက်ပြီးနောက်ဖလင်းက တတိယမြောက်နုတ်ထွက်သူတစ်ဦးဖြစ်သည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း