လျှပ်စစ်ဓာတ်အား အပြိုင်ထုတ်ဘော့စနီးယားရေကန် ခန်းခြောက်

ကွန်ဂျစ် - ဘော့စနီးယားအစိုးရ ငါးလုပ်ငန်းဌာနက တာဝန်ရှိပုဂ္ဂိုလ်သည် ယခင်က ငါး
မျိုးစုံပေါကြွယ်ခဲ့ပြီး မကြာမီကမှ ရေအား လျှပ်စစ်စီမံကိန်းများကြောင့် ရေခန်းသွားပြီးသဲနှင့်
ရွှံ့အတိပြီးသော ပြင်ကြယ်ကြီးတစ်ခု အဖြစ်သာ ကျန်ရှိတော့သည့် 'ဂျာဘလာနီ
ကာရေကန်ကြီးကို ငေးမောကြည့်နေသည်။

ဘော့စနီးယားနိုင်ငံ တောင်ပိုင်းရှိ နီရက်ဗာမြစ်ရိုးပေါ်တွင် လူတို့တည်ဆောက်ထား သော
ယင်းရေကန်ကြီးသည် ကီလိုမီတာ ၃ဝ(၁၈ မိုင်) ရှည်လျားသည့် ရေကန်ကြီးဖြစ်သည်။
ပတ်ဝန်းကျင် တောင်တန်းများပေါ်က နှင်းများ အရည်ပျော်ချိန်နှင့် မိုးခေါင်မှုရှည်လျားစွာ
ကျရောက်ပြီးနောက် မိုးပြန်ရွာချိန်တွင် ကန်ရေ ပြန်ပြည့်လာဖွယ် ရှိပါမည်လား။

တံငါသည်များနှင့် ပတ်ဝန်းကျင်သမား များကမူ ယခင်ရက်ပေါင်း ၄ဝ ခန့်ကတည်းက
ကန်ရေ ရုတ်ချည်း လျော့ကျခဲ့၍ ပါးခ်ျ (perch) နှင့် ထရောက် (trout) ငါးများအပါ အဝင်
ငါးကောင်ရေ နှစ်သန်းကျော် သေဆုံးခဲ့ရာ ဆုံးရှုံးပျက်စီးမှုများ စတင်ဖြစ် ပေါ်နေသည်ဟု
ဆိုကြသည်။

ရေကန် အနောက်ဘက် ကီလိုမီတာ ၃ဝခန့်တွင်ရှိသည့် ဂျာဘလာနီကာ ရေကာတာ နှင့်
ရေအားလျှပ်စစ်ဓာတ်အားပေးစက်ရုံ တို့ကို စီမံလုပ်ကိုင်နေသော အမျိုးသား လျှပ်စစ်
ဓာတ်အားပေး ကုမ္ပဏီ Elektroprivreda BiH ကိုလည်း အပြစ်ဆိုကြသည်။

ဖေဖော်ဝါရီ ၇ ရက်က တွေ့ရသည့် ခန်းခြောက်နေသော ဂျာဘလာနီကာ ရေကန်ကြီး။ဖေဖော်ဝါရီ ၇ ရက်က တွေ့ရသည့် ခန်းခြောက်နေသော ဂျာဘလာနီကာ ရေကန်ကြီး။

ယခုကဲ့သို့ ဘေးဒုက္ခပေါ်ပေါက်ခြင်းမှာ ဂေဟဗေဒ သဘောဖောက်ပြန်မှုတစ်ခု ဖြစ်ကြောင်းနှင့်
ယခင်နှစ်များက ကန်ရေလျော့ခဲ့သော်လည်း ယခုနှစ်လောက် လျော့နည်းခန်းခြောက်သွားခြင်းမျိုး
မရှိခဲ့ကြောင်း ဒေသခံငါးလုပ်ငန်းအသင်း ဥက္ကဋ္ဌ က ပြောသည်။

လျှပ်စစ်ဓာတ်အား ထုတ်လုပ်သည့် ကုမ္ပဏီက စက်တင်ဘာမှ ဇန်နဝါရီလအထိ မိုးအထူးခေါင်သည့်
ကာလအတွင်း လျှပ်စစ်ဓာတ်အား ပိုမိုအသုံးပြုခြင်းနှင့် အလွန်အေး သည့် ဒီဇင်ဘာလအတွင်း
လျှပ်စစ်အား ပိုမိုအသုံးပြုခြင်းတို့ကြောင့် ရေကန်ကြီးက ရေများ ရုတ်ခြည်းလျော့ကျရသည်ဟု
ထောက်ပြသည်။

ဂျာဘာလာနီကာ ရေကန်ကြီး၏ အနာဂတ်ရေးအတွက် ပတ်ဝန်းကျင် ထိန်းသိမ်းရေး
သမားများ စိုးရိမ်နေကြသည့် ပြဿနာတစ်ခုမှာ ရေကန်အတွင်း ငါးဖမ်း ခွင့်ပါမစ်ပေါင်း ၇ဝဝ ခန့်ကို
ဘော့စနီးယား အစိုးရက ယမန်နှစ်ကတည်းက ထုတ်ပေး ထားသည့်ကိစ္စဖြစ်သည်။

ရေကန်ကြီး လုံးဝခန်းခြောက်မည့် အခြေအနေသို့ ရောက်ရှိနေသောကြောင့် ငါးအချို့
ထောင်ဖမ်းခံရပြီး အချို့မှာ ရွှံ့ညွံ အတွင်း နစ်မြုပ်ခိုအောင်းကြရသည်။ အချို့ ငါးများမှာ
ရေကာတာရှိရာဆီသို့ ဦးတည်ပြောင်းရွှေ့သွားကြသည်ဟု ဒေသခံ NGO အဖွဲ့များက
ဆိုသည်။

NGO အဖွဲ့များ အစိုးရိမ်ဆုံးအချက်မှာ ငါးများစားကြသည့် အဏုဇီဝရုပ်များလည်း (ကုန်ခန်းလုဆဲ
ရေအခြေအနေကြောင့်) ပျက်စီးကြတော့မည့် အခြေအနေဖြစ်သည်။ ယင်းအခြေအနေ ဖြစ်ပွားပါက
ငါးများ မူလ ဒေသသို့ပြန်လာကြတော့မည် မဟုတ်သော ကြောင့်ဖြစ်သည်။

ဂျာဘလာနီကာ ကန်ရေသည် နှစ်စဉ် သုံးပုံတစ်ပုံဝန်းကျင် လျော့ကျသွားလေ့ရှိ သော်လည်း
ယခုနှစ်တွင်မူ လုံးဝကုန်ခန်း တော့မည့် အခြေအနေအထိ လျော့သွားခြင်းဖြစ်သည်ဟု
ဘော့စနီးယား သဘာဝ ပတ်ဝန်းကျင် ထိန်းသိမ်းရေးအဖွဲ့ (Zeleni Neretva)
အေမာဗာလီဆစ်က ပြောသည်။

ဒေသတွင်း ရေအခြေအနေ လျော့နည်း စဉ်က လျှပ်စစ်အားသုံးစွဲခများ မကြုံစဖူး
ကြီးမြင့်လာချိန်တွင် အမျိုးသား လျှပ်စစ် ဓာတ်အားကုမ္ပဏီက ရေတစ်လီတာဖြင့် လျှပ်စစ်
ဓာတ်အား တစ်ကီလိုဝပ်ရရှိအောင် ဈေးကွက်၌ မတရားလုပ်ခဲ့ပုံကို အပြစ်တင်
ဖော်ထုတ်ခဲ့သည်။

ဘော်လ်ကန် ဒေသထဲတွင် ဆင်းရဲသော နိုင်ငံတစ်နိုင်ငံအဖြစ် ရပ်တည်လာခဲ့သော
ဘော့စနီးယားသည် ၁၉၉ဝ ပြည့်လွန်နှစ်များက ခံစားခဲ့ရသည့် ပြည်တွင်းစစ်ဒဏ်ကြောင့်
နာလန်မထူနိုင်သေးပေ။ နိုင်ငံတွင်းရှိ ဓန အင်အားတစ်ခုမှာ မြစ်များဖြစ်သည်။

ဥရောပ အရှေ့တောင်ပိုင်းမှ လျှပ်စစ် အားကို ပြည်ပသို့တင်ပို့ရောင်းချသော
နိုင်ငံအနည်းငယ်ထဲတွင် ပါဝင်နေသောကြောင့် ယမန်နှစ် ၂ဝ၁၆ ခုနှစ်က နိုင်ငံအတွက်
လျှပ်စစ်ဓာတ်အား ပြည်ပသို့ရောင်းရငွေ ယူရို ၁၆၅ သန်း (ဒေါ်လာ ၁၇၆ သန်း) ရရှိခဲ့သည်။

အာဏာပိုင်များကမူ ဘော့စနီးယား၏ ရေအားလျှပ်စစ် ရင်းမြစ် ၃ဝ ရာခိုင်နှုန်း ကိုသာ
လောလောဆယ် ထုတ်ယူ အသုံးပြု နေသည်ဟု ဆိုသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း