အိုင်အက်စ်တို့ လက်နက်တပ်ဆင်ထားသော ဒရုန်းများသုံးလာ

အိုင်အက်စ်အကြမ်းဖက်အုပ်စုက 'မူဂျာဟီဒင်တိုက်ပွဲဝင်တို့၏ လူမပါသောလေယာဉ်'သစ်
တပ်ဖွဲ့ တည်ထောင်ခဲ့ပြီဖြစ်ကြောင်း တရားဝင်ကြေညာခဲ့သည်။ အဆိုပါတပ်ဖွဲ့မှာ
ခေတ်မီ ဒရုန်း လေယာဉ်များကို ဗုံးများဖြင့်တပ်ဆင်ထားသည့် အဖွဲ့ဖြစ် ...

အိုင်အက်စ်အဖွဲ့၏ မောင်းသူမဲ့ ဒရုန်းလေယာဉ်တစ်စင်းက ဗုံးကြဲတိုက်ခိုက်နေစဉ်။ ဓာတ်ပုံ - Shutter Stockအိုင်အက်စ်အဖွဲ့၏ မောင်းသူမဲ့ ဒရုန်းလေယာဉ်တစ်စင်းက ဗုံးကြဲတိုက်ခိုက်နေစဉ်။ ဓာတ်ပုံ - Shutter Stock

မိုဆူးလ် - ဇန်နဝါရီလအတွင်းက အစ္စလမ္မစ် နိုင်ငံတော်အဖွဲ့မှ တိုက်ခိုက်ရေးသမား
နှစ်ဦးသည် သဲကန္တာရအတွင်း ပြောက်ကျားဝတ်စုံများဝတ်ဆင်၍ အီရတ်နိုင်ငံမြောက်ပိုင်း
မတ်စောက်သည့် မြစ်ကမ်းတစ်ခုပေါ်သို့ တက်၍ ၄င်းတို့၏ လက်နက်သစ်ကို သရုပ်ပြခဲ့သည်။

ထိုလက်နက်မှာ ခြောက်ပေကျယ်သော တောင်ပံဖြန့် မောင်းသူမဲ့ လေယာဉ်ငယ်
တစ်စင်းဖြစ်သည်။ ၄င်း ဒရုန်းလေယာဉ်၏ ကိုယ်ထည်တွင် အရွယ်အစားငယ်သော ဗုံး
အသေးများ တပ်ဆင်ထားသည့် အိုင်အက်စ် စစ်သည်နှစ်ဦးသည် တစ်ဦးက ဒရုန်းကို
လွှတ်တင်ပြီး ကျန်တစ်ဦးက ဗီဒီယိုဓာတ်ပုံများ ရိုက်ယူခဲ့သည်။

ယင်း မောင်းသူမဲ့လေယာဉ်သည် ဝိုင်းရံ ခံထားရသော မိုဆူးလ်မြို့ပေါ်သို့ ပျံသန်း
သွားပြီးနောက် အီရတ် အစိုးရတပ်များ ရှေ့တန်းစခန်းအနီး ရောက်သောအခါ ထိုးစိုက်
ဆင်းပြီး ပါလာသည့် ဗုံးမျာကို ချခဲ့သည်။ ၄င်းဗုံးများသည် ပြန့်ကျဲနေသည့် အီရတ်တပ်ဖွဲ့
များအတွင်း ပေါက်ကွဲခဲ့ပြီး မြေပြင်ပေါ်တွင် ဒဏ်ရာရသည့် စစ်သည်တစ်ဦး
တွားသွားနေသည့်ပုံကို မြင်ခဲ့ရသည်။

ဤဖြစ်ရပ်မှာ များမကြာမီ ရက်သတ္တပတ် အတွင်း အီရတ်နိုင်ငံမြောက်ပိုင်းတွင်
အစ္စလမ္မစ်နိုင်ငံတော်အဖွဲ့က လက်နက် တပ်ဆင်ထားသော မောင်းသူမဲ့ ဒရုန်း
လေယာဉ်များဖြင့် တိုက်ခိုက်ခြင်းများ အလျင် အမြန်ပေါ်ပေါက်လာခဲ့သည့် ဖြစ်ရပ်များ
အနက် တစ်ခုဖြစ်သည်။

ဇန်နဝါရီလအတွင်းက အိုင်အက်စ်အကြမ်းဖက်အုပ်စုက ''မူဂျာဟီဒင်တိုက်ပွဲဝင် တို့၏
လူမပါသောလေယာဉ်''သစ်တပ်ဖွဲ့တည်ထောင်ခဲ့ပြီဖြစ်ကြောင်း တရားဝင်ကြေညာခဲ့သည်။
အဆိုပါတပ်ဖွဲ့မှာ ခေတ်မီ ဒရုန်း လေယာဉ်များကို ဗုံးများဖြင့်တပ်ဆင်ထား သည့်
အဖွဲ့ဖြစ်ပြီး ၄င်းတပ်ဖွဲ့သုံး ဒရုန်းများမှာ ဖေဖော်ဝါရီလ ပထမပတ်တစ်ပတ်တည်းမှာပင်
အီရတ်အစိုးရစစ်သည် ၃၉ ဦးကို ကျဆုံး၊ သို့မဟုတ် ဒဏ်ရာရရှိစေခဲ့သည်ဟုဆိုသည်။

အဆိုပါကိန်းဂဏန်းမှာ ချဲ့ကားပြောဆိုခြင်းဖြစ်သည်ဆိုသော်လည်း ယင်းအကြမ်းဖက်
အုပ်စုသည် လူမပါသော လေယာဉ်များကို အသုံးပြုနေသည်မှာ သေချာကြောင်း
အမေရိကန်အရာရှိများက အတည်ပြုခဲ့သည်။

ကင်းထောက်လေယာဉ်အဖြစ် အသုံးပြုရန် ဒရုန်းလေယာဉ်များကို လွန်ခဲ့သည့်နှစ်နှစ်ကပင်
အိုင်အက်စ်အဖွဲ့က ပထမဆုံးအကြိမ် ဝယ်ယူခဲ့ပြီး စစ်သွေးကြွအဖွဲ့ဝင်များသည် ရန်သူများကို
သတ်ဖြတ်ရန် နည်းပညာသစ် အသုံးပြုရေးအတွက် ရည်မှန်းချက်ကြီးစွာဖြင့်
ဆောင်ရွက်လျက်ရှိကြောင်း အမေရိကန် အရာရှိများနှင့် အကြမ်းဖက်ဝါဒ ပါရဂူများက
ပြောကြားခဲ့သည်။

စစ်သွေးကြွများအသုံးပြုသည့် ကုန်ကျ စရိတ်တော်တော်သက်သာသော ဒရုန်းလေယာဉ်များမှာ
အပေါ့စားလေယာဉ်ငယ်များ ဖြစ်သော်လည်း အမေရိကန်တပ်မတော်တွင် အသုံးပြုနေသည့်
ပရီဒေတာနှင့် ရီပါ ဒရုန်း လေယာဉ်များလောက် ခေတ်မီခြင်းနှင့် အသေအပျောက်များစေသည့်
ကျည်အင်အားမျိုး မရှိသေးပေ။

အိုင်အက်စ်အဖွဲ့က ပြထားသော အဆိုပါ ဒရုန်းလေယာဉ်များမှာ ဗုံးများနှင့် ဒုံးလက်နက်များ
သယ်ဆောင်ရန် သေးငယ်လွန်း ပြီး အမေရိကန်လေယာဉ်မှူးများက ၄င်းတို့၏
ပစ်မှတ်များကို ပစ်ခတ်ရန်အသုံးပြုသည့် ဒုံးကျည်ပဲ့ထိန်းစနစ်မျိုး မပါရှိပေ။

သို့တိုင် ဗုံးအသေးစားလေးများ အထူးသဖြင့် သုံးပေါင်အလေးချိန်ရှိသည့် စိန်ပြောင်းကျည်များ
တပ်ဆင်ထားခြင်းကလည်း အီရတ်အစိုးရ တပ်များကို တိုက်ခိုက်ရာတွင် အသုံးပြုနိုင်ခဲ့ ပြီး
ပစ်ကွင်း ၃ဝ မှ ၄၅ ပေ အဝန်းအဝိုင်း အတွင်း ထိရောက်စွာ ပေါက်ကွဲစေနိုင်သဖြင့်
လူအုပ်များသည့် နေရာသို့ ချလိုက်ပါက လူဒါဇင်နှင့်ချီ၍ သေဆုံး၊ သို့မဟုတ် ဒဏ်ရာ
ရရှိစေနိုင်သည်ဟု ဆိုသည်။

အမေရိကန် ကာကွယ်ရေးဌာန ပင်တဂွန် စစ်ဌာနချုပ်မှ အရာရှိများက ပြောကြားရာ တွင်
အိုင်အက်စ်တို့အသုံးပြုသည့် မောင်းသူ မဲ့ ဒရုန်းလေယာဉ်များသည် စစ်ရေးအရ
မဆိုစလောက်သာ ထင်ရှားခဲ့ပြီး ၂ဝ၁၄ ခုနှစ်တွင် အိုင်အက်စ်အဖွဲ့လက်အောက်သို့
ကျရောက်ခဲ့သော အီရတ်နိုင်ငံမြောက်ပိုင်း မြို့ကြီးဖြစ်သည့် မိုဆူးလ်မြို့ကို အီရတ်
အစိုးရတပ်များက ပြန်လည်သိမ်းပိုက်နိုင်ရေး အချိန်ဇယားကိုမူ ထိခိုက်နိုင်လိမ့်မည်
မဟုတ်ဟု ဆိုသည်။

''အန္တရာယ်ရှိပြီး ဝါဒဖြန့်နည်းဗျူဟာ အတွက် အကျိုးသက်ရောက်မှုရှိပေမဲ့ တကယ့်
စစ်မြေပြင်မှာတော့ စစ်ဆင်ရေး အကျိုးသက်ရောက်မှု အကန့်အသတ်နဲ့ပဲ ရှိတာပါ။
တိုက်ပွဲရလဒ်ကို ပြောင်းလဲနိုင်စေ မှာမဟုတ်ပါဘူး''ဟု အိုင်အက်စ်အဖွဲ့ကို တိုက်ခိုက်နေသည့်
အမေရိကန်ဦးဆောင် သော ညွန့်ပေါင်းအဖွဲ့မှ ပြောရေးဆိုခွင့်ရှိသူ လေတပ်ဗိုလ်မှူးကြီး
ဂျွန်အယ်လ်ဒေါ်ရီယန် က ဖေဖော်ဝါရီလ တတိယပတ်အတွင်းက သတင်းစာရှင်းလင်း
ပွဲတွင် ပြောကြားခဲ့သည်။

သို့ရာတွင် ပင်တဂွန်စစ်ဌာနချုပ်မှ ဒုတိယ အရာရှိတစ်ဦးကမူ ညွန့်ပေါင်းတပ်ဖွဲ့များ သည်
အိုင်အက်စ်တို့၏ မောင်းသူမဲ့လေယာဉ် များကို တုံ့ပြန်တိုက်ခိုက်နိုင်ရန် စောစော
ပိုင်းလက်ဦးမှုရယူ၍ စုံစမ်းထောက်လှမ်းရေး စနစ်နှင့် အီလက်ထရွန်းနစ် လိုင်းပိတ်ဆို့မှု
များအပါအဝင် နည်းလမ်းများကို ချမှတ် ဆောင်ရွက်လျက်ရှိကြောင်း စစ်ပွဲတွင် အသုံး ပြုရန်
အဆင်သင့်ဖြစ်နေသော ဒရုန်း လေယာဉ်များရှိသည့် နေရာများနှင့် ထုတ် လုပ်သည့်
စက်ရုံများရှိရာဒေသကို ရှာဖွေမှု များ တိုးမြှင့်ဆောင်ရွက်လျက်ရှိသည်ဟု ပြောကြားခဲ့သည်။

ယခုနှစ်စောစောပိုင်းက မိုဆူးလ်မြို့ရှိ ဒရုန်းများထားရှိရာ စက်ရုံကို အီရတ်တပ်ဖွဲ့ များ
သိမ်းပိုက်မိချိန်၌ ဒရုန်းလေယာဉ်များ နှင့် လေယာဉ်အပိုပစ္စည်းများ ဝယ်ယူရေး စနစ်များ
အသေးစိတ်ချမှတ်ထားသည့် စာရွက်စာတမ်းများကို သိမ်းဆည်းရမိခဲ့သည်။ ထို့ပြင် ၄င်း
ဒရုန်းလေယာဉ်များ စမ်းသပ်မှုနှင့် အစားထိုးဆောင်ရွက်မှုများ အတွက် ကျယ်ပြန့်သည့်
အစီအစဉ်များကိုလည်း သိမ်းဆည်းနိုင်ခဲ့သည့် အဆိုပါ မှတ်တမ်းများအရ အိုင်အက်စ်
တို့သည် ၄င်းတို့၏ ဒရုန်းလေယာဉ်များကို စွမ်းဆောင်ရည် နှင့် ပစ်ကွင်းနယ်ပယ်
တိုးမြှင့်နိုင်ရေးအတွက် မွမ်းမံပြင်ဆင်ခြင်းတို့ကို ဆောင်ရွက်ရန် ကြိုးပမ်းခဲ့သည့်
အထောက်အထားများကို လည်းတွေ့ခဲ့ရသည်ဟု နယူးယော့ခ်မြို့ ဝက်စ်ပွိုင့်ရှိ
အကြမ်းဖက်မှုတိုက်ဖျက်ရေး ဗဟိုဌာန အစီရင်ခံစာတစ်စောင်ကဆိုသည်။

မိုဆူးလ်မြို့ အစိုးရတပ်များလက်သို့ ကျကာစတွင် အိုင်အက်စ်တိုက်ခိုက်ရေးသမားများက
၎င်းတို့၏ ကင်းထောက် ဒရုန်း လေယာဉ်ငယ်များကို မြို့ကိုကာကွယ်ရေး နောက်ဆုံး
ကြိုးပမ်းမှုအဖြစ် သတင်းအချက် အလက်များနှင့် ဓာတ်ပုံများကို ရယူစုဆောင်းရာတွင်
အသုံးပြုခဲ့သည်။

- ဝါရှင်တန်ပို့စ်

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း