သဘောထားမကြီးတဲ့ ဥရောပအဖွဲ့အစည်း

ဧပြီ ၉ ရက်က ဥရောပသမဂ္ဂကို ထောက်ခံသူများ လန်ဒန်တွင် ဆန္ဒပြနေကြစဉ်။ ဓာတ်ပုံ – အေအက်ဖ်ပီဧပြီ ၉ ရက်က ဥရောပသမဂ္ဂကို ထောက်ခံသူများ လန်ဒန်တွင် ဆန္ဒပြနေကြစဉ်။ ဓာတ်ပုံ – အေအက်ဖ်ပီ

ဥရောပခေါင်းဆောင်တွေဟာ ဘာကိုမှမသိသလို ဘာကိုမှလည်း မေ့ပျောက်မသွားဘူး။
သူတို့ဟာ အချင်းချင်းအပြစ်ရှာတာကိုလည်း ဘယ်တုန်းကမှ မရပ်ခဲ့...

မတ် ၂၅  ရက်မှာ ဥရောပခေါင်းဆောင်တွေဟာ ဥရောပစတင်မြစ်ဖျားခံရာ ရောမစာချုပ်
ပေါက်ဖွားလာခြင်း နှစ် ၆ဝ ပြည့် အခမ်းအနားကို ရောမမှ စုဝေးပြီးဆင်နွှဲခဲ့ကြတယ်။
ဒီအခမ်းအနားမှာ အောင်ပွဲခံစရာ တစ်စုံတစ်ရာကော ရှိသေးရဲ့လား။ သူတို့ဟာ သူတို့
ဘာသာသူတို့ ပုံသေမဟုတ်ဘူးလို့ ကင်ပွန်းတပ်ကြတဲ့ ဥရောပရဲ့ အစိတ်စိတ်အမြွှာမြွှာ
ပြိုကွဲမှုအတွက် အောင်ပွဲခံကြတာလား။ ဒါမှမဟုတ် ပြဿ    နာတစ်ခုခုကို သူတို့ ပုံမှန်ချဉ်း
ကပ်နေကျပုံစံဖြစ်တဲ့ သူစိမ်းတွေကို လက်မခံတဲ့ မျက်ကန်းမျိုးချစ်စိတ်ဓာတ်ကို ဆက်လက်
ပုံဖော်မလို့လား။

အင်မတန် အစွဲအလမ်းကြီးတဲ့ ဥရောပတိုက်ကို ချစ်မြတ်နိုးကြသူတွေတောင်မှ ရောမမှာ
ကျင်းပခဲ့တဲ့ ဥရောပခေါင်းဆောင်တွေတွေ့ဆုံပွဲဟာ ပျော်စရာမကောင်းဘဲ အသုဘအိမ်လို
ခြောက်သွေ့နေခဲ့တယ်လို့ ဝန်ခံကြတယ်။

နောက်ရက်အနည်းငယ်အကြာမှာ ဗြိတိန်ဝန်ကြီးချုပ် ထရီဆာမေက ဗြိတိန်ရဲ့ နှေးပေမဲ့
နောက်ပြန်ဆုတ်လို့မရတော့တဲ့ ဥရောပသမဂ္ဂကနေ နုတ်ထွက်တဲ့အစီအစဉ်ကို ဥရောပ
သမဂ္ဂကိုပို့ပေးခဲ့တယ်။

ဗြိတိန်နဲ့ဥရောပတစ်ဝန်းကလူတွေဟာ အတွေးအခေါ်ပိုင်းမှာ လွတ်လပ်လာတာကြောင့်
လူထုအသားပေးဝါဒဟာ ဥရောပကိုမှ ဆက်မိသလို ဖျက်ဆီးနေတယ်ဆိုတာ သိလာကြ
တယ်။ ပြင်သစ်နိုင်ငံရဲ့ သူကောင်းမျိုးတွေလိုပဲ ဥရောပခေါင်းဆောင်တွေဟာ ဘာကိုမှ
မသိသလို ဘာကိုမှလည်း မေ့ပျောက်မသွားဘူး။ သူတို့ဟာအချင်းချင်း အပြစ်ရှာတာကို
လည်း ဘယ်တုန်းကမှမရပ်ခဲ့ဘူး။ အခုတော့ သူတို့ရဲ့ မူလရပ်တည်မှုနဲ့ လုပ်ပိုင်ခွင့်ကို
ခြိမ်းခြောက်လာတဲ့ တရားဝင်ဖြစ်ခြင်း ကွာဟမှုနဲ့ ရှေးရိုးစွဲတွေကို တိုက်ဖျက်ဖို့ စိတ်အား
ထက်သန်မှုတွေကို တုန်လှုပ်ဟန်ဆောင်နေကြတယ်။

၂ဝ၁၅ ခုနှစ်က ကျွန်တော်ဟာ ဂရိနိုင်ငံရဲ့ ကြွေးရှင်တွေဖြစ်တဲ့ IMF ဥရောပကော်မရှင်၊
ဥရောပဗဟိုဘဏ်တို့က အခုမှတက်လာတဲ့ အစိုးရသစ်ကို ပုခက်တွင်းမှာ လည်ပင်းညှစ်
သတ်ဖို့ကြိုးစားတာဟာ သူတို့အတွက် အကျိုးမရှိတာကို သတိပေးခဲ့တယ်။ အကယ်၍သာ
အမြဲတမ်း ကြွေးမြီတွေရဲ့အကျဉ်းသား ဖြစ်နေမယ့်စနစ်ကို ကျွန်တော်တို့ အောင်မြင်စွာ
ဆန့်ကျင်ခဲ့တာကို ရပ်ဆိုင်းခံခဲ့ရမယ်ဆိုရင် အကျိုးဆက်အနေနဲ့ ဒီအရေးအခင်းဟာ ဂရိတင်
မကဘဲ ဥရောပက ပြည်သူတွေကို မျက်ကန်းမျိုးချစ်တွေ ဖြစ်လာအောင်၊ ရှေးရိုးစွဲတွေဖြစ်
လာအောင် ဥရောပကို ဆန့်ကျင်တဲ့သူတွေဖြစ်လာအောင် ဖိအားပေးလိမ့်မယ်။

ဒါပေမဲ့ မဆင်မခြင်လုပ်တတ်တဲ့ ဘီလူးကြီးတွေလိုပဲ သူတို့ဟာ အတိတ်နိမိတ်တွေကို
ဂရုမစိုက်ခဲ့ဘူး။ အမြဲတမ်း ဖိနှိပ်ခံနေရမှုကနေလွတ်မြောက်အောင် ဂရိတော်လှန်မှုဟာ
၂ဝ၁၅ ခုနှစ်၊ နွေရာသီမှာ ရက်ရက်စက်စက်ဖြိုခွဲခံခဲ့ရတယ်။ ဒါဟာ အခုခေတ်မှာဖြစ်တဲ့
တော်လှန်ရေးဖြစ်ပြီး EU ဟာ နှိမ်နင်းဖို့ သံချပ်ကာကားတွေအစား ဘဏ်တွေကို အသုံးပြု
ခဲ့တယ်။ ဒါပေမဲ့ ၁၉၆၇ ခုနှစ်က ဂရိနိုင်ငံရဲ့ဒီမိုကရေစီကို ကျဆုံးစေခဲ့တဲ့ နောက်တစ်နှစ်
အကြာ ချက်ကိုစလိုဗားကီးယားမှာဖြစ်ခဲ့တဲ့ ပရာ့ဂ်နွေဦးတော်လှန်ရေးတို့နဲ့ မတူတာက
ဒီတော်လှန်ရေးကို ဖိနှိပ်တဲ့သူတွေက တန်ဖိုးကြီးဝတ်စုံတွေကိုဝတ်ကြပြီး ဓာတ်ဆားရည်ကို
သောက်ကြတယ်။ (ခေတ်မီတဲ့အသိုင်းအဝိုင်းက လုပ်တာကို ဆိုလိုတာဖြစ်တယ်။)

ဒီကိစ္စတွေကို တရားဝင် သတင်းထုတ်ပြန်မှုမှာ ဖော်ပြတာအရတော့ EU ဟာ အထိန်း
အကွပ်မဲ့နေတဲ့လူထုကို ဘဏ္ဍာရေး အရ ဖြောင့်မတ်တဲ့ ပြန်လည်တည်ဆောက်ရေးလမ်း
ပေါ်ကိုပြန်တင်ဖို့ မလွှဲမရှောင်သာ ဝင်ရောက်စွက်ဖက်ခဲ့ရတယ်လို့ဆိုတယ်။ တကယ်တမ်း
ကျတော့ တော်လှန်တဲ့ခေါင်းဆောင်တွေရဲ့ အဓိကရည်ရွယ်ချက်ဟာ ဂရိကြွေးရှင်တွေ
၂ဝ၁ဝ ပြည့်နှစ်ကတည်းက စပြီးလုပ်လာတာဖြစ်တဲ့ ဂရိနိုင်ငံရဲ့ ယေဘုယျဒေဝါလီခံရမှုကို
သက်တမ်းတိုးတာကို ဝန်ခံဖို့ရှောင်လွှဲတာဖြစ်တယ်။ သူတို့သုံးခဲ့တဲ့နည်းလမ်းဟာ ဥရောပ
ရဲ့အခွန်ဆောင်သူတွေထောက်ပံ့တဲ့ ချေးငွေတွေကို ဂရိကိုအတင်းလက်ခံခိုင်းခြင်းဖြစ်တယ်။
အဲဒီချေးငွေတွေဟာ ဂရိနိုင်ငံရဲ့ ဝင်ငွေကိုနည်းပါးစေတာပဲ အဖတ်တင်တယ်။ ဒီကိစ္စကို
ဆက်လက်အကောင်အထည်ပေါ်အောင် ဆောင်ရွက်ဖို့ကတော့ ဂရိနိုင်ငံကို ပိုမွဲအောင်
လုပ်ဖို့ပဲဖြစ်တယ်။ သူတို့ဟာ ဒီနည်းလမ်း အသုံးပြုဖို့ဆိုရင် ဂရိနွေဦးတော်လှန်ရေးကို ဖိနှိပ်
မှပဲဖြစ်မယ်။

စိတ်ဝင်စားစရာကောင်းတာတစ်ခုက ဂရိဝန်ကြီးချုပ်က ပါလီမန်ကိုတင်သွင်းတဲ့လက်နက်ချ
မှတ်တမ်းဟာ ဂရိအစိုးရ တာဝန်ရှိသူတွေက တောင်းဆိုလို့ရေးရတဲ့သဘောမျိုးဖြစ်နေတယ်။
၁၉၆၈ ခုနှစ်တုန်းက ရုရှားက အတင်းအကျပ်ဖိအားပေးလို့ ဝါဆောစာချုပ်အဖွဲ့ဝင်ဖို့ မလွှဲ
မရှောင်သာ လက်မှတ်ထိုးလိုက်ရတဲ့အချက်ကို စလိုဗားကီးယားနိုင်ငံရဲ့ခေါင်းဆောင်တွေ
လိုပဲ တရားခံဟာ သူ့အပြစ်သူခံပါမယ်လို့ ဟန်ဆောင်ဖို့လိုတယ်။

EU ကတော့ ဒီလိုတောင်းဆိုမှုကို ယဉ်ကျေးစွာပဲတုံ့ပြန်ခဲ့တယ်။ သူတို့က အလုပ်ရှာပေးတဲ့
နေရာတွေက အကျိုးအမြတ်တွေကိုရယူကာ ဂရိနဲ့ ဗြိတိန်နိုင်ငံတို့က ဆင်းရဲသားတွေကို
အရှက်ရစေခဲ့တယ်။ ဒီကိစ္စအတွက် သူတို့ဟာ အမြဲသုံးနေကျ ဖိနှိပ်တဲ့စကားဖြစ်တဲ့ '
ငါ့အတွက်ကန့်သတ်ချက်ကို ငါကိုယ်တိုင်သတ်မှတ်မယ်'ဆိုတဲ့ စကားမျိုးကို ခိုင်ခိုင်မာမာ
ပြောပြီး တာဝန်ယူသင့်တယ်။

ဒီလိုပြင်းထန်တဲ့ ဥရောပရှေးရိုးစွဲတွေရဲ့ဒဏ်ခတ်မှုကြောင့် လူတွေဟာ ကိုယ့်စိတ်ကိုမထိန်း
နိုင်တော့ဘူး။ ၂ဝ၁၅ ခုနှစ် အစပိုင်းက ဂရိဘဏ္ဍာရေးဝန်ကြီးအနေနဲ့ ကျွန်တော်ဘာသိခဲ့ရ
သလဲဆိုရင် HFSFံင်္ှင်္ဆိုတဲ့ လူထုအဖွဲ့အစည်းတစ်ခုရဲ့ ထိပ်ပိုင်းအရာရှိတွေရဲ့ လစာဟာ
အလွန်များနေတယ်။ ချွေတာဖို့ မျှမျှတတဖြစ်ဖို့ ကျွန်တော်က ၄ဝ ရာခိုင်နှုန်း ဖြတ်ဖို့ ကြေညာလိုက်တယ်။ ဒီလိုလုပ်လိုက် တာကြောင့် ၂ဝ၁ဝ ပြည့်နှစ်ကတည်းက ဂရိမှာဖြစ်နေတဲ့ အကျပ်အတည်းကို ဖြေရှင်းဖို့လုပ်ခတွေလျှော့ချတာနဲ့ သွားပြီး
ကိုက်ညီနေတယ်။

ကျွန်တော့်ဝန်ကြီးဌာနရဲ့ လစာတွေနဲ့ပင်စင်အတွက် ရင်းနှီးငွေတွေကိုနည်းအောင်လုပ်ဖို့ပဲ
စိတ်ဝင်စားနေတဲ့ EU ကတော့ ကျွန်တော့်ဆုံးဖြတ်ချက်ကို လက်မခံခဲ့ဘူး။ နောက်ဆုံး
တော့ ကျွန်တော်ဖြတ်ချလိုက်တဲ့ လစာတွေဟာ EU ခေါင်းဆောင်တွေရွေးချယ်ထားတဲ့
သူတို့လူတွေဆီပဲ ရောက်သွားမှာပဲ။ EU ကို ကျွန်တော်တို့ အစိုးရအညံ့ခံလိုက်ရပြီးတာနဲ့
ကျွန်တော်နုတ်ထွက်သွားတဲ့အချိန်မှာ လစားတွေဟာ ၇၁ ရာခိုင်နှုန်းအထိ တက်သွားခဲ့
တယ်။ (CEO တစ်ယောက်ရဲ့တစ်နှစ်ဝင်ငွေက ဒေါ်လာ ၂၃၅,ဝဝဝ ဖြစ်သွားတယ်) အဲဒီ
အချိန်မှာပဲ ပင်စင်စားတွေရဲ့ရပိုင်ခွင့်ဟာ ယူရို ၁ဝဝ လောက်အထိ အဖြတ်ခံလိုက်ရတယ်။

တစ်ခါတုန်းက လုပ်ကြံခံခဲ့ရတဲ့ အမေရိကန်သမ္မတ ကနေဒီက လွတ်လပ်တဲ့အတွေးအခေါ်
ဝါဒအောင်မြင်ဖို့အတွက် ဘယ်နေရာကိုမဆို ရင်ဆိုင်ဖို့လိုအပ်တယ်လို့ ပြောခဲ့တယ်။
လစ်ဘရယ် လက်သစ်တွေဖြစ်တဲ့ Ronald Reagan နဲ့ Margaret Thatcher တို့က
တောင် အခွန်အကောက်တွေကို လျှော့ချမယ်၊ ထိန်းချုပ်မှုကင်းအောင်လုပ်မယ်လို့ကတိပေး
ပြီး အလုပ်သမားလူတန်းစားကို မဲဆွယ်ခဲ့ကြတယ်။

နောက်ဆုံးတော့ ဥရောပရဲ့ စီးပွားရေးအကျပ်အတည်းနောက်မှာ ကပ်ပါလာတဲ့တစ်စုံတစ်ခု
ဟာ ကျွန်တော်တို့ရဲ့အဖွဲ့အစည်းပေါ်ကို မသိမသာလွှမ်းမိုးသွားခဲ့ပြီ။ ဥရောပခေါင်းဆောင်
တွေက လူထုရဲ့ထောက်ခံမှုကိုရဖို့တောင် စိတ်မဝင်စားကြတော့ဘူး။

ဂရိနိုင်ငံမှာဖြစ်ခဲ့တာက အစပဲရှိသေးတယ်။ ဂရိနွေဦးတော်လှန်ရေး ဖိနှိပ်ခံရတာကြောင့်
စပိန်နိုင်ငံက လက်ဝဲယိမ်းပါတီက လူထုထောက်ခံမှု လျော့ကျခဲ့တယ်။ သူ့ရဲ့ အာမခံမဲပေး
မယ့်သူတွေက ဂရိနိုင်ငံမှာဖြစ်ခဲ့တဲ့ အလားတူအဖြစ်မျိုး ဖြစ်မှာကြောက်သွားလို့ဖြစ်တယ်။

EU က ဂရိတို့ စပိန်တို့မှာ ဒီမိုကရေစီကို အလေးမထားခဲ့တာကြောင့် ဗြိတိန်Labour ပါတီ
က Brexit ကိုမဲပေးခဲ့ကြတယ်။ ဒါက ဒေါ်နယ်ထရမ့်ကို အမေရိကန်မှာ အနိုင်ရစေခဲ့ပြီး
ကမ္ဘာမှာ မျက်ကန်းမျိုးချစ်တွေ ပိုများလာစေခဲ့တယ်။

အခုတော့ သူတို့ပြောပြောနေတဲ့ လွတ်လပ်တဲ့အတွေးအခေါ်ဝါဒဟာ သူနဲ့ဆန့်ကျင်ဘက်
အရာဖြစ်တဲ့ ရှေးရိုးစွဲ မျိုးချစ်ဝါဒရဲ့ဒဏ်ကိုခံနေရပြီ။ ဒါက ဘယ်လိုလဲဆိုတော့ အဖေကို
သတ်တဲ့သားက သူဟာ မိဘမဲ့ဖြစ်နေလို့ပါဆိုပြီး သူ့ကိုသက်ညှာဖို့ တရားရုံးကိုလျှောက်
ထားနေသလိုပဲ။ အခုတော့ ဥရောပနိုင်ငံတွေဟာ သူတို့ဟာသူတို့ပဲ အပြစ်တင်ကြရတော့
မှာပဲ။ အဲဒီအချိန်ကတော့ လွတ်လပ်တဲ့ အတွေးအခေါ်သမားတွေ ပေါင်းစည်းပြီး ပျက်စီး
ယိုယွင်းနေတဲ့ ဥရောပအဖွဲ့အစည်းကို ပြန်လည်ညီညွတ်မှုရအောင် ဆောင်ရွက်ရမယ့်
အချိန်ပဲဖြစ်တယ်။


ဤဆောင်းပါးသည် ဂရိဘဏ္ဍာရေးဝန်ကြီးဟောင်း Yanis Varoufakis ၏အာဘော်သာ
ဖြစ်သည်။ (Project Syndicate)

သောင်းညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း