ကမ္ဘာလုံးဆိုင်ရာ ဆိုက်ဘာတိုက်ခိုက်မှုများမှ အနှောင့်အယှက်များ ကမ္ဘာတစ်ဝန်း ဆက်လက် ဂယက်ရိုက်လျက်ရှိ

ကမ္ဘာတစ်ဝန်း ဖြစ်ပွားခဲ့သည့် ဆိုက်ဘာတိုက်ခိုက်မှုများ။ ဓာတ်ပုံ - အီးပီအေကမ္ဘာတစ်ဝန်း ဖြစ်ပွားခဲ့သည့် ဆိုက်ဘာတိုက်ခိုက်မှုများ။ ဓာတ်ပုံ - အီးပီအေ

လန်ဒန် - မေ ၁၃ ရက်တွင် နိုင်ငံ ၁ဝဝ ကျော်က ကွန်ပျူတာများကို တိုက်ခိုက်ခဲ့သည့်
ဆိုက်ဘာတိုက်ခိုက်မှုများ ကမ္ဘာအနှံ့ ဆက်လက် ဂယက်ရိုက်လျက်ရှိသည်။
တရုတ်နိုင်ငံရှိ ကျောင်းသားများ ဘွဲ့ယူရန်တင်သွင်းသောသုတေသနစာတမ်းများကို
ဝင်ရောက်ကြည့်ရှုနိုင်ခွင့်မရှိတော့ခြင်း၊ ဗြိတိသျှနိုင်ငံတွင် ဆရာဝန်များ ခွဲစိတ်ကုသရန်
သတ်မှတ်ထားသောရက်များ အလိုအလျောက် ပယ်ဖျက်သွားခြင်းနှင့် ဂျာမနီနိုင်ငံရှိ
ရထားဘူတာများ၌ခရီးသည်များ ဆိုက်ရောက်ရာနှင့် ထွက်ခွာရာပြ ကွန်ပျူတာ
မော်နီတာ ဖန်သားပြင်များတွင် မှားယွင်းနေသော မှာကြားချက်များ ပေါ်ပေါက်ခဲ့ခြင်း
စသည့်ဖြစ်ရပ်များ ပေါ်ပေါက်ခဲ့သည်။

မေ ၁၂ ရက်တွင် စတင်ဖြစ်ပွားခဲ့သည့် အဆိုပါ နိုင်ငံတကာ ဆိုက်ဘာတိုက်ခိုက်မှုပြီးနောက်
ကမ္ဘာတစ်ဝန်းလုံးရှိ တစ်နိုင်ငံချင်းစီနှင့် အဖွဲ့အစည်းများက ဆုံးရှုံးမှုများကို
ကန့်သတ်နိုင်ရန် ကာကွယ်ရေးစီမံချက်များကို အကောင်အထည်ဖော်ခဲ့သည်။
ဆိုက်ဘာတိုက်ခိုက်မှုများတွင် အကြီးဆုံးတိုက်ခိုက်မှုတစ်ခုမှာ ငွေညှစ်နည်းတစ်မျိုးဖြစ်ပြီး
အွန်လိုင်းမှ တစ်ဆင့် တောင်းဆိုထားသော ငွေကြေးပမာဏ မရရှိခင်အထိ
ကွန်ပျူတာစနစ်များကို ထိန်းချုပ်ခဲ့ကြောင်း သိရသည်။

အဆိုပါတိုက်ခိုက်မှုက ဗြိတိန်နိုင်ငံ၏ အမျိုးသားကျန်းမာရေးဌာနကို ပြင်းပြင်းထန်ထန်
ထိခိုက်ခဲ့ပြီး ဗြိတိန်နိုင်ငံနှင့် စကော့တလန်နိုင်ငံတို့ရှိ ဆေးရုံများတွင် ဆေးဘက်ဆိုင်ရာ
လုပ်ထုံးလုပ်နည်းများ အဟန့်အတားများဖြစ်ခဲ့သည်။ ဗြိတိန်အစိုးရက အမျိုးသား
ကျန်းမာရေးဌာန ၂၄၈ ခုတွင် ၄၈ ခု တိုက်ခိုက်ခံခဲ့ရသော်လည်း မေ ၁၃ ရက်
မနက်ပိုင်းတွင် ထို ၄၈ ခုမှ ခြောက်ခု ပုံမှန်ပြန်လည် လည်ပတ်နေပြီဖြစ်ကြောင်း
ထုတ်ပြန်ခဲ့သည်။

ဗြိတိသျှအစိုးရထံမှ အဆိုပါအခြေအနေနှင့်ပတ်သက်ပြီး တောင်းဆိုခဲ့သော ငွေကြေး
ပေးခြင်းရှိမရှိ မေးမြန်းခဲ့သည့်အခါ ဝန်ကြီးများ ပြောရေးဆိုခွင့်ရ ပုဂ္ဂိုလ်တစ်ဦးက
ငွေကြေးပေးခဲ့ခြင်းမရှိကြောင်း ပြောဆိုခဲ့ပြီး အခြားနိုင်ငံများလည်း ပေးအပ်ခြင်းမပြုရန်
ပြည်ထဲရေးဝန်ကြီး အမ်ဘာ ရုဒ်က အကြုံပြုခဲ့ကြောင်းသိရသည်။

အဆိုပါ ဗြိတိန် အမျိုးသားကျန်းမာရေးဌာန အသုံးပြုသည့် ကွန်ပျူတာစနစ် တိုက်ခိုက်ခံရစဉ်
အတွင်း ကွန်ပျူတာ ဖန်သားပြင်များ ပိတ်သွားခဲ့ပြီး အမေရိကန်ဒေါ်လာ ၃ဝဝ အွန်လိုင်းမှ
တစ်ဆင့် ပေးသွင်းခြင်းမရှိပါက အဆိုပါ ကွန်ပျူတာထဲရှိ အချက်အလက်များ ဖျက်ဆီးခံရမည်ဟု
စာတန်းဖြင့် ခြိမ်းခြောက်ခဲ့သည်။ အလားတူ ခြိမ်းခြောက်သည့် စကား စာတန်းများ
ဘာသာစကား အမျိုးမျိုးဖြင့် ဥရောပအနှံ့တွင် ဖြစ်ပွားခဲ့သည်။

ဂျာမနီနိုင်ငံတွင် အလားတူ ခြိမ်းခြောက်တိုက်ခိုက်ခံရမှုကို ဘူတာရုံများတွင်
ဖြစ်ပွားခဲ့ပြီး အဆိုပါ ပြဿနာကို ဖြေရှင်းရန် အစွမ်းကုန် ကြိုးပမ်းလျက်ရှိကြောင်း
ထုတ်ပြန်ထားသည်။ဒီပီအေသတင်းအေဂျင်စီအရ ဂျာမနီနိုင်ငံ၏အကြီးဆုံး အွန်လိုင်းမှ
တစ်ဆင့် ခရီးသွားလက်မှတ်ဝယ်ယူနိုင်သည့် ဆော့ဖ်ဝဲ၏ ရုပ်သံစောင့်ကြည့်ရေး
နည်းပညာ ထိခိုက်ခဲ့သည်။

ဥရောပရှိ အခြားပစ်မှတ်များမှာ စပိန်နိုင်ငံဆက်သွယ်ရေးကုမ္ပဏီကြီး တစ်ခုဖြစ်သည့်
တယ်လီဖော်နီကာ၊ ပြင်သစ်နိုင်ငံ ကားထုတ်လုပ်ရေးကုမ္ပဏီ ရေးနိုးနှင့် ဆွီဒင်ရှိ
အာဏာပိုင်နည်းစနစ်ကွန်ပျူတာ အလုံး ၇ဝ ခန့်ထိခိုက်ခဲ့သည်။ နော်ဝေ ဘောလုံး
အသင်း၏ အွန်လိုင်း လောင်းကြေးလက်မှတ် စနစ်မှာလည်း တိုက်ခိုက်ခံခဲ့ရကြောင်း
သိရသည်။

''တိုက်ခိုက်မှုရဲ့ ကြိုးကိုင်သူကို ထုတ်ဖော်ပြောလို့ မရသေးပါဘူး၊ စုံစမ်းစစ်ဆေးမှု
ပြုလုပ်နေဆဲပါ'' ဟု ဗြိတိန် ပြည်ထဲရေးဝန်ကြီး အမ်ဘာရုဒ်က ဘီဘီစီသတင်းဌာနကို
ပြောကြားခဲ့သည်။ သူက နိုင်ငံ ၁ဝဝ ကျော်နီးပါးတိုက်ခိုက်ခံခဲ့ရပြီး ဗြိတိန်နိုင်ငံ၏
အမျိုးသား ကျန်းမာရေးဌာန တစ်ခုတည်းကို ပစ်မှတ်ထားခဲ့ခြင်းမဟုတ်ကြောင်း
ပြောကြားခဲ့သည်။

တရုတ် အွန်လိုင်း အင်တာနက်သတင်းဌာန တစ်ခုဖြစ်သည့် တီအမ်တီပို့စ်က
အဆိုပါ တိုက်ခိုက်မှုကြောင့် တရုတ်နိုင်ငံတက္ကသိုလ်များလည်း ထိခိုက်ခဲ့ကြောင်း
ထုတ်ပြန်ခဲ့သည်။ နန်ချန်း တက္ကသိုလ်၊ ရှန်တုံ တက္ကသိုလ်နှင့် တရုတ် လျှပ်စစ်သိပံ္ပနှင့်
နည်းပညာတက္ကသိုလ်များက ၄င်းတို့၏ ဝေဘို လူမှုကွန်ရက်များတွင် ဝန်ထမ်းနှင့်
ကျောင်းသားများကို သံသယရှိနိုင်သည့် အီးမေးလ်များကို ဖွင့်ဖတ်ခြင်းမပြုရန်နှင့်
အရေးကြီးသော အချက်အလက်များကို ပြောင်းရွှေ့သိမ်းဆည်းရန် သတိပေးချက်
ထုတ်ပြန်ခဲ့သည်။

အမေရိကန်နိုင်ငံတွင် နာမည်ကြီး ပါဆယ်ပို့ဆောင်မှု ကုမ္ပဏီကြီး Fedex တိုက်ခိုက်
ခံခဲ့ရသည်။ တစ်ကမ္ဘာလုံးအနှံ့ ဂယက်ရိုက်ခဲ့သည့် အဆိုပါ ကွန်ပျူတာစက်ချို့ယွင်းမှု
ဗိုင်းရပ်စ်ပိုးအမည်မှ ဝမ်နာ ဒီကရစ်တာ ၂ ဒသမ သုညဖြစ်ပြီး ဒဗ္ဗလျူကရိုင်း၊ ဝမ်နာက
ရိုင်းနှင့် ဝမ်နာကရစ်တာ ၂ ဒသမ သုည ဟု ခေါ်ဆိုပြီး အမျိုးသားလုံခြုံရေးအေဂျင်စီ
အချက်အလက်များခိုးယူမှုတွင် ပါဝင်ကြောင်း ပညာရှင်များက ပြောကြားခဲ့သည်။ Microsoft
ကုမ္ပဏီက အဆိုပါ ပြဿနာကို ဖြေရှင်းရန် မတ်လ၌ ဗိုင်းရပ်စ် ဖယ်ရှားနည်းစနစ်အသစ်ကို
ဖြန့်ချိခဲ့သော်လည်း အဆိုပါစနစ်ကို တပ်ဆင်ထားခြင်းမရှိသည့် ကွန်ပျူတာစနစ်များတွင်
အားနည်းချက်ရှိနိုင်သေးကြောင်း သိရသည်။

- ဝါရှင်တန်ပို့စ်

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း