ထရမ့်၏ ခရီးစဉ်ပြီးနောက် ဥရောပက အမေရိကန်ကို မမှီခိုနိုင်တော့ဟု ဂျာမနီဝန်ကြီးချုပ် မာကယ်လ်ဆို

 ဂျာမနီဝန်ချုပ် အိန်ဂျလာမာကယ်လ် မြူးနစ်မြို့တွင် မေ ၂၇ ရက်က မိန့်ခွန်းပြောကြားစဉ်။ ဓာတ်ပုံ - အေအက်ဖ်ပီဂျာမနီဝန်ချုပ် အိန်ဂျလာမာကယ်လ် မြူးနစ်မြို့တွင် မေ ၂၇ ရက်က မိန့်ခွန်းပြောကြားစဉ်။ ဓာတ်ပုံ - အေအက်ဖ်ပီ

လန်ဒန် - ဂျာမနီဝန်ကြီးချုပ် အိန်ဂျလာ မာကယ်လ်သည် မေလစတုတ္ထပတ်က အမေရိကန်သမ္မတ
ဒေါ်နယ်ထရမ့်နှင့် ဆက်တိုက်တွေ့ဆုံဆွေးနွေးခဲ့ပြီးနောက် အမေရိကန်နှင့်ဥရောပဆက်ဆံရေး
အခန်းကဏ္ဍသစ်တရပ်ကို မေ ၂၈ ရက်က ထုတ်ပြန်ကြေညာခဲ့သည်။

အမေရိကန်နှင့် ဥရောပဆက်ဆံရေးမှာ ''ကိုယ့်ရဲ့ ကံကြမ္မာကို ကိုယ့်ဟာကိုယ် ဖန်တီးရတော့မယ်''
ဟု မာကယ်လ်က ပြောကြားခဲ့သည်။ ထိုပြောကြားချက်သည် အမေရိကန်သမ္မတက ကုန်သွယ်ရေး၊
ကာကွယ်ရေးနှင့် ရာသီဥတုပြောင်းလဲမှုအပေါ် အမေရိကန်နိုင်ငံ၏ အရင်းနှီးဆုံး မဟာမိတ်
ခေါင်းဆောင်များနှင့် အငြင်းအခုန် ဖြစ်ပွားခဲ့ပြီးနောက် ဆက်ဆံရေး ပိုမိုတိုးတက် ကောင်းမွန်အောင်
ပြုလုပ်သည်ထက် ဆက်ဆံရေးတင်းမာမှုများ လှုံ့ဆော်ခဲ့သော ထရမ့်၏ ဥရောပခရီးစဉ်အတွက်
အပြင်းထန်ဆုံး ဝေဖန်သုံးသပ်ချက်တစ်ခုဖြစ်သည်။ ဥရောပတိုက်က အခြားသူများကို မှီခိုအား
ထားသော အချိန်များမှာ အချိန်အတိုင်းအတာတစ်ခုတွင် ပြီးဆုံးခဲ့ပြီဟု လက်ရှိ ဥရောပခေါင်းဆောင်
မာကယ်လ်က ဂျာမနီနိုင်ငံ မြူးနစ်မြို့တွင် ကျင်းပခဲ့သော နိုင်ငံရေး လူထုစည်းဝေးပွဲတွင်
ပြောကြားခဲ့သည်။

ဥရောပ ဗြိတိန်နိုင်ငံက ဥရောပသမဂ္ဂမှ နုတ်ထွက်ရန် ပြင်ဆင်နေခြင်းကို ဥရောပ စောင့်ကြည့်နေစဉ်
အဆိုပါ ဝေဖန်သုံးသပ်ချက် ပေါ်ထွက်လာခဲ့ပြီး အမေရိကန်နိုင်ငံက ဆန့်ကျင်ခဲ့သည်။ ဥရောပက
အမေရိကန်၊ ဗြိတိန်၊ အိမ်နီးချင်းနိုင်ငံများနှင့် ခင်မင်ရင်းနှီးမှု မပျက်စေဘဲ မိမိကိုယ်မိမိ အားကိုး၍
ရှေ့ဆက်ဆောင်ရွက်သင့်ကြောင်း မာကယ်လ်က ပြောသည်။

ဝေဖန်သုံးသပ်ချက်သည် ဥရောပ၏စီးပွားရေးအင်အားအကြီးဆုံး နိုင်ငံမှ သိသိသာသာ တရားဝင်
ကြေညာခဲ့ခြင်းဖြစ်ပြီး ဒုတိယကမ္ဘာစစ်ပြီးနောက် အနောက်အုပ်စုနိုင်ငံများ၏ လုံခြုံရေးကို
ကျောထောက်နောက်ခံပြုထားသော အတ္တလန္တိတ် တစ်ဖက်တစ်ချက်နိုင်ငံများ ဆက်ဆံရေးကို
ကိုင်တွယ်ခြင်းမှာ တုန်လှုပ်ဖွယ်ရာကောင်းလှသည်။ ဥရောပနှင့် အမေရိကန်နိုင်ငံအကြား
ဆက်ဆံရေးမှာ ၁၉၄၅ ခုနှစ်ပြီးနောက် ကာလများအတွင်း အခြေအနေ တင်းမာခဲ့သော်လည်း
ထရမ့် သမ္မတမဖြစ်ခင်ကတည်းက ဥရောပခေါင်းဆောင်များတွင် အမေရိကန်နိုင်ငံကို အရေး
မထားတော့ပဲ ကမ္ဘာကြီးကို ရင်ဆိုင်ရန် စိတ်ကူးရှိကြောင်းသိရသည်။ မေ ၂၅ ရက်တွင် ထရမ့်က
ဂျာမနီနိုင်ငံ၏ တံခါးပိတ်ကုန်သွယ်မှုအတွက် ပြင်းပြင်းထန်ထန် ဝေဖန်ခဲ့သည်။

ထို့ပြင် ဥရောပလုံခြုံရေးအတွက်ြ>ွခင်းချက်မရှိ အာမခံချက် ကမ်းလှမ်းမှုကို ထိမ်ချန်ထားစဉ်
နေတိုးအဖွဲ့ရှိ ဥရောပခေါင်းဆောင်များအား ကာကွယ်ရေးတွင် လုံလုံလောက်လောက် သုံးစွဲခြင်း
မရှိမှုအပေါ် ပြစ်တင်ဝေဖန်ခဲ့သည်။ ထို့နောက် မေ ၂၆ ရက်နှင့် ၂၇ ရက်တို့တွင် ပြုလုပ်ခဲ့သော
ဂျီ - ၇ စီးပွားရေးခေါင်းဆောင်များ ကမ္ဘာ့ ထိပ်သီးဆွေးနွေးပွဲတွင် ထရမ့်က ရာသီဥတုပြောင်း
လဲမှုကို ရင်ဆိုင်ရန် ပါရီသဘောတူညီချက်ကို ထောက်ခံချက်ပေးခဲ့သည်။

ဥရောပခေါင်းဆောင်များက ထရမ့်နှင့် တွေ့ဆုံဆွေးနွေးပြီးနောက် ထိုအစည်းအဝေးများမှ
စိုးရိမ်ပူပန်မှုအသစ်များ ပေါ်ထွက်လာခဲ့သည်။ အရှေ့အလယ်ပိုင်း ခရီးစဉ်တွင်ထရမ့်က
ဆော်ဒီဘုရင်ကို အရေးတယူရှိခဲ့ပြီးဆော်ဒီဘုရင်နှင့် ဒီမိုကရက်တစ် ရွေးကောက်ပွဲမပြုလုပ်
သည့် အခြား မွတ်စလင်နိုင်ငံခေါင်းဆောင်များကို လာရောက်သင်ကြားခြင်းမဟုတ်ကြောင်း
ပြောကြားခဲ့သည်။ ထို့နောက် ဘယ်လ်ဂျီယံနိုင်ငံ ဘရပ်ဆဲလ်မြို့တွင် ထရမ့်က အမေရိကန်နိုင်ငံ
အရင်းနှီးဆုံး မဟာမိတ်၏ ချင့်ချိန်ဆုံးဖြတ်ချက်ကို ကမ်းလှမ်းခဲ့သည်။

ပြင်သစ်နိုင်ငံ သမ္မတရွေးကောက်ပွဲတွင် မာကရွန်က မဲအပြတ်အသတ်ဖြင့် အနိုင်ရရှိခဲ့ခြင်းက
ဥရောပ ကာကွယ်ရေးပဏာမခြေလှမ်းအထောက်အပံ့ပြုမည့် ပြင်သစ် - ဂျာမန် ပူးပေါင်း
ဆောင်ရွက်မှုအတွက် မျှော်လင့်ချက် ပြန်လည်ရှင်သန်လာခဲ့သည်။ ဥရောပခေါင်းဆောင်များက
၎င်းတို့၏ကာကွယ်ရေးဝယ်ယူမှုအတွက် ညှိနှိုင်းမှုပြုလုပ်ပြီး နေတိုး ဋ္ဌာနချုပ်ဖွဲ့စည်း
တည်ဆောက်ပုံ အပြင်ဘက်တွင် တပ်ဖြန့်နိုင်မည့်စစ်ရေးစွမ်းရည်များ ပိုမိုရရှိလိုကြသည်။
ဂျာမနီနိုင်ငံက ၂ဝ၁၇ ခုနှစ်တွင် ကန်ဒေါ်လာ ၂ ဒသမ ၂ ဘီလျံ မှ ၄၁ ဘီလျံ တန်ဖိုးအထိ
စစ်ရေးအတွက် သုံးစွဲခဲ့ကြောင်း သိရသည်။

မာကယ်လ်နှင့် မာကရွန်တို့က ထရမ့်ရပ်တည်ချက်ကို ဆန့်ကျင်သည့် ဂလိုဘယ်လိုက်ဇေးရှင်း
လိုလားသော လုပ်ငန်းစဉ်ကို ပူးပေါင်းလုပ်ဆောင်ရန် ကတိပြုခဲ့ကြသည်။ မာကယ်လ်၏
ထင်မြင်သုံးသပ်ချက်များသည် ဥရောပက တုံ့ပြန်ရန် ဆုံးဖြတ်ခဲ့သည့် လက္ခဏာတစ်ခုတည်း
မဟုတ်ပေ။ အမေရိကန်ခေါင်းဆောင်ထရမ့်က အရေးတယူဆက်ဆံခြင်းမပြုလုပ်ရန် ကြိုးစားခဲ့ပြီး
နောက် မာကရွန်က အမေရိကန်နိုင်ငံနှင့် ဆက်ဆံရေးတည်ဆောက်သွားရန် ထရမ့်အား
ဖိအားပေးသွားဖွယ်ရှိကြောင်း သိရသည်။

- ဝေါရှင်တန်ပို့စ်

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း