ဖော့ကလန်ကျွန်းစုအရေး၊ကုလသမဂ္ဂ၌ အာဂျင်တီးနား၊ပိုမိုဖိအားပေးတောင်းဆို

ကုလသမဂ္ဂညီလာခံတွင် အာဂျင်တီးနားသမ္မတ ခရစ္စ-တီးနား-ကာ-ချ-နာက ဖော့ကလန်အရေးတင်ပြနေစဉ်။ကုလသမဂ္ဂညီလာခံတွင် အာဂျင်တီးနားသမ္မတ ခရစ္စ-တီးနား-ကာ-ချ-နာက ဖော့ကလန်အရေးတင်ပြနေစဉ်။

အာဂျင်တီးနားသမ္မတ ခရစ္စတီးနား ကာချနာသည် ဗြိတိန်လက်အောက်ခံ ဖော့ကလန်ကျွန်းစုများ
အချုပ်အခြာအာဏာနှင့်စပ်လျဉ်း၍ ၎င်းနိုင်ငံ၏ တောင်းဆိုထားမှုကို ကုလသမဂ္ဂလုံခြုံ ရေးကောင်
စီက ပြန်လည် ဆွေးနွေး ပေးရန် ဩဂုတ်လ ၆ ရက်နေ့က ထပ်မံတောင်းဆိုလိုက်သည်။

"ဒါဟာ စိတ်ကူးယဉ်အိပ်မက်မဟုတ် ပါဘူး။ ကျွန်မတို့က ကျွန်မတို့ နှစ်နိုင်ငံထိုင်ပြီး ဒီအကြောင်းကို
ဆွေးနွေးမယ်၊ ပြီးရင် ကုလသမဂ္ဂ ဆုံးဖြတ်ချက်ကို အာဏာတည်စေချင်ရုံ သက်သက်ပါပဲ" ဟု ၎င်း
ကပြောသည်။

အာဂျင်တီးနားနိုင်ငံသည် လုံခြုံရေး ကောင်စီ၏ အလှည့်ကျဥက္ကဋ္ဌသစ်ဖြစ် ကာ အပြင်ပန်းအားဖြင့်
ကုလသမဂ္ဂနှင့် ဒေသတွင်းအဖွဲ့အစည်းများ၏ ဆက်ဆံ ရေးကို ငြင်းခုံဆွေးနွေးနေစဉ် ကာလ အတွင်း
ဖော့ကလန်ကျွန်းစုများ ပိုင်ဆိုင် မှုကိုတင်ပြဆွေးနွေးရန်မှာ အငြင်းပွား စရာဖြစ်ကြောင်းကိုလည်း
သမ္မတ ကာချနာက ၀န်ခံပြောဆိုခဲ့သည်။

ဗြိတိန်နိုင်ငံသည် လုံခြုံရေးကောင်စီ ၏ အမြဲတမ်းအဖွဲ့ဝင် တစ်နိုင်ငံဖြစ်ကာ ယင်း၏ သံအမတ်ကြီး
မာ့ခ်လီယဲလ် ဂရန့်သည် ကာချနာ၏ အထက်ပါ တောင်းဆိုမှုပြုရာ အစည်းအဝေးခန်းမ ကြီးထဲ၌
ရှိနေခဲ့သည်။

၁၈၈၃ ခုနှစ်မှစ၍ ဗြိတိန်နိုင်ငံက အုပ်ချုပ်လာခဲ့သည့် ဖော့ကလန်ကျွန်း များ၏ အချုပ်အခြာအာ
ဏာနှင့်စပ် လျဉ်း၍ ဗြိတိန်နှင့် အာဂျင်တီးနားနှစ်နိုင်ငံတို့ ဆွေးနွေးညှိနှိုင်းကြရန် ကုလ သမဂ္ဂ
အထွေထွေညီလာခံ၏ ၁၉၆၄ ခုနှစ်က ဆုံးဖြတ်ချက်တစ်ခုကို အာဂျင် တီးနားသမ္မတ ကာချနာက
ပြန်လည် ထောက်ပြ ပြောဆိုခဲ့သည်။

ကျွန်းစုများ အချုပ်အခြာအာဏာနှင့် စပ်လျဉ်း၍ ဆွေးနွေးရန်ကိစ္စကို ဗြိတိန် နိုင်ငံက ထပ်မံငြင်းဆန်
ထားခဲ့ကြောင်း ကုလသမဂ္ဂ အတွင်းရေးမှူးချုပ် ဘန်ကီ မွန်းက ၎င်းအားအကြောင်းကြားခဲ့အပြီး
နောက်တစ်ရက်၌ ပြောဆိုရာတွင် သမ္မတ ကာချနာက ကုလသမဂ္ဂ၏ ဆုံးဖြတ် ချက်များကို
စောင့်ထိန်းရန် ဗြိတိန် နိုင်ငံ၏ လိုက်နာဆောင်ရွက်မှုနှင့် ပတ်သက်၍ မေးခွန်းထုတ်ခဲ့သည်။

"ကုလသမဂ္ဂက မဖြေရှင်းသေးတဲ့ကိစ္စ တစ်ခုခုအတွက် ဘယ်သူမဆို သဘော ထား ကွဲလွဲခွင့်ရှိ
ပါတယ်။ ဒါပေမဲ့ ကျွန်မတို့ နိုင်ငံတွေအားလုံး လက်မှတ် ထိုးထားပြီး အားလုံးနဲ့ဆိုင်တဲ့ ဒီအဖွဲ့
အစည်းကြီးရဲ့ အထွေထွေညီလာခံကနေ တစ်ဆင့်ဆုံးဖြတ်ထားတဲ့ ဆုံးဖြတ်ချက် တစ်ခုကိုတော့
လေးစားလိုက်နာပါ့ မယ်လို့သဘောတူ လက်မှတ်ထိုးထား တဲ့ကျွန်မတို့ဟာ သဘောထားကွဲလွဲ
ခွင့်မရှိပါဘူး" ဟု ၎င်းကပြောသည်။

ဗြိတိန်သံအမတ်ကြီး၏ တုံ့ပြန်မှုမှာ ခိုင်မာပြတ်သားခဲ့သည်။ "ဖော့ကလန် ကျွန်းသူ ကျွန်းသား
တွေရဲ့ သဘောထားကို ထုတ်ပယ်ထားလို့ မရနိုင်ပါဘူး။ ကျွန်းပေါ် နေထိုင်သူတွေက ဒီလိုဆန
္ဒရှိနေသမျှ ကာလပတ်လုံး ကျွန်းတွေရဲ့ အချုပ်အခြာ အာဏာနဲ့ပတ်သက်ပြီး ဘာမှဆွေးနွေး စရာ
မရှိနိုင်ပါဘူး" ဟု လီယဲလ်ဂရန့်က ပြောသည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း