ကျူးဘားဆေးပြင်းလိပ်ပွဲတော်မှ တစ်မူ ထူးခြားသော ဆေးလိပ်သောက်ပြိုင်ပွဲ

၁၆ ကြိမ်မြောက် ဟာဗာနာ ဆေးပြင်းလိပ်ပွဲတော်တွင် ဆေးလိပ်ပြာအရှည်ဆုံးသောက်ပြိုင်ပွဲ၁၆ ကြိမ်မြောက် ဟာဗာနာ ဆေးပြင်းလိပ်ပွဲတော်တွင် ဆေးလိပ်ပြာအရှည်ဆုံးသောက်ပြိုင်ပွဲ

ဟာဗာနာ - ကျူးဘားနိုင်ငံ၊ ဟာဗာနာမြို့၌ နှစ်စဉ်ကျင်းပလေ့ရှိသော
ဆေးပြင်းလိပ်ပွဲတော်တွင် ဆေးပြင်းလိပ်များကို ပြာကြွေကျခြင်းမရှိဘဲ ပြာတောင့် အရှည်
ဆုံးဖြစ်အောင် သောက်သုံး နိုင်မှုကိုပြိုင်သည့် တစ်မူထူးခြားသော ပြိုင်ပွဲတစ်ခုတွင် လူ ၂၀၀
ခန့် ၀င်ရောက်ပါဝင်ယှဉ် ပြိုင်ခဲ့ကြသည်။

အဆိုပါပြိုင်ပွဲ၌ ကျူးဘားလူမျိုးများနှင့် နိုင်ငံ ခြားသားများ ပါဝင်ယှဉ်ပြိုင်ခဲ့ကြပြီး ပါဝင်ယှဉ်
ပြိုင်သူ အတော်များများမှာ ၎င်းတို့သောက်သုံး သည့် ဆေးပြင်းလိပ်များကို ပြာတောင့်အရှည်
ကြီးပုံစံ ပြောင်းသွားအောင် သောက်နိုင်သော အခါ ခေါင်းထဲ၌ တဆစ်ဆစ်ကိုက်ခဲနေခြင်းကို
သတိမရနိုင်တော့ဘဲ ပြုံးပျော်လျက်ရှိကြသည်။

ဆေးလိပ်လုပ်သားတစ်ဦး ဆေးပြင်းလိပ်များရွေးချယ်စဉ်။ ဓာတ်ပုံ - အေအက်ဖ်ပီဆေးလိပ်လုပ်သားတစ်ဦး ဆေးပြင်းလိပ်များရွေးချယ်စဉ်။ ဓာတ်ပုံ - အေအက်ဖ်ပီ

ပြိုင်ပွဲဝင်တစ်ဦးချင်းစီက ကျူးဘားနိုင်ငံ၏ အထင်ကရ ဆေးပြင်းလိပ် အမှတ်တံဆိပ်တစ်ခု ဖြစ်သည့် H.Upmann ဆေးပြင်းလိပ်များကို သောက်သုံးယှဉ်ပြိုင်ရခြင်း
ဖြစ်ကာ ယင်းဆေး ပြင်းလိပ်၏ အရှည်မှာ ၁၇ ဒသမ ၈ စင်တီမီတာ (ခုနစ်လက်မ) ရှိသည်။

ယှဉ်ပြိုင်ရာ၌ ပြိုင်ပွဲဝင် များက ၎င်းတို့သောက်သည့် ဆေးပြင်းလိပ် များကို ဆေးပြင်းလိပ်၏
သောက်၍ရသည့် အပိုင်းအဆုံးထိ တတ်နိုင်သမျှ ရောက်ရှိအောင် သောက်ကာ မပျက်မစီး၊
မထိမခိုက်သော ပြာတောင့်တစ်ခုရရှိအောင် ပြုလုပ်ရမည်ဖြစ်သည်။

ပြာတောင့်များ စားပွဲပေါ်သို့ ကျိုးမကျစေရန် သို့မဟုတ် ၎င်းတို့ မျက်နျာများပေါ်သို့ပြန်မကျစေရန်
ယှဉ်ပြိုင်သူများက ၎င်းတို့၏ ခေါင်းများ ကို အနောက်ဘက်သို့ယိမ်းကာ ယှသ်ပြိုင်ကြရပြီး မှုတ်
ထုတ်လိုက်သည့် ဆေးလိပ်ငွေ့များကြား တွင် ၎င်းတို့၏ ဆေးပြင်းလိပ်များကို တတ်နိုင် သမျှ
ဒေါင်လိုက်အနေအထားမျိုးရအောင် လည်း လုပ်ထားရသည်။

"ဒီလိုလုပ်ရတာ လူကိုခြေကုန်လက်ပန်းကျစေ ပါတယ်" ဟု ပြာတောင့်အရှည် ၁၃ ဒသမ ၉
စင်တီ မီတာရောက်အောင် သောက်နိုင်ခဲ့သော အမေရိ ကန်နိုင်ငံမှ အေပရယ်အိန်ဂျယ်လိုနီက
ပြောသည်။

အနိုင်ရရှိသွားသူမှာ ပြာတောင့်မကျိုးဘဲ ၁၆ ဒသမ ၉ စင်တီမီတာအထိ ရောက်အောင်
သောက်နိုင်ခဲ့သူ ကျူးဘားသတင်းထောက်အမျိုးသမီးတစ်ဦးဖြစ်သည့် အိုလီးဗီးယားတာရီ
ဖြစ်သည်။

"ဒီလောက်အထိရအောင် သောက် နိုင်လိမ့်မယ်လို့ ကျွန်မ မမျှော်လင့်မိခဲ့ပါဘူး" ဟု တာရီက
ပြောကြားခဲ့သည်။ ကျူးဘားဆေးပြင်းလိပ်များကို ရုရှားနိုင်ငံ တွင် ဖြန့်ဖြူးရောင်းချလျက်ရှိသည့်
အခြား ၀င်ရောက်ယှဉ်ပြိုင်သူတစ်ဦးဖြစ်သော စပိန် လူမျိုး တာမာရာတိုင်ဇိုကမူ "ဒီလိုလုပ်ရတာ
ထင်သလောက်တော့မလွယ်ကူပါဘူး။ တော်တော့် ကို ခက်ခဲပါတယ်" ဟု ပြောကြားခဲ့သည်။

ဝိုင်နှင့်ပတ်သက်ပြီး နှံ့စပ်ကျွမ်းကျင်သူ ချီလီနိုင်ငံသား စီဘတ်စ်စတီးယန်းပါဒိုက ပြာတောင့်ကို
မပျက်စီးဘဲ သောက်သုံးနည်း လျှို့ဝှက်ချက်ကို ထုတ်ဖော်ပြောကြားခဲ့သည်။

"ဆေးပြင်းလိပ်သောက်နေတဲ့အချိန်မှာ စိတ်ကို ငြိမ်ငြိမ်ထားပြီး ဖြည်းညင်းစွာ ဖွာထုတ်ရပါမယ်။
အခန်းထဲမှာ ဆေးလိပ်ငွေ့တွေ ရှိနေတဲ့အတွက်ကြောင့် နည်း နည်း မွန်းကျပ်စေပြီး ဒီလိုလုပ်နိုင်
ဖို့ရာ ခက်ခဲပါတယ်" ဟု ၎င်းက ပြောကြားခဲ့သည်။

ကမ္ဘာတစ်ဝန်းမှ ဆေးပြင်းလိပ်ဝါသနာအိုး များနှင့် ကုန်သည်များ နှစ်စဉ်စုဝေးတွေ့ဆုံကြသော
အဆိုပါ ဆေးပြင်းလိပ်ပွဲတော်ကို ယခု နှစ်တွင် (၁၆) ကြိမ်မြောက်ကျင်းပခဲ့ ခြင်းဖြစ်ကာ ထိုပွဲ
တော်တွင် ဆေးပြင်းလိပ်သောက်ပြိုင်ပွဲကို ပထမဆုံး ထည့်သွင်းကျင်းပခဲ့ခြင်းဖြစ်သည်။

ပြိုင်ပွဲကို အရေးကြီးပွဲလမ်းများ ကျင်းပပြုလုပ် ရာ ဟာဗာနာ ကွန်ဗင်းရှင်းစင်တာ၌ ဖေဖော်ဝါရီ
လ ၂၇ ရက်က ကျင်းပခဲ့ခြင်းဖြစ်သည်။ မူးဝေကာ မအီမသာ ခံစားရသည်ဟုဆိုပြီး ယှဉ်ပြိုင်သူ
အချို့ ပြိုင်ပွဲမှ နုတ်ထွက်သွားသည်လည်းရှိသည်။

ကျူးဘားနိုင်ငံရှိ ဆေးပြင်းလိပ်စက်ရုံတစ်ရုံတွင် အလုပ်လုပ်သော လာဇာရာ အန်နက်စ်တားစီး
ယား ဂါဆီရာကမူ ဆေးပြင်း လိပ်သောက်ရသည့် အရသာကို နှစ်သက်၍ ယင်းပြိုင်ပွဲကိုနှစ်သက်
သည်ဆို၏။

ဆေးရွက်ကြီးနှင့် ဆက်စပ်ပစ္စည်းများမှာ နီကယ်နှင့် ဇီဝနည်းပညာ အသုံးပြုထုတ်ကုန် များပြီး
လျှင် ကျူးဘားနိုင်ငံ၏ ထိပ်တန်းပို့ကုန် များထဲမှတစ်ခုဖြစ်သည်။ ကျူးဘား ဆေးပြင်း လိပ်ရောင်း
အားမှာ ပြီးခဲ့သည့်နှစ်က ဒေါ်လာ ၄၄၇ သန်းရှိပြီး ရောင်းအား ရှစ်ရာခိုင်နှုန်းတက် လာခဲ့သည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း

အကြည့်အများဆုံး - အာရှသတင်း