အာဏာရှင်ဟောင်း ချန်ကေရှိတ်၏ရုပ်တုများကို ဖယ်ရှားပစ်

တရုတ်(တိုင်ပေ) - ထိုင်ဝမ်ကျွန်းမှာ တစ်ချိန်က အာဏာရှင်ဆန်သည့် အုပ်ချုပ်မှုအောက်ရောက်ခဲ့
ဖူးသည့် အတိတ်သမိုင်းရှိခြင်းကြောင့် ထိုင်ဝမ်အာဏာရှင်ဟောင်း ချန်ကေရှိတ်၏ ပုံတူရုပ်တုများကို
ယခုအခါ ဖယ်ရှားပစ်ခြင်းနှင့် ဖျက်ဆီးပစ်ခြင်းတို့ တစ်နေ့တခြား ပိုများလာသည်ကို မြင်တွေ့နေရပြီး
ချန်၏ ရုပ်တုတစ်ခုကို ခေါင်းဖြတ်ထားသကဲ့သို့ အခြားရုပ်တုများကိုလည်း ဖျက်ဆီးထားသည်ကို
တွေ့ရသည်။ ထိုင်ဝမ်ကျွန်း တာအိုယွန်မြောက်ပိုင်း ကွယ်လွန်သူ တရုတ်အမျိုးသားရေးဝါဒီ ချန်ကေရှိတ်ပန်းခြံတွင် တရုတ်ခရီးသည်များ မေ ၂၉ ရက်က လည်ပတ်နေစဉ်။ ဓာတ်ပုံ - အေအက်ဖ်ပီထိုင်ဝမ်ကျွန်း တာအိုယွန်မြောက်ပိုင်း ကွယ်လွန်သူ တရုတ်အမျိုးသားရေးဝါဒီ ချန်ကေရှိတ်ပန်းခြံတွင် တရုတ်ခရီးသည်များ မေ ၂၉ ရက်က လည်ပတ်နေစဉ်။ ဓာတ်ပုံ - အေအက်ဖ်ပီ

ကူမင်တန်ဟူသောအမည်ဖြင့် တရုတ်ကွန်မြူနစ်များကို တိုက်ခိုက်ခဲ့သည့်အတွက် ထိုင်ဝမ်ရှိ
အချို့သောလူများက ယနေ့အချိန် အထိ ၎င်းအား သူရဲကောင်းတစ်ဦးသဖွယ်သတ်မှတ်ထား
ဆဲဖြစ်သော်လည်းချန်နှင့် ပတ်သက်ပြီး သဘောကွဲလွဲမှုများလည်း ယခင်ကတည်းက
ရှိခဲ့သည်။

"White Terror" ဟုခေါ်သော နိုင်ငံရေးအရ သဘောကွဲလွဲသူများကို နှိပ်ကွပ်ခဲ့ခြင်းနှင့်
စစ်အုပ်ချုပ်ရေးအမိန့် ထုတ်ပြန် အုပ်ချုပ်ခဲ့ခြင်း တို့ကြောင့် အာဏာရှင်အဖြစ် အမည်တပ်ခံရ
သူဖြစ်သည့် ချန်ကေရှိတ်၏ ရုပ်တုများသည် ယနေ့ခေတ်တွင် ထိုင်ဝမ်ပြည်သူများအား ထိုစဉ်
အချိန်က အကြောင်းအရာများကို သတိရစေသည့် အရာများဖြစ်သည်။

ပြည်တွင်းစစ်ဖြစ်ပွားပြီးနောက် ထိုင်ဝမ်ကသီးခြား ခွဲထွက်သွားခဲ့သော်လည်း တရုတ်
နိုင်ငံက ထိုင်ဝမ်ကို ယင်း၏ပိုင်နက် အစိတ် အပိုင်းတစ်ခုအဖြစ် သတ်မှတ်ထားဆဲဖြစ်ပြီး
လိုအပ်ပါက အင်အားသုံးကာ ပြန်လည်ပေါင်း စည်းနိုင်ရန် အချိန်အခါကို စောင့်ဆိုင်းနေ
သည်။ တရုတ်နိုင်ငံနှင့် ပြန်လည်ပူးပေါင်း ရေးကို စောင်းပေးနေသည့် ထိုင်ဝမ်သမ္မတ
မာ့ယင်ကျောင်း၏ ကူမင်တန်အစိုးရ လက်ထက်ဖြစ်သော ၂၀၀၈ ခုနှစ်ကစပြီး တရုတ်နိုင်ငံ၏
ဩဇာအာဏာ လွှမ်းမိုးမှုကြီး ထွားလာခြင်းနှင့် ပတ်သက်၍လည်း ထိုင်ဝမ်၌ စိုးရိမ်မှုများ
ပေါ်ပေါက်လျက်ရှိသည်။ ချန်၏စွမ်းဆောင်ခဲ့မှုများထက် ၎င်း၏အာဏာရှင် အုပ်ချုပ်မှုက
ပိုပြီးထင်ရှားပေါ်လွင်နေရာ အထူးသဖြင့် ထိုင်ဝမ်လူငယ်မျိုးဆက်သစ်များက ချန်နှင့်ပတ်သက်ပြီး
ချီးကျူးဂုဏ်ပြုခြင်းများ မလုပ်သင့်ဟု အခိုင်အမာ ပြောဆိုခဲ့ကြသည်။ "ချန်က အာဏာရှင်တစ်ဦးပဲ။
ထိုင်ဝမ် ကျွန်းမှာ လွတ်လပ်စွာ ပြောဆိုခွင့်နဲ့ ပတ်သက် ပြီး အချိန်အကြာကြီး နှိပ်ကွပ်ခံခဲ့ရတယ်"ဟု
ထိုင်ဝမ် သိပ္ပံနှင့်နည်းပညာတက္ကသိုလ်က ဘွဲ့လွန် ကျောင်းသားတစ်ဦးဖြစ်သည့် အသက် ၂၃ နှစ်
အရွယ် ပီတာချူးက ဆိုသည်။ ထိုင်ဝမ်ကျွန်းသည် ၁၉၄၅ ခုနှစ်အထိ ဂျပန်တို့၏အုပ်ချုပ်မှုအောက်
ရောက်ခဲ့သည်။

ချန်သည် ပြည်တွင်းစစ်အတွင်းက ကူမင်တန်ပါတီ၏ ခေါင်းဆောင်အဖြစ် တရုတ်ပြည်မကြီး၌
တရုတ်ကွန်မြူနစ်တပ်များကို တိုက်ခိုက်ခဲ့သည်။ ထို့နောက် ၁၉၄၉ ခုနှစ်တွင် အရေးနိမ့်ကာ
ထိုင်ဝမ်ကျွန်းသို့ ထွက်ပြေးလာခဲ့ခြင်းဖြစ်ပြီး ၎င်းကွယ်လွန်သည့် ၁၉၇၅ ခုနှစ်အထိ ထိုင်ဝမ်ကျွန်းကို
အုပ်ချုပ်ခဲ့သည်။ ချန်လက်ထက် ထိုင်ဝမ်၌ ၁၉၄၇ ခုနှစ်၊ ဖေဖော်ဝါရီ ၂၈ ရက်က ဖြစ်ပွားခဲ့သော
အစုလိုက်အပြုံလိုက် သတ်ဖြတ်မှုတွင် အစိုးရ တပ်များက အစိုးရဆန့်ကျင်ရေး လူထုအုံကြွမှုကို
အကြမ်းဖက်နှိမ်နင်းခဲ့သည်။

အခွန်မဆောင်ထားသည့် စီးကရက်များကို ရောင်းချသော အမျိုးသမီးတစ်ဦးအား ရဲအရာရှိတစ်ဦးက
ရိုက်နှက်ခဲ့သည်က စတင်ကာ အဆိုပါ လူထုအုံကြွမှု ပေါ်ပေါက်လာခြင်းဖြစ်သည်။ "White
Terror" နှိမ်နင်းမှု အတွင်း လူထောင်ပေါင်းများစွာ ညှဉ်းပန်း နှိပ်စက်ခံရ၊ သတ်ဖြတ်ခံခဲ့ရသည်။
ယခုနှစ် ဖေဖော်ဝါရီ ၂၈ ရက်က ချန်၏ ရုပ်တုများ ဖျက်ဆီးခံခဲ့ရရာ ရုပ်တုတစ်ခု ခေါင်းပြတ်သွားပြီး
အခြားရုပ်တုများကိုလည်း ဆေးအနီများဖြင့် သုတ်သွားခဲ့သည်။ အများစု မှာ ကျောင်းသားများ၏
လက်ချက်ဖြစ်သည်။ "ချန်ရဲ့ရုပ်တုတွေက နေရာတိုင်းမှာ ရှိနေတော့ တရုတ်ဆန့်ကျင်ရေး
သဘောထားတွေ ကြီးထွားလာတာနဲ့အမျှ ဒီအရုပ်တွေက ပစ်မှတ် ဖြစ်လာခဲ့တာဖြစ်ပါတယ်" ဟု
ဟွာလျန်ခရိုင် အရှေ့ပိုင်းရှိ တုန်းဟွာ အမျိုးသားတက္ကသိုလ် က စီချင်ဖုန်းက ပြောကြားခဲ့သည်။

အတိုက်အခံပါတီဖြစ်သော ဒီမိုကရက်တစ်တိုးတက်ရေးပါတီ (DPP) ၏ ၂၀၀၀ ပြည့်နှစ်မှ
၂၀၀၈ ခုနှစ်အထိ အုပ်ချုပ်မှုအောက် တွင် ချန်၏ရုပ်တုများကို ဖယ်ရှားပစ်ခဲ့ပြီး လမ်းအမည်များ
ကိုလည်း ပြောင်းလဲခဲ့သည်။ ဒီပီပီပါတီက ထိုင်ဝမ်ကျွန်း၏ အဓိကလေဆိပ် အမည်ကို
'ချန်ကေရှိတ်' မှ ထောင်ယွမ်သို့ ပြောင်းလဲခြင်း၊ ငွေစက္ကူများ၌ ချန်၏ပုံကိုမသုံးတော့ခြင်းနှင့်
၎င်းအတွက် အမှတ်ရဖွယ် နေ့ကို ရုပ်သိမ်းကာ တရားဝင်ရုံးပိတ်ရက်နေ့အဖြစ်ကြေညာခြင်းတို့
ပြုလုပ်ခဲ့သည်။ ချန်၏ရုပ်တုများကို ၎င်းဂူဗိမာန်တည်ရှိရာ မြောက်ပိုင်း ထောင်ယွမ်မြို့ရှိ ပြတိုက်
တစ်ခု ဆီသို့ပြောင်းရွှေ့ခဲ့သည်။ ထိုနေရာ၌ လက်ရှိ တွင် ရုပ်တု ၂၁၈ ခု ရှိနေပြီဖြစ်ပြီး နောက်ထပ်
ရုပ်တုများ ထပ်တိုးလာမည်ဟု တာဝန်ရှိသူ များကဆိုသည်။ လက်ရှိခေါင်းဆောင် မာ့ အပါအ၀င်
ထိုင်ဝမ်သမ္မတ သုံးဦးစလုံးက ၁၉၄၇ အစုလိုက် အပြုံလိုက် သတ်ဖြတ်မှု၌ သေဆုံးခဲ့သူများ၊
ထိခိုက်ခံစားခဲ့ရသူများ မိသားစုများကို တောင်းပန်ခဲ့ပြီး လျော်ကြေးငွေများလည်းပေးအပ်ခဲ့သည်။
သို့သော်လည်း နာကျင်ခံစား ခဲ့ရသည့် အတိတ်က အဖြစ်အပျက်များကို ချေဖျက်နိုင်ခြင်းတော့
မရှိပေ။ "ဒီမိုကရေစီဆိုပေမယ့် ချန်ရဲ့ရုပ်တုတွေလို အာဏာရှင်အငွေ့အသက်တွေ ကျန်နေတုန်းပဲ"
ဟု တိုင်ပေအခြေစိုက် လူ့အခွင့်အရေး ဆောင်ရွက်သူ ရှေ့နေ Lai Chungchiang က ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း