ဇီဝမျိုးစုံမျိုးကွဲရှင်ကျန်ရေး မထိန်းလျှင် ဆိုးကျိုးများ ဆတိုးခံစား ကြရမည်ဟု ပတ်ဝန်းကျင်ထိန်းသိမ်းရေးပညာရှင်များ သတိပေး

ဩစတြေးလျ မဟာသန္တာကျောက်တန်းကြီးတွင် သန္တာကောင်စား ကြယ်ငါးများကိုတွေ့ရစဉ်။ ဓာတ်ပုံ - အေအက်ဖ်ပီဩစတြေးလျ မဟာသန္တာကျောက်တန်းကြီးတွင် သန္တာကောင်စား ကြယ်ငါးများကိုတွေ့ရစဉ်။ ဓာတ်ပုံ - အေအက်ဖ်ပီ

ဟိုက်ဒရာဘတ်- ကမ္ဘာ့ သဘာဝ အရင်းအမြစ်များ ထိန်းသိမ်းကာကွယ် ရန် ရည်ရွယ်ချက်ဖြင့်
ကုလသမဂ္ဂမှ စတင်ဖွဲ့စည်းပေးခဲ့သည့် ကမ္ဘာ့ ဇီဝမျိုးစုံ မျိုးကွဲထိန်းသိမ်းရေး ၁၁ ကြိမ်မြောက်
ညီလာခံ(The United Nations' Convention on Biological Diversity- CBD) ကို
အိန္ဒိယနိုင်ငံ ဟိုက်ဒရာဘတ် မြို့၌ အောက်တိုဘာလ ၈ ရက်နေ့မှ စတင်ကျင်းပလျက်ရှိသည်။

ရီယိုဒီဂျနေးရိုးမြို့တွင် ပြုလုပ်ခဲ့သည့် ၁၉၉၂ ခုနှစ် မြေကမ္ဘာထိပ်သီးညီလာခံ ဆုံးဖြတ်ချက်ဖြင့်
ဖွဲ့စည်းခဲ့ပြီး ၁၂ ရက် တာကြာမည့် ယခု CBD ညီလာခံသို့ ကမ္ဘာ့နိုင်ငံပေါင်း ၁၇၀ ကျော်မှ နိုင်ငံ့
ခေါင်းဆောင်များ၊ ပညာရှင်များ၊ ဆန်းစစ်လေ့လာသူ ကိုယ်စားလှယ်များ တက်ရောက်လျက်
ရှိသည်။

ဇီဝမျိုးစိတ်များ မျိုးသုဉ်း ပျောက်ကွယ် နေမှုနှင့် လူသားများအပေါ် ရိုက်ခတ် လာသော အခြေ
အနေဆိုးများကို ကာကွယ်ထိန်းသိမ်းရန် ဆယ်စုနှစ် တစ်ခုမျှလောက်သာ အချိန် ကျန်ရှိတော့
ကြောင်း ကုလသမဂ္ဂ သဘာဝ ပတ်ဝန်းကျင်ထိန်းသိမ်းရေး ပညာရှင် များ သတိပေးထားခဲ့ကြ
ပြီး ဖြစ်သည်။

CBD စတင်ဖွဲ့စည်းချိန်မှ ယနေ့ထိ နှစ်ပေါင်း ၂၀ ကျော် ကြာမြင့်လာသည့် တိုင်အောင် ဇီဝမျိုး
စုံမျိုးကွဲထိန်းသိမ်းရေးလုပ်ငန်းကို ဖွံ့ဖြိုးမှု အစီအစဉ်များ ၏ ဗဟိုမဏ္ဍိုင်အဖြစ် ထားရှိဆောင်
ရွက်ရန် ကမ္ဘာ့နိုင်ငံအစိုးရများအား တစ်စိုက်မတ်မတ် တိုက်တွန်းဆွဲဆောင် နေရဆဲဖြစ်နေ
သေးကြောင်း CBD အမှုဆောင်အတွင်းရေးမှူး Braulio Ferreira De Souza Dias က ပြော
သည်။

ယခုညီလာခံတွင် ကမ္ဘာတစ်ဝန်း သက်ရှိတို့၏ သဘာဝဇာတိရပ်မြေများ ပျက်စီးမှုနှင့် ဇီဝမျိုး
စိတ်များဆိုးဆိုးရွားရွား တိမ်ကောပျောက်ကွယ်သည့် အခြေ အနေများအား ပြန်လည် ထိန်း
သိမ်း ကာကွယ်ရေးကိစ္စများကို သုံးရက်တာ အချိန်ယူ၍ အလေးအနက်ထား ဆွေးနွေးအဖြေ
ရှာကြမည်ဖြစ်သည်။

ဇီဝမျိုးစုံ မျိုးကွဲထိန်းသိမ်းရေးကို သာမန်ပြဿနာတစ်ရပ်အဖြစ် မခံယူ သင့်ကြောင်း၊ ယင်း
သည် ရေရှည်ဖွံ့ဖြိုး တိုးတက်ရေးအတွက် အရေးအကြီးဆုံး အခြေခံတစ်ခုဖြစ်သည့်အပြင်
လူမှုရေး နှင့် စီးပွားရေးပြဿနာများစွာတို့နှင့် လည်း အခိုင်အမာ ဆက်နွှယ်နေကြောင်းဖြင့်
လည်း ၎င်းကပြောသည်။

ကုလသမဂ္ဂ နိုင်ငံတကာ ပတ်ဝန်း ကျင်ထိန်းသိမ်းရေးအဖွဲ့ကြီး (IUCN) မှ ထုတ်ပြန်သည့်
Red List (မျိုးတုံး တော့မည့် အန္တရာယ် ကြုံတွေ့နေသော ဇီဝမျိုးစိတ်များစာရင်း) ရေတစ်
ပိုင်း ကုန်းတစ်ပိုင်းသတ္တ၀ါမျိုးစိတ် ထက်ဝက် နီးပါး၊ သန္တာကောင်များ သုံးပုံတစ်ပုံ၊ နို့တိုက်
သတ္တ၀ါများ လေးပုံတစ်ပုံ၊ အပင်မျိုးစုံ ငါးပုံ တစ်ပုံ၊ ကမ္ဘာ့ ငှက် မျိုးစိတ်ပေါင်း ၁၃ ရာခိုင်နှုန်း
တို့ မျိုးသုဉ်းမည့်အန္တရာယ်နှင့် ကြုံနေရပြီ ဖြစ်ကြောင်း ဖော်ပြထားသည်။

"ဇီဝမျိုးစုံ မျိုးကွဲထိန်းသိမ်းရေး အတွက် သုံးတဲ့ကုန်ကျစရိတ်ကို ကျွန်တော်တို့နဲ့ ကျွန်တော်
တို့ အနာဂတ် မျိုးဆက်တွေအတွက် ရရှိမယ့် အကျိုး စီးပွားအတွက် ရင်းနှီးမြှုပ်နှံမှုတစ်ခု
အဖြစ် ယုံကြည်ထားသင့်ပါတယ်"ဟု အိန္ဒိယနိုင်ငံ သဘာဝပတ်ဝန်းကျင် ရေးရာဝန်ကြီး
ဂျယန်သီနာတရာဂျန်က ဆိုသည်။

၎င်း၏အဆိုအရ ယခုကတည်းက ဇီဝမျိုးစုံ မျိုးကွဲထိန်း သိမ်းရေးတွင် ငွေကြေးထည့်ဝင်
ကူညီခြင်းမရှိပါက ရေရှည်၌ ယခုထက်ပိုမို ကြီးမားသော ဆိုးကျိုးများကို ခံစားရ မည်ဖြစ်
သည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း