အယ်လ်နီညိုရာသီဥတုကြောင့် တစ်ကမ္ဘာလုံးတွင် စားနပ်ရိက္ခာပြတ်လပ်မှု ဖြစ်နိုင် ကုလက သတိပေး

အယ်လ်နီညိုကြောင့် ကိုလံဘီယာနိုင်ငံ၏ အဓိကမြစ်ကြီးဖြစ်သော မက်ဒလီနာမြစ်ရေ ၁၅ နှစ်အတွင်း အနိမ့်ဆုံးသို့ကျဆင်းခဲ့သည်။ ဓာတ်ပုံ - အေအက်ဖ်ပီအယ်လ်နီညိုကြောင့် ကိုလံဘီယာနိုင်ငံ၏ အဓိကမြစ်ကြီးဖြစ်သော မက်ဒလီနာမြစ်ရေ ၁၅ နှစ်အတွင်း အနိမ့်ဆုံးသို့ကျဆင်းခဲ့သည်။ ဓာတ်ပုံ - အေအက်ဖ်ပီ

အပြင်းထန်ဆုံး အယ်လ်နီညို ရာသီဥတုဖြစ်စဉ်များတွင်ပါဝင်သည့် ယခုအခါဖြစ်ပွားနေသော
အယ်လ်နီညိုကြောင့် အာဖရိက၊ အာရှနှင့် လက်တင်အမေရိကတိုက်များမှ လူပေါင်းသန်း ၁ဝဝ
နီးပါးမှာ အစာရေစာရှားပါးမှုနှင့် ဇီကာဗိုင်းရပ်စ်ပိုး အပါအဝင် အခြားရောဂါဘယများ
ဝင်ရောက်ခြင်းကို ခံစားနေရကြောင်း ကုလသမဂ္ဂအဖွဲ့အစည်းများ၊ နိုင်ငံတကာ ကယ်ဆယ်ရေး
အဖွဲ့များနှင့် အစိုးရအဖွဲ့များက ပြောကြားခဲ့သည်။

ကမ္ဘာ့စားနပ်ရိက္ခာအဖွဲ့နှင့် လူသားချင်းစာနာထောက်ထားမှုဆိုင်ရာ ပူးပေါင်းဆောင်ရွက်ရေး
ကုလသမဂ္ဂရုံး (ဥခ့ေ) ၏ ထုတ်ပြန်ချက်အရ အာရှဒေသနှင့် ပစိဖိတ်ဒေသတို့တွင် အယ်လ်နီညို၏
ကွင်းဆက်များဖြစ်သည့် အပူလှိုင်းဒဏ်၊ ရေရှားပါးမှုဒဏ်နှင့် တောမီးလောင်ခြင်းတို့ကို
၂ဝ၁၅ နှစ်လယ်ကစ၍ လူပေါင်းသန်းနှင့်ချီ ခံစားနေရသကဲ့သို့ ဇင်ဘာဘွေ၊ မိုဇမ်းဘစ်၊
တောင်အာဖရိက၊ မာလာဝီနှင့် ဆွာဇီလန်နိုင်ငံတို့ရှိ ကျေးလက်ဒေသနေ ပြည်သူလူထုသန်း ၄ဝ နှင့်
မြို့နေလူထု ကိုးသန်း၊  အီသီယိုပီးယားနိုင်ငံရှိ လူဦးရေ ၁ဝ သန်းနှင့် ဂွာတီမာလာနှင့်
ဟွန်ဒူးရပ်စ်နိုင်ငံများရှိ လူဦးရေ ၂ ဒသမ ၈ သန်းတို့မှာလည်း စားနပ်ရိက္ခာ ရှားပါးမှုနှင့် တွေ့ကြုံ
ရင်ဆိုင်နေကြရသည်။

''အာဖရိကတိုက် အရှေ့ပိုင်းနဲ့ တောင်ပိုင်းမှာ အာဟာရချို့တဲ့မှု အဆိုးဝါးအဆင့်ကိုရောက်ရှိနေတဲ့
ကုသမှုခံယူဖို့လိုတဲ့ ကလေးတွေ တစ်သန်းနီပါးရှိနေပါတယ်။ နှစ် ၅ဝ အတွင်းအဆိုးဝါးဆုံးထဲက
တစ်ခုဖြစ်တဲ့ အယ်လ်နီညိုဖြစ်စဉ်မှာ နှစ်နှစ်လောက်ကြာနေတဲ့ မိုးအချိန်အခါမမှန်တာနဲ့
ရေခန်းခြောက် တာတွေပါ ပေါင်းလိုက်တော့ နုနယ်တဲ့ကလေးတွေရဲ့ အသက်အန္တရာယ်ကို
ခြိမ်းခြောက်လာပါတယ်'' ဟု ကုလသမဂ္ဂ ကလေးများ ရန်ပုံငွေအဖွဲ့၏ တောင်အာရိက
ဒေသညွှန်ကြားရေးမှူးက ဆိုသည်။

''အစိုးရတွေကလည်း ရှိသမျှအရင်းအမြစ်တွေနဲ့ ဖြေရှင်းနေပေမယ့် ဒါက ဖြစ်နိုင်ဖွယ်မရှိတဲ့ အနေအထားတစ်ခု ဖြစ်နေတယ်။ဒီအနေအထားပေါ်မှာ အစားအသောက်ဈေးတွေတက်လာ
ကာ ထပ်ဖိလိုက်တော့ တချို့အနပ်တွေကို မစားဘဲနေတာနဲ့ ရှိတဲ့ပစ္စည်းတွေ ထုတ်ရောင်းရတာ
လိုမျိုး အကျပ်အတည်းကို အရေးပေါ် ဖြေရှင်းနေကြရပါတယ်'' ဟု ၄င်းက ဖြည့်စွက်ပြောကြားခဲ့
သည်။

တောင်အာဖရိကတွင် ပြီးခဲ့သည့် မိုးရာသီမှာ နှစ်ပေါင်း ၃၅ နှစ်အတွင်း ပူပြင်းခြောက်ကပ်ဆုံး
ဖြစ်ပြီး ယခုနှစ်အတွင်းတွင် ကောက်ပဲသီးနှံနှင့် အစားအသောက် ပြတ်လပ်မှုအခြေအနေ
ရောက်ရှိလာမည်ဖြစ်ကြောင်း ကမ္ဘာ့စားနပ်ရိက္ခာအဖွဲ့များက ဆိုသည်။ ကမ္ဘာ့ကျန်းမာရေးအဖွဲ့၏
အဆိုအရ ပီရူး၊အီကွေဒေါ၊ ပါရာဂွေးနှင့် ဘရာဇီးလ်တောင်ပိုင်းတို့တွင်မူ မိုးပြင်းထန်စွာ
ရွာသွန်းခြင်းများဖြစ်နိုင်ပြီး ဇီကာဗိုင်းရပ်စ်ပိုးကို သယ်ဆောင်သော Aedes aegypti ခေါ်
အသားဝါ အဖျားရောဂါခြင်မှာ ရေသေတွင်ပေါက်ပွားသောကြောင့် ရောဂါပိုး ပိုမိုပျံ့ပွားဖွယ်
ရှိနေသည်။

အယ်လ်နီညိုဖြစ်စဉ်များသည် ပစိဖိတ်သမုဒ္ဒရာရေများ ပူနွေးလာရာမှ မြစ်ဖျားခံဖြစ်ပွားပြီး
မိုးခေါင်ရေရှားခြင်း၊ ရေကြီးခြင်း နှင့် ဆိုင်ကလုန်းမုန်တိုင်း အကြိမ်ရေစိပ်လာခြင်းတို့ထံ
ဦးတည်လေ့ရှိသည်။ ယခုဖြစ်စဉ်မှာ နှစ်ပေါင်း ၃၅ နှစ်အတွင်း အဆိုးရွားဆုံးဖြစ်ပြီးနောက်
ခြောက်လအတွင်း အားပျော့လာနိုင်ခြေရှိသည့်တိုင် ဖွံ့ဖြိုးဆဲ နိုင်ငံများတွင်ယခုဖြစ်ပွားခဲ့ပြီး
အခြေအနေများသည်ပင် နောက်ဆက်တွဲ ဆိုးကျိုးများ နောင်နှစ်နှစ်အထိ ရှိနေဦးမည်
ဖြစ်ကြောင်း မိုးလေဝသပညာရှင်များက ဆိုသည်။

ကမ္ဘာ့စားနပ်ရိက္ခာအဖွဲ့၏ မိုဇမ်ဘစ်နိုင်ငံဆိုင်ရာ ညွှန်ကြားရေးမှူးက မိုဇမ်ဘစ်နှင့် အခြား
တောင်အာဖရိက နိုင်ငံများတွင် ဆက်လက် မိုးခေါင်နေပါက နောင်နှစ်ပတ် သုံးပတ်ခန့်
ဆိုလျှင်ပင် ကပ်ဆိုက်တော့မည်ဖြစ်ကြောင်းနှင့် ယခုနှစ်တွင် စားနပ်ရိက္ခာ ခြောက်မက်
ထရစ်တန် လိုနေသောကြောင့် ပြည်ပမှတင်သွင်းရမည်ဆိုလျှင် အခြားနိုင်ငံများအတွက်
အနည်းငယ်သာ ကျန်တော့မည်ဖြစ်ရာ စားသောက်ကုန်ဈေးနှုန်းများ ကြောက်ခမန်းလိလိ
တက်လာမည်ဖြစ်ကြောင်း ပြောပြသည်။

ဇင်ဘာဘွေတွင် စားနပ်ရိက္ခာအတွက် ယခုလအတွင်း အမျိုးသားအဆင့် အရေးပေါ်
အခြေအနေ ကြေညာခဲ့သည်။ မာလာဝီတွင်ဆယ်စုနှစ်တစ်ခုအတွင်း အဓိက စားနပ်ရိက္ခာ
ဖြစ်သော ပြောင်းဖူးလိုအပ်ချက် ကြုံနေပြီး မိုဇမ်ဘစ်တွင် ကုန်ဈေးနှုန်းများမှာ ယမန်နှစ်ထက်
၅ဝ ရာခိုင်နှုန်း ခေါက်ချိုးတက်သွားခဲ့သည်။ နိုင်ငံတကာ အလ·ရှင်များမှာ ဆီရီးယားနှင့်
အီဘိုလာဗိုင်းရပ်စ် ပြဿနာများကို အလျဉ်မီအောင် ကိုင်တွယ်နေရသည်ဖြစ်ရာ
ယခုပြဿနာအတွက် စိုးရိမ်မှုများမြင့်တက်လျက်ရှိသည်။ အီသီယိုပီးယားတွင် ၂ဝ၁၅ ခုနှစ်က
စတင်ဖြစ်ပွားခဲ့သော အီဘိုလာဗိုင်းရပ်စ်ရောဂါ၏ ဆိုးကျိုးများကြောင့် စားနပ်ရိက္ခာပြဿနာကို
ဖြေရှင်းရန် အီသီယိုပီးယားအစိုးရက အရန် သိုလှောင်ထားသော စားနပ်ရိက္ခာများနှင့်အတူ
နိုင်ငံတကာဈေးကွက်က ဂျုံဝယ်နိုင်ရန် ဒေါ်လာသန်း ၃ဝဝ တို့ကို ချထားပေးခဲ့ကြောင်း
အီသီယိုပီးယား နိုင်ငံခြားရေးဝန်ကြီးက ပြောကြားခဲ့သည်။

သို့တိုင် စားနပ်ရိက္ခာထောက်ပံ့မှု လိုအပ် သူဦးရေမှာ မြန်မြန်ဆန်ဆန် မြင့်တက်လာခဲ့ရာ
အစိုးရ၏ ထောက်ပံ့မှုသက်သက်ဖြင့် ရပ်တည်ရန် ခက်ခဲလာသည်။ လူဦးရေ ၁ဝ ဒသမ ၂ သန်း
ကျော်အတွက် ဒေါ်လာသန်း ၁,၄ဝဝ ခန့် ကူညီထောက်ပံ့ရန် လိုအပ်နေပြီး အစိုးရ၏
ထောက်ပံ့မှုအပြင် အလှူရှင်များ ကလည်း ဒေါ်လာသန်း ၃ဝဝ ခန့် လှူဒါန်းရန် ကတိပြုထား
သည့်တိုင် ဒေါ်လာသန်း ၈ဝဝ ခန့်လိုအပ်နေသေးကြောင်း ¤င်းက ဆက်လက်ပြောကြားခဲ့သည်။ 

ကျော့ဒါလီလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း