ဖိလစ်ပိုင်တွင် ဒုတိယသမ္မတရွေးမည့် မားကို့စ် ဂျူနီယာကို ကန့်ကွက်

မနီလာတွင် ဖာဒီနန်မားကို့စ်ဂျူနီယာ ၀င်ရောက်ယှဉ်ပြိုင်ခြင်းကို ဆန္ဒပြနေကြသူများ။ ဓာတ်ပုံ - အေအက်ဖ်ပီမနီလာတွင် ဖာဒီနန်မားကို့စ်ဂျူနီယာ ၀င်ရောက်ယှဉ်ပြိုင်ခြင်းကို ဆန္ဒပြနေကြသူများ။ ဓာတ်ပုံ - အေအက်ဖ်ပီ

မနီလာ ” လာမည့် ဒုတိယသမ္မတ ရွေးကောက်ပွဲတွင် ကွယ်လွန်သူ ဖိလစ်ပိုင် အာဏာရှင်ဖာဒီနန်
မားကို့စ်၏ သားဖြစ်သူ  ဖာဒီနန်မားကို့စ်ဂျူနီယာ ဝင်ရောက်ယှဉ်ပြိုင်မည့် ကိစ္စကို အာဏာရှင်စနစ်၏
သားကောင်ဖြစ်ခဲ့ရသူများက ကန့်ကွက်ဆန္ဒပြခဲ့ကြပြီး ကာလကြာရှည်ကြန့်ကြာခဲ့ရသော ပြစ်ဒဏ်
များကိုလည်း စီရင်ချက်ချရန် တောင်းဆိုခဲ့ကြသည်။

မားကို့စ်၏ နှစ်ပေါင်း ၂ဝ ကြာ အုပ်စိုးမှုအောက်တွင် နှိပ်စက်ညှဉ်းပန်း အကျဉ်းချခံခဲ့ရသူ ရာပေါင်းများစွာ
တို့သည် မနီလာမြို့တော်၌စုဝေးကာ ''မားကို့စ် နောက်ထပ် အလိုမရှိ၊အာဏာရှင် မားကို့စ်'' စသော
ကြွေးကြော်သံများ ဟစ်ြေ<ွကးခဲ့ကြပြီး အာဏာရှင်ဟောင်း၏သားဖြစ်သူ ဖာဒီနန်မားကို့စ်ဂျူနီယာ 
ဒုတိယသမ္မတ ရွေးကောက်ပွဲ မဝင်နိုင်စေရန်လုပ်ဆောင်သွားမည်ဟု ကြေညာခဲ့ကြသည်။

''သူ့ရဲ့ မဲဆွယ်စည်းရုံးရေးကို ကျုပ်တို့ထက်ကြပ်မကွာ လိုက်နေမှာပါ'' ဟု ဦးဆောင်ဆန္ဒပြသူ ဘွန်နီ
ဖေစီယို အယ်လဂန်က အေအက်ဖ်ပီကို ပြောကြားသည်။''သူက သူ့မိသားစုကို အဖတ်ဆယ်မယ်၊
သမိုင်းကို ပြန်ပြင်ရေးမယ်၊ ပြီးရင် သူ့အဖေရဲ့အကြမ်းဖက်အုပ်ချုပ်မှုစနစ်ကို ပြန်အသက်သွင်းလိမ့်မယ်''
ဟု ၄င်းကဆိုသည်။

လူ့အခွင့်အရေးအဖွဲ့များ၏ အဆိုအရ မားကို့စ်၏အကြမ်းဖက်အုပ်ချုပ်မှုကာလအတွင်း အသတ်ခံရသူ၊
ညှဉ်းပန်းနှိပ်စက်ခံရသူနှင့် အကျဉ်းချခံရသူ သောင်းနှင့်ချီရှိခဲ့ပြီး ဖိလစ်ပိုင်နိုင်ငံ ဆင်းရဲတွင်းနက်နေသည့်
အချိန်တွင် မားကို့စ်မိသားစု မတရားရယူခဲ့သော ဘဏ္ဍာငွေမှာ ဒေါ်လာ ၁ဝ သန်းခန့်ရှိခဲ့သည်။

ဘုံဘုံဟု သိရှိကြသည့် မားကို့စ်ဂျူနီယာသည် ၄င်းပြောကြားခဲ့သလို အပြစ်ကင်းစင်သည့် သားတစ်
ယောက်မဟုတ်ကြောင်း မားကို့စ်မိသားစုကို ဆန့်ကျင်သည့်အဖွဲ့က ဆိုသည်။ ဖိလစ်ပိုင်တွင် သမ္မတ
ရွေးကောက်ပွဲနှင့် ဒုတိယသမ္မတ ရွေးကောက်ပွဲကို သီးခြားစီကျင်းပပြီး သမ္မတသက်တမ်းမှာ
ခြောက်နှစ်ဖြစ်သည်။

အသက် ၅၈ နှစ်ရှိ မားကို့စ်ဂျူနီယာသည် မေ ၉ ရက်တွင် ကျင်းပမည့် ရွေးကောက်ပွဲတွင် အနိုင်ရရန်
တစ်ပြေးလျက်ရှိပြီး အစိုးရဘဏ္ဍာငွေများကို ¤င်းတို့မိသားစု ခိုးယူခဲ့သည်ဟူသော စွပ်စွဲချက်ကိုငြင်း
ဆိုခဲ့သလို ၄င်းဖခင်၏ အုပ်ချုပ်မှုမှာလည်း တည်ငြိမ်အေးချမ်းပြီး အပြုသဘောဆောင်ခဲ့သည်ဟု
ပြောကြားခဲ့သေးသည်။

မားကို့စ်မိသားစု ဇာတိပြည်နယ်အုပ်ချုပ်ရေးပိုင်းတွင် နေရာအများစုကို ၄င်းတို့မိသားစုချုပ်ကိုင်ထားခဲ့ရာမှ
မားကို့စ်ဂျူနီယာသည် ၂ဝ၁၁ တွင် လွှတ်တော်အမတ်အဖြစ်ရွေးကောက်ခံခဲ့ရပြီး ယခုရွေးကောက်ပွဲတွင်
အနိုင်ရရှိပါက မားကို့စ်မိသားစုအတွက် နိုင်ငံရေးနယ်ပယ်သို့ တစ်ကျော့ပြန်လာရန် ခိုင်မာသည့်လမ်းစ
တစ်ခု ဖြစ်လာပေလိမ့်မည်။

ခင်ပွန်းဖြစ်သူအာဏာရှိစဉ်က ဖိနပ်အရန်ရာပေါင်းများစွာရှိသည်ဟု နာမည်ကြီးသည့် ဖက်ရှင်ထိပ်ခေါင်
တင် သမ္မတကတော်ဟောင်းအီမယ်လ်ဒါမားကို့စ်ကလည်း သားဖြစ်သူကိုသမ္မတဖြစ်စေချင်ကြောင်း
ဖွင့်ဟခဲ့သည်။မားကို့စ်ဂျူနီယာသည် စစ်အုပ်ချုပ်ရေး၏ရက်စက်ကြမ်းကြုတ်မှုကို မခံစားဖူးသေးသည့်
လူငယ်မဲဆန္ဒရှင်များကို ၄င်းဖခင်လက်ထက်က တည်ဆောက်ခဲ့သည့် အဆောက်အအုံများကိုပြသကာ
မဲဆွယ်စည်းရုံးလျက်ရှိသည်။

ကျော့ဒါလီလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း