ထိပ်ဆုံးဆိုတဲ့ စင်ကာပူနိုင်ငံကို ကြည့်ရအောင်လား

မာရီနာ ဘေးဆန်းတွင် မတ် ၄ ရက်မှ ၂၇ ရက်အထိ ကျင်းပမည့် မီးထွန်းပွဲတော်၌ မော်ဒယ်တစ်ဦးကို တွေ့ရစဉ်။ ဓာတ်ပုံ - အီးပီအေမာရီနာ ဘေးဆန်းတွင် မတ် ၄ ရက်မှ ၂၇ ရက်အထိ ကျင်းပမည့် မီးထွန်းပွဲတော်၌ မော်ဒယ်တစ်ဦးကို တွေ့ရစဉ်။ ဓာတ်ပုံ - အီးပီအေ

စင်ကာပူနိုင်ငံလွန်ခဲ့တဲ့လက ဒေသတွင်း သတင်းစာတွေရဲ့  နောက်ဘက်စာမျက်နှာတွေမှာ ပါလာတဲ့
သတင်းလေးက စင်ကာပူနိုင်ငံဟာ အာရှမှာ အကောင်းဆုံးနဲ့ အန္တရာယ်အကင်းဆုံးနေရာအဖြစ်
နောက်ထပ် သတ်မှတ်ခံရပြန်တယ်လို့ ဆိုထားတယ်။

Mercer ၂ဝ၁၆  ရဲ့ အရည်အသွေးရှိတဲ့ နေထိုင်မှုသုံးသပ်ချက်ရဲ့ ဖော်ပြချက်အရ စင်ကာပူနိုင်ငံရဲ့
နိုင်ငံရေး၊ စီးပွားရေးနဲ့ ယဉ်ကျေးမှုဆိုင်ရာ ပတ်ဝန်းကျင်တို့ဟာ အာရှမှာ ထိပ်ဆုံးနေရာမှာရှိပြီး
ကမ္ဘာပေါ်တွင် အဆင့် ၂၆ မြောက် အကောင်းဆုံးလို့ ပြောတယ်။

ချီးကျူးထိုက်တဲ့ အဆင့် ၂၃ဝ ထဲမှာ ရန်ကုန်မြို့ဟာ အဆင့် ၂ဝ၁ မှာရှိတယ်။ သြစတြီးယားနိုင်ငံ
ဗီယင်နာမြို့ကတော့ အားလုံးရဲ့ထိပ်မှာ ရှိခဲ့တယ်။ကျွန်တော်တို့တစ်တွေလို စင်ကာပူနိုင်ငံကို
ချစ်မြတ်နိုးကြတဲ့ လူတွေအတွက် အတော် လေး ဦးနှောက်ခြောက်စရာကောင်းတယ်။ ဒီသုံးသပ်ချက်ရဲ့
ရလဒ်က ဘာအဓိပ္ပာယ်ရသလဲ။ ဖြစ်သင့်တဲ့အဖြေကတော့ သိပ်မထူး ခြားလှပါဘူးလို့ ဆိုရမှာပဲ။

ပိုပြီးတိတိကျကျနဲ့ ထက်မြက်ထိရောက်တဲ့ အမေရိကန် စာရေး ဆရာ H.L. Mencken ဆီက
အသုံးအနှုန်းတွေ ငှားသုံးရမယ်ဆိုရင်တော့ 'ယောင်တိယောင် ချာ၊ တောင်ခြစ်မြောက်ခြစ်နဲ့
သုတ်ခြေတင်တယ်' လို့ ဆိုရမှာပဲ။

အလွန်အမင်းကြော်ငြာတဲ့ စင်ကာပူနိုင်ငံရဲ့ နိုင်ငံရေး၊ စီးပွားရေးနဲ့ ယဉ်ကျေးမှုဆိုင်ရာ
အဆင့်အတန်းတွေထက် စင်ကာပူနိုင်ငံရဲ့ အချို့ရှုထောင့်တွေကို Mercer ရဲ့ ကျွမ်းကျင်တဲ့လုပ်ငန်း
အရည်အသွေး စစ်ဆေးရေးအရာရှိ တွေ လွတ်သွားပုံရတယ်။

ဒီနိုင်ငံရဲ့ ကျင်းပတဲ့အခမ်းအနား အတော် များများမှာ အမြော်အမြင်မရှိတာဟာ နေရာအနှံ့ သိသာ
လောက်အောင် ပျံ့နှံ့နေတယ်။ အိုးနင်းခွက်နင်းဖြစ်ခဲ့တဲ့ အခမ်းအနားတစ်ခုကတော့  အရင်လက
ကျင်းပခဲ့တဲ့ နှစ်နှစ်တစ်ကြိမ်ကျင်းပမြဲဖြစ်တဲ့ နိုင်ငံတကာ လေကြောင်းပြပွဲပဲဖြစ်တယ်။

ဒီပွဲကို ထုံးစံအတိုင်း ချန်ဂီလေဆိပ်အနီးမှာ ကျင်းပခဲ့တယ်။၁၉၉၂ ခုနှစ်က ဖြစ်ခဲ့သလို ပြန်ဖြစ်ခဲ့တာကို
ဆောင်းပါးရှင်ဖြစ်တဲ့ ကျွန်တော်ကိုယ်တိုင် အတည်ပြုနိုင်ပါတယ်။ ဒေါသထွက်နေကြတဲ့ ပြပွဲလာ
ပရိသတ်အုပ်ကြီးတွေဟာ နေပူကျဲကျဲ ထဲမှာ မြို့ထဲပြန်ဖို့အတွက် မဆုံးနိုင်တဲ့ လူတန်းတွေထဲမှာ တက္ကစီရဖို့ စောင့်ခဲ့ကြရတယ်။နိုင်ငံပိုင် ဒေသခံမီဒီယာတွေကတောင် မခံမရပ်နိုင်ဖြစ်ပြီး ဒီလိုဖော်ပြခဲ့
တယ်။

''ပွဲကိုလာရောက်တဲ့ ဧည့်သည်တွေနဲ့ ပြပွဲတင်သူတွေဟာ တက္ကစီရဖို့ နှစ်နာရီခွဲကြာစီရတဲ့ လူတန်းကိုကြည့်ပြီး ထောင်းခနဲ ဒေါသထွက်ခဲ့ကြတယ်။

''ပြပွဲတင်တဲ့ ဂျာမန်အမျိုးသမီးတစ်ယောက်က ဒီလောက် ကွပ်ကဲမှုညံ့တဲ့ သယ်ယူပို့ဆောင်ရေး
အခြေအနေမျိုး တစ်ခါမှ မတွေ့ဖူးဘူးလို့ဆိုကာ မနက်ဖြန်မှာ ရဟတ်ယာဉ်ကို ခေါ်ယူလိမ့်မယ်ထင်
တယ်လို့တောင် ပြောခဲ့တယ်။ ဒါဟာ သေးငယ်တဲ့ကြန့်ကြာမှု မဟုတ်ဘူး။

အာရှရဲ့ အကြီးဆုံးနိုင်ငံတကာလေကြောင်း ပြပွဲမှာ အများပြည်သူကိုအသာထား ပြပွဲတင်သူတွေ၊
ကုမ္ပဏီ အရောင်းကိုယ်စားလှယ်တွေ၊ ဝယ်သူတွေနဲ့ လေကြောင်းဆိုင်ရာ ကျွမ်းကျင်သူတွေ
နာရီနဲ့ချီပြီး လွန်ခဲ့တဲ့ ၂၄ နှစ်တုန်းက ဖြစ်ခဲ့သလို ဒေါပွခဲ့ကြတယ်။အင်မတန်တော်၊ အင်မတန်
ကျွမ်းကျင်တဲ့ စင်ကာပူနိုင်ငံဟာ ဒီသင်ခန်းစာတွေ မရခဲ့ဘူး။ လူအနည်းအကျဉ်းလောက်ပဲ ဒီပြပွဲကို
ထပ်လာကြတာတော့ မဆန်းပါဘူး။ အရောင်းအဝယ်ကိစ္စတွေဟာလည်း ၃၇ ရာခိုင်နှုန်းလောက်
ကျဆင်းသွားတယ်။

''အရောင်းအဝယ်နဲ့ လှုပ်လှုပ်ရှားရှားရှိမှုတွေနဲ့ စပ်လျဉ်းလို့ လေကြောင်းပြပွဲဟာ အငြိမ်သက်ဆုံးနဲ့
အတိတ်ဆိတ်ဆုံးပဲ''လို့ လေကြောင်းဆိုင်ရာ အကြံပေး ပုဂ္ဂိုလ်တစ်ယောက်က ပြောခဲ့တယ်။

စင်ကာပူနိုင်ငံရဲ့ မြေအောက်ရထားစနစ်ဟာ လွန်ခဲ့တဲ့လေးနှစ်ကစပြီး မကြာခဏ အလျဉ်မမီမှုတွေ
ဖြစ်တာကိုကြည့်ရင် စင်ကာပူအာဏာပိုင်တွေဟာ အရင်အမှားတွေကိုကြည့်ပြီး သင်ခန်းစာ
မယူတတ်ဘူးလို့ မချင့်မရဲဖြစ်ကြတဲ့ မြို့သူမြို့သားတွေက မကြာခဏ ဝေဖန်အပြစ်တင်ပြောဆိုကြ
တယ်။နြမခနမ သုံးသပ်ချက်ရဲ့ ကန့်သတ်ဘောင်တွေကလည်း ကိုယ်ပိုင်ကားရှိပြီး ပြည်သူတွေ
အတွက် သယ်ယူပို့ဆောင်မှုစနစ်ကို အသုံးမပြုတဲ့ တခြားနိုင်ငံတွေက လုပ်ငန်းရှင်တွေရဲ့ လိုအပ်
ချက်တွေပဲ စီစဉ်ထားတာဖြစ်လို့ နြမခနမ သုံးသပ်ချက်မှာ ဒီလိုအပ်ချက်တွေ မပါတာလည်း
ဖြစ်နိုင်လိမ့်မယ်ထင်တယ်။

အာရှရဲ့ အကောင်းဆုံး နိုင်ငံရေးအခြေ အနေ စင်ကာပူမှာရှိတယ်ဆိုတဲ့ သတ်မှတ်ချက် အဆင့်ကို
ကြည့်မယ်ဆိုရင် လောင်းကစားခြင်းကို တာရှည်စွာ စက်ဆုပ်ရွံရှာ လာတာကို စွန့်လွှတ်လိုက်တဲ့
ဆုံးဖြတ်ချက်ချပြီး ကမ္ဘာ့အကြီးဆုံး ကာစီနိုတွေထဲက ကာစီနိုနှစ်ခုကို  လုပ်ကိုင်ခွင့်ပေးလိုက်တာကို
တွေးဆချင့်ချိန်ကြည့်ရအောင်လား။

သစ်လွင်ပြီး ကြီးမားတဲ့ အပေါစား အနုပညာလက်ရာနဲ့ ဗိမာန်တွေဟာ စင်ကာပူ နိုင်ငံရှုခင်းရဲ့ ပသာဒကို
ဖျက်ဆီးတဲ့ အဆောက်အအုံဆိုးတွေဖြစ်တဲ့အပြင် ငွေကြေးခဝါချသူတွေ၊ ပြည့်တန်ဆာတွေနဲ့
မူးယစ်ဆေးဝါး ရောင်းဝယ်သူတွေကို ဖိတ်ခေါ်နေသလိုဖြစ်ရုံ တင်မကဘဲ စင်ကာပူနိုင်ငံရဲ့ လုံခြုံရေးကို
လည်း ခြိမ်းခြောက်တယ်။ အမေရိကန်ဒေါ်လာ ၅ ဒသမ ၅ ဘီလျံ တန်ဖိုးရှိတဲ့ Marina Bay Sands ကို
စဉ်းစား သုံးသပ်ကြည့်ပါ။

ဒီ ကာစီနိုရဲ့ပိုင်ရှင်က အလွန်ချမ်းသာတဲ့ ရှယ်လ်ဒန် အဒဲလ်ဆန်ဆိုသူဖြစ်ပြီး သူဟာ လက်ယာဆန်တဲ့
နိုင်ငံရေးကို ထောက်ခံသူဖြစ်တယ်။ ဘယ်လောက် တောင်လည်းဆိုရင် သူဟာ ဒေါ်နယ်ထရမ့်လို
လူမျိုးကိုတောင် အစွန်းမရောက်တဲ့သူ ဖြစ်သွားစေတယ်။ အမြော်အမြင်ရှိပြီး ကျွမ်းကျင်တဲ့ စင်ကာပူ
အစိုးရက ရှယ်လ်ဒန်ကို ဒီလောက်ကြီးမားတဲ့ ကာစီနို ကန်ထရိုက်ကို ပေးခဲ့တာလဲလို့ သင့်အနေနဲ့
မေးကောင်းမေးနိုင်တယ်။

လွန်ခဲ့တဲ့သုံးနှစ်လောက်က ရှယ်လ်ဒန်ပိုင်တဲ့ Las Vegas က ကာစီနိုမှာ ဆိုက်ဘာ တိုက်ခိုက်ခံရလို့
လောင်းကစားနဲ့ အပန်းဖြေ လုပ်ငန်းတွေကို ထိန်းချုပ်တဲ့ ကွန်ပျူတာတွေ ပျက်သွားတဲ့ကိစ္စကို သတိရနေ
သေးရင်ပေါ့။

ဒီတိုက်ခိုက်မှုကို အမေရိကန်ထောက်လှမ်း ရေးဌာနတွေက အီရန်နိုင်ငံမှာအခြေချတဲ့ ဟက်ကာတွေဆီ
တိုက်ရိုက်ခြေရာခံလိုက်နိုင်ခဲ့တယ်။ ဆိုက်ဘာတိုက်ခိုက်မှု မဖြစ်ခင်ကလေးက အစ္စရေးနိုင်ငံ လက်ယာ
လီကွဒ်အစိုးရကို အခိုင်အမာ ထောက်ခံသူနဲ့ အစ္စလမ္မစ် ကမ္ဘာကို အခိုင်အမာဆန့်ကျင်သူ ရှယ်လ်ဒန်က
အီရန်နိုင်ငံကို ဘယ်လိုဘယ်ပုံ ဆက်ဆံ မလဲဆိုတာကို ထုတ်ဖော်ပြောဆိုခဲ့တယ်။ အမေရိကန်အစိုးရကို လူတွေမသေနိုင်တဲ့ နေရာမှာ နျူကလီးယားလက်နက် ဖောက်ခွဲဖို့ ရှယ်လ်ဒန်က အကြံပြုခဲ့တယ်။

ပြီးတော့ သင်ကပြောမယ်၊ နောက်တစ်ခုကတော့ တေရန်မြို့လယ်ကောင်မှာလို့။ဆက်ပြီးသာလုပ်ပါ
မစ္စတာ ရှယ်လ်ဒန်။ သူဟာ သင့်တော်တဲ့ လုပ်ငန်းဖော်ဆိုတာ ရှင်းပါတယ်။ ပြီးတော့လည်း
စင်ကာပူနိုင်ငံအတွက် အာရှမှာ အကောင်းဆုံး နိုင်ငံရေးနဲ့စီးပွားရေး ပတ်ဝန်းကျင်အတွက် လှိုက်လှဲစွာ
ကြိုဆိုရမယ့် သူတစ်ယောက်ပါ။ ဒါပေမဲ့ တောင့်ထားလိုက်ဦး။ ဂျကာတာမြို့မှာ ဇန်နဝါရီ ၁၄ ရက်က
ဗုံးပေါက်ကွဲမှုကို အိုင်အက်စ် စစ်သွေးကြွတွေအပေါ် အပြစ်တင်ခဲ့ကြတယ်။

အိုင်အက်စ်အဖွဲ့ဝင်တွေဟာ မင်ဒါနာအိုနဲ့ မွတ်စလင်ဘာသာဝင် အများစုနေထိုင်ကြတဲ့ စင်ကာပူရဲ့
အိမ်နီးချင်းနိုင်ငံတွေဖြစ်ကြတဲ့ အင်ဒိုနီးရှားနဲ့ မလေးရှားတို့မှာ လူသစ်တွေ စုဆောင်းနေကြတယ်လို့
ဆိုတယ်။ဒါ့ပြင် အိုင်အက်စ်အဖွဲ့ဝင်တွေဟာ အစ္စလမ္မစ်ဆန့်ကျင်တဲ့ အစ္စရေးထွန်းကားရေး ဝါဒတွေနဲ့
ရှယ်လ်ဒန်တို့လို ဘီလျံနာ စီးပွားရေးလုပ်ငန်းရှင်ကြီးတွေကို လိုလားလက်ခံကြတာမဟုတ်ဘူးလို့
ယုံကြည်စိတ်ချရတဲ့ သတင်းတွေက ဖော်ပြကြတယ်။

ဒါပေမဲ့ ယူဆဖို့ရှိတာကတော့ စင်ကာပူ နိုင်ငံရဲ့ ခေါင်းဆောင်တွေက ဒီစွန့်စားမှုကို လုပ်သင့်လုပ်ထိုက်
တယ်လို့တွက်ကာ မခံချင်အောင် တမင်တကာ ဆွပေးနေတဲ့ Marina Bay Sands အပေါ် ဆိုက်ဘာ၊
သို့မဟုတ် တခြားတိုက်ခိုက်မှုမျိုးကို ကျော်လွှားနိုင်လိမ့် မယ်လို့ ထင်ကြတယ်။ကျွန်တော်တို့လည်း
ဒီလိုပဲဖြစ်လိမ့်မယ်လို့ မျှော်လင့်ကြရမယ်၊ ဒါမှမဟုတ်ရင် တစ်မူ ထူးခြားတဲ့ ထိပ်တန်းသတ်မှတ်အဆင့်
ကို ပြန်လည်သုံးသပ်ဖို့ လိုလိမ့်မယ်။

(The Myanmar Times)
သောင်းညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း