မဲခေါင်မြစ်တစ်လျှောက် နိုင်ငံများကို နိုင်ငံရေးအမြတ်အလို့ငှာ ရေပေးသည့် သံတမန်နည်းကို တရုတ်နိုင်ငံက စတင်အသုံးပြု

ထိုင်းနှင့် လာအိုနယ်စပ် နောင်ခိုင်မြို့တွင် ရေကျနေသော မဲခေါင်မြစ်ကမ်းခြေ၌ အပန်းဖြေနေကြသော ကမ္ဘာလှည့်ခရီးသည်များကို တွေ့ရစဉ်။ ဓာတ်ပုံ - အေအက်ဖ်ပီထိုင်းနှင့် လာအိုနယ်စပ် နောင်ခိုင်မြို့တွင် ရေကျနေသော မဲခေါင်မြစ်ကမ်းခြေ၌ အပန်းဖြေနေကြသော ကမ္ဘာလှည့်ခရီးသည်များကို တွေ့ရစဉ်။ ဓာတ်ပုံ - အေအက်ဖ်ပီ

လာအို၊ မြန်မာ၊ ထိုင်း၊ ကမ္ဘောဒီးယားနှင့် ဗီယက်နမ်နိုင်ငံတို့တွင်ဖြစ်ပွားလျက်ရှိသော မိုးခေါင်
ရေရှားမှုလျော့ပါးသက်သာစေရန် တရုတ်နိုင်ငံက ယင်း၏တောင်ပိုင်းတွင်ရှိသောဆည်များအနက်
ဆည်တစ်ခု၌ သိုလှောင်ထားသော ရေချိုပမာဏများစွာကို ထုတ်လွှတ်ပေးခြင်းဖြင့် နိုင်ငံရေးအမြတ်
အလို့ငှာ ရေပေးသည့် သံတမန် နည်းပရိယာယ်ကို မကြုံစဖူး စတင်အသုံးပြုခဲ့သည်။

ရေ အရေးပေါ် လိုအပ်ချက်အတွက် ကျင်ဟုန် ရေအားလျှပ်စစ် ဓာတ်အားပေးစက်ရုံက မတ် ၁၅
ရက်မှ ဧပြီ ၁ဝ ရက်အထိ ထောက်ပံ့ ဖြည့်ဆည်းပေးသွားမည်ဖြစ်ပြီး တရုတ်နိုင်ငံက မြစ်အောက်
ပိုင်းရှိ နိုင်ငံများကို ရေထုတ်လွှတ်ပေးမည့် လုပ်ငန်းစဉ်အကြောင်း ကြိုတင် အသိပေးအကြောင်း
ကြားပြီး ထိုသို့လုပ်ဆောင်ပေးခြင်းမှာ ပထမဆုံးအကြိမ်ဖြစ်ကြောင်း ရေအရင်းအမြစ်ဌာန မဲခေါင်မြစ်
ရေအရင်းအမြစ် စီမံခန့်ခွဲရေးရုံး ညွှန်ကြားရေးမှူး နျူအန်နလာအော် ဝေါင်းပီနစ်ဝါရိုဒွန်မ်က
ပြောကြားခဲ့သည်။

မြစ်အောက်ပိုင်းနိုင်ငံများ၌ ရေချိုရှားပါးပြတ်လပ်မှုအခြေအနေ လျော့ပါးသက်သာစေရန်
ကူညီပေးမည့် ယင်း၏ ရေထုတ်လွှတ်မှု အစီအစဉ်အကြောင်းကို မဲခေါင်မြစ်ကော်မရှင် (MRC)
အဖွဲ့ဝင်နိုင်ငံ လေးနိုင်ငံစလုံးကို စာဖြင့်အကြောင်းကြားခဲ့ကြောင်း သိရသည်။ 

MRC ကို ထိုင်း၊ လာအို၊ ကမ္ဘောဒီးယားနှင့် ဗီယက်နမ်နိုင်ငံတို့ဖြင့် ဖွဲ့စည်းထားပြီး တရုတ်နှင့်
မြန်မာနိုင်ငံတို့က ဆွေးနွေးပြောဆိုသည့် မိတ်ဖက်နိုင်ငံများ ဖြစ်ကြသည်။ ယခင်ကဆိုလျှင်
တရုတ်နိုင်ငံက ယင်း၏ ရေအရင်းအမြစ် စီမံခန့်ခွဲမှု အစီအစဉ်နှင့်ပတ်သက်ပြီး မည်သည့်အခါမျှ
 MRC နိုင်ငံများကို အသိပေးအကြောင်းကြားခြင်း မရှိခဲ့ဖူးကြောင်း အဆိုပါ ညွှန်ကြားရေးမှူး
အမျိုးသမီးက ဆိုသည်။

ထို့ပြင် မဲခေါင်မြစ်အောက်ပိုင်းရှိနိုင်ငံများက ၄င်းတို့၏ အခက်အခဲပြဿနာများကို ဖြေရှင်းရာတွင်
တရုတ်အာဏာပိုင်များက ၄င်းတို့နှင့် ပိုမိုနီးကပ်စွာ ဆောင်ရွက်လုပ်ကိုင်လိုသည့် သဘောထား
ကိုလည်း ပြသလိုက်ခြင်းဖြစ်သည်ဟု ၄င်းက ထပ်လောင်းပြောကြားခဲ့သည်။

''အရင်ကဆိုရင် မြစ်ရေပမာဏ အပြောင်းအလဲကို Chiang Saen ခရိုင်မှာနေထိုင်သူတွေရဲ့
ပြောပြချက်အရပဲသိခဲ့ရတယ်'' ဟု နျူအန်နလာအော်က ဆိုသည်။ (Chiang Saen ခရိုင်သည်
ထိုင်းနိုင်ငံမြောက်ပိုင်း၌ တည်ရှိပြီး လာအိုနှင့် အခြားအိမ်နီးချင်းများဖြင့် နယ်နိမိတ် ထိစပ်လျက်
ရှိသည်။)

ထို့ပြင် တရုတ်နိုင်ငံက ရေထုတ်လွှတ်ပေးလိုက်သည့်အကြောင်း အစိုးရတစ်ခုချင်းစီကို အကြောင်း
ကြားရန် ယင်း၏ သံတမန်များကို အဆိုပါနိုင်ငံများသို့ စေလွှတ်ခဲ့သေးသည်။ နယ်စပ်ဖြတ်ကျော်
ရေအရင်းအမြစ်များ စီမံခန့်ခွဲမှုတွင် တရုတ်နိုင်ငံက ပို၍ ပွင့်လင်းမြင်သာစွာ လုပ်ကိုင်လာကြောင်း
ထိုင်း  တာဝန်ရှိသူတစ်ဦး၏ ပြောပြချက်အရ သိရသည်။

ယခင်ကမူ တရုတ်နိုင်ငံ နယ်နိမိတ်အတွင်း မြစ်ညာပိုင်းဒေသတွင် ဆည်အများအပြား
တည်ဆောက်ထားရာ မြစ်အောက်ပိုင်း ရေစီးဆင်းမှု ထိခိုက်ခြင်းနှင့်အတူ တရုတ်နိုင်ငံ၏
ပူးပေါင်းဆောင်ရွက်မှု မရှိခြင်းနှင့် ရေအရင်းအမြစ်စီမံခန့်ခွဲရာတွင် ပွင့်လင်းမြင်သာမှုမရှိခြင်း
တို့ကြောင့် ပြစ်တင်ဝေဖန်ခံရခြင်းများရှိခဲ့သည်။

စိုက်ပျိုးရေးအတွက် ရေချိုလိုအပ်လျက်ရှိသော ဗီယက်နမ်နိုင်ငံက ရေပြတ်လပ်မှုသက်သာစေရန်
မြစ်အောက်ပိုင်းသို့ ရေပမာဏများများ ထပ်လွှတ်ပေးရန် တရုတ်နိုင်ငံကို တောင်းဆိုထားသည်။
ယခုကဲ့သို့ တရုတ်နိုင်ငံ၏ ဆည်သိုလှောင်ရေများ လွှတ်ပေးလိုက်သည့် လုပ်ရပ်ကို ပူးပေါင်း
ဆောင်ရွက်သည့် လုပ်ရပ်တစ်ခုအဖြစ် ဗီယက်နမ်နိုင်ငံက ဝမ်းပန်းတသာကြိုဆိုခဲ့ကြောင်း
ရှင်ဟွာသတင်းဌာနကဖော်ပြခဲ့သည်။

ကျင်ဟုန် ရေအားလျှပ်စစ်ဓာတ်အားပေးစက်ရုံနှင့် ဗီယက်နမ်နိုင်ငံ၏မဲခေါင်မြစ်ဝှမ်း ဒေသတို့အကြား
အကွာအဝေးမှာ အလွန်ဝေးကွာလှပြီး မြစ်ကြောင်းတစ်လျှောက် ရေလိုအပ်နေသည့် ခြောက်သွေ
့ဒေသများစွာရှိကြောင်း တာဝန်ရှိသူတစ်ဦးဖြစ်သည့် ပမ်ဟောင်ဂျိုင်းက ပြောကြားသည်။

မဲခေါင်မြစ်သည် တရုတ်နိုင်ငံ၌ မြစ်ဖျားခံပြီး မြန်မာ၊ လာအို၊ ထိုင်း၊ ကမ္ဘောဒီးယားနှင့် ဗီယက်နမ်နိုင်ငံ
တို့ကို ဖြတ်သန်းစီးဆင်းလျက်ရှိသည်။ ပြီးခဲ့သည့်နှစ်ကစပြီး အဆိုပါနိုင်ငံများတွင် အယ်လ်နီညို
ရာသီဥတုဖြစ်စဉ်၏ နောက်ဆက်တွဲ အကျိုးသက်ရောက်မှုများကြောင့် မိုးခေါင်ရေရှားမှုဒဏ်ကို
ခံစားနေကြရသည်။

ထိုင်းနိုင်ငံမြောက်ပိုင်း ချင်းရိုင်ပြည်နယ်ရှိ Chiang Saen ခရိုင်တွင် မဲခေါင်မြစ်ရေမှာ မတ်
၁၅ ရက်က ၂ ဒသမ ၃ဝ-၂ ဒသမ ၅ဝ မီတာရှိရာမှ မတ် ၁၈ ရက်ညနေပိုင်းတွင် ၃ ဒသမ ၂၉
မီတာသို့ လျင်မြန်စွာမြင့်တက်လာခဲ့သည်။ 

ဝင်းသော်တာ ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း