ဂျပန် သားသည်မိခင် လုပ်သားများဘဝ

 

ကိုယ်ဝန်ဆောင် ရင်ထိုးတံဆိပ်နှင့် အမျိုးသမီးတစ်ဦးကို မတ် ၃ ရက်က တိုကျိုတွင် တွေ့ရစဉ်။ကိုယ်ဝန်ဆောင် ရင်ထိုးတံဆိပ်နှင့် အမျိုးသမီးတစ်ဦးကို မတ် ၃ ရက်က တိုကျိုတွင် တွေ့ရစဉ်။

တိုကျို - တိုကျို တယ်လီဖုန်းဌာနတစ်ခုက အေကာနီဟာ အလုပ်ကြိုးစားသူဖြစ်တာကြောင့် မီးဖွား
ခွင့်ရက် ကုန်ကုန်ချင်း လုပ်ငန်းခွင်ထဲ ပြန်ရောက်လာပါတယ်။ တခြား ဂျပန်သားသည်မိခင်
ဝန်ထမ်းအတော်များများနဲ့ မတူတဲ့အချက်ပါ။

လုပ်ငန်းခွင်ထဲမှာတော့ သူနဲ့အတူ တခြားသားသည်မိခင် ဝန်ထမ်းတွေခမျာ ကလေးပြုစုဖို့
အကြောင်းပြပြီးရုံးအလုပ်ချိန်ပိုနည်းမှုကို အကြောင်းပြုပြီး အထက်လူကြီးရဲ့ ရမည်ရှာ အနိုင်ကျင့်
တာကို ခံနေကြရတယ်။

ဒီပြဿနာဟာ ဂျပန်နိုင်ငံမှာ ပိုမိုကြီးမားနေတာဟာ နိုင်ငံရဲ့ အလုပ်သမားအင်အား (အလုပ်လုပ်သော
လူတန်းစား) ထဲမှာ အမျိုးသမီးတွေ ပါဝင်လာစေတဲ့ အစိုးရမူဝါဒကြောင့်ပဲလို့ ကျွမ်းကျင်သူ
တွေက ဆိုပါတယ်။

သူ့အထက်လူကြီးတွေရဲ့ အကူအညီ အနည်းငယ်သာရပြီး အကြမ်းဖက်စော်ကားမှုကို ပုံမှန်ပြုလုပ်
နေကြောင်း အထူးသဖြင့်  သူ့လုပ်ဖော်ကိုင်ဖက် အမျိုးသမီးဝန်ထမ်းတွေရဲ့ အနိုင်ကျင့်မှုကို
အံ့သြလောက်အောင်ခံလာရကြောင်း အေကာနီက အေအက်ဖ်ပီ သတင်းထောက်ကို ပြောပါတယ်။

သက်ကြီးဦးရေ လျင်မြန်စွာ တိုးပွားနေတဲ့ ဂျပန်နိုင်ငံမှာ အစိုးရက အလုပ်သမား အင်အားလျော့ပါး
နေခြင်းကို ဟန့်တားရန်နဲ့  ငယ်ရွယ်တဲ့ သားသည်မိခင်များ အကျိုးများရန်အတွက်  Flexitime
စုစုပေါင်းအလုပ်ချိန် ကို မထိခိုက်စေဘဲ အလုပ်ဝင်ချိန်နဲ့ ဆင်းချိန်တို့ကို လွှဲကာပြောင်းကာ စီမံပေး
သောစနစ် ကို နိုင်ငံတစ်ဝန်း ရုံးများနဲ့ စက်ရုံများမှာ ကျင့်သုံးဖို့ ပြဋ္ဌာန်းထားပါတယ်။

ဒါပေမဲ့ ဒီပြဋ္ဌာန်းချက်ကြောင့် အလုပ်ဌာန များစွာမှာ မနာလိုမှု၊ မကျေမချမ်းဖြစ်မှုတွေ ပေါ်ပေါက်ခဲ့
ပါတယ်။ ဒီအခြေအနေဟာ ဂျပန်နိုင်ငံမှာ အလေးအနက်ထားရမယ့် စိုးရိမ်ဖွယ် တကယ့်အခြေအနေ
တစ်ရပ်ဖြစ်နေပြီလို့ အမျိုးသမီးများ အလုပ်ထမ်းဆောင်ရေးဆိုင်ရာ စာအုပ်များရေးခဲ့တဲ့

Maeko Takenbu က သတိပေးထားပါတယ်။ အလုပ်လုပ်တဲ့ သားသည်အမေတွေ လုပ်ငန်းခွင်
အတွင်း အကြမ်းဖက်ခံရရင် အချိန်မရွေး သတင်းပို့တိုင်ကြားဖို့ အရေးကြီး  HotLine အပါအဝင်
လူထုဝန်ဆောင်မှုပေးတဲ့ လှုပ်ရှားမှုကို အစိုးရက ဖွင့်လှစ်ထားပေမယ့် အမျိုးသမီးအတော်များများ
ဟာ ဒီကိစ္စကို တိုင်ကြားဖို့ ကြောက်ရွံ့နေခဲ့ကြတယ်။

အလုပ်သမားဝန်ကြီးဌာနရဲ့ နောက်ဆုံး စုံစမ်းစစ်ဆေးချက်အရ ကိုယ်ဝန်ဆောင် အမျိုးသမီး
၄၈ ရာခိုင်နှုန်းဟာ အတူအလုပ်လုပ်တဲ့ ဝန်ထမ်း၊ သို့မဟုတ် အနီးဆုံး အထက်လူကြီးတွေရဲ့
အနိုင်ကျင့်စော်ကား မှုကို လုပ်ငန်းခွင်ထဲမှာ ခံနေကြရပါတယ်။

ဒီစုံစမ်းစစ်ဆေးချက်ထဲမှာပဲ အလုပ်လုပ် တဲ့အမျိုးသမီး သုံးပုံတစ်ပုံဟာ လုပ်ငန်းခွင်အတွင်း
လိင်အကြမ်းဖက်ခံခဲ့ကြရပြီး ဖြစ်နေတာကိုလည်း တွေ့ရပါတယ်။ ဒါပေမဲ့ ဒီကိစ္စကို သတင်းပို့တိုင်
ကြားခြင်း မပြုခဲ့ပါဘူး။ ဒီလို လိင်အကြမ်းဖက်မှုတွေဟာ လုပ်ငန်းခွင်ထဲမှာသာ ဖြစ်ပွားနေတာ
မဟုတ်ပါဘူး။

ယခင် ၁ဝ နှစ်ဝန်းကျင်လောက်တုန်းက ကိုယ်ဝန်ဆောင် အမျိုးသမီးတိုင်း ရင်ဘတ်မှာ တပ်ဖို့
''ကျွန်မဗိုက်ထဲမှာ ကလေးရှိနေပါပြီ''ဆိုတဲ့ စာတန်းပါတဲ့ ရင်ထိုးကလေးတစ်ခုကို ထုတ်ခဲ့ဖူးပါ
တယ်။

မြေအောက်ရထားပေါ်နဲ့ တခြား အများ ပြည်သူအတွက် နေရာဒေသများ၊ လုပ်ငန်းခွင် တွေမှာပါ
ကိုယ်ဝန်ဆောင်အမျိုးသမီးတွေကို နှစ်လိုဖွယ် လက်ခံတဲ့ ပတ်ဝန်းကျင်တစ်ခုကို တီထွင်ဖန်တီးဖို့
အတွက် အခုလို ဆောင်ရွက် လိုက်တာပါ။ တစ်နည်းအားဖြင့် ဗိုက်ထဲက ကလေး အန္တရာယ်ဖြစ်နိုင်
တဲ့ အပြုအမူကို မပြုလုပ်ဖို့ အကြမ်းဖက်သူတွေကို ကြိုတင်သတိပေးလိုက်တာလည်း ဖြစ်ပါတယ်။

ဒါပေမဲ့ ရင်ထိုးတံဆိပ် တပ်ဆင်သူတွေဟာ ဘတ်စ်ကား၊ မီးရထားနဲ့ လူများ ဝင်ထွက်သွားလာတဲ့
နေရာတွေမှာ တစ်ခါတစ်ရံ ရိုင်းပြစွာ ဆက်ဆံခြင်းခံကြရပါတယ်။ ဒါကြောင့် ဒီရင်ထိုးတံဆိပ်ကြောင့်
အကြမ်းဖက်သူတွေရဲ့ ပစ်မှတ်ဖြစ်မှာကို ကြောက်ပြီး တပ်ဆင်ခြင်းမပြုသူတွေလည်း ရှိလာပါတယ်။

ဒီ ရင်ထိုးတံဆိပ်လေးကို မိမိမှာ ကိုယ်ဝန်ရှိကြောင်း ကြွားလိုတဲ့ အမှတ်အသားတစ်ခုအဖြစ်နဲ့
တပ်ဆင်တဲ့ ကိုယ်ဝန်ဆောင် တချို့ကိုလည်း ကိုယ်ဝန်ဆောင်များအတွက် သီးသန့် ဝက်ဘ်ဆိုက်
တစ်ခုက ဖော်ပြလိုက်ပြန်ပါတယ်။

ဝန်ကြီးချုပ် ရှင်ဇိုအာဘေးကတော့ အပြင်းအထန် ရုန်းကန်ဆောင်ရွက်နေရတဲ့ နိုင်ငံစီးပွားရေးကို
စတင်အားဖြည့်ရာမှာ ပိုမို ကျယ်ပြန့်စွာ အားဖြည့်ပေးနိုင်မယ့် အစိတ် အပိုင်းတစ်ခုအဖြစ် အလုပ်
လုပ်တဲ့ အမျိုးသမီး တွေကို ဆက်လက်ကူညီ ထောက်ပံ့သွားမယ် လို့ ထပ်မံကတိပြုလိုက်ပါတယ်။

အာဘေးဟာ မိန့်ခွန်းများစွာ ဟောပြောရာမှာ လုပ်ငန်းခွင်များမှာ အမျိုးသမီး ထိပ်တန်းအရာရှိဦးရေ
ပိုမိုထားရှိရေး ရည်မှန်းချက်များ ထားရှိဆောင်ရွက်ရန် နိုင်ငံတွင်းရှိ အကြီးဆုံးကုမ္ပဏီတချို့ကို တိုက်
တွန်းခဲ့ပြီးဖြစ်တယ်။

လစာနည်းတဲ့ အချိန်ပိုင်းအလုပ်တွေမှာ၊ အမျိုးသမီးဦးရေ များနေချိန်မှာ နိုင်ငံတွင်းစာရင်းဝင်
ကုမ္ပဏီပေါင်း ၃,၆ဝဝ မှာရှိတဲ့ အမျိုးသမီး ထိပ်တန်းအရာရှိဦးရေဟာ ပြောပလောက်အောင်
မရှိသေးပါဘူး။

World Economic Forum က နောက်ဆုံး ထုတ်ပြန်တဲ့ ''၂ဝ၁၅ ခုနှစ်၊ ကမ္ဘာ့ ကျား/ မ ကွာဟချက်
အညွှန်းကိန်း''အရ ၁၄၅ နိုင်ငံမှာ ဂျပန်ဟာ ၁ဝ၁ နေရာ ရောက်နေပါတယ်။ Suriname နိုင်ငံနဲ့ 
Azerbaijan နိုင်ငံတို့အောက်မှာ ရှိနေပါတယ်။ 

အောင်သာလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း