ကမ္ဘာ့စစ်တပ်များကို ဆွဲဆောင်နေသည့် ဂျီဘူတီနိုင်ငံ၏ မဟာဗျူဟာအနေအထား

ဂျီဘူတီရှိ တရုတ်နိုင်ငံ၏ ပထမဆုံး ပင်လယ်ရပ်ခြား ရေတပ်အခြေစိုက်စခန်း။ ဓာတ်ပုံ - အီးပီအေဂျီဘူတီရှိ တရုတ်နိုင်ငံ၏ ပထမဆုံး ပင်လယ်ရပ်ခြား ရေတပ်အခြေစိုက်စခန်း။ ဓာတ်ပုံ - အီးပီအေ

အတရာ  (ဂျီဘူတီ) - အမေရိကန်ပြည် ထောင်စုနှင့် ပူးတွဲစစ်ရေးလေ့ကျင့်မှုအတွက် ပြင်သစ်
စစ်သင်္ဘော တစ်စင်းသည် အာဖရိကနှင့် အာရေဗီးယား ကျွန်းဆွယ်ကြားရှိ နေရောင်တွင်
တလက်လက် တောက်ပနေသော ရေပြင်သို့ ထိုးဖောက်ဝင်ရောက်လာ မှုက ကမ္ဘာ့စစ်တပ်
များအတွက် ဂျီဘူတီ၏ တိုးပွားလာနေသော မဟာဗျူဟာ အခန်း ကဏ္ဍကို အလေးထား
ဖော်ပြလျက်ရှိသည်။

အာဖရိကဦးချိုဒေသ နိုင်ငံငယ်ကလေး၏ ပူပြင်းလှသော နေရောင်အောက်ရှိ ကျောက်ဆောင်
ကျောက်တန်းများထူထပ် လှသော ကမ်းခြေပေါ်တွင် ပြင်သစ်စစ်သည် ၅ဝဝ ခန့်သည် အမေရိကန်
ကမ်းတက် တပ်ဖွဲ့ဝင် ၅ဝ တို့နှင့်အတူ အတရာမြို့အနီး ချီတက်လျက်ရှိကြသည်။

မဟာမိတ်နှစ်နိုင်ငံက တပ်ဖွဲ့ဝင်များ ပိုမိုကောင်းမွန်စွာ တိုက်ပွဲဝင်နိုင်ရေးကို အထောက်အကူပြုရန်
ရည်ရွယ်ဆောင်ရွက် သော စစ်ရေးလေ့ကျင့်မှုက ဆိုမာလီနိုင်ငံ နှင့် နယ်နိမိတ်ချင်းထိစပ်နေပြီး
ယီမင်နိုင်ငံ နှင့် မျက်နှာချင်းဆိုင်တွင်ရှိသော ပြင်သစ် ကိုလိုနီဟောင်း နိုင်ငံငယ်၏ တိုးပွားလာ
နေသော နိုင်ငံတကာစိတ်ဝင်စားမှုကို ထင်ဟပ်ဖော်ပြခဲ့သည်။

လူဦးရေ ရှစ်သိန်းပတ်ဝန်းကျင်သာ နေထိုင်သော ဂျီဘူတီနိုင်ငံသည် ယခုအခါ ကမ္ဘာ့အင်အားကြီးနိုင်ငံ
အတော်များများ၏ စစ်အခြေခံစခန်းများဖြင့် လူဦးရေထူထပ် များပြားလျက်ရှိသည်။

ယင်းနိုင်ငံ၏ ဆိပ်ကမ်းသည် ကမ္ဘာပေါ်တွင် အသွား အလာအများဆုံးသော ပင်လယ်ကူးသင်္ဘော
လမ်းကြောင်း တစ်ခုပေါ်တွင်ရှိသည့် ပင်လယ်နီနှင့် စူးအက်တူးမြောင်းဝင်ပေါက် တွင် အစောင့်
သဖွယ်ဖြစ်နေသည်။

''ဒီကနေ့ ဆိုလျှင် ပြင်သစ်နိုင်ငံအပြင် နိုင်ငံတကာ တပ်ဖွဲ့အတော်များများက ဂျီဘူတီနိုင်ငံမှာ
တပ်ချထားဖို့လိုလားနေကြ တာဟာ ဒီအကြောင်းကြောင့်ပဲဆိုတာ သေချာပါတယ်၊ အခုဆိုရင်
အမေရိကန်နှင့် ဂျပန်တွင် အီတလီတွေနဲ့ တရုတ်တွေပါ ရောက်နေပြီ။ မကြာခင်ကာလမှာ ဆော်ဒီတွေ
ရောက်လာမှာ သေချာတယ် ''ဟု ဂျီဘူတီရှိ ပြင်သစ်တပ်ဖွဲ့များ၏ တပ်မှူး ဗိုလ်ချုပ်ကြီး ဖိလစ်
မွန်တိုရှီယိုက ပြောကြားခဲ့သည်။

လွန်ခဲ့သည့် လေးလကျော်က ၂ဝ၁၇ ခုနှစ် အကုန်တွင် စစ်သည်အင်အား ၁ဝ,ဝဝဝ ကျော်
တပ်ချနိုင်သည့် ရေတပ်ထောက်ပံ့ရေး အခြေစိုက်စခန်းတစ်ခုကို အပြီးတည်ဆောက်ပေးရန်
ဂျီဘူတီနှင့် တရုတ်နိုင်ငံတို့ သဘော တူစာချုပ်တစ်ရပ် လက်မှတ်ရေးထိုးခဲ့သည်။

ထို့ပြင် ယင်းသဘောတူညီချက်ကြောင့် တရုတ်နိုင်ငံသည် ကျယ်ပြန့်သော ဒေသကြီးအတွင်း
ယင်းနိုင်ငံ၏ အကျိုးစီးပွားများကို ပိုမိုတိုးချဲ့ ကာကွယ်လာနိုင်မည်ဖြစ်သည်။ ထိုအခြေစိုက်စခန်း
သည် တရုတ်နိုင်ငံ ၏ ပထမဆုံးသော ပင်လယ်ရပ်ခြားတွင် အမြဲတမ်းတပ်စွဲထားမှု ဖြစ်လာလိမ့်
မည်ဟု ဆိုသည်။

အကြမ်းဖက်တိုက်ခိုက်မှုဌာနချုပ်

ဂျီဘူတီနိုင်ငံသည် အာဖရိကတိုက်တွင် အမေရိကန်ပြည်ထောင်စု၏ တစ်ခုတည်းသော အမြဲတမ်း
စစ်အခြေစိုက်စခန်းဖြစ်သည့် ကင့်လီမွန်နီယာ (Camp Lemonnier) ရှိရာ ဒေသဖြစ်သည်။
ထိုစစ်အခြေစိုက် စခန်းကို အမေရိကန်တပ်များ၏ လျှို့ဝှက် စစ်ဆင်ရေး၊ ယီမင်နိုင်ငံတွင်
အကြမ်းဖက်မှု တိုက်ခိုက်ရေးနှင့် အခြားသော စစ်ဆင်ရေး များအတွက်သာမက အာရေဗီး
ယားကျွန်း ဆွယ်ရှိ အယ်လ်ကေဒါအဖွဲ့ (AQAP) နှင့် ဆိုမာလီရှိ အစ္စလမ္မစ်ဝါဒီ ရှီဘက်တို့ကို
တိုက်ခိုက်ရန်အတွက်လည်း အသုံးပြု သည်။

ယင်းစစ်အခန်းအတွက် အမေရိကန်က ဂျီဘူတီနိုင်ငံသို့ တစ်နှစ်လျှင် ဒေါ်လာ သန်း ၆ဝ
(ယူရို ၅၃ သန်း) ပေးရသည်။ ပြင်သစ်နှင့် အမေရိကန်စစ်တပ်များ၏ ဆက်သွယ်ရေးအရာရှိ
တစ်ဦးဖြစ်သူ အမေရိကန် ဗိုလ်မှူး ပေါလ်အယ်လ် ကရွန်းက ပြောကြားရာတွင် ဂျီဘူတီတွင်
ပြုလုပ်သည့် ပူးတွဲစစ်ရေးလေ့ကျင့်မှုသည် အာဖရိကတိုက်ရှိ ဂျီဟတ်ဝါဒီတို့၏ အန္တရာယ်ကို
ဖြိုခွင်းတိုက်ခိုက်ရေးအပါအဝင် ဒေသတွင်း မဟာမိတ်များ၏ အရေးပါသော လုံခြုံရေး
အကျိုးစီးပွားအတွက် အဓိပ္ပာယ်ဖော်ဆောင် ရန်ဖြစ်သည်ဟု ဆိုသည်။

''ပြင်သစ်နဲ့ အမေရိကန်စစ်တပ်ကြားမှာ ကျွန်တော်တို့ရဲ့ စစ်ဆင်ရေးစွမ်းပကားဟာ
အခုအချိန်လောက် အရေးကြီးတာမျိုး မရှိပါဘူး''ဟု ကရွန်းက ပြောကြားခဲ့သည်။ ဥရောပနှင့်
အခြားသော နိုင်ငံတကာ ရေတပ်များကလည်း ဂျီဘူတီဆိပ်ကမ်းကို အိမ်နီးချင်း ဆိုမာလီနိုင်ငံမှ
ပင်လယ် ဓားပြများ တိုက်ခိုက်နှိမ်နင်းရေးအတွက် အခြေခံစခန်းတစ်ခုအဖြစ် အသုံးပြုကြ
သည်။

ယခုကဲ့သို့ ပင်လယ်ပြင်တွင် အပြည် ပြည်ဆိုင်ရာ ရေတပ်များရှိနေခြင်းကြောင့် ဆိုမာလီ
ပင်လယ်ဓားပြတို့၏ တိုက်ခိုက်မှု များ ကျဆင်းခဲ့သည်။ ၂ဝ၁၁ ခုနှစ်တွင် ဆိုမာလီ
ပင်လယ်ဓားပြတိုက်မှု ၁၇၆ မှုရှိခဲ့ သော်လည်း ၂ဝ၁၅ ခုနှစ်တွင် တစ်မှုမျှ မရှိတော့ကြောင်း
ဥရောပသမဂ္ဂရေတပ်များ အဆိုအရ သိရသည်။

ဂျီဘူတီမှ အေဒင်ပင်လယ်ကွေ့ကိုဖြတ်၍ ကီလိုမီတာ ၃ဝ (မိုင် ၂ဝ) မျှသာကွာဝေး သောနေရာတွင်
ပြည်တွင်းစစ်ဒဏ်ခံ ယီမင်နိုင်ငံရှိသည်။ ယင်းနိုင်ငံတွင် အီရန်က ထောက်ခံအားပေးထားသော
ရှီးယား မွတ်စလင် ဟူသီသူပုန်များနှင့် နိုင်ငံတကာ က အသိအမှတ်ပြုထားပြီး ဆော်ဒီဦးဆောင်
သည့် မဟာမိတ်များက လေကြောင်းက ကူညီတိုက်ခိုက်ပေးနေသော ယီမင်အစိုးရ တို့ ပြည်တွင်း
စစ်ဖြစ်ပွားလျက်ရှိသည်။

တရုတ်ပြည်သည် ဂျီဘူတီတွင် ယင်း၏ ရေတပ်စခန်းသစ်အပြင် အိမ်နီးချင်း ကုန်းပိတ်နိုင်ငံ
အီသီယိုးပီးယား၏ အဓိက ဈေးကွက်နှင့် ဆက်သွယ်ရေးလမ်းကြောင်း အပါအဝင် ဂျီဘူတီ၏
အခြေခံအဆောက် အအုံ လုပ်ငန်းစီမံကိန်းကြီးများကိုလည်း ပါဝင်ဆောင်ရွက်လျက်ရှိသည်။

''တရုတ်နိုင်ငံက ရေတပ်၊ ဒါမှမဟုတ် စစ်တပ်တွေ ရှိနေတာဟာ အလွန်ဒုက္ခရောက်နေတဲ့
ဒေသကြီးအတွင်း ငြိမ်းချမ်းရေးနဲ့ လုံခြုံရေးကို ပံ့ပိုးပေးနိုင်တဲ့စွမ်းရည် ရှိရမယ် ဆိုတဲ့ နိုင်ငံရဲ့
သဘောထားရပ်တည်မှုရဲ့ တစ်စိတ်တစ်ပိုင်းလည်း ဖြစ်ပါတယ်''ဟု ဂျီဘူတီနိုင်ငံခြားရေးဝန်ကြီး
မာမွတ် အလီ ယူဆွတ်က ပြောကြားခဲ့သည်။ 

တင်စိန် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း