ဆင့်ပါးစပ် နှမ်းပက် ညီလာခံ

ညီလာခံအတွင်းရေးမဈး လီယိုဖာရာရီယာဒီဇူဇာနှင့်ကိုယ်စားလှယ်များ။ ဓာတ်ပုံ - အေအက်ဖ်ပီညီလာခံအတွင်းရေးမဈး လီယိုဖာရာရီယာဒီဇူဇာနှင့်ကိုယ်စားလှယ်များ။ ဓာတ်ပုံ - အေအက်ဖ်ပီ

ဟိုက်ဒရာဘတ်- အိန္ဒိယနိုင်ငံ၊ ဟိုက်ဒရာ ဘတ်မြို့၌ သီတင်းနှစ်ပတ်ကြာ ကျင်းပခဲ့ သည့် ဇီဝ
မျိုးစုံ မျိုးကွဲထိန်းသိမ်းရေး ညီလာခံ (CBD) နောက်ဆုံးနေ့ဖြစ်သည့် အောက်တိုဘာလ ၂၀
ရက်က ဖွံ့ဖြိုးပြီးနိုင်ငံ များက ဆင်းရဲသောနိုင်ငံများသို့ ဇီဝမျိုးစုံ မျိုးကွဲထိန်းသိမ်းရေး ထောက်ပံ့
ငွေနှစ်ဆ တိုးပေးရန် သဘောတူညီချက်တစ်ရပ်ရရှိ ခဲ့၍ တတိတိ ပျက်စီးပျောက်ဆုံးနေသည့်
ကမ္ဘာ့ သဘာဝသယံဇာတများအတွက် စိတ်သက်သာဖွယ် ဖြစ်ခဲ့ရသည်။

သို့သော် သီတင်းတစ်ပတ်အတွင်း Red List ခေါ် မျိုးတုံးပျောက်ကွယ် သည့်အန္တရာယ် ကြုံနေ
ရသော ဇီဝ မျိုးစိတ်များစာရင်း၌ အပင်နှင့် တိရစ္ဆာန် မျိုးစိတ်ပေါင်း ၄၀၀ ထပ်မံတိုးမြင့်လာမှုကို
ညွှန်းကာ လေ့လာသူများက ယင်း မျှသောတိုးမြှင့်ကူညီမှုဖြင့် ပြန်လည် ထိန်းသိမ်းသွားရန်
မလုံလောက်သေး ကြောင်း ဝေဖန်ပြောဆိုကြသည်။

နိုင်ငံတကာ သဘာဝပတ်ဝန်းကျင် ထိန်းသိမ်းရေးအဖွဲ့ကြီး (IUCN) ၏ စာရင်းအရ ကမ္ဘာတစ်
ဝန်းတွင် နို့တိုက် သတ္တ၀ါ သုံးပုံတစ်ပုံ၊ ငှက်မျိုးစိတ် ၁၃ ရာခိုင်နှုန်း၊ ကုန်းတစ်ပိုင်းရေတစ်ပိုင်း
သတ္တ၀ါ ၄၁ ရာခိုင်နှုန်း၊ သန္တာကောင် ၃၃ ရာခိုင်နှုန်းသည် မျိုးတုံးပျောက်ကွယ် မည့်အန္တရာယ်
နှင့် ကြုံတွေ့နေကြရသည်။

ဇီဝမျိုးစုံထိန်းသိမ်းရေးအတွက် ချမ်းသာသောနိုင်ငံများက ဖွံ့ဖြိုးဆဲ နိုင်ငံများသို့ ၂၀၀၆ မှ ၂၀၁၀
ပြည့်နှစ် အတွင်း ကူညီခဲ့သည့် ပျမ်းမျှငွေပမာဏ ၏နှစ်ဆကို ၂၀၁၅ မတိုင်မီစတင် တိုးမြှင့်ဋ္ဌ
ထောက်ပံ့သွားရန်နှင့် ၂၀၂၀ ပြည့်နှစ် အထိ ယင်းနှုန်းအတိုင်း ဆက်လက်တိုး မြှင့်ထောက်ပံ့ရန်
သဘောတူခဲ့သည်။

ယင်းတိုးမြှင့် ထောက်ပံ့ငွေပမာဏမှာ နှစ်စဉ် ဒေါ်လာ ၁၀ ဘီလျံ (ယူရို ရှစ်ဘီလျံ) ရှိမည်ဟု
ခန့်မှန်းကြသည်။ ယင်းငွေပမာဏသည် ယခင်နှစ်က ကမ္ဘာ တစ်ဝန်းစားသုံးခဲ့သည့် ချောက
လက်ဖိုး ၏ ၁၀ ရာခိုင်နှုန်းခန့်သာရှိသည်ဟု လည်းဆိုကြသည်။

ယခုညီလာခံတွင်ရရှိခဲ့သည့် အခြား ဆုံးဖြတ်ချက်တစ်ခုမှာ ထောက်ပံ့ငွေ ရရှိသည့် ဆင်းရဲ
သောနိုင်ငံပေါင်း အနည်းဆုံး ၇၅ ရာခိုင်နှုန်းတို့က အသုံးစရိတ်အစီရင်ခံစာကို ၂၀၁၅ ခုနှစ်မတိုင်
မီ ပေးပို့ရန်နှင့် အစိုးရ၏ ဇီဝမျိုးစုံမျိုးကွဲထိန်းသိမ်းရေး စီမံကိန်း များရေးဆွဲကြရန် ဖြစ်သည်။

ကမ္ဘာတစ်ဝန်း ဇီဝမျိုးစုံ မျိုးကွဲပျက်စီး ဆုံးရှုံးနေမှုကို ၂၀၂၀ ပြည့်နှစ်မတိုင်မီ ပြန်လည်ထိန်းသိမ်း
ရေးအတွက် အချက် ၂၀ ပါဝင်သည့် စီမံကိန်းတစ်ရပ်ကို ယခင်နှစ်နှစ်က ဂျပန်နိုင်ငံ နာဂိုယာ
မြို့တွင် နောက်ဆုံးကျင်းပခဲ့သည့် CBD ညီလာခံမှ လမ်းညွှန်ချမှတ်ပေးခဲ့သည်။

အိုင်ချီဇီဝမျိုးစုံ မျိုးကွဲထိန်းသိမ်းရေး ရည်မှန်းချက်များတွင် တိရစ္ဆာန်၊ အပင်တို့၏ သဘာဝဇာတိ
မြေ ပျက်စီး မှုကို ထက်ဝက်လျှော့ချရန်၊ ထိန်းသိမ်း ကာကွယ်ထားသော ရေနှင့် မြေဧရိယာများ
တိုးချဲ့ရန်၊ မျိုးသုဉ်းပျောက်ကွယ်ရန် အန္တရာယ်ကြုံနေသော မျိုးစိတ်များအား ကာကွယ်ထိန်း
သိမ်းရန်နှင့် ပျက်စီးနေ သော ဂေဟစနစ်များကို ၁၅ ရာခိုင်နှုန်း ထက်မနည်း ပြန်လည်ထိန်း
သိမ်း ကာကွယ်ရန်တို့ ပါဝင်သည်။

သဘာဝပတ်ဝန်းကျင်ရေးရာ ကမ္ဘာ့ ရန်ပုံငွေအဖွဲ့ (WWF) ၏ ခန့်မှန်းချက် အရ ရည်မှန်းချက်ပြည့်
မီအောင် ဆောင်ရွက်နိုင်ရန်အတွက် ဇီဝမျိုးစုံ မျိုးကွဲထိန်းသိမ်းကာကွယ်ရေး လုပ်ငန်း တွင် နှစ်စဉ်
ဒေါ်လာဘီလျံ ၂၀၀ ခန့် မြှုပ်နှံ သုံးစွဲသွားကြရမည်ဖြစ်ရာ ဟိုက်ဒရာ ဘတ်ညီလာခံတွင် ယခုခန့်
မှန်းချက် ထက်ဝက်ခန့်သာရှိနေ၍ 'စိတ်ပျက်ဖွယ်' ဖြစ်နေသည်ဟုဆိုသည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း