တောမီးလောင်ခြင်းများကြောင့် ဆီအုန်းစိုက်ပျိုးမှုတွင် ကန့်သတ်မှုများလုပ်ရန် အင်ဒိုနီးရှားနိုင်ငံ ကြိုးပမ်း

ဆူကာဒါမီကျေးရွာတွင် ဆွတ်ခူးပြီးသည့် ဆီအုန်းသီးများကို ဧပြီ ၂၉ ရက်က တွေ့ရစဉ်။ ဓာတပုံ - အေအက်ဖ်ပီဆူကာဒါမီကျေးရွာတွင် ဆွတ်ခူးပြီးသည့် ဆီအုန်းသီးများကို ဧပြီ ၂၉ ရက်က တွေ့ရစဉ်။ ဓာတပုံ - အေအက်ဖ်ပီ

ဂျကာတာ - ပြီးခဲ့သည့်နှစ်က တောမီးများအကြီးအကျယ်လောင်ကျွမ်းခဲ့ခြင်းမှာ ဆီအုန်းစိုက်ပျိုးမှုများနှင့်
လည်း တစ်စိတ်တစ်ပိုင်းသက်ဆိုင်ကြောင်း ပြစ်တင်ပြောဆိုမှုများပေါ်ပေါက်ခဲ့ပြီးနောက် ဆီအုန်း
စိုက်ပျိုးမှုများထပ်မံတိုးချဲ့ လုပ်ကိုင်ခွင့်နှင့် ပတ်သက်ပြီး တားမြစ်ရန် အင်ဒိုနီးရှားနိုင်ငံက တွန်းထိုး
ဆောင်ရွက်လျက်ရှိရာ ယင်းသို့ ပြုလုပ်ခြင်းသည် နိုင်ငံ၏ စီးပွားရေးကိုထိခိုက်နိုင်ကြောင်းဆီအုန်း
စိုက်ပျိုးသူများက သတိပေးပြောကြားခဲ့ပြီး သဘာဝပတ်ဝန်းကျင် အဖွဲ့များကလည်း ဝေဖန်ပြောဆို
ခဲ့ကြသည်။

ကမ္ဘာ့ထိပ်တန်း စားအုန်းဆီ ထုတ်လုပ်တင်ပို့သည့်နိုင်ငံဖြစ်သော အင်ဒိုနီးရှားနိုင်ငံတွင် ဆီအုန်းစိုက်ပျိုး
ရန် စိုက်ပျိုးမြေနေရာအသစ်များ နောက်ထပ် ခွင့်ပြုပေးမည်မဟုတ်ဟု သမ္မတ ဂျိုကိုဝီဒိုဒို က ဧပြီလက
ပြောကြားခဲ့သည်။

ဆီအုန်းက ထုတ်လုပ်သောစားအုန်းဆီသည် ဘီစကွတ်၊ ခေါင်းလျှော်ရည်မှ မိတ်ကပ်အထိ အမျိုးမျိုး
သော လူသုံးကုန်ပစ္စည်းများ ပြုလုပ်ရာတွင် အဓိကပါဝင်ပစ္စည်းတစ်မျိုးဖြစ်သည်။

ကြေညာချက်တစ်ရပ်တွင် ၄င်းက လတ်တလောတွင် ဆီအုန်းစိုက်ပျိုးရန်ခွင့်ပြုပေးထားသော မြေနေရာ
အကျယ်မှာ လုံလောက်ပြီး အထွက်နှုန်းတိုးရေးအတွက် စိုက်ပျိုးသူများက ပိုမိုကောင်းမွန်သော မျိုးစေ့များ
ကို အသုံးပြုစိုက်ပျိုးကြရန် တိုက်တွန်းထားသည်။

စားအုန်းဆီဝယ်လိုအား တစ်ရှိန်ထိုး မြင့်တက်လာခြင်းကြောင့် ဆူမတြာကျွန်းပေါ်နှင့် ဘော်နီယိုကျွန်း
အင်ဒိုနီးရှားပိုင်နယ်မြေတို့တွင် မကြာသေးမီနှစ်များအတွင်း ဆီအုန်းစိုက်ပျိုးမှု တိုးပွားလာပြီး ကုမ္ပဏီများ
လည်း အမြတ်အစွန်း အမြောက်အမြား ရကြသကဲ့သို့ အစိုးရအတွက်လည်း အခွန်ဘဏ္ဍာငွေများ
ရရှိခဲ့သည်။

သို့သော်လည်း မျိုးသုဉ်းပျောက်ကွယ်မည့်အန္တရာယ်နှင့် ရင်ဆိုင်နေရသော မျိုးစိတ်အများအပြားနေထိုင်
ကျက်စားရာ အပူပိုင်းသစ်တောများမီးလောင်ပြီး ပျက်စီးဆုံးရှုံးမှုများဖြစ်ပေါ်ခြင်းမှာ အလျင်အမြန် ပွား
များလာသော ဆီအုန်းစိုက်ခင်းများကြောင့်လည်း တစ်စိတ်တစ်ပိုင်း ပါဝင်နေကြောင်းနှင့် ဆီအုန်းစိုက်
ရန် မြေနေရာအတွက် တောများကို တရားမဝင် မီးရှို့ရှင်းလင်းမှုများကြောင့် နှစ်စဉ်နှစ်တိုင်း ပူပြင်းခြောက်သွေ့သည့်ရာသီရောက်တိုင်း တောမီးများလောင်ကျွမ်းရကြောင်း  ပြစ်တင်ပြောဆိုမှုများ ရှိခဲ့သည်။အယ်လ်နီညိုရာသီဥတု ဖြစ်စဉ်ကြောင့် ရာသီဥတု သာမန်ထက်ပိုမိုပူပြင်းနေရာ ၂ဝ၁၅ ခုနှစ်ကဖြစ်ပွားခဲ့သော တောမီးလောင်ကျွမ်းမှုက နှစ်အတန်အကြာအတွင်း အဆိုးရွားဆုံးဖြစ်ခဲ့သည်။

ထို့ပြင် တောမီးလောင်ရာမှ ထွက်လာသော အဆိပ်အတောက်ဖြစ်စေသည့် မီးခိုးမြူများက အရှေ့တောင်
အာရှဒေသ နေရာအများအပြားသို့ ရက်သတ္တပတ်များစွာကြာ ပျံ့လွင့်နေခဲ့ရာ ထောင်ပေါင်းများစွာသော
လူများ အသက်ရှူလမ်းကြောင်းဆိုင်ရာဝေဒနာများ ဖြစ်ပွားပြီး လေကြောင်းသွားလာမှုများလည်း ထိခိုက်
ခဲ့ခြင်းကြောင့် လူအများ ဒေါသထွက်ခဲ့ကြသည်။

မြေနေရာသစ်များ၌ ဆီအုန်းစိုက်ရန် ခွင့်ပြုပေးခြင်းကို တရားဝင် ဆိုင်းငံ့ထားရန်ကြိုးစားမှုသည် ဆီအုန်း
စိုက်ပျိုးမှုကြောင့်ဖြစ်ပွားသော ပတ်ဝန်းကျင် ထိခိုက်ပျက်စီးမှုကိုလျှော့ချရန်နှင့် နှစ်စဉ် ပေါ်ပေါက်လေ့ရှိ
သောမီးခိုးမြူပြဿနာကို ထိန်းချုပ်ရန် ရည်ရွယ်သည်။

သို့သော်လည်း အဆိုပါတားမြစ်ပိတ်ပင်မှုသည် လူပေါင်း ၂၄ သန်းကို တိုက်ရိုက်၊ သို့မဟုတ် သွယ်ဝိုက်
၍ ထောက်ပံ့ပေးနေသောအရှေ့တောင်အာရှ၏ အကြီးဆုံး အဓိကစီးပွားရေးကို ထိခိုက်နိုင်ကြောင်း
ဆီအုန်းစိုက်ပျိုးသူများအသင်းက သတိပေးခဲ့သည်။

''ဆီအုန်းစိုက်ပျိုးမှုက မဟာဗျူဟာကျတဲ့ စီးပွားရေး ကဏ္ဍတစ်ခုဖြစ်ပြီး ဒီကဏ္ဍကနေ၂ဝ၁၅ ခုနှစ်မှာ
ပြည်ပတင်ပို့မှုဝင်ငွေ ဒေါ်လာ၁၉ ဘီလျံဝင်ခဲ့ပါတယ်။ ဒီလုပ်ငန်းက အထူးသဖြင့် ဝေးလံခေါင်ဖျားတဲ့
ဒေသတွေမှာ စီးပွားရေးတိုးတက်မှု ဖြစ်စေပါတယ်'' ဟု ကုမ္ပဏီပေါင်း ၆၅ဝ ခန့်ကို ကိုယ်စားပြုသည့်
အဆိုပါအသင်း၏ ပြောရေးဆိုခွင့်ရှိသူ တိုဖန် မက်ဒ်ဂျီက ပြောကြားခဲ့သည်။

ဆူမတြာကျွန်း မြောက်ပိုင်း၊ ဒီလီဆာဒန်ရှိ ဆူကာဒါမီကျေးရွာတွင် ဧပြီ ၂၉ ရက်က ခြံလုပ်သားတစ်ဦး ဆီအုန်းသီးများ ခူးနေစဉ်။ ဓာတ်ပုံ - အေအက်ဖ်ပီဆူမတြာကျွန်း မြောက်ပိုင်း၊ ဒီလီဆာဒန်ရှိ ဆူကာဒါမီကျေးရွာတွင် ဧပြီ ၂၉ ရက်က ခြံလုပ်သားတစ်ဦး ဆီအုန်းသီးများ ခူးနေစဉ်။ ဓာတ်ပုံ - အေအက်ဖ်ပီ

တက်ကြွလှုပ်ရှားသူများကလည်း ဝီဒိုဒို၏အဆိုပြုချက်ကို သတိထား စောင့်ကြည့်နေကြပြီး Greenpeace
Indonesia ကမူ အစိုးရက ခိုင်မာသည့် စည်းမျဉ်းစည်းကမ်းတစ်ရပ် မချမှတ်နိုင်မချင်း ယင်းသို့ ဆောင်
ရွက်မှုမှာ ထိရောက်အောင်မြင်မည်မဟုတ်ဟု ဆိုသည်။

အဆိုပြုထားသော တရားဝင် ဆိုင်းငံ့မှုကို အသေးစိတ် ညှိနှိုင်းဆွေးနွေးနေဆဲဖြစ်ပြီးမည်သည့်အချိန်တွင်
စတင်ကျင့်သုံးမည်ကို အသေအချာ မသိရသေးကြောင်း သဘာဝပတ်ဝန်းကျင်ဝန်ကြီးဌာနက ပြောကြား
ခဲ့သည်။

''ဒါဟာ အခက်ခဲဆုံး အပိုင်းတွေထဲက တစ်ခု ဖြစ်ကောင်းဖြစ်မှာပါ။ တာဝန်ရှိသူတွေအချင်းချင်း ပူးပေါင်းဆောင်ရွက်မှုမရှိတာဟာ ဖြစ်ရိုးဖြစ်စဉ် ဖြစ်နေပြီး ဒီကနေ အဆိုးဘက်ကို ဦးတည်သွားတာ
ပါပဲ'' ဟု  Greenpeace Indonesia သစ်တောဆိုင်ရာ စည်းရုံးလှုံ့ဆော်သူ ကီကီ တော်ဖစ်ခ် က
ဆိုသည်။

ပြီးခဲ့သည့်နှစ်က ဖြစ်ပွားခဲ့သော တောမီးလောင်မှုများနှင့် ပတ်သက်ပြီး စွပ်စွဲခံထားရသော ကုမ္ပဏီ
(၅ဝ) ကျော်ကို အရေးယူပေးမည်ဟု အင်ဒိုနီးရှားအစိုးရက ကတိပြုထားသည်။

''တောမီးလောင်ရတဲ့ အဓိက အကြောင်းရင်းက လောဘကြောင့်ပါပဲ။ လူတွေက ငွေကို မြန်မြန်
ဆန်ဆန်ရချင်တဲ့စိတ်တွေ ရှိနေသရွေ့ တောမီးတွေလည်း ဆက်ပြီး လောင်နေဦးမှာပဲ'' ဟု
အင်ဒိုနီးရှားအခြေစိုက် နိုင်ငံတကာ သစ်တောဆိုင်ရာ သုတေသနစင်တာက သိပ္ပံပညာရှင်
တစ်ဦးဖြစ်သူ ဟယ်ရီ ပါနိုမိုကပြောကြားခဲ့သည်။

ဝင်းသော်တာ ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း