လူထုအကျိုးရည်မျှော်သူတွေ ငြင်းရက်စရာမရှိ ပေါ်ထွန်းလာခြင်း

 

ဧပြီ ၁၅ ရက်က မန်ချက်စတာတွင် မဲဆွယ်စည်းရုံးနေသော မြို့တော်ဝန် ဘိုးရစ် ဂျွန်ဆင်။ ဓာတ်ပုံ - အီးပီအေဧပြီ ၁၅ ရက်က မန်ချက်စတာတွင် မဲဆွယ်စည်းရုံးနေသော မြို့တော်ဝန် ဘိုးရစ် ဂျွန်ဆင်။ ဓာတ်ပုံ - အီးပီအေ

ကမ္ဘာကြီးဟာ ခေါင်းဆောင် အမျိုးအစားသစ် ကို မျက်ဝါးထင်ထင် တွေ့လာနေပြီဖြစ်တယ်။ ဒီခေါင်း
ဆောင် အမျိုးအစားသစ်တွေဟာ သာမန်လူတွေ ဘာတွေလိုသလဲဆိုတာကို သိကြတယ်လို့ ပြောကြ
တယ်။

ဖြစ်တဲ့နည်းနဲ့ ရအောင်လုပ်ပေးမယ် လို့လည်း သူတို့ကပြောကြတယ်။ အရင်က ခေါင်းဆောင်
တွေဆိုရင် သာမန်လူတွေရဲ့ ယုတ်ညံ့တဲ့ ပင်ကိုစရိုက်တွေကို ရှောင်ရှားကာ သူတို့မှန်ကန်တယ်၊
လူတွေရဲ့ အကောင်းဆုံးတန်ဖိုးတွေကို ထင်ဟပ်တဲ့ ပန်းတိုင်တွေကိုသာ အကြံပြုခဲ့ကြတယ်။

ခေါင်းဆောင်သစ်တွေကတော့ ဒီလို မဟုတ်ကြဘူး။ ကွက်တိ မှန်ကန်အောင် လုပ်တာတွေကို
အသာထား၊ လိုအပ်တာတွေ တရားသည်ဖြစ်စေ၊ မတရားသည်ဖြစ်စေ လုပ်ပေးဖို့ ကတိတွေ
ပေးကြတယ်။

သူတို့ရဲ့ရှုထောင့်က ကြည့်ရင်တော့ လူတွေပြောတာကို နားထောင်ကာ သူတို့ရဲ့ လိုအပ်မှုတွေကို ဒီမိုကရေစီနည်းအရ ဖြည့်ဆည်းပေးနေတာပဲ ဖြစ်တယ်။ဒါဟာ သာမန်လူထုရဲ့အကျိုးကို ရည်မျှော်တဲ့
ဝါဒလို့ခေါ်ပြီး ထိန်းမနိုင်သိမ်းမရလောက် အောင်ဖြစ်ပေါ်နေတယ်။ ဒီလိုလူအချို့ကို ကြည့်လိုက်ပါ။

စိတ်ဝင်စားဖို့ကောင်းတာက သူတို့တစ်တွေဟာ ယောက်ျားတွေချည်း ဖြစ်ကြတယ်။ ရောဒရီဂို
ဒူတာတီကို ကြည့်လိုက်ပါ။ သူဟာ မေ ၉ ရက်မှာကျင်းပမယ့် ဖိလစ် ပိုင်သမ္မတရွေးကောက်ပွဲမှာ
ထိပ်ဆုံးက ပြေးနေတဲ့ သမ္မတရာထူးအတွက် ယှဉ်ပြိုင်သူ တစ်ဦးဖြစ်တယ်။

အသက် ၇၁ နှစ်ရှိပြီဖြစ်တဲ့ ဒူတာတီဟာ ဒါဗာအိုမြို့ရဲ့ သက်တမ်းကြာခဲ့တဲ့ မြို့တော်ဝန် ဟောင်း
တစ်ဦးဖြစ်တယ်။ ဒါဗာအိုမြို့ဟာ မင်ဒါနာအိုကျွန်း တောင်ဘက် ကမ်းရိုးတန်းမှာ တည်ရှိတဲ့ စီးပွား
ရေးကောင်းတဲ့ မြို့ကြီးတစ်မြို့ဖြစ်တယ်။

၁၉၈ဝ ပြည့်နှစ်တွေတုန်းက ဒူတာတီ မြို့တော်ဝန်အဖြစ် တာဝန်ထမ်းဆောင်ချိန်က မူးယစ်
ဆေးဝါး ရောင်းဝယ်သူတွေနဲ့ ဒုစရိုက် သမားတွေ ကျက်စားခဲ့တဲ့ နေရာပေါ့။ အခုအချိန်မှာ
အဲသည်လို မဟုတ်တော့ဘူး။

ဒူတာတီရဲ့ ရာဇဝတ်မှုကို လုံးဝသည်းမခံ ခြင်းနဲ့ အကျဉ်းသားတွေမထားတဲ့ မူဝါဒကြောင့် ဒါဗာအိုမြို့
ဟာ ဖိလစ်ပိုင်နိုင်ငံမှာ အန္တရာယ်အကင်းဆုံး မြို့ဖြစ်တယ်။ လွန်ခဲ့တဲ့ နှစ်ကဆိုရင် ကမ္ဘာတစ်ဝန်း
ကွန်ပျူတာ အချက်အလက်တွေ အသင့်သုံးနိုင်ရန်ထည့် ထားတဲ့ ကြာဘနသ က ဒါဗာအိုမြို့ကို
ကမ္ဘာပေါ်မှာ အန္တရာယ်အကင်းဆုံးမြို့တွေထဲမှာ နံပါတ် ၄ အဆင့်မှာ ရှိတယ်လို့ဆိုတယ်။

''သင်ဟာ ရာဇဝတ်ကောင်၊ သို့မဟုတ် လူဆိုးဂိုဏ်းရဲ့ အဖွဲ့ဝင်တစ်ယောက်အနေနဲ့ ကျုပ်မြို့က
အပြစ်မဲ့ပြည်သူတွေကို ဒုက္ခပေး မယ်ဆိုရင် ကျုပ်မြို့တော်ဝန်ဖြစ်နေတဲ့ ကာလ တစ်လျှောက်လုံး
မှာ လုပ်ကြံခံရဖို့ တရားဝင် ပစ်မှတ်ဖြစ်နေမယ်''လို့ ဒူတာတီက ၂ဝဝ၉ ခုနှစ်က ပြောခဲ့တယ်။

ဒူတာတီဟာ သမ္မတအဖြစ် အရွေးခံရရင် ဒီမူဝါဒမျိုးလိုပဲ ဖိလစ်ပိုင်နိုင်ငံကိုပေးမယ်လို့ ကတိပေး
ထားတယ်။ အခုလည်း သူဟာ သမ္မတရာထူးကိုရဖို့ သေချာသလောက် ဖြစ်နေတယ်။
ရီပတ်ဘလီကန်ပါတီက အမေ ရိကန်သမ္မတ ရွေးပွဲဝင်မယ့် ထိပ်တန်း ကိုယ်စားလှယ်
အသက် ၆၉ နှစ်ရှိပြီဖြစ်တဲ့ ဒေါ်နယ်ထရမ့်လည်း ဒီအတိုင်းပါပဲ။

လူကြိုက်များနေတဲ့ ဖိလစ်ပိုင်သမ္မတလောင်း ရိုဒရီဂို ဒူတာတီကို ဧပြီ ၂၇ ရက်က တွေ့ရစဉ်။လူကြိုက်များနေတဲ့ ဖိလစ်ပိုင်သမ္မတလောင်း ရိုဒရီဂို ဒူတာတီကို ဧပြီ ၂၇ ရက်က တွေ့ရစဉ်။

သာမန်လူထုအကျိုး ရည်မျှော်တဲ့ ဝါဒီ ဒူတာတီလိုပဲ ထရမ့်ဟာ တင်းကျပ်တဲ့ ရာဇဝတ်မှုဆန့်ကျင်
တဲ့ အစီအစဉ်ကို လိုက်နာကျင့်သုံးဖို့ သန္နိဋ္ဌာန်ချထားတဲ့အပြင် လိင်ကိစ္စမှာသူ့ရဲ့စွမ်းပကားကို
အမွှမ်းတင်ခဲ့ပြီး ပုပ်ရဟန်း မင်းကို စော်ကားခဲ့တယ်။

အဲဒီအခါမှာ သူ့အပေါ် လူထုထောက်ခံမှုဟာလည်း မြင့်တက်လာခဲ့တယ်။ထရမ့် လက်ခံထား
တဲ့ ဘယ်အရာမှာမဆို ဆန့်ကျင်ဘက်နှစ်ခုရှိမယ်ဆိုတာ ဒဿနအရ အမေရိကန်နိုင်ငံရဲ့ တန်ခိုး
အာဏာကို အားနည်းအောင်လုပ်နေတဲ့ လူတွေအပေါ် ပြင်းပြင်းထန်ထန် နှိပ်ကွပ်မှာဖြစ်
တယ်။

ဒီတော့ အခြားနိုင်ငံက အခြေစိုက်ဖို့ဝင်လာသူတွေ၊ တရားဝင်သည်ဖြစ်စေ၊ တရားမဝင်သည်ဖြစ်စေ
အထူးသဖြင့် မက္ကဆီကန်နဲ့ မွတ်စလင်တွေဟာ ထရမ့်ရဲ့ အစိုးရလက်အောက်မှာ အခက်အခဲ
တွေနဲ့ ရင်ဆိုင်ရမှာဖြစ်တယ်။

ပထမအနေနဲ့ အမေရိကန်နိုင်ငံထဲသို့ ဝင်လာနိုင်ခဲ့ရင်ပေါ့။ မွတ်စလင်တွေကိုလည်း အကြမ်းဖက်
သမားတွေမဟုတ်ကြောင်း တင်းတင်းကျပ်ကျပ် စစ်ဆေးခြင်းမပြုမီ လုံးဝတားမြစ်ထားမယ်လို့
ထရမ့်က သန္နိဋ္ဌာန်ချထားတယ်။

မက္ကဆီကန်တွေဟာလည်း မက္ကဆီကို-အမေရိကန်နယ်စပ်မှာ ထရမ့်တည်ဆောက်မယ့် တံတိုင်းကို
ကျော်လွှားနိုင်ဖို့လိုတယ်။ဒီတံတိုင်းတည်ဆောက်တဲ့ ကုန်ကျစရိတ် ကိုလည်း မက္ကဆီကိုနိုင်ငံက
ပေးရမယ်လို့ ထရမ့်က ပြောတယ်။

ဒူတာတီရဲ့ တရားဝင်အာဏာပိုင်အောက် မှာ မဟုတ်တဲ့ တရားဥပဒေစိုးမိုးရေးကို ပြည်သူလူထုက
ကွပ်ကဲစီမံသလို (vigilantism) ဒီအတိုင်းအတာတွေဟာ အမေရိကန်နိုင်ငံ သား အတော်များများ
မှာ ဒီဒေသမှာလိုပဲ လူကြိုက် အင်မတန်များနေတယ်။

စင်ကာပူနိုင်ငံဆိုရင်လည်း သူခိုးတွေကို ကြိမ်ဒဏ်အပြစ်ပေးကာ လူသတ်သမားတွေကို ကြိုးပေးပြီး
မလေးရှားနိုင်ငံမှာလည်း ကိုယ်တိုင်အမှတ်အသား တံတိုင်းရှိနေကာ ဂျူးလူမျိုးတွေကို ထိရောက်စွာ
တားမြစ်ထားတယ်။

ဒီတော့ ကျွန်တော့်အနေနဲ့ ကြောင်သူ တော်မဆန်ဘဲ ထရမ့်၊ သို့မဟုတ် ဒူတာတီကို ခဲလုံးတွေနဲ့
ပစ်တာမျိုး မလုပ်ပါနဲ့။ သူတို့ဟာ သူတို့ရဲ့ လူအများစု လိုချင်တာကိုလုပ်ဖို့ ကတိပေးနေတာပဲဖြစ်
တယ်။

ယူကေကို ကြည့်ရင်လည်း အသက် ၅၁ နှစ်ရှိပြီဖြစ်တဲ့ လန်ဒန်မြို့တော်ဝန် ဘိုးရစ် ဂျွန်ဆင်
လတ်တလော သူ့နိုင်ငံမှာ လူကြိုက်အများဆုံး လူတစ်ယောက် ဖြစ်နေတယ်။ သူ့ပါတီခေါင်းဆောင်
ဝန်ကြီးချုပ် ဒေးဗစ်ကင်မရွန်းကို ဆန့်ကျင်တာရယ်၊ ဇွန် ၂၃ ရက်မှာ ကျင်းပမယ့် ပြည်လုံးကျွတ်
ဆန္ဒခံယူ ပွဲမှာ ဥရောပသမဂ္ဂက ဗြိတိန်ထွက်ဖို့ ဗြိတိန်နိုင်ငံသားတွေကို မဲဆွယ်တဲ့ (Brexit)
ဘက်မှာ ဦးဆောင်သူ ဖြစ်နေတာကြောင့် ပိုပြီးတော့တောင် လူကြိုက်များလာတယ်။

ယူကေက ပြန်ရောက်လာခါစဖြစ်တဲ့ ကျွန်တော်ကတော့ ဂျွန်ဆင်ကို ထောက်ခံမှုနဲ့ ဗြိတိန်နိုင်ငံ
ဥရောပမှ ထွက်ခွာရန် တိုက်တွန်း မှုရဲ့ စိတ်ထက်သန်မှုဟာ အကြီးအကျယ် ရင်သပ်ရှုမောလောက်
တယ် ဆိုတာကို ကျွန်တော် အာမခံရဲတယ်။

Brexit ဘက်တွင် ကက်ဘိနက်ဝန်ကြီး ငါးဦးပါဝင်နေရာ ဝန်ကြီးချုပ် ကင်မရွန်းရဲ့ ပါလီမန်အတွင်း
သီးသန့်အဖွဲ့ငယ်ရဲ့ သုံးပုံ တစ်ပုံကျော်ရှိပြီး လူထုဆက်သွယ်ရေး အများစုနဲ့ ဖျော်ဖြေမှုနဲ့ အားကစား
လောကက ထိပ်တန်းပုဂ္ဂိုလ်တွေလည်း ပါဝင်ကြတယ်။

ဒီလူတွေ အားလုံးဟာ ဘရပ်ဆဲလ် အစိုးရထံ အချုပ်အခြာအာဏာ ဆုံးရှုံးမှုနဲ့ အရှေ့ဥရောပက
နိုင်ငံခြားအလုပ်သမားတွေ စုပြုံဝင်ရောက်လာမယ့်အပေါ် စိုးရိမ်မှုတွေကို အသေးစိတ် ရှင်းလင်းပြောကြတယ်။အူထဲအသည်းထဲက ဖြစ်ပေါ်လာတဲ့ ခံစားချက်နဲ့ အတော်ကျယ်ပြန့်နေ
တဲ့ ဥရောပသမဂ္ဂကို ဆန့်ကျင်တဲ့ သဘောထားကိုကြည့်ရင် လူထုသဘောထားစစ်တမ်းတွေကို
ဆန့်ကျင်ကာ မြနထငအ ဘက်က အနိုင်ရသွားနိုင်တယ်။

'ဥရောပသမဂ္ဂက ထွက်ခွာရေး' မဲဆွယ်ပွဲ နိုင်သွားခဲ့ရင် ကင်မရွန်း ဝန်ကြီးချုပ်ရာထူးက နုတ်
ထွက်ရမှာဖြစ်ပြီး ဂျွန်ဆင်ဟာဝန်ကြီးချုပ်နဲ့ ကွန်ဆာဗေးတစ်ပါတီ ခေါင်းဆောင်ဖြစ်လာကာ ပါတီလည်းနှစ်ခြမ်းကွဲသွားမှာဖြစ်ပြီး နောင်လာမယ့်ရွေးကောက်ပွဲမှာ လက်ဝဲယိမ်း လေဘာပါတီကို
ရှုံးသွားနိုင်တယ်။

ဒီအချိန်မှာပဲ ဥရောပ သမဂ္ဂထဲမှာနေလိုကြတဲ့ နိုင်ငံသား အတော်များများရှိနေတဲ့ စကော့တလန်
နိုင်ငံကလည်း လွတ်လပ်ရေးအတွက် နောက်ထပ် ပြည်လုံးကျွတ် ဆန္ဒခံယူပွဲ တောင်းခံမှာဖြစ်တယ်။

ဒီတစ်ခါတော့ သူ အောင်နိုင်မှာဖြစ်ပြီး စကော့တလန်ဟာ ယူကေထဲမှ ထွက်လိမ့်မယ်။ အဲသည်လိုပဲ
ဒီဒေသနဲ့ ဥရောပ၊ ယူကေတို့ အကြား ပင်လယ်ရပ်ခြား ကန်ထရိုက်စာချုပ် တွေ၊ အစီအစဉ်တွေ၊
ခရီးသွားလာမှုဆိုင်ရာ စည်းကမ်းချက်တွေနဲ့ အခြားကိစ္စ မြောက်မြားစွာကို ပြန်လည်ရေးသားပြုစုဖို့
လိုလာ လိမ့်မယ်။

ရုတ်တရက် ကျရောက်တဲ့ ကပ်ဆိုးတွေ မဟုတ်ရင်တောင် ဒါတွေအားလုံးဟာ အရေးပါတယ်။
ဒါပေမဲ့ မြနထငအ လိုလားတဲ့သူတွေ ကတော့ တွန့်ဆုတ်မှာမဟုတ်ဘူး။ သူတို့ရဲ့ အမြင်မှာတော့
အဆိုးရွားဆုံး စိတ်မှန်းအနာဂတ်ဖြစ်နိုင်ခြေဟာ ဥရောပသမဂ္ဂထဲမှာ ဆက်လက်ရှိနေပြီး ဘရပ်ဆဲလ်
အစိုးရရဲ့ သြဇာလွှမ်းမိုးမှုကို ခံနေရတာပဲဖြစ်တယ်။

တခြားနည်းလမ်းကို အကြံပြုမယ်ဆိုရင် ရာဇဝတ်ကောင်တွေကို ကြင်ကြင်နာနာ ဆက်ဆံဖို့ ဒူတာတီ
ကို ဆွဲဆောင်သလို၊ သို့မဟုတ် မွတ်စလင်အတော်များများဟာ သေနတ်တကိုင်ကိုင် အမေရိကန်တွေ
ထက်စာရင် အကြမ်းဖက်မှုနည်းကြောင်း ဒေါ်နယ်ထရမ့်ကို ပြောတာနဲ့တူလိမ့်မယ်။

ကံမကောင်းချင်တော့ ဒီသာမန်လူထု အကျိုးကို ရည်မျှော်တဲ့ ဝါဒီလက်သစ်တွေဟာ အတ္တ
အလွန်ကြီးကြတယ်၊ ကိုယ့်ကိုယ်ကိုယ် ယုံကြည်မှု လွန်ကဲကြတယ်၊ ပြီးတော့ အပေးအယူ
လုံးဝမလုပ်တတ်ကြဘူး။

သူတို့ယုံကြည်တာကတော့ ပုဆိန်ကို မြှုပ်ဖို့အကောင်းဆုံးနေရာဟာ ရန်သူရဲ့ဦးခေါင်းပဲလို့ တွက်ကြ
တယ်။ ဒီတော့ သင်ဟာ လောင်းကစား ဝါသနာပါသူတစ်ယောက်ဖြစ်ရင် လောင်းကြေးငွေရနိုင်တဲ့
(trifecta) နည်းကို စမ်းကြည့်ပါလား။ ဒီနည်းကတော့ ပြိုင်ပွဲတစ်ခုမှာ ပန်းဝင်ကြမယ့်လူတွေ
ကို အစဉ်လိုက် မှန်ကန် စွာခန့်မှန်းပြီး လောင်းတာပဲဖြစ်တယ်။

ဒူတာတီဟာ မေ ၉ ရက်မှာ ဖိလစ်ပိုင် သမ္မတအဖြစ် ရွေးကောက်တင်မြှောက်ခြင်းခံရတယ်။
ဇွန် ၂၃ ရက်မှာ ဥရောပသမဂ္ဂက ထွက်ဖို့ ဗြိတိန်နိုင်ငံ မဲပေးတယ်။ ဂျွန်ဆင်ဟာ ကင်မရွန်းရာထူးကို
ရသွားတယ်။ စကော့တလန် နိုင်ငံဟာလည်း ယူကေက ခွဲထွက်ဖို့ ကြိုးပမ်းလှုပ်ရှားတယ်။

နိုဝင်ဘာ ၈ ရက်မှာ ထရမ့်ဟာ အမေရိကန်သမ္မတအဖြစ် ရွေးကောက်တင်မြှောက်ခြင်း ခံရတယ်။
ဒါတွေအတွက် ပြင်ဆင်ထားကြပါ။ ဒီကိစ္စ ဖြစ်လာနိုင်စရာ အကြောင်းမရှိဘူးလို့ ထင်ရပေမဲ့
ဖြစ်သွားနိုင်တယ်။ါဤဆောင်းပါးသည် ရော်ဂျာမစ်တန်၏ အာဘော်သာ ဖြစ်သည်။

သောင်းညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း